DAGHE ARIA - Podcast in lingua veneta — Podcast

# 31 - Fare el marcà 15.06.2026 1j 27mnt

I anbułanti, cuełi che co eł banco fa el marcà. Vita dura e sodisfasion. Ne ła bełisima location de Prato della Valle a Padova, ga ciapà in man i microfoni Alberto (La Gina, abbigliamento donna) da Camponogara (el paese co el terso canpaniłe pi alto del Veneto!), Alessandro (Scarpe par tuti) da Chioggia (VE), Diego (Mali Camicie) da Legnaro (PD), Matteo (Bellostile, abbigliamento intimo) da Vescovana (PD) e Nick e Davide (Davide Stocco Calzature) da Marcon (VE). E special guest Tatla (Stock donna)! Tanto caldo, tanta roba da dire, ma anca tanto da bèvare che no manca mai par rinfrescarse!Ideà, scrito e portà vanti da Herman Medrano (a parte sta volta cuà)!Se te pensi de fare un łavoro particołare, aver un hobby strano, o na pasion da contarghe a'l mondo, scrivi a daghearia@gmail.com e vien fare el podcast.Vaghe drio a łe pajine Instagram e Facebook.Struca el boton co ła canpaneła so Spotify o ISCRIVITI de YouTube par restare ajornà co' vien fora na puntata nova.

# 30 - Herman Medrano intervistà da Maddalena 01.06.2026 1j 41mnt

A sto colpo me fioła e me mojere ga ciapà el controło de ła puntata, e dopo che łe ga parecià un poche de domande Maddalena me ga fato na intervista.Ideà, scrito e portà vanti da Herman Medrano (a parte sta volta cuà)!Se te pensi de fare un łavoro particołare, aver un hobby strano, o na pasion da contarghe a'l mondo, scrivi a daghearia@gmail.com e vien fare el podcast.Vaghe drio a łe pajine Instagram e Facebook.Struca el boton co ła canpaneła so Spotify o ISCRIVITI de YouTube par restare ajornà co' vien fora na puntata nova.

# 29 - Formatori e consułenti aziendałi, anca deti business coach. 18.05.2026 1j 54mnt

Ghe ze un mondo de roba da studiare e capire par łavorare mejo co cołeghi e dipendenti, par far mejo serti procesi che in azienda se dà par scontà, dai laboratori a el vèndare: se połe farse jiutare da profesionisti. Formasiòn, ajornamenti, benesere al łavoro e consułenze ze na spinta pa far 'ndare vanti ben tuti i mecanismi dentro anbienti produtivi, magazini, ufici e diresion. Grasie a Silvia Zanatta e Andrea Moretto che me ga ospità in casa par ste do orete de ciàcołe veramente presioze! Ideà, scrito e portà vanti da Herman Medrano.Se te pensi de fare un łavoro particołare, aver un hobby strano, o na pasion da contarghe a'l mondo, scrivi a daghearia@gmail.com e vien fare el podcast.Vaghe drio a łe pajine Instagram e Facebook.Struca el boton co ła canpaneła so Spotify o ISCRIVITI de YouTube par restare ajornà co' vien fora na puntata nova.

# 28 - El coriere 04.05.2026 1j 29mnt

Fare el coriere de sti jorni ze deventà un laoro inportante. Tuto cueło che esiste riva casa co uno de sti omani. Ma ghe ze tante maniere de movarse. Federico e Marco in BRT fa robe difarènti, e Mike in SDA pare venjere da naltro mondo. Fare sta vita ze na mision, un raporto speciałe co Dio, e ło ciàmi e te ło nomini onji jorno.Se te pensi de fare un łavoro particołare, aver un hobby strano, o na pasion da contarghe a'l mondo, scrivi a daghearia@gmail.com e vien fare el podcast.Vaghe drio a łe pajine Instagram e Facebook.Struca el boton co ła canpaneła so Spotify o ISCRIVITI de YouTube pa' restare ajornà co' vien fora na puntata nova.

# 27 - Vìvare a Ciòsa pt. 2 20.04.2026 56mnt

Seconda parte de łe dò. Continua ła ciacołada co Giovanelo, Ettore e Mario, dopo che el Loris ne ga łasà a metà serata. Par davero, ghe ze tanta altra roba che podevino dire, ma el tenpo de na intervista ze poco. Magari ghe ne femo n'altra ła prosima stajòn. Ste do puntate ze sta solo un asajo, faremo mejo ła prosima volta, grasie fiòłi.Se te pensi de fare un łavoro particołare, aver un hobby strano, o na pasion da contarghe a'l mondo, scrivi a daghearia@gmail.com e vien fare el podcast.Vaghe drio a łe pajine Instagram e Facebook.Struca el boton co ła canpaneła so Spotify o ISCRIVITI de YouTube par restare ajornà co' vien fora na puntata nova.

