學識開咪

Folgen

• 
  EP68｜女權、DEI 爭啲乜？「左膠」背後嘅政治哲學 22.07.2026 50Min.

  近年由女權、LGBT、DEI，到言論自由、移民政策，幾乎所有社會議題都會被貼上「左膠」「右派」標籤。但究竟左翼同右翼最初係乜？今日仲可唔可以用呢套分類去理解政治？今集邀請好青年荼毒室洪恩，由近期文化戰爭開始，一路追溯到政治哲學最核心嘅概念，重新理解「左」同「右」究竟代表乜嘢。  主持：啟明 嘉賓：好青年荼毒室 洪恩 -- Hosting provided by SoundOn
• 
  EP67｜科技令距離變近，點解仲會掛住以前嘅香港？懷舊、鄉愁與海德格｜學識開咪 EP67 22.07.2026 34Min.

  一講鄉愁，好多人會諗起離鄉別井、移民、旅行、成長地方，或者某些已經返唔到去嘅舊日時光。但鄉愁係咪只屬於離開故鄉嘅人？如果一個人從來冇真正離開過，熟悉嘅街道、店舖、生活方式卻慢慢消失，呢種失落又算唔算鄉愁？ 今集會由文學同哲學角度討論「故鄉」：故鄉唔一定只係一個地點，亦可能係一種生活秩序，甚至係人理解自己從何而來嘅方式。當科技令距離變短，當相片、地圖、社交平台好似可以保存一切，鄉愁係咪就會消失？抑或現代社會愈加速變化，人反而愈容易感到無家可歸？ 主持：Hugo、Leo -- Hosting provided by SoundOn
• 
  EP66｜古代工作更自由？士農工商嘅職場生態 07.07.2026 33Min.

  好多人返工返到攰，都會幻想古代生活冇 KPI、冇升職競爭，但古人真係自由啲，定係佢哋只係面對另一套壓力？今集由「古人點樣返工」講起，重新理解士農工商，古代工作制度，睇吓現代打工仔同古代有咩分別。 主持：Hugo、啟明 -- Hosting provided by SoundOn
• 
  EP64 ｜道家、墨家、海德格點睇技術？科技令人愈來愈唔自由？｜ 07.07.2026 44Min.

  科技係咪只係工具？我哋成日話科技本身冇好壞，關鍵在於人點用；但去到 AI、社交平台、智能電話同工業社會，問題可能冇咁簡單。 今集我哋會由科技哲學講起，討論道家、墨家同海德格點樣理解「技術」呢回事，重新思考科技究竟係幫人類更自由，定係一步步改變我哋嘅生活方式。 主持：Hugo、Leo -- Hosting provided by SoundOn
• 
  EP63｜返工最怕豬隊友惡上司？《易經》教你點樣應對現代職場 16.06.2026 35Min.

  返工遇到困難，好多時唔只係工作本身嘅問題，亦牽涉人事溝通問題。有時同事之間未必配合得好，上司嘅方向可能會改變，團隊入面亦可能出現責任不清、溝通失準、事情愈做愈亂嘅情況。今集我哋會用《易經》，講講點樣幫人判斷處境，思考職場上遇到人事困難時，可以點樣睇清局面，作出更穩妥嘅選擇。 主持：Hugo、獻皿 -- Hosting provided by SoundOn
• 
  EP61｜ AI 形成新數碼鴻溝：老師家長點幫小朋友？ 16.06.2026 28Min.

  小朋友成長於 AI 時代，日常已經接觸到 TikTok 推薦演算法、Snapchat 濾鏡、生成式效果同各種 AI bot。佢哋可能好熟手咁玩 AI，但「識玩」係咪等於真正識用？今集《學識開咪》會由小朋友熟悉 AI 嘅生活情況講起，討論佢哋真正需要嘅輔助，點樣用 AI 培養創意，而唔係只係交功課、搵答案。最後亦會講到老師同家長嘅角色：AI 素養唔可以只靠小朋友自己摸索，需要學識點樣判斷、提問同創作。 主持：啟明、Hugo -- Hosting provided by SoundOn
• 
  EP60｜李白係風流渣男？同杜甫、孟浩然疑似BL？才子私德影唔影響作品？ 26.05.2026 35Min.

  一講李白，好多人會想到詩仙、飲酒、浪遊、任俠同自由。但如果細看佢嘅感情生活同家庭關係，李白又未必完全係一個容易被道德化讚美嘅人物。佢同孟浩然、杜甫之間嘅深厚情誼，常被後人浪漫化 BL 化；佢嘅婚姻、子女同家庭責任，反而較少被討論。今集我哋想評價李白，再問一個更大嘅問題：一個人寫得出偉大作品，係咪就可以令後人淡化佢生活入面嘅缺失？ 主持：Hugo、獻皿 -- Hosting provided by SoundOn
• 
  EP59｜《山海經》係古代 Pokémon 圖鑑？ 怪獸、神獸與未知世界 19.05.2026 37Min.

