OHNI VORWARNIG

Fuess-Lutsch-Cliffhanger 16.07.2026 1t 2min

Fründschafte scho crazy, will eini het Huus und Garte, die ander Chind, die dritt fangt wieder ah studiere und mir wüsset nödemal, obs Geld für de Döner langet. Item, solangs kein Pilz isch simmer happy, und das obwohl d'Marie nöch de Hungersnot isch, weil Herd kaputt. Dafür Mermaid-Party für Long Man, wo bald abreist - aber ALLES GUET, wie d'Marie bisher behauptet. Debi isch sie realistisch und poetisch unterwegs, deswege slidemer into Life-Deepeness mit eigener Identität und redet über Ziel und Träum. Irgendwo zwüsche Philosophie-Studium und Baba Uslender wird die liebe Marie hoffentli emal Schwiizerin. Bitz üebe müemer aber nomal mit grösste See und höchste Berge, aber hauptsach Aromat!!d'Luana hets am Schluss denn übrigens doch no as Frauefeld (SPONSORET EUS) gschafft und Shoutout an die Bern-Boys, dank dene ischs Festival au ohni Backstage en volle Erfolg gsi. De Sound dihei het denn aber nöd gehittet, nödemal zum lätsche hets glanget. Aber für das gaht d'Luana eh lieber uf Bumble, det gits gnueg Gründ zum brüele: Online-Dating wird ein für alle Mal abgeschrieben!! Genauso wie Violett und Bruun. Regeboge klappt denn immerno, und apropos: bald simmer ade Pride in Berlin, also bleibt gespannt - OK byee (muss go Füess wäsche)

Everything is possible 09.07.2026 54min

It's Caliente, Baby! Nach kurzer Einsicht gibt es Aussicht und ein Hoch auf Nächte, wo de Vibe so ume isch, dass nüt usser dich und dini Crew gsehsch, und ebe au nüt anders bruchsch. Und wenn de Frozen Strawberry Daiquiri denn auno fast so hittet wie in Thailand, wirds sicher nüm besser.Apropos reisen: d'Marie hets id Heimat verschlage und deswege reisemer bitz zrugg ih ihri Chindheit, redet über Todesfäll und Verlust, aber au über neu erlernti Verwandtschaftsliebi und wie usem Tod öpis neus chan entstah. Wo mer aber gar nöd uf en grüene Zweig chömet, isch s'Onlinedating und deswege hatemer the Player AND the Game. Will de Luana ihri Brüst sind zwar grande Cinema, aber dehinter steckt es riesigs Herz, wo genau für das wett gliebt werde, Döner oder Shawarma, hin oder her. Katholismus, Katholizismus? Wo mer eus aber ganz sicher einig sind, isch dass d'Luana in Himmel chunt, wegen Bauchgefühl. Bide Marie wirds maybe schwierig, aber die wartet oben ohne en Stock tüüfer. So oder so, glaub ah was und wer du willsch, solangs dich glücklich macht - and never forget: everything is possible!

Das sogenannte Sex-Sandwich 02.07.2026 59min

Theater-Lätsch-Luana entfernt sich emotional nöd nur vo Fleischchäs, sondern au vo ihrem Onlinedating - will zwüsche Buechtitel und Zwei-am-morge-Bootycalls hets leider nonig gfunkt.Keis Problem, will sie wiicht eifach uf Brasilie (oder as Caliente) us, vilicht blibt ja det eine chläbe und sust eifach Wasserglace in Anus, hilft au. Anstatt Love is Blind gaht d'Marie für sexual Attraction in Dark Room, will sie bim schaffe eh nur Ohrwürmer sammlet und irgendwo ide Krise bemerkt, dass Masturbation vilicht d'Lösig isch (währned de Longman ihri Ufgabe erledigt). So oder so: Speak up bim Sex, bauet das Sexspillzüg grad ih und kei Sorg, wenn das mitem Orgasmus nöd jedesmal klappt. Und falls alles nüt hilft, mach eifach Männer hässig, das git zumindest de Marie de absolut Energyboost. Und das obwohl sie zu cool isch für Hobby Horsing während d'Luana ganz sicher nöd uf de ÖV secklet, will sie det öperem chönti begegne wo sie nöd wett - vilicht het sie deswege ja de zweit Weltchrieg verlore. In dem Sinne: SCHNABIG!

