Podcast Haki | حكي علمي وحكيم

Epizode

• 
  شو بصير لما نخسر وحدة من حواسنا؟ 13.05.2026 5min

  بالحلقة التاسعة رح نحكي عن الي بصير بدماغنا اذا خسرنا حاسة أو بطلنا نستخدم شغلة معينة ورح نتعرف على وحدة من الدراسات الي حكتلنا أكثر عن الي بصير بالدماغ على مستوى الخلايا الدقيقة ودور المرونة الدماغية
• 
  Homunculus: خريطة الجسم بالدماغ 04.03.2026 4min

  بالحلقة الثامنة رح نتعرف على خريطة الجسم بالدماغ ومعنى ال Homunculus ووظيفته!
• 
  شو هي التراما؟ 18.02.2026 6min

  بالحلقة السابعة رح نحكي عن التراما من منظور علم الأعصاب، وليش بعض الذكريات بتضل قوية ومزعجة لفترات طويلة. بنشرح كيف الدماغ بيفسّر الحدث الصادم، ودور اللوزة الدماغية والحُصين والقشرة الجبهية الأمامية بوقت الخطر. بنحكي عن كيف التراما بتسبب LTP مبالغ فيه وبتعطّل آليات LTD فبتنحفر الذكرى بشكل غير طبيعي. كمان بنتعرّف على أنواع التراما، وليش الناس بتختلف باستجابتها وتعافيها، وبنعرض دراسة بتوضح كيف الصدمة بتغيّر الشبكات العصبية.
• 
  كيف بتقوى أو بتضعف ذكرياتنا؟ :LTP و LTD 04.02.2026 11min

  بالحلقة السادسة رح نتعمق أكثر جوّا الدماغ لنفهم كيف الذكريات بتقوى أو بتضعف على مستوى نقاط الاشتباك العصبي. رح نشرح مفاهيم ال LTP و LTD ونعرف كيف التقوية طويلة الأمد بتثبّت الذكريات المهمة، وكيف الضعف طويل الأمد بساعدنا ننسى التفاصيل الي مش ضرورية. بهالحلقة رح نتعرف على دور الغلوتاميت، مستقبلات AMPA و NMDA، وأيون الكالسيوم بتشكيل الذاكرة، وبنستعرض دراسة حديثة بتوضح كيف التعلم الحقيقي بصير لما التقوية والضعف يشتغلوا مع بعض.
• 
  كيف بنكوّن ذكرياتنا؟ 21.01.2026 7min

  في هالحلقة الخامسة، رح نتعلم أكثر عن كيف بنكون ذكرياتنا وكيف بننساها وشو الخطوات وأجزاء الدماغ الي بتلعب دور بهدول العمليات ورح نشرح عن شو هي الذكريات بالأساس وكيف بنسترجعها
• 
  كيف دماغنا بكوّن وبعالج المشاعر؟ 07.01.2026 10min

  في هالحلقة الرابعة، من بودكاست حكي علمي وحكيم، بنفهم كيف دماغنا بكوّن وبعالج المشاعر خطوة بخطوة. بنشرح الفرق بين الإحساس وردّة الفعل، وبنغوص في دور اللوزة الدماغية، المهاد، والقشرة الجبهية الأمامية بتنظيم مشاعرنا. من خلال مثال بسيط لسلمى وراما، بنشوف ليش شخصين ممكن يعيشوا نفس الموقف ويحسّوا بمشاعر مختلفة تمامًا. كمان بنتعرّف على مفهوم دوائر التنظيم العاطفي، وكيف خبراتنا السابقة بتأثر على استجابتنا، وبنختم بتقنيات علمية مثبتة بتساعدنا ندرّب دماغنا على تهدئة التوتر وتنظيم المشاعر بطريقة واعية وبسيطة.
• 
  شو هي المشاعر؟ 16.10.2025 6min

  في هالحلقة الثالثة، رح نتعرف على شو هي المشاعر وشو علاقتهم بالفسيولوجيا والدماغ، ورح نحكي عالخفيف عن الأجزاء الي بتلعب دور بمعالجة وتكوين مشاعرنا
• 
  شو هي الناقلات العصبية؟ 08.10.2025 10min

  في هالحلقة الثانية، رح نكتشف شو هي الناقلات العصبية وشو علاقتهم ببعض، ونتعرف على انواعهم واثرهم وكيف بتحكموا بالخلايا. كمان رح نحكي عن علاقة الدوبامين بالتعلم والذكاء الاصطناعي!
• 
  كيف بتحكي الخلايا العصبية مع بعضها؟ 24.09.2025 7min

  في هالحلقة الاولى، رح نكتشف كيف الخلايا العصبية تتواصل مع بعضها عبر الإشارات الكهربائية، ونتعرف على أجزاء الخلية العصبية، الأكشن بوتنشال، والمحاور العصبية. بنستعرض دراسة Hodgkin & Huxley ونربط كل هالأفكار بالذكاء الاصطناعي بطريقة مبسطة.