Gritu Povu Podcast

Епизоди

• 
  Amílcar Cabral: Pensamento, Legado y Luta pa Áfrika 14.09.2026 1ч 47мин

  Hoje, 12 di Setenbru, na dia ki ta marka nasimentu di Amílkar Cabral, Gritu di Povu ta faze un live spesial pa refleti sobri si vida, si pensamento y si legadu.Nu ta papia sobri Cabral, Áfrika, identidade, edukason, kultura, konsiensia y luta pa liberdadi, mas também sobri perguntas ki ses ideias ta poi na nos sociedade oji.Kuzê ki Amílkar Cabral ta siginifika pa nos gerason?Kual é valor di ses pensamento na Áfrika di oji?Nu sta ta preserva ou ta perde parti di kel legadu?Es ka é só un lembransa di un figura istóriku. É un konversa pa pensa sobri kenha nu é, undi nu ben y undi ki nu krê bai komu povu y komu Afrikanus.
• 
  Bernardino Gonçalves | Família, Komunidadi y Valoris ki Ta Sustenta Sociedade 29.08.2026 1ч 38мин

  Nu resebe Bernardinu Gonsalvis pa un konversa fundu sobri família, valoris y papel di trabadju komunitáriu na konstruson di un sociedade más forti.Nu refleti sobri inportánsia di família na formason di karáter, edukason di fidjus y estabilidadi sosial. Bernardinu partilha speriénsias di vida y mostra modi ki laçus familiaris fortis pode muda destinu di pessoas y di komunidadis.Nu também papia sobri si dedikason na trabadju komunitáriu, ajudandu kriansas y jovens ta fika lonji di mau kaminhu, kria ambientis más saudávis y da novas oportunidadis pa kelis ki más mesti.Durante konversa, Bernardinu também destaca inportánsia di valorizason di parseru di vida, partikularmenti di si mudjer, rekonhesendu ma un família forti ta ser konstruidu ku respeitu, apoiu mútuu y kumpanhérismu.Es é un konversa ki ta lembra-nu ma mudansa di un sociedade ka kumeça na polítika, ma sim na família, na edukason y na forsa di komunidadi.
• 
  Alkibulanu Bara Baral | Áfrika, Komunidade y Transformason 28.08.2026 1ч 58мин

  Na es episódiu di Gritu Povu Podcast, nu resebe Alkibulanu Bara Baral pa un konversa sobri si trajetória di vida, ses projetus y si forma di odja papel di un jovem na desenvolvimentu di si komunidade.Nu konxi modi ki Áfrika entra na ses percurso, influénsia ki es ligason ten na si forma di pensa y trabadju ki el ten fazedu pa apoia komunidade di Santa Cruz y otus lugaris.Nu papia sobri juventudi, identidade, responsabilidade sosial y inportánsia di kada pessoa da si kontribuison pa konstrui un komunidade más forti.Un konversa di inspirason ku un jovem ki ta mostra ma desenvolvimentu ka ta depende só di grandi instituison: el ta kumeça ku pessoas ki ta skodje sirbi, apoia y transforma si komunidade
• 
  Silvino Moreira | Pamodi Edukason é xavi di Mudansa? 28.08.2026 1ч 46мин

  Nu resebe Silvinu, professor ku más di 31 anu di experiénsia, ki ao longu di si kaminhu forma txeu kriansas y kontribui pa dezenvolvimentu di nos sosiedade.Na es konversa fundu, nu refleti sobri stadu atual di edukason, desafio ki famílias, professores y alunus ta enfrenta, y modi ki edukason pode ser un dos principais instrumentus pa konstrui un sosiedade más justu, más konsienti y más umanu.Além di si trabadju na sala di aula, Silvinu também kontribui pa Kabu Verdi na otus áreas di vida sosial, partilhando experiénsias y sabedoria akumuladu ao longu di dékadas di servisu.Es é un konversa ki ta konvida kada un di nós pa pensa sobri papel di edukason na transformason di pessoas y di sosiedade.
• 
  Elias Ramos | Música ta Muda Sociedade? 10.08.2026 2ч 39мин