Nüüss-Nippel 25.06.2026 1t 1min

Schwatzen und Schwitzen ist angesagt! Bei gediegenen 47 Grad veränderet sich au de Körper und das vorallem in Hiiblick uf Körperflüssigkeite. D'Marie het Monsterböögge und d'Luana chützelet sich mit ihrne Gelnägel zum Nüüss-Marathon und hebt debi ihri harte Nippel. Sonst alles beim Alten, usser, dass Tiktok ahkackt und Insta d'Marie dezue verleitet Vogelmuetter welle si, anes Dancebattle gah und en Fründ finde, wo ihri (nöd taubi) Muetter um ihre Sege bittet. Bewaffnet mit Schwümmschüehli und CAS in Leadership triffsch eus denn demnächst bim Offlinedating, will das mit dene Apps harzt - aber no worries, mir findet no de eint, wo denn hoffentli au eifach Thunfischdip und chalts Bier anstelle vo Rüeblichueche serviert.

Den Dreisten gehört die Welt 18.06.2026 58min

Spray Tan sitzt öpe so wie de Luana ihri Hochziitred und ihri Enttüschig am Singletisch. Mir startet uf jede Fall steil (oder senkrecht ufem Liegestuehl) ine neui Ära: d'Luana isch zrugg im Onlinedating und zeigt sich ehrlich im MTV Shirt, mit Lippencombo und Thunfischmayo-Obsession. De Gianluca het sie so zwar nöd gfunde und au das mit de Sprichwörter üebemer nomal - defür chunt sie aber de Marie (aka little One aka Bubba) ufd Schlichi, wo ihri romantischi Siite mitem Longman entfaltet (WÄ?!).Und wenn die Tarotcharte lüget, denn erziehmer eifach Männer online oder wehret eus aktiv geg de Massetourismus ade Langstrass, solangs det kein Doppelchreisel git. Aber egal ob Frauefeld endlich sponsoret oder Schlüssel legge Red Flag isch: du bist gut genuuuuuug und sicher keine Eintagsfliege!

Wer het gschosse, Bruder? 11.06.2026 1t

FUCK THE HATERS!!!! Started at the Bottom und sitzet immerno zäme ufem Sofa, aber wenigstens im Cougar-Mantel und no mit allne Auge (das war knapp!). Mir liebet eus nach wie vor, und eu au – und damit wird din Lieblingspodcast hüt 26 Folge alt. Er chönnt in Menschejahr zwar nonig laufe, aber wenigstens "schnoogge" und deswege robbet mir eus ganz smooth i eui Frage rund um de Podcast, Dating, Fründschaft, Liebi und das Leben. Zwüsche Shitstorms, Fisting, Bitcoin-Investments, Altersglasseheit, Bubble-Maschine, grosse Lüge und chline Insecurities simmer hüt fast alles, nur nöd ruhig. Und bliibet eus demit meh als treu. Mir stosset mit eu ah uf es ereignisriichs halbs Jahr, uf wiiteri gmeinsami Stunde und wichtigi Erkenntnis – und das alles wie gehabt: ohni Vorwarnig. Und zwar eifach will mers chönnd!

