Koɗo men hannde

Epizode

• 
  Eɗen njaɓɓii hannde Amadou Bocar Sam DAFF, keertorɗo alhaali ɗanle, e ɓamtaare 03.08.2026 5min

  Ko ɓuri ujunaaji 60 koreeji maroc kewtiino to Ceuta to leydi Espagne, ko maayi e maɓɓe no ɓura 70 e ɗee balɗe fadde maɓɓe e runneede to Maroc. Heewɓe e maɓɓe ko famarɓe. Alhaali oo na fuɗɗa deeƴude to Ceuta e Fnidek caggal balɗe tati nawtirgolɓe e leydi maɓɓe.
• 
  Njaɓɓiɗen hannde ko Dr Mody Ndiaye, ardiiɗo njuɓɓudi Sénégal haɓaydi huutorgol neɗɗanke 30.07.2026 5min

  Hannde ko ñalaande heertanaande haɓugol gollitirgol walla huutorgol neɗɗanke. Hino fawi e miliyonji 27 yimɓe wonaaɓe e gollireede e nduu adunaaru. Ko ɗum holli limoore sakkitiinde OIT, fedde winndere daraniinde gollooɓe. ko saabi oo bone, ko baasal, battane mbayliigu weeyo e kareeli. Afrique no tawa e duuɗe ɗe gollitirgol neɗɗanke ɓuri ɗuuɗude. E ɗii dumunnaaji sakkitiiɗi ɗoo, oo bone no ɓeydo tan,
• 
  Dr Mamoudou Kane, ñawndoowo hakkille, artii e bate mejaaji renndo e hakkilaaji sukaaɓe tokosɓe 29.07.2026 5min

  France, gila 01 lewru 9ɓuru sukaaɓe ɓe heɓaali duuɓi 15 waawata gollirde Mejaaji Renndo. Hooreeɓe leydi ndii ɓami sariya haɗuɗo ɓee fayɓe gollirgol ɗii mejaaji. Ko saabi ngal pellital ko hiwgol hakkille ɓee sukaaɓe, hiwaɓe e cukkanɗe e dow internet wonndude e bowdi saabotoondi duudannde (addiction). Afrique, hay leydi wootiri ɓamaali sariya haɗuɗo sukaaɓe ɓe duumi mun toowaali gollirgol mejaaji renndo, kono ndee toɓɓere fuɗɗaama yewteede e nder leyɗe goɗɗe. E b’iol Dr Mamoudou Kane, ñawndoowo hakkille, bone ɗii mejaaji kesi hino mawni e hakkille ɓee sukaaɓe pamarɓe. Ko kanko woni koɗo men hannde. Himo jaaboo laamnde Ibrahima Timbi Bah...
• 
  Ko Abdoulaye Gonkou Bah, gardiiɗo fedde haɓoore e mbayliigu woni ACOREC, njeewtitten hannde e ko faati e cumuuji mbaɗɗi to Europe e ɗee balɗe 28.07.2026 5min

  Europe, waɗii jonte cumuuji hino jaali e nder leyɗe ɗuuɗuɗe. Ɗum ko wano France e Espagne. Giiteeli no immi, no sunna ladde e cuuɗi. Ektaarji ujune teemede sumii, yimɓe ujune egginaama. Haa hannde, hooreeɓe ɗeen leyɗe ronku waawde dartinde ngee yiite. Ko holɗum saabi ɗii cumuuli? Fii honɗum ardiiɓe ɗee leyɗe Europe ronku huɓindaade ɗi? Mbele kulol no woodi wota sifa ɗii cumuuli layu e leyɗe goɗɗe ɗe wona Europe wano Afrik e duuɓi arooji sabu mbayliigu weeyo? Koɗo men hannde ko Abdoulaye Gonkou Bah, ardiiɗo fedde ACOREC Guinée, haɓoore mbayliigu weeyo. Himo jaaboo laamnde Ibrahima Timbi Bah...
• 
  Woni koɗo men hannde ko Professeur Mamadou Dindé Diallo, taarikayanke mawɗo, cukko hooreejo iniwersite Kankan, e nder Guinée 27.07.2026 5min