  Na es episódiu di Gritu Povu Podcast, nu resebe Elias, un dos grandi baixistas di Kabu Verdi, ki ao longu di si karera dja toka ku inúmerus artistas nasional y internasional.Na es konversa fundu, nu papia sobri intenson di músika, si papel na vida di pessoas y modi ki músika é odjadu na sosiedade di oji.Nu refleti sobri responsabilidade di artistas na formason di konsiensia, mudansas ki ta kontise na indústri di música y impaktu di Inteligénsia Artifisial na kriason artístiku.Un konversa pa tudu kes ki ta gosta di música, kultura y reflexão sobri futuru di arte.Dexa bu komentáriu y partilha bu vizon.
• 
  Habesha Apuuli - Rasta de Rubera - RUBERA ROOTS 10.08.2026 2ч 22мин

  Na es episódiu di Gritu Povu, nu resebe Habesha Apuuli pa un konversa fundu y inspirador sobri Áfrika, ses istória y nos valoris.Nu papia sobri Etiópia, sobri grandeza di nos kontinenti y sobri riqueza di nos sociedade Afrikanu, tantu na pasadu komu na prezenti.Un konversa ki ta leba-nu pa refleti sobri nos identidade, nos konhesimentu y valoris ki nos povus Afrikanu konstrui y preserva ao longu di geraçons.Habesha Apuuli ta lembra-nu ma Áfrika ten un istória di grandeza, sabedoria y resisténsia ki mesti ser konxedu, valorizadu y transmitidu pa novas gerasons.Es é un konversa pa kes ki krê rekoneta ku Áfrika, konprende midjor nos raiz y odja nos kontinenti ku más orgulho, konsiénsia y sentru.Dexa bu komentáriu y partilha bu vizon.
• 
  Wiliam Mendes | Liberdadi, Futibol y Speransa pa Novu Jerason | Gritu Povu #13 24.07.2026 1ч 14мин

  Nu resebe Wiliam Mendes, fundador y mentor di Skola di Futibol Freedom, un projetu sosial ki ta muda vida di txeu jovens y kriansas di komunidádi di Bela Vista.Nu konxi si trajetória di vida, marikadu pa momentus difísil, desafio y superason. Wiliam partilha lison ki vida ensina-l y modi ki es speriénsias ta sirbi komu inspirason pa orienta novas gerasons.Nu papia sobri Skola di Futibol Freedom y misson ki el ten pa forma jovens, ka só dentu di kampu, ma também pa vida. Pa Wiliam, futibol é un meiu di edukason, disiplinu y oportunidadi. Y si un alunu ka konsigi txiga lonji na futibol, el ta fika ku un otu arma fundamental: edukason y konhesimentu.Ao longu di anos, Wiliam já ajuda txeu jovens y kriansas di Bela Vista através di si projetu. Ma pa kontinua ta kresi, el ten mesti di más apoiu pa da más oportunidadis a ses alunus, participa na torneius, faze interkâmbius ku otus ilhas y municípius y alarga impaktu di Freedom.Es é un konversa sobri sonhus, perseveransa, lideransa y poder di un pesoa ki skodje invisti na juventudi.
• 
  Moises Almada | Vida, Valoris y Reflexon sobri Sociedade | Gritu Povu #12 22.07.2026 2ч 5мин

  Na es episódiu di Gritu Povu, nu resebe Moises pa un konversa leve, ma xeu di reflexon, sobri vida, trabadju y valoris ki ta orienta nos sosiedade.Nu papia sobri kaminhu di kada pessoa, inportánsia di trabadju, perseveransa, caráter y modi ki valoris sosial sta muda ku tempu.Más ki un konversa, es é un konviti pa para, pensa y refleti sobri kuzê ki realmente ten valor na vida y tipu di sociedade ki nu krê konstrui.Dexa bu komentáriu y partilha bu vizon.
• 
  DÁ | Escola EPIF - Gritu Povu #11 22.07.2026 2ч 32мин

  Nu resebe Dá, treinador di Skola di Futibol EPIF, pa un konversa sobri futibol, edukason y formason di jovens.Nu papia sobri trajetu di Seleçon Nasional, trabadju di ekipa ki ta sta pá tras di susezu di Tubarons Azuis y impurtánsia di kada pessoa ki ta faze parti di engrenajen di un ekipa.Dá também partilha si experiénsia komu treinador, valoris ki el ta transmiti pa ses alunus y papel di futibol na formason di caráter, disiplinu y responsabilidadi.Más ki un konversa sobri desportu, es é un reflexão sobri lideransa, edukason y konstruson di un gerason más preparadu pa vida.Dexa bu komentáriu y partilha bu vizon.Apoia: https://paypal.me/RADIUGRITUPOVU
• 
  Nene Lopes | Gritu Povu #10 02.07.2026 1ч 59мин