Let it be a Zyklusproblem 04.06.2026 1t 2min

Benito, Baby! Zum Glück, isches nöd s'letzte Mal gsi, wo d'Luana ihre geliebti Bad (but very good) Bunny gseht, sust wär sie jetzt scho more heartbroken than ever. Defür schiebt d'Marie mal wieder Sinneskrise und brucht en höchere Sinn, wo vermuetli nöd dur Klättere chan erfüllt werde. Irgendwo zwüsche „Was mach ich mit mim Läbe“ und „I gotta chill“ git sie sogar bitz zue, dass sie ebe doch echli am crushe isch uf de Long Man. Oder sogar ready für de Atrag, aber eigentlich egal vo wem (this screams THERAPY, giiiirl!). Und wenn nöd Knäckebrot in Schwede, denn sust eifach Currywurst und Spaghetti-Eis als Balsam fürs deutsche Kartoffelherz im "Oder wat". Oder im Zweifel eifach Röstzwieble obedruf, denn isch de Lebenssinn au nüm wiit. Usser die Röstzwieble wänd e offeni Beziehig, denn laufts au trotz steilem Dating-Start nöd – ya no somos ni seremos.

Wer pünktlich ist, ist klar im Vorteil 28.05.2026 1t 1min

Ovulating here we go! D'Marie isch hässig, d'Luana glowt - und macht sich chli Gedanke, wie sie das mit de Traured löst und ob brüelt wird. Hauptsach keis Gschrei, will das sparemer eus für de nächst Striit uf, immerhin wüssemer ja jetzt dass alles gesittet bleibt. Usser du erschiinsch unpünktlich oder suufsch Rhabarberschorle, denn hesch ganz schlechti Charte bide Marie. Sie plant dir aber dini Ferie, während d'Luana Schoggicakes overthinkt und Buebe abschlaht. Uf de Onlinedating-Gossip müender no bitz warte, und wenner d'Luana denn endlich matched, denn bitte nur uf en Apero - und wenn Esse, denn richtig!!!

verschnupft, verfärbt, verhüratet 21.05.2026 55min

Was hät sie nur gmacht, die armi Marie, zum das verdiene? Näbem Comeback vode Fieberblatere wird sie au vo Regeboge-Durchfall heimgsuecht, aber wenigstens isch de Giraff (trotz Haarschnitt) herzig zu ihre. Irgendwo zwüsche WIESO LIEBT MICH NIEMER und GIB BIER UND HALT DIE FRESSE findemer eus im Beauty Treatment wieder und diskutieret über Augebraue, Haarschnide und Selbstbrüüner bis hin zum heiligen Twilight-Baby. Bei Fragen bitte Mail an Luana oder Telefon ad Marie - das übernimmt sie neb de Gaslighting-Hotline übrigens au für eu falls ihr Schiss hend bim Arzt alüte. Uf jede Fall danke für eui Liebe Nachrichte und mir freuet eus uf eui Frage zu Thunfisch-Obsession und Fieberblatere-Creme, Beauty-Trends und Datingtipps. Letzteres aber eigentlich nur wenn ihr genauso wenig mysterious sind wie mir und die Sach selber münd id Hand neh, solang de Workcrush nonig gschriebe oder Bad Bunny nonig aglüte het (aber d'Luana wür ja eh nöd abneh). Salve!Schrib eus es Mail: ohnivorwarnig.podcast@gmail.comFolg eus uf Insta oder TikTok unter @ohnivorwarnig.podcast

Zwüsche zwei Bei und vier Lippe 14.05.2026 56min

Marie treit Bart, Luana Seiten auf Null. Es wird e haarigi Aglegeheit: Im Alter wachset meh Haar ah Stelle wod nöd wetsch und woanderst gheiets us - best of both Worlds. Mir teilet eusi frisch gflochtene Insecurities rund um d'Rasur, Hormonstörige, schwarze Nippelhaar, they/them Babies, Lasere, Wurzelverödig und die immer währende Frage nach de richtige Fraueärztin will mir sind da ja nöd bide fucking Fasnacht. Aber hauptsach es schöns Trummelfell, und de Dude vode Streetparade fänd d'Marie etz mit weniger Kilo sicher au maximal sexy - und das trotz Hobbitfüess und haarigem Arsch. Bliibet uf jede Fall dra, will am Schluss gits no e chlini Premiere und es Disney Happy End mitem Giraff. Und wenner gar nüm wiiterwüsset, then go and eat holes like Tinker the Duck!