  Guinée aadike heɓtugol defte maɓɓe ɗe France jattuno sahaa kolonaaku. Ardiiɓe ndii leydi ƴamii hooreeɓe France jonnitugol ɓe ɗeen winndanɗe. E ɗeen defte ɗe ɓee portooɓe jattuno hino tawa kaamiluure Almamy Samory Touré, haɓunooɗo kolonaaku, wonndude e defte ɗuuɗuɗe ittanooɗe Foutah Djallon. Almaamiiɓe e waliyuuɓe ardinooɓe ngal diiwal winnduno defte hittuɗe e baŋŋeeji nguurndam heewɗi.
• 
  Gourmo Abdoul Lo, luulndiyanke laamu Mauritanie njeewtitten ko faati e jonnde ngenndiire waɗoore e balɗe garooje 20.07.2026 5min

  Mauritanie, Kaaldal walla yeewtere ngenndi fuɗɗoto e ɗee balɗe garooje. Ndee yewtere renndinan hooreeɓe leydi ndii e lunndiiɓe maɓɓe. Ɓee ɗiɗo fottii e toɓɓe haanaaɗe yeewteede e nder ndee jonnde saatiinde. Toɓɓere fawiinde e ɓooyeendi wonndude e limoore manndaa tawetaake e ngal kaaldal. Teddingol hakeeji neɗɗanke, laamu potal, e nunɗal cuuɗi ñaawirɗi ɗii, ko toɓɓe ɓurɗe himmude e ndee yeewtere. Ngam taskagol ngal kaaldal, hiɗen jaɓɓii hannde Prof Gourmo Abdoul Lo, ardiiɗo fedde politik lunndiinde laamu, UFP, Union des Forces du Progrès. Himo jaaboo laamnde Ibrahima Timbi Bah...
• 
  Macky Sall, hooreejo kiiɗɗo Senegal ina fadaa e ndee aljumaare ɗo e Senegal 16.07.2026 4min

  Macky Sall aran Senegal e ndee aljumaare. Oo hooreejo leydi kiɗɗo yiidan e Bassirou Diomaye Faye, lomtiiɗo mo e jappeere laamu. Ngol dawol Macky Sall ko wakutuuji seeɗa tan ɓooyata. Ɓee mawɓe leydi ɗiɗo yewtan ko faati e kandidaaku Macky Sall e yiilorde Dental Adunaaru ONU. Nguu njillu hino waɗde saaho mo alhaali politique Senegal jiiɓi, sabu lurral hakkunde Bassirou Diomaye Faye, ardiiɗo leydi ndii e Ousmane Sonko laatiiɗo hooreejo suudu sarɗinkooru nduu. Ko holɗum saabi ngol garol Macky Sall e oo saaha ɗoo? Haa hannde Senegal jaɓaali bammbude Macky Sall e kandidaaku makko ONU, mbele ɗum wayloto? Koɗo men hannde ko Zakaria Diallo, hertorɗo dawro, wiɗtotooɗo to iniwersite Gaston Berger mo Saint Louis. Himo jaaboo laamnde Ibrahima Timbi Bah...
• 
  Guyaali e sahaa ndarte walla eksamenji e nder Guinee 15.07.2026 4min

  Guinée, guyaale hino heewi ko waɗata saaha ndarte ngenndiije walla eksamenji janngooɓe. Haa hannde, pehe ɗe ardiiɓe jannde leydi ndii ƴetti ɗee, waawaali dartinnde ɗee guyaale. Ko ɗum saabi hikka, yo ɓe nanngu kala janngooɓe e jannginooɓe waɗuɓe guyaale e ɗen ndarte. Ɓe fow, ɓe fawaama junngo ɓe ñaawaama. Woɓɓe e maɓɓe fawaama kaso wonnude e yoɓugol alamaani. Taw si ɗee yagginanɗe haɗan ɗee guyaale ? Mbele ɗee guyaale hino jaali e nder ndii leydi fow ? Ko holɗum woni batte majje e dow jannde ndii leydi? Koɗo men hannde ko Alpha Oumar Baldé, inspekteerjo walla ƴewtotooɗo jannde kiɗɗo e nder guinée. Himo jaaboo laamnde Ibrahima Timbi Bah... 
• 
  Bamako e Alger ina njiɗi wuurtiinde jokkondiral hakkunde maɓɓe. 14.07.2026 5min