  .
• 
  Nha Balila | Voz, Memória y Identidadi Kabuverdianu | Gritu Povu #09 25.06.2026 1ч 40мин

  Nu resebe Nha Balila, un figura ikóniku di kultura Kabuverdianu, konxedu pa si kontribuison na batuku, finaçon y preservason di nos patrimóniu kultural.Mesmo sendo invisual, Nha Balila nunka dexa ses limitason impedi-l participa ativamente na vida kultural di país. Ao longu di anos, el forma grupus, skrebe ses própriu letra y torna un referénsia na valorizason di identidade Kabuverdianu.Oji, txeu pessoas ta konsidera-l komu un verdaderu "arquivu istóriku pensanti", pa ses konhesimentu, memória y kontribuison pa nos kultura.Un konversa fundu sobri vida, resisténsia, kultura, memória y amor pa Kabu Verdi.Torna Membro di nos Kanal:https://www.youtube.com/channel/UC4rFvCDXim-55g5sMC1W1Ww/join📍Apoia: https://paypal.me/RADIUGRITUPOVUSigi Supreme Overstanding na redes sociais y fika dentu di tudu novidadi, cortes, reflexon y mensajen ku valor pa nos povu.📍 Instagram: https://www.instagram.com/supremeoverstanding📍 Facebook: https://www.facebook.com/supremeoverstanding📍 TikTok: https://www.tiktok.com/@supreme.overstand📍 Radio Gritu Povu: https://www.supremeoverstanding.comPartilha, comenta y fazi parti di es movimentu.#GrituPovu #PodcastCaboverdiano #IdentidadeCaboverdiana #SaudeMental #Familia #SupremeOverstanding
• 
  Rekontra nos Belesa Ancestral | Spiritualidadi y Kultura Afrikanu | Gritu Povu Podcast #08 18.06.2026 2ч 7мин

  Na es episódiu di Gritu Povu Podcast, nu resebe Rony pa un konversa fundu sobri espiritualidadi Afrikanu, dança, estétika, identidadi y o belu ki foi retiradu di povus Afrikanu ao longu di istória.Nu refleti sobri modi ki kolonialismu y narrativas dominanti afeta nos relason ku nos kultura, nos korpu, nos espiritualidadi y nos forma di odja belesa.Na konversa, nu também aborda tradisons espiritual Afrikanu, inkluindu Orixás, Kandomblé y otus formas di expressão espiritual ki fazi parti di patrimóniu cultural y ancestral di diáspora Afrikanu.Un episódiu sobri memória, identifikason, konsiensia y rekoneksan ku nos raiz.
• 
  MLion y Ras Kamarada | Planeta Reggae Kabuverdianu, Uniom y Futuru di Reggae | Gritu Povu Podcast #07 12.06.2026 1ч 35мин

  Na es episódiu di Gritu Povu Podcast, nu resebe MLion y Ras Kamarada pa un konversa inspirador sobri ses trajetória di vida, música y missão dentu di movimentu reggae.Nu papia sobri desafios, aprendizajen y experiénsias ki marka ses kaminhu, y tanben sobri Planeta Reggae, un projetu ki ten komu objetivu uni komunidadi reggae na Kau Verdi através di música, kultura y konsiensia.Durante konversa, nu aborda ses eventus realizadu na Europa, impaktu ki es movimentu ten na komunidade y últimu grandi eventu realizadu na Kau Verdi.Un konversa sobri uniom, kultura, música, identidade y poder transformador di reggae.#GrituPovu #PlanetaReggae #MLion #RasKamarada #ReggaeKabuVerdi
• 
  Senegal, Liderensa y Futuru di Konteneti | Análizi ku Laye Diallo | Gritu Povu Podcast # 06 08.06.2026 2ч 20мин