  今日講怪獸，好多人會諗起 Pokémon 或鹹蛋超人。其實人類對怪獸嘅興趣，唔係現代先有。《山海經》入面早就充滿異獸、神人、奇國同遠方世界。佢唔單止似古代怪獸圖鑑，亦反映古人點樣想像地理邊界、自然災異、神獸象徵同未知世界。今集我哋會由現代怪獸文化講到古代神怪想像，睇吓怪獸點樣連繫地理邊界、自然災異、神獸象徵，以及人類面對未知世界時嘅想像力。 主持：Hugo、Leo -- Hosting provided by SoundOn
• 
  EP58｜AI冇時間感？佢好似活喺過去？記憶、語言、時間錯覺 19.05.2026 31Min.

  點解 AI 有時冇上網，都可以講到好似掌握「最新」資訊？例如問「目前邊個工具最好用？」「最新研究點講？」「而家有咩趨勢？」AI 通常都會用好肯定、好流暢嘅語氣回答，好似真係知道當下發生緊乜事。 但問題係，句子入面嘅「目前」「最新」「現時」，對AI嚟講，可能只係一種語言格式，一種令人聽落好有權威感嘅現在式，但佢未必能夠掌握到時間同知識之間嘅實際關係。 今集我哋由 ChatGPT 嘅時間錯覺講起，討論AI點解咁難理解時間，佢嘅記憶同人類嘅記憶又有咩唔同？人類其實係點樣表達時間？ 主持：Hugo、啟明 -- Hosting provided by SoundOn
• 
  EP57｜《左傳》原來咁 juicy？夏姬真係紅顏禍水？ 19.05.2026 37Min.

  一講《左傳》，好多人會先諗到春秋列國、外交辭令、戰爭同政治判斷，好似好嚴肅、好難入口。但其實《左傳》入面唔止有軍國大事，仲有好多人物故事、私情醜聞、權力糾纏，戲劇性有時真係唔輸後世小說。夏姬就係其中一個最出名、亦最具爭議性嘅人物。圍繞佢嘅故事，唔單止有男女關係，仲牽涉政治風波、國家動盪、道德批評，同古代點樣書寫女性。更重要嘅係，夏姬呢個形象唔止停留喺《左傳》，後來《東周列國志》等改編仲進一步加深咗佢作為「紅顏禍水」嘅印象。 主持：Hugo、獻皿 -- Hosting provided by SoundOn
• 
  EP56｜墨家借屍還魂？由鬼神、技術到道教嘅延續 19.05.2026 39Min.

  有一種講法認為，墨家喺漢代之後唔係真正消失，而係部分滲入民間社會，甚至被後來嘅道教吸收。支持呢種講法嘅人會指出：墨家重鬼神、重技術、重組織、重群眾動員；而後來道教同樣好重符籙、治病、驅邪、勸善同號召力。但兩者相似，究竟係真有承接，定其實只係回應咗相近嘅社會需要？今集我哋想由一個更核心嘅問題開始：鬼神究竟係信仰，定係一種社會技術？ 而所謂墨家消失之後，會唔會其實只係換咗個殼，喺另一套宗教同民間力量入面繼續存在？ 主持：Hugo、Leo -- Hosting provided by SoundOn
• 
  EP55｜《逐玉》粉底液將軍：將軍一定要夠陽剛？古代真係有女兵？ 19.05.2026 30Min.

  中國古裝劇《逐玉》男主角飾演將軍，但因為妝容太精緻、外形太過白淨，被部分觀眾同官媒批評為「粉底液將軍」，認為佢太過陰柔，唔符合傳統武將形象。同時，劇入面亦涉及女性將軍設定：古代女性究竟可唔可以帶兵打仗？今集我哋借呢個爭議問一個更值得傾嘅問題：古代將軍真係一定要粗獷、陽剛、滿面風霜？如果由史書、先秦諸子同兵書返轉頭睇，中國古代對將軍同男性美、甚至對女性從軍嘅想像，會唔會比我哋而家以為嘅更加複雜？ 主持：Hugo、獻皿 -- Hosting provided by SoundOn
• 
  EP54｜文言文竟然係破解AI利器，仲可以慳Token？學古漢語新意義 19.05.2026 23Min.

  一講文言文，好多人會覺得佢離地、過時、只同考試有關。但最近有研究提出一個幾震撼嘅現象：文言文竟然可以成為 AI 安全嘅盲點。2026 年一篇 ICLR 論文指出，文言文因為高度濃縮、表達隱晦，喺某些情況下可以部分繞過大型語言模型嘅安全約束。甚至有人認為改用文言文可以幫大家慳啲 Token 變相使用ai嘅時候會慳錢啲。呢個現象會唔會反而畀到文言文一種新嘅學習意義？ 主持：Hugo、啟明 -- Hosting provided by SoundOn
• 
  EP53｜旗袍係傳統定時裝？漢服風潮與女性主義嘅爭議 19.05.2026 34Min.