  Mali e Algerie no e laawol wurnitugol jokkondiral mun e banŋe diplomasi. Caggal luural ɓurngal hitaande, ɗee leyɗeele ɗiɗi kollitii gartugol ammbasadeeruuji mum en e nder ɗee laamorɗe majje. Wano non kadi, ɗe udditi weeyooji majje uddanooɗi gila ngal lurral fuɗɗi.  Ngal pellital hino feññini anniya laaɓtuɗo ngam wuurtinde gollondiral ɗee leyɗe ɗiɗi, e bi’ol hertorɓe diplomasi. Ɗum non, hayso tawi ngal waɗi saaha nde Mali woni caɗeele ndeenaagu tiiɗe.  Fedde kuliyankoore JNIM e murtuɓe FLA hino hawri ngal háɓugol ardiiɓe Bamako. Hooreeɓe Mali hino tuumuno Algerie wallugol ɗee pelle.    Ngam taskagol oo annuya Mali e Algerie hiɗen jáɓɓii Dr Abdoul Ba ganndo politik. Himo jaaboo laamnde Rama DIALLO...
• 
  E ɓeto kippuuji Afrik e ngoo foolotiro winndere fuku koyngal, eɗen njaɓɓi hannde Alassane Ndiré Diallo, jaayndeyanke heertorɗo coftal-ɓalli 13.07.2026 5min

  Foolotiro fuku-koyngal adunaaru hino jokki. Ɗiɗaɓal timmoode fuɗɗoto janngo. Ko France fottata e Espagne. Faɓɓi-janngo ko Argentine e Angleterre, yerondirta. Hay ɗiɗɗal gootal Afrique heddaaki e ngal foolotiral. E nder kippuuji sappo Afrique tawanooɗi ɗin, 9 feƴƴuɗo 16ɓal timmoode, ɗiɗi feƴƴi 8ɓal timmoode, kippu gooto tawa e 4ɓal timmoode.
• 
  Hiɗen jaɓɓii Amoussoulé Diallo, hertorɗo politik jooɗiiɗo Paris ko taskoo alhaali Marine Le Pen 09.07.2026 5min

  France, suudu ñaawitirdu Paris sokii Marine Le Pen kaso ngo duuɓi tati. Ɗiɗiiji ɗin o lelotaako, gootol ngol o waɗane mullo electronik, no wie bracelet électronique. Oo debbo lunndiiɗo laamu toŋanaama tawegol e suɓeteeɓe hooreyaaku leydi e nder lebbi 15. Suudu ñaawitirdu nduu, googini wonnde oo dawroyankeejo waɗi jiɓuru jawdi saaha nde o wonno to parleman Europe. Marine Le Pen, ardiiɗo fedde dawro fantiyankorde ñaamo, holli waɗan wollitannde ngam fusugol ndee ñaawoore. Sabu ndeen wullitannde sariya no newnanimo tawegol e suɓngooji hooreyaaku arooji e hitaande 2027. Ngam faamugol ndee toɓɓere, koɗo men hannde ko Amoussoulé Diallo, hertorɗo politik jooɗiiɗo Paris. Himo jaaboo laamnde Ibrahima Timbi Bah.
• 
  Ko honɗum woni saabaade ɗii waameeji toɓo e bonnereeji mum hitaande kala? Dr Mamadou Lamine Bah, hertorɗo metewo no jaaboo ngal lamngal 08.07.2026 4min

  Toɓooli e waameeji saabike maayeele heewɗe e nder leyɗe hirnaange Afrik e ɗee balɗe faltiiɗe ɗoo. 59 maayi Côte-d’Ivoire, 34 maayi Ghana, 7 maayi Niger e limoore ardiiɓe ɗeen leyɗe. Kooreeji walla ɓeyngureeji ɗuuɗuɗi boniraama. Sifa ɗii boneeji hino waɗa hitaande kala hayso tawi hikka ɗi yaawi arude. Holko saabii ɗee maayele waɗuɗe e fuɗɗoode nguudunngu ? Hol saabi laamuuji ɗee leyɗe ronku dartinnde ɗii fitinaaji ɗi ilam woni e saabaade ? Koɗo men hannde ko Dr Mamadou Lamine Bah, hertorɗo météo. Himo jaaboo laamde Ibrahima Timbi Bah ....
• 
  GUINEE: hannde hiɗen jaɓɓii Alseyni Farinta Camara ko taskoo ngol cimtol ngol fedde maɓɓe yaltini ko faati e ciwlagol yimɓe 07.07.2026 5min