  Na es episódiu di Gritu Povu Podcast, nu resebe Laye Diallo, panafrikanista, pa un konversa fundu sobri polítika di Senegal, lideransa Afrikanu y futuru di kontinenti.Nu analisa papel di kes principais líderes ki marka istória di Senegal y influénsia ki poténsias stranjeru, spesialmenti França, ten na trajétoria di pais.Nu também papia sobri nesesidadi di Áfrika ganha más autonomia, diminui dependénsia di organisason internasional y fortalece ses própriu instituisons, ekonomia y kapasidadi di desizon.Un konversa fundu sobri soberania, panafrikanismu, lideransa y vizon pa un Áfrika más forti y más independenti.Dexa bu komentáriu y partilha bu vizon.
• 
  Grandis Ansestral Afrikanu [3/4] Gritu Povu #05 28.05.2026 43мин

  Nu papia sobri inportansia di sabi sobri grandis ansestrais Afrikanu.Nu refleti sobri figuras ki até oji ta kontinua ta inspira Afrikanu.Más ki nomis istóriku, es konversa ta mostra ma ancestralidadi também é kontinuidade, resisténsia y konsiensia.
• 
  Spasu Sagradu Afrikanu [2/4] | Gritu Povu #04 14.05.2026 45мин

  Kuz ki é spasus sagradu dentu di tradison Afrikanu? Y pamodi oji é tão inportanti nu rekonstrui nos própriu spasus di pertença, espiritualidadi y ligason ansestral?Na es episódju, nu papia sobri kolonialismu, identidadi, komunidade y nesesidadi di nu reenkontra sagradu dentu di nos kaza, nos terenu, rodas di konversa y komunidades.Un konversa fundu sobri rekoneksan espiritual Afrikanu y resisténsia kultural.Dexa bu perguntas y reflexon na komentárius y fazi parti di es konversa.Dexa bu komentáriu y partilha bu vizon.
• 
  Kuz ki é Ansestralidadyi Afrikanu? [1/4] | Gritu Povu #03 07.05.2026 49мин

  Na episódju 3 di Gritu Povu Podcast, nu entra na un konversa fundu sobri ancestralidadi Afrikanu, afrocentrismu y nesesidadi di poi Áfrika na sentru di nos konsiensia.Kuandu nu ta papia di ancestralidadi Afrikanu, di ki nu sta realmente ta papia? O ki significa odja mundu ku Áfrika na sentru di nos vizon? Modi ki nos ancestrais ta konprende espiritualidadi, sagradu y ligação ku vida?Na es episódju, nu refleti sobri identidadi cultural, spiritualidadi Afrikanu y kel ideia ma ancestralidadi ka é só pasado. É un prezensa viva ki ainda ta influensia nos maneira di pensa, vivi y sinti.Es konversa é apenas un parti di un grandi jornada. Próximus episódjus ta kontinua ta aprofunda más temas sobri konsiensia, kultura, espiritualidadi y transformason.Dexa bu perguntas y reflexon nos komentárius. Bu pergunta podi entra na próximus episódjus di Gritu di Povu Podcast.Inskreve na kanal y fazi parti di es movimentu.
• 
  Dirceu Semedo - Nem Tudu Prizon Ten Gradi | Gritu Povu #02 04.05.2026 1ч 52мин

  Na sigundu episódju di Gritu di Povu Podcast, nu resebe Dirceu (Mendi) pa un konversa fundu sobri prizon perpétua, família, ausência paterna, infánsia na Mérka, identidadi kabuverdianu y transformason pesual.Nu papia sobri modi ki txeu genti ta vivi prezu sen sta na kadeia, inportánsia di prezensa di un pai dentu di kaza, pesu di imigrason, kel verdaderu signifikadu di ser kabuverdianu y kes momentu di virada ki ta muda kompletamenti un vida.Es episódju é un reflexão sobri kura, propózitu, espiritualidadi y libertason interior.
• 
  Identidade, Saúde Mental e Propósito no Povo Africano | Gritu Povu #01 04.05.2026 50мин

  No primeiro episódio do Gritu Povu Podcast, mergulhamos numa conversa profunda sobre identidade, saúde mental, cultura africana e o propósito coletivo do nosso povo. Falamos sobre amor próprio, espiritualidade, desafios das redes sociais e a importância de não esquecer as nossas origens. Este episódio é um convite à reflexão, à cura e à construção de uma nova consciência individual e coletiva.Se procuras conteúdo que te faça pensar, sentir e crescer, este podcast é para ti.