Die grossen Mikro-Rebellionen 07.05.2026 1t 5min

De graffleti Chäs het es ganz neus Universum für d'Marie eröffnet - wunderet eu also nöd, wenn sie demnächst überall anerennt, e anderi Unterschrift het und din Hund nöd will streichle. Alles, um de Bünzli-Schwizer en Schnufer z'entlocke. Defür schlüsst d'Luana endgültig mitem Zwiebele-Look ab und posiert vor versteckter Kamera. Apropos Kamera: d'Frag stellt sich, ob sie jetzt ihri gross Liebi vor laufender Kamera in Schwede findet oder villicht doch uf Puerto Rico usbrennt, wo de Christian (latin accent) uf sie wartet. So oder so, fühlet eu big-tits-umarmt💕

Vertrüffelt und gezwiebelschichtet 30.04.2026 1t 2min

SCHÖN händer eus vermisst! Hüt wieder, und zwar fast live, us Winti - zwüsche Todesfäll, Ferie und Beerdigunge. Vor allem aber gahts ums Esse, oder wie man so schön sagt, um die Wurst: d'Luana het de Vegi trotz Versuechig durezoge, d'Marie nöd, aber d'Idee blibt guet und Trüffel isch ja zum Glück vegetarisch. Gnauso wie Chäs, fake Cedric-Grolet-Frücht und Tiktok-Glacé. Carbonara-Croissant blibt bitz fragwürdig, genauso wie nasty Febo us Amsti und de Luana ihri exzessiv Thunfisch-Sucht. Aber bald isch sie eh gfange ufere einsame Insle (hoffentlich!) mit ihrem Zuekünftige, wo sie erotisch us ihrem emotionale Zwieble-look pellt. Physisch muess sie de Look jetzt aber erst no lerne, und zwar in Dublin. Über Hotness vo Poliziste laht sich striite, über die deutsche Bahn definitiv nöd. Aber säget ehrlich: Hoodie mit oder ohni Liibli drunder?

Halts Maul! 16.04.2026 54min

Grusig esse, unpflegti Zäh, ohni Punkt und Komma schnurre: all das git de Luana en Ick in Sachen Dating. Wenn also bi ihre willsch lande, hältsch am besten einfach das Maul – oder bringsch Aprikose und Benjamin-Blümchen-Torte, aber ohni Analsex-Erwartig. Vermuetli hesch eh kei Chance, will d'Marie gaslightet sie fliissig ine philippinischi McDonalds-Hochziit, will en Geburtstag het ja nöd glanget. Dennoch: Selbst ist die Frau, wenns um es Himmelbett gaht. Vorusgsetzt d'Softice-Maschine isch nöd kaputt. Das döfemer au nächst Wuche esse, wo mer en Vegi-Versuech startet – wege umemachende Tuube. Und wenn denn de Shitstorm denn doch no chunnt, sei gewiss: d'Marie hockt im Dschungelcamp und d'Luana wird sowieso berüehmt, solang de Ultraschall wiiterhin guet usgseht.

IT'S ANUS DAY!!! 09.04.2026 57min

Leute mir sägets wies isch: S'Läbe isch astrengend und macht müed, vor allem wenn bald 34i bisch und 100 Prozent musch schaffe (gahts no?!). Aber irgendwo zwüsche Fitnessvorsätz und 17 Magerquark läbt es sich denn glich relativ guet, vor allem mit Ussicht uf Köfte Köfte und es Dreamdate ide Metzgerei. Sogar Campe ligt drin, nur nöd im Zelt, will det chasch nüt gwünne. Und während d'Marie eu mit Zmittag zum mitneh langwiilt, packt d'Luana de Ragebait über Tennis und Golfe us. Aber: mir lönd eus gern eines besseren belehren und eus uf de Golfplatz ilade, vorusgsetzt Daydrinking is included. Bis det ane het d'Marie au de Luana ihri Fuessnägel gschnitte und vilicht sogar ihri Hobbitfüess rasiert, und der Anus isch denn definitiv au frisch gebräunt. Und falls mir abseget, denn wege Mental Health – oder will d'Marie sowohl tot, als au miteme brochene Arm usgwanderet isch für die gross Liebi – oder wege Steuerbetrug. Praise the Fleischchääääs!!!!

