Die bankroof – ’n vervolgverhaal

Die bankroof – ’n vervolgverhaal

Maroela Media

0

Land Südafrika

Genres Fiktion, Drama

Sprache AF

Folgen 60

Letzte 19.06.2026

Die bankroof, geskryf deur Joe Kleinhans, speel af in Maraisburg, 'n dorpie in die Suid-Kaap, waar 'n ou bank oor 'n naweek beroof word. Die roof herinner aan 'n historiese tonnelroof en bring die gemeenskap in beroering, veral omdat miljoene én die inhoud van sluitkissies verdwyn. Kaptein Van Rooy, reeds oorlaai met onopgeloste sake, moet die ondersoek hanteer terwyl die media en inwoners druk uitoefen. Sy eksvrou, die ondersoekende joernalis Rachel Wolvaardt, arriveer ook en bemoeilik sake verder. Die verhaal ontvou oor 60 episodes en kombineer spanning, misterie en drama.

Folgen

Die bankroof – Episode 1 30.03.2026 10Min.

Daar is ŉ bankroof in Maraisburg. Kaptein Van Rooy besef onmiddellik daar’s ooreenkomste tussen dié bankroof en die een van Standard Bank in 1977 in Krugersdorp. Hy besef die media gaan op die dorp toesak. Waarop hy nie voorbereid was nie, is dat die top- ondersoekende joernalis wat daar opdaag, sy voormalige vrou, Rachel Wolvaardt, is.
Die bankroof – Episode 2 31.03.2026 10Min.

Rachel Wolvaardt doen haar ding, al beteken dit sy meng by ŉ polisie-ondersoek in. Dit ontstel kaptein Van Rooy. Hoe minder Magriet Manders wil glo sy was by die bankroof betrokke, hoe meer dui inligting op die teendeel.
Die bankroof – Episode 3 01.04.2026 10Min.

Dis nou maar een maal hoe die lewe is: Vincent Vogel kry die een oomblik ŉ onverwagse fantastiese aanbod, en die volgende oomblik ontvang hy nuus wat hom byna ŉ hartaanval gee.
Die bankroof – Episode 4 02.04.2026 11Min.

Rachel Wolvaardt en Philip Putter het duidelik nie ooghare vir mekaar nie. Philip besluit dis tyd om die goeie werk wat sy oorlede vrou gedoen het, te laat herleef. Wat doen hy? Wie loop op sy spoor?
Die bankroof – Episode 5 03.04.2026 10Min.

Vincent daag nie by Juliana se prokureur op nie. Sy is baie ongelukkig daaroor en staan hom by sy huis voor. Hulle gee mekaar gas. Iemand nooi vir Vincent speelpark toe met ŉ doel.
Die bankroof – Episode 6 06.04.2026 9Min.

Nettie Neser word lank oor ŉ ene meneer Brown ondervra. Shirley ry om die aand op Kleinbult oor te slaap, maar dit word ŉ uitstappie met ŉ lelike nadraai.
Die bankroof – Episode 7 07.04.2026 10Min.

Wie help Shirley Adams uit haar verknorsing en hoe? Sy en Nettie sit lelik vas. Daar kom ŉ skokkende waarheid op Philip Putter se plaas aan die lig.
Die bankroof – Episode 8 08.04.2026 11Min.

Die knap wyse waarop Koevoet Bruinders gesorg het dat hy op parool vrygelaat word, verstom mense. Die kaptein en Magriet stamp weer koppe. Het die Pauline Manders Hulpfonds en die moord op Fanie Manders enige verband met mekaar?
Die bankroof – Episode 9 09.04.2026 10Min.

Vincent loop hom in ŉ ontstelde Shirley vas en die vonke spat. By wie gaan soek hy troos? Shirley besluit dis tyd om die polisie daadwerklik by te staan.
Die bankroof – Episode 10 10.04.2026 10Min.

Vincent begin om Juliana se sekuriteitstelsel op te gradeer. Maar ná ŉ besoek van die polisie verloop die dag van sleg na slegter. Juliana moet inderhaas haar afsprake kortknip en terugjaag huis toe … en kry ŉ skok.
Die bankroof – Episode 11 13.04.2026 10Min.

Rachel en Philip stamp weer koppe. Die Fanie Manders Hulpfonds saai groot verdeeldheid in die dorp. Daar is iemand wat besluit dié fonds sal ŉ werklikheid word al spat die vonke.
Die bankroof – Episode 12 14.04.2026 10Min.

Kaptein Van Rooy en die joernalis Rachel hou piekniek op die wal van die Canolarivier, maar dis meer as net ŉ onskuldige piekniek. Iemand bied ongevraagd hulp aan om te probeer verseker die Fanie Manders Hulpfonds word ŉ werklikheid.
Die bankroof – Episode 13 15.04.2026 11Min.

As Juliana gedink het haar probleme is agter die rug, is sy verkeerd. Nettie bring die slegte nuus wat Juliana laat rondskarrel. En net toe sy dink sake kan nie erger nie, gebeur die ergste.
Die bankroof – Episode 14 16.04.2026 11Min.

Nettie vat Juliana ná ŉ droefgeestige middag huis toe vir hulle eerste werksessie – dit word ŉ verrassing. Iemand daag by Potpourri op spesiaal om ŉ paar “inkopies” by Nettie te doen. Magriet se dag sluit af met ŉ skok.
Die bankroof – Episode 15 17.04.2026 10Min.

Vincent kry ŉ besoek wat hom heeltemal gooi. Die volgende oggend word hy Kleinbult toe ontbied, en hy kom geskok op Maraisburg terug. Hoekom ry hy met die nuus reguit Potpourri toe?
Die bankroof – Episode 16 20.04.2026 10Min.

Juliana en Vincent vier uiteindelik hulle vennootskap. Koevoet se erfgename ontlok steeds intense bespreking. Die kaptein is duidelik nie gewild nie, want iemand gee hom gas.
Die bankroof – Episode 17 21.04.2026 9Min.

Die burgemeester is op die oorlogspad. Nettie kry ŉ vreemde pakkie om af te lewer. Sy kom op iets af wat haar hewig ontstel … en met rede.
Die bankroof – Episode 18 22.04.2026 10Min.

Philip en Shirley loop mekaar raak. Shirley se senuwees is op hol en sy neem in dié toestand ŉ besluit. Nettie kry ŉ besoek by haar woonstelblok wat haar verras.
Die bankroof – Episode 19 23.04.2026 10Min.

Waaroor loop Philip vir Magriet dié keer storm? Hy moet hulp inroep. Iets wat die burgemeester kwytgeraak het, laat hom wonder. Magriet praat haar mond verby, en dit het gevolge.
Die bankroof – Episode 20 24.04.2026 11Min.

Kyk wie kuier saam met die “piekniekgangers” op die walle van die Canolarivier! ŉ Bekende dorpenaar word daarvan verdink dat hy die bankroof se tonnelsand in die Canolarivier gegooi het. Hoe het Pauline Putter werklik destyds gesterf?

Beliebt in

Dieser Podcast erscheint auch in den Podcast-Charts dieser Länder.

Südafrika