Klankgolwe: Weg Stories

Episodios

• 
  48. Wat is cool? Met Toast Coetzer 01.10.2026 11m

  Dis goed om “cool” te wees, maar nie te cool nie. Maar hoe weet jy wanneer jy cool is? Of te cool? Of nie cool genoeg nie?
• 
  47. Om 'n boomhuis te bou. Met Francois Haasbroek 05.04.2025 14m

  Toe jy nog 'n laaitie was, het jy óf 'n boomhuis gehad óf jy wou een hê. Luister hier hoe jy een bou.
• 
  46. As Moeder Natuur haar strip. Met Evan Naudé 18.10.2019 10m

  In ’n mens se jeug vang jy dinge aan waaroor jy nou lag, maar wat jy nie sommer weer wil beleef nie. Evan Naudé onthou ’n kampvakansie toe Moeder Natuur hom deeglik beproef het.
• 
  45. Met 'n Cortina en 'n Gypsey op 'n plaaspad. Met Zigi Ekron 02.10.2019 11m

  Lank voor die eerste boendoe-karavaan bestaan het, het Zigi Ekron se pa met ’n gewone Gypsey gery waar min 4x4’s dit sou waag.
• 
  44. Op die spoor van James Bond. Deur Dana Snyman 01.07.2019 8m

  Om te reis is nie altyd maklik of lekker nie. Soms is dit spanningsvol – soos wanneer jy skool “bunk” om ’n James Bond-fliek te gaan kyk.
• 
  43. 'n Ding wat ruk. Met Evan Naudé 19.06.2019 9m

  Tussen die manne moet jy darem jou manlikheid kan handhaaf, maar dis makliker gesê as gedaan wanneer jy ’n nuwe vaardigheid moet aanleer. Vir die 4x4-groentjie Evan Naudé was dit ’n ruk-ruk ervaring om sy eerste opleiding agter die rug te kry.
• 
  42. Die les van 'n gebore kampeerder. Met Zigi Ekron 05.06.2019 9m

  ’n Mens hoef nie ’n gebore kampeerder te wees nie – jy moet net deeglik kan pak, sê Zigi Ekron.
• 
  41. Die nonne in Etosha. Met Sophia van Taak 17.04.2019 10m

  ’n Non bly ’n effens ongewone verskynsel. Dis soms moeilik om te glo dat hulle ook hou van toer en wildkyk, sê Sophia van Taak.
• 
  40. Die nag van die snorkes. Met Evan Naudé 04.04.2019 10m

  ’n Nag onder die sterre kan heerlik wees, maar dan moet jy die regte geselskap hê. Of oorpluisies, het Evan Naudé uitgevind.
• 
  39. Ken jy die tipe? Met Zigi Ekron 20.03.2019 10m

  Daar is meer as een soort tipiese kampeerder en as jy mooi kyk sal jy hulle om jou raaksien; dalk selfs op jou eie staanplek, sê Zigi Ekron.
• 
  38. Etosha... waar die leeus Afrikaans verstaan. Deur Piet Grobler 06.03.2019 8m

  Piet Grobler, destyds ’n wildbewaarder in Etosha, beweer hy was op sy dag die wêreld se vinnigste man te perd. Só het hy dit reggekry.
• 
  37. 'n Bondige gids vir nie-voëlkykers. Deur Schalk Kotze 20.02.2019 10m

  Vir voëlkykers is daar nie medisyne nie, sê Schalk Kotzé. Daarom deel hy ’n paar wenke met die oog op ’n gelukkige huwelik.
• 
  36. Sweef soos 'n... arend? Met Jaco Kirsten 06.02.2019 10m

  Jy hoef nie baie geld te hê om aan avontuursport deel te neem nie. Die avontuur wat jy kry, is soms net effens anders as wat jy verwag het.
• 
  35. 'Full throttle' op vakansie, Met Sophia van Taak 23.01.2019 11m

  ’n Seevakansie is nie volmaak sonder ’n stukkie vis oor die kole nie. En die kole is nie werklik kole as daar nie ’n paar stories en grappe vertel word nie, glo Sophia van Taak.
• 
  34. Van vele vure. Met Toast Coetzer 12.12.2018 14m

  Almal ken ’n braaivleisvuur, maar wat is ’n staanvuur? Hoe benut jy ’n kookvuur? Wanneer raak ’n braaivuur ’n kuiervuur? Ken jy jou Suid-Afrikaanse vure?
• 
  33. Kersfees kom vroeg in die Diep-Karoo. Deur Dana Snyman 28.11.2018 8m

  Dana Snyman se Datsun Pulsar breek op Oukersaand in die platteland – en hy beleef ’n Kersfees met ’n verskil.
• 
  32 Die nag toe ek blind geword het. Met Jaco Kirsten 14.11.2018 10m

  ’n Geel motorfiets, ’n kronkelrige agterpaadjie, ’n stikdonker nag... en jy’t ’n resep vir moeilikheid. En ’n wonderwerk. Jaco Kirsten vertel.
• 
  Ep.31 Vryheid is 'n fiets. Met Leon-Ben Lamprecht 31.10.2018 11m

  Min dinge is meer sorgeloos as ’n kind op ’n fiets. Onthou jy nog jou eerste fiets, en die eerste keer toe jy jou hande van die handvatsels gehaal het en uitgeroep het: “Ma, kyk!”
• 
  30. Grondpad na 'n gesonde lewe. Met Sophia van Taak 17.10.2018 10m

  Die wêreld gaan net al hoe doller aanhou tol. Jy moet self besluit: Genoeg is genoeg, ek sal moet afrat vir sielsbehoud. Sulke tye is dit goed om ’n slag ’n grondpad te gaan ry.
• 
  29. 'n Tjoppie vir die Tankwa. Deur Gideon Brückner 03.10.2018 9m

  Wanneer die Tankwa-Karoo roep, moet jy antwoord. En wanneer die hunkering na braai só erg raak dat jy rowwe bergpasse aandurf in jou soeke na ’n tjoppie, moet jy weet: Jy het die skoot hoog deur.