Männer, mir bruchet euch! 02.04.2026 1t 5min

Die hüttig Folg findet imene spezielle Rahme statt – und zwar nöd nur, will de Marie ihre hungry ass japanischi Nudelsuppe heroisiert. Nacheme lemonsqueezy iistig über verpassti Haltestelle und Hochziits-Gsang vode Luana, widmemer eus amene Thema, wo aktuell wieder omnipräsent isch: Gwalt gege Fraue. Triggerwarnig a dere Stell! D'Marie chunt nöd nur mit Zahle, sondern mir verzellet vo persönliche Gschichte und no persönlichere Meinige, vo Wuet, Trurigkeit, Angst – aber au vo Hoffnig und Wünsch. Usnahmswiis mal nöd ganz eso lustig, defür umso ehrlicher und vor allem sehr sehr wichtig. Also falls dir das aktuell nöd magsch geh, mega ok. Und wenn Unterstützig bruchsch, mir sind da. Will mir all bruchet sie – vor allem vo Männer wo verstönd, wie stark Feminismus chan sii, wenn sie ihn lebet. Also bliibet hässig und sind lieb mitenand, ihr Süesse. Du weisch nöd, mit wem rede? D'Opferhilf Schwiiz het mehreri Agebot, under anderem d'Hotline 116 016. Unter https://www.opferhilfe-schweiz.ch/de/wo-finde-ich-hilfe/ findsch du pro Kanton verschiedeni Alaufstelle. Stay safe!💕Podcast-Empfehlige: Sophie Passmann: U wie Unschuldsvermutung Salwa Houmsi: ES REICHT! Der Fall Christian Ulmen

Shoppingwuet, Superchind und Sextoys 26.03.2026 1t

Welcome back to Ohni Vorwarnig – oder Kaulitz Hills 2.0! D'Luana gsehnder demnächst im Fischers Fritz am bestfriende mitem Bill . Uf Bern döf d'Marie denn aber au wieder mitcho (apropos: wo, wie, was??)Falls es mit de Fernsehkarriere nöd klappt, blibt eus uf jede Fall de Traum als Hochziitsplanerin oder Detektiv – oder mir diskutieret, schniidet Haar und füllet Wassergläser.Hauptsach nöd müesse shoppe oder talentierti Chinder gse, usser sie wänd eus zueluege bim grusig Zähputze, unhygienisch sii und Sockelöcher ignoriere – oder sie hend herzigi Spinneli mit Näme wie "Pfupf".Und falls ihr d'Luana mal oben ohne ufem Balkon entdecket, bringet selbergmachts Ciabatta-Brot, kaufte Cheesecake oder machet eus en Jingle.Btw: mir sind jetzt au uf Apple Podcast und Youtube. TECHNOLOGIA!!!

Es brodelt und braut 19.03.2026 56min

Es wurde recherchiert! Bevor ihr aber die wichtigst Gschicht ghöret, münd ihr eu no schnell alose, wenn und wie sich d'Luana s'letztmal (hoffentlich) id Hose gschisse het.Danach gahts hurti zum Ursprung vom Bier und let us tell you: Frauen haben es zuerst gebraut. Und sind später deswege teilwis au verbrennt worde. Hex hex! Mir hettet guet i die Zit inepasst, will det hets no kei Technik geh und für eus also au kein Grund zum hässig si. Aber d'Luana macht aktuell eh nüt hässiger als de Song Papaoutai underemne glückliche Reel gseh und au d'Marie het ihri Gründ, ellei im Auto de Radio aschreie oder stampfend im Bett ligge. Aber hey, defür het sie gueti Haar trotz nicht ausgewaschenem Schampoo und isch ned imne Lade igsperrt gsi, wie d'Luana chürzlich. Mir händ aber en Lösig für alli Wuet, und au eui: Lönd sie eifach am Dino use. DÄMLICHDINO FIGGDI!