  Guinée, gila Général Mamadi Doumbouya ari e laamu yimɓe 35 ciwlaama mutina. Ko ɗum holli kawtal, Tournons la Page e nder winndannde yaltinaande e ndee asewere faltiinde . E b’ol waɗuɓe ngoon wiɗto ko hooreeɓe Guinée woni e ciwlaade ɓee yimɓe lunndiiɓe laamu. Ciwlanɗe ɗe acca hay gooto : Hay mawɓe e sukaaɓe no difteede. Ngam taskagol ngolciimtol, hiɗen jaɓɓii Alseyni Farinta Camara, Tournons la Page Guinée. Himo jaɓɓoo laamnde Ibrahima Timbi Bah…
• 
  E alhaali ɓee gollooɓe 6 678, ɓe laamu Guinee riiwi e golle mum en, eɗen njaɓɓi e ndee toɓɓere, Profeseer Alpha Amadou Bano Barry, iniwersiteerjo wiɗtotooɗo, jaagoorɗo Guinée kiɗɗo 06.07.2026 5min

  Guinée, hooreeɓe leydi ndin yaltinii golle, gollanooɓe laamu timmuɓe 6 678. Ɓeen ko gollooɓe maayɓe, gollooɓe accituɓe golle, gollooɓe wonuɓe e salaade yahude ka golle maɓɓe. Ko ɗum guwerneman Guinée holli. Ngal pellital wona ŋalɗinngal. Guyaale kaalisi rewnaaɗe e gollooɓe ɓe wooda, hino mawni e leydi Guinée, ko ɗum holli Profeseer Alpha Amadou Bano Barry, iniwersiteerjo wiɗtotooɗo, jaagoorɗo Guinée kiɗɗo. O yaltinii deftere ko ɓooyaali fawiinde e ndee toɓɓere. E bi’ol makko si ngoo wiɗto jokkitaama gollooɓe ɓe wooda heewɓe yiitete e doggol gollooɓe laamu Guinée. Ko kanko woni koɗo men hannde. Himo jaaboo laamnde Ibrahima Timbi Bah
• 
  Hannde hiɗen jaɓɓii Dr Kabiru Ɗanladi Lawanti, hertorɗo deenaagu ko taskoo alhaali diftago sukaaɓe janngooɓe 02.07.2026 4min

  Nigeria, Kuliyankooɓe diftike janngooɓe 37 e nder janndirde maɓɓe banŋe rewro nayaade fuɗnaange leydi ndin. Siwlagol sukaaɓe janngooɓe no ɗuuɗi ko waɗata Nigeria. Gila hitaande 2014, ko ɓuri 2 400 sukaaɓe janngooɓe ciwlaama e nder ndii leydi. Ko pelle jogiiɗe kaɓirɗe e baale kuliyankooje woni caggal ɗee ciwlanɗe. Hol saabii ɗee diftanɗe ? Hol saabi ko e nderɗii lekolji ɗe ciwlanɗe ɓurte waɗeede ? Ko holɗum ɗum battinta e jannde leydi ndin ? Koɗo men hannde ko Dr Kabirou Ɗanladi Lawanti, hertorɗo deenaagu. Himo jaaboo laamnde Ibrahima Timbi Bah.
• 
  Hiɗen jaɓɓii hannde Aboubacar Sidighi Bah jeyaaɗo GUINEE ko taskoo oo alhaali ngayngu hoɓɓe e nder Afrik du Sud 01.07.2026 5min

