願聞奇詳｜廣東話Podcast

Episoder

• Ep 4 Save Lily背後隱藏了什麼？｜Save Lily事件 31.05.2026 38min

  一個喺北歐出世、但喺法律上完全『唔存在』嘅細路，究竟係被政府『非法綁架』，定係喺危險入面被救出？當『Save Lily』呢個口號響遍香港網絡，大家見到嘅係一對絕望父母嘅控訴；但翻開英國同瑞典嘅法庭文件，背後隱藏嘅竟然係另一單細路夭折案，同埋一段長達兩年、喺私家車入面『避世』嘅流浪生活。今日我哋就由芬蘭講到瑞典，再講到英國高等法院，拆解呢單震驚移民圈嘅奪女羅生門。《願聞奇詳》係一個以廣東話講述真實奇案、懸案、犯罪事件與心理操控案件的 True Crime Podcast。我哋每個星期二都會更新一集，希望透過呢啲真實案件，大家唔止係聽故事，而係學識提高警覺，保護自己。如果你想繼續聽落去，記得 follow 我哋。歡迎留言話俾我地知你想聽啲咩如果想支持我地，可以買罐罐俾我地既主子🐱https://buymeacoffee.com/heartheweird更多平台：linktr.ee/Heartheweird#SaveLily #兒童保護 #疏忽照顧 #BNO #育兒爭議 #香港父母 #兒童權利
• Ep 3 #17歲少年浮屍與消失的高登神探 | 長洲孭石少年案 25.05.2026 30min

  2015年，一具男浮屍喺南丫島海面被發現。警方最初以為死者係一名「禿頭中年男人」，但真正身份，竟然係一位只有17歲嘅DSE考生——Wesley。佢失蹤前聲稱去長洲宿營，但CCTV只拍到佢獨自登島；原本背住哥哥借出嘅背囊，最後卻變成一個裝有石頭嘅神秘名牌袋；而佢手機內嘅通訊紀錄，更被離奇刪除。#香港奇案 #長洲孭石少年案 #TrueCrime #都市傳說 #高登 #懸案 #Podcast
• Ep 2.3 親人為何會親手殺死彼此？｜北九州監禁殺人事件（下） 18.05.2026 48min

  第三集會講松永太點樣一步步摧毀緒方一家。由最初嘅心理操控、孤立家人、互相監視，到利用恐懼同罪惡感，慢慢將一家人變成只懂服從嘅「奴隸」。最後，甚至發展成親人互相虐待、互相殺害。點解一個普通家庭，會淪落到如此地步？人喺極端控制之下，究竟可以被扭曲成點？今集將深入北九州監禁殺人事件最黑暗、亦最令人不寒而慄嘅部分。
• Ep 2.2 如何一步步摧毀人性｜北九州監禁殺人事件（中） 11.05.2026 35min

  上回講到，恭子成功逃離宮崎（松永太）嘅控制，並向警方供出多年來佢親眼目擊到嘅恐怖畫面。今集，我哋會講下松永太點樣透過羞辱、暴力、恐懼同精神控制，將佢間公司變成一個令人窒息嘅地獄，慢慢摧毀身邊所有人嘅人格同反抗能力。而清志既故事更加令人不寒而慄。
• Ep 2.1 一個少女逃亡後揭發的恐怖世界｜北九州監禁殺人事件 (上) 05.05.2026 28min

  2002年，17歲嘅恭子逃去祖父母屋企求救，佢身上嘅傷同異常行為，慢慢揭開一段被隱藏多年的黑暗。當佢講出事件真相後，警方開始發現，一個充滿控制、監禁同虐待嘅恐怖世界。今集會由呢場逃亡開始，簡單帶你了解呢宗震驚日本嘅連續監禁虐殺事件。
• Ep 1 挖眼殺人魔 Eyeball killer 27.04.2026 34min

  喺 90 年代位於美國嘅達拉斯，街頭出現咗一個令全城女性陷入瘋狂恐慌嘅「挖眼殺人魔」。受害者全部都係性工作者，佢哋唔單止被奪去生命，連對眼，都被人以外科等級嘅精準度完美挖走。當所有線索指向嗰個溫文儒雅、博學多才嘅模範鄰居 Charles Albright 嗰陣，大家先發現，原來最殘忍嘅暴力，往往隱藏喺最體面嘅生活入面。