  好多人會覺得旗袍代表中國服飾，但近年愈來愈多人質疑：旗袍並唔係傳統漢服。咁究竟乜嘢先算「傳統中國服裝」？同時，亦有人覺得旗袍優雅有現代感，反而更能展現女性地位。今集我哋重新理解旗袍嘅意義，討論何謂漢服？何謂正式服裝？身份同權力點樣影響衣著服裝。 主持：Hugo、獻皿 -- Hosting provided by SoundOn
• 
  EP52｜AI 取代你思考，定亦師亦友? 當 AI 變成第二大腦 19.05.2026 34Min.

  AI 已經唔止係工具，而開始變成我哋嘅「第二大腦」——幫我哋閱讀、思考，甚至了解自己。但當思考可以外判，我哋究竟係變得更自由，定逐漸失去判斷力？今集《學識開咪》，我哋會由閱讀、朋友關係，到自我認識，重新思考 AI 如何改變我哋作為「思考者」嘅角色。 主持：Hugo、啟明 -- Hosting provided by SoundOn
• 
  EP51｜金庸武俠世界藏有《易經》元素？降龍十八掌 凌波微步 係文人想像? 19.05.2026 41Min.

  武俠小說雖然係以打鬥為主，但其實內裏包含咗一種文人想像。金庸筆下嘅武功，例如降龍十八掌、兩儀劍法、凌波微步，其實都同《易經》入面嘅陰陽、變化同秩序有關。今集會同大家一一拆解武俠小說裏面嘅《易經》文化思想及其所反映嘅世界觀。 主持：Hugo、獻皿 -- Hosting provided by SoundOn
• 
  EP50｜禁止小朋友用AI做功課? 追上AI時代又避免濫用? 19.05.2026 29Min.

  好多家長一方面會驚小朋友喺 AI 時代如果唔識用 AI，將來會落後；但另一方面又會驚，如果太早畀小朋友接觸 AI，佢會咩都交畀 AI 做，慢慢變得唔肯思考。家長平時已經夠忙，未必有時間慢慢研究 AI，結果就好容易變成聽得愈多、愈唔知應該信邊一種講法。今集我哋就由家長最可能會問、亦最值得問嘅問題出發，一一拆解。 主持：Hugo、啟明 -- Hosting provided by SoundOn
• 
  EP49｜用AI攻打伊朗？從軍事、法律到日常生活討論 AI 風險 16.03.2026 27Min.

  有報道指出，美軍喺中東軍事行動中使用 Anthropic 嘅 Claude 協助情報分析與戰術模擬。同時，美國國防部與 Anthropic 亦因 AI 喺軍事用途上嘅限制而出現公開爭議。究竟 AI 嘅風險係咩？當AI能力快速提升，安全邊界應該由誰劃定？ 與此同時，BBC 實測示範，透過特定設計，好容易就欺騙咗頂尖AI模型，似乎比起傳統搜尋器更容易受騙。今集我哋會由 Anthropic 嘅安全框架出發，拆解值得深思, 而且已經迫在眉睫嘅真實 AI 風險。 -- Hosting provided by SoundOn
• 
  EP48｜從《夜王》到《九龍城寨》談循環與線性時間觀 香港電影點解咁懷舊？ 16.03.2026 22Min.

  呢一集我哋由《梅艷芳》《九龍城寨》《夜王》等電影出發，思考一個更深層嘅問題：點解香港近年最受歡迎嘅電影，都集體回望舊年代？當一座城市反覆重拍過去黃金歲月，究竟係單純懷舊，定係正在重新理解「時間」本身？由儒法之爭到基督教時間觀，我哋會拆解懷舊復古背後嘅循環與線性時間思想結構。問題唔在於回望，而在於香港仲會唔會再次想像未來？ 主持：Hugo、啟明 -- Hosting provided by SoundOn
• 
  EP47｜馬年其實係指鹿為馬？十二生肖有貓？天干地支又係點 24.02.2026 25Min.

  今年係馬年，但原來生肖唔止係民俗咁簡單，背後牽涉一套好完整嘅時間及文化制度。由天文觀察、到曆法計算、再到國家治理同日常生活。今集我哋想從十二生肖嘅動物講起，介紹十二生肖喺唔同地區同少數民族語境入面點樣被吸收、改寫、甚至出現唔同版本。再介紹相關嘅時間系統 - 天干地支。 主持：Hugo、啟明 -- Hosting provided by SoundOn