  Afrique du Sud, ko ujune ujune yimɓe seppi hankin e nder ca’e ɗuuɗuɗe e nder ndii leydi.Ngoon seppo ko ngam raɗagol Afriknaaɓe wonuɓe e ndin leydi tawa ɓe jogaaki kaydi . Waɗilebbi pelle sosiyete siwil Afrique du Sud hino dari ngam raɗagol ɓeen ɗanniiɓe . Sabu ngolkulol e fitinaaji wanaaɗi e faweede e maɓɓe, timmuɓe ujune 25 iwdi Ghana, Nigeria, Malawi eZimbabwe, hootiino e leyɗe maɓɓe. Ngam taskagol ngurndam Afriknaaɓe jooɗiiɓe Afrique duSud, hiɗen jaɓɓii Aboubacar Sidighi Bah, iwdi Guinée jooɗiiɗo Johannesburg ko ɓadii duuɓisappo. E bi’ol makko koko hulɓini woni e waɗude Afrique du Sud. Heɗoɗen mo e faanduhaala Ibrahima Timbi Bah...
• 
  Hannde hiɗen jaɓɓii HAMOUSSOULE DIALLO hertorɗo dawro ko taskoo ngal lurral dipolomasi hakkunde France e Burkina-Faso 30.06.2026 4min

  Burkina Faso, dartini gollidal hakkune maɓɓe e France ko faati e diplomasi. Konunkooɓe ardiiɓe Burkina Faso holli ɓe waawa hankadi gollidude e France sabu ardiiɓe ndiin leydi hino dari bonongol nafooje maɓɓe. Konnguɗi ɗi Paris nantini ala ko fawi. Ɓooyi gollidal hakkunde France e Burkina Faso hino ŋakki. Kono ko holɗum saabi ngal ceerngal e o saaha ɗoo? Holfirti dartingol gollidal hakkune leyɗe ɗiɗi e banŋe diplomasi? Ko holɗum ɗum battinta e ɓiɓɓe ɗee leyɗe ɗiɗi? Ngam taskagol ngal lurral hiɗen jáɓɓi hannde Hamoussoulé Diallo, hertorɗo dawro. Himo jaaboo laamnde Ibrahima Timbi Bah
• 
  Ko Boussouriou Diallo, daraniiɗo hakkeeji neɗɗanke, ƴettoowo konngol fedde Guinée daraniinde CPI, woni koɗo men hannde 29.06.2026 4min

  Gila ñannde 18 lewru 6ɓuru hitaande 2027, haray Niger tawaaka e nder Suudu Ñaawirdu Winndere CPI. Konunkooɓe ardiiɓe Niger mbaɗani Dental Adunaaru ONU winndannde ngam maandingol ndeen eɓɓoore. Ko saabi ngal pellital e bi’ol maɓɓe ko waasde CPI waɗugol golle moƴƴe e huutorgol nduu suudu.
• 
  Hannde hiɗen jaɓɓii Amadou BAH, hertorɗo oogirɗe ardiiɗo fedde nde wonaa laamuyankoore noddirteende " Action Mine" 25.06.2026 4min

  Guinée toŋi yaltingol kanŋe ɗe honcinaaka walla waylaaka e nder leydi ndin. Ko ɗum Mamadi Doumbouya, hooreejo Guinée nantini e ndee yontere faltiinde. E bi’ol makko, ɓe moƴƴini mbaaylari honcinirndi kanŋe. Ko Nimba Gold Refinery woni innde mayri, ndi udditete e ɗee jonte arooje. Faandaare makko, ko yo oo miliyon 2 e 240 onces kanŋe aseteeɗo Guinée,honcine e nder ndii leydi, ngam ɓamtaare faggudu mayri. Ko holɗum e nafoore ngal pellital jogani leydi Guinée ? Mbele hingal waawi laataade ? Koɗo men hannde ko Amadou Bah, hertorɗo oogirɗe. Ko kanko ardii fedde nde wona laamuyankoore, Action Mines Guinée. Amadou Bah, hino jaaboo lamnde Ibrahima Timbi Bah...
• 
  Koɗo men hannde ko Dr Fabilou heertorɗo dawro, jannginoowo to iniwersite N’Gaoundéré, Cameroun 23.06.2026 5min

  RD Congo, yimɓe laamu hino e laawol waylugol doosngal leydi ndin. E bi’ol maɓɓe, ɗum ko ngam semmbingol juɓɓule dawla RDC. Huunde nde yimɓe sosiyete siwil e lunndiyankooɓe njeddi. Kamɓe hiɓe holli wonndema yidde ardiiɓe leydi ndii, ko wallugol Félix Tshisekedi, heɓugol mannda tataɓo.