Fotzig auf dem Frauenkonzert 12.03.2026 52min

Sorry a all wo K.I.Z. oder Konzert-Reviews hasset — will, here we go mit eusem Fangirl-Moment. Aber Berlin isch meh als nur Frauekonzert und Frauekonzert isch vor allem meh als nur Ballerinamänner. Weltfrauentag hat gefetzt mit Glitzer, Girlhood und geiler Mucke. Nüt gege Heavy Metal und merk dir, falls d'Marie wetsch loswerde spill eifach Drum'n'Bass und falls no e Türsteherin bruchsch, d'Luana isch bereits geübt. Berghain bruchts nöd unbedingt und sust stare off mit Svennyboy trotz weissen Sneakers — denn aber doch lieber Köfte Köfte und Döner am 3 am Morge. Demnächst denn Skipiste statt Berlin Tag&Nacht, au zu Schlager wenns muss si. Und falls du DJ bisch meld di bide Luana, falls de DJ Ötzi bisch bide Marie und wenn DJ Bobo bisch denn bö. Free Britney!!!

De Bösewicht im Babyfreeze 05.03.2026 1t 2min

D'Marie findsch a jedere Hundsverlochete, wo sie vermuetlich Männer wegknödlet, bestefalls in Dessous wie ade Swissdinner-Watchparty. Bald denn au so ide Kronehalle, aber nöd d'Marie, sondern d'Luana und de Hafti, wo gmeinsam über d'Marie lästeret während die mitem Maxim s'Zölibat bricht. So oder so, danke für all eui Liebi (wüki!!!) au vom Peter - und schön, sinder mit debi! Im negste Lebe simmer denn adipösi Chatze und Hünd, oder halt Panda und Honigdachs, hauptsach lieber Huso als nervig und irgendwo zwüsche super healthy und Mülleimer. D'Luana nimmt ihres Sandwich bitte ungetoasted und zwüsche Underhose und Vagina entdeckemer eusi versteckte Talent, imene Jahr denn au mit Spagat usem Sprung und Zaubertrick-Ilag. Falls das nöd klappt denn halt Shaolinkämpfer in China, solang mir nöd im Knast landet. Oder SBB Kontrolleur, das isch ja offebar kriminell gnueg. Consensual Hiiwis: De Hafti het die Folg vor eu glost und zuegstimmt.

Grosse Brüste, kleine Brötchen 26.02.2026 59min

Mir startet miteme grosse Talk über d'Liebi zu Fraue und wie mir euse weg zum Girls-Girl hend müesse finde: Nicht verzagen, nach OB fragen! I weles südamerikanische Land mir nächst Jahr reised, luegemer no ah – de Brüeder vom Bad Bunny sött sich uf jede fall warm alegge.D'Marie verzellt vode Swissdinner Ufnahme und devo, wie sie die Wuche nöd in Sport, defür aber steil gange isch inkl. paarmal Bode küsse und Hangover des Todes. Aber no spiraling over here, es ist alles gut! Mir appreciated uf jede Fall chlini und grossi Brüst genau glich. Und dementsprechend isch d'Monstertitte aka Titten-Barra ganz sicher, das Jahr klappts mit de Liebi. Er chunt zwar nöd us Wald, und de Cro wirds au nur imene andere Läbe – aber bis de richtig denn endli um de Egge chunt, holt sie sich eifach Blueme ide Langstrass ab.