# 26 - Vìvare a Ciòsa pt. 1 13.04.2026 1j 8mnt

Prima parte de dò. So stà puntata njente bar, ma so sta ospità casa de el Giovaneło. E co Ettore, Mario e Loris gavemo parlà de Ciòsa e Sottomarina: storia, abitudini, abitanti, economia, łavori e robe curiose che soło i ciosóti e marinanti veri poł conosare. E ze venjùa fora mondo bèn. 🤣Se te pensi de fare un łavoro particołare, aver un hobby strano, o na pasion da contarghe a'l mondo, scrivi a daghearia@gmail.com e vien fare el podcast.Vaghe drio a łe pajine Instagram e Facebook.Struca el boton co ła canpaneła so Spotify o ISCRIVITI de YouTube par restare ajornà co' vien fora na puntata nova.

# 25 - Idraulici 30.03.2026 1j 41mnt

# 25 - IDRAULICO Puntata crocante a liveło esponensiałe. Daniełe & Daniełe, idraulici da cantiere e anca par łe case, ne ga contà in fià de storie so un lavoro che xe deventà co el tenpo tanto conplicà, e un poche de asurdità che ghe ze capità girando par łe case.Semo stà ospità dal bar Verso Spiriti e Sapori de Vigonovo (VE)Se te pensi de fare un łavoro particołare, aver un hobby strano, o na pasion da contarghe a'l mondo, scrivi a daghearia@gmail.com e vien fare el podcast.Vaghe drio a łe pajine Instagram e Facebook.Struca el boton co ła canpaneła so Spotify o ISCRIVITI de YouTube par restare ajornà co' vien fora na puntata nova.

# 24 - Fare el fonico 16.03.2026 1j 31mnt

Puntata sfisioza, justa justa pa métare in ciàro un poche de robe so un mondo abastansa sconosùo, fare el fonico (a i concerti dal vivo e anca in studio). Dal sound check a smontare l'inpianto e portarlo in magazin, na vita de robe che pare fasie se viste da fora.Un poche de ciàcołe schersoze, ma njanca tanto, co Kavallo, el fonico de Herman Medrano & Groovy Monkeys, e Stefano Pivato fonico uficiałe dei Rumatera.Semo stai ospitài dal NoShoes Recording Studio in Arin del Dolo (VE).Se te pensi de fare un łavoro particołare, aver un hobby strano, o na pasion da contarghe a'l mondo, scrivi a daghearia@gmail.com e vien fare el podcast.Vaghe drio a łe pajine Instagram e Facebook.Struca el boton co ła canpaneła so Spotify o ISCRIVITI de YouTube par restare ajornà co' vien fora na puntata nova.

# 23 - I veterinari 02.03.2026 1j 42mnt

ATENSION: DA MARSO PODCAST OGNI 15 JORNI.Episodio # 23 pien de curiosità so na profesion de cui se conose poco poco, ma che ga na preparasion granda. Dałe cure de i animałi da conpanja a cuełi da alevamento, da łe dermatiti del gato a cueło che tira fora el sperma del toro! Beh, bon ascolto.Grasie a Ambra e Michele (rispetivamente presidente e revisore dei conti de l'ordine de i veterinari de Padova) che ne ga dà tante informasion utiłi par el benesere de łe nostre bestiołe.Grasie al pub irlandese Conamara de Padova (TV) par averne ospità.Ideà, scrito e portà vanti da Herman Medrano.Se te pensi de fare un łavoro particołare, aver un hobby strano, o na pasion da contarghe a'l mondo, scrivi a daghearia@gmail.com e vien fare el podcast.Vaghe drio a łe pajine Instagram e Facebook.Struca el boton co ła canpaneła so Spotify o ISCRIVITI de YouTube par restare ajornà co' vien fora na puntata nova.

# 22 - I frutarołi: vita in botéga de fruta e verdura 23.02.2026 1j 21mnt

Vita in botéga de fruta e verdura, ma anca prima de rivare in botéga. Tuti i discorsi so na profesion che no ze par njente na pasejata: tirarse su presto, portare via al mejo preso i prodoti, butàre in furgòn łe merci, descargàre baso tuto e métare aposto ła roba in botéga. Tuto col soriso e ła profesionałità de chi manda vanti na atività che ze ancòra sentrałe nei nostri paesi.Grasie a Thomas e Andrea che ne ga spiegà calche trucheto pa insernìre e tegnére mejo in casa serti prodoti.Grasie anca al Bar Nuovo Portico a Ramon de Loria (TV) par averne ospità.Ideà, scrito e portà vanti da Herman Medrano.Se te pensi de fare un łavoro particołare, aver un hobby strano, o na pasion da contarghe a'l mondo, scrivi a daghearia@gmail.com e vien fare el podcast.Vaghe drio a łe pajine Instagram e Facebook.Struca el boton co ła canpaneła so Spotify o ISCRIVITI de YouTube par restare ajornà co' vien fora na puntata nova.

# 21 - Fare el cuoco 16.02.2026 1j 39mnt

Fare el cuoco no pensavo che fuse un laoro difisiłe e cusì tanto conplicà. E tanto spietà, de sacrifisi, rinunce, inpegni e boconi amari da butare baso. Ze un mondo de robe che no se finise mai de inparare, e anca a sto giro devo ringrasiare i ospiti par tute łe informasiòn ghe ze saltà fora: Francesco da Codevigo (PD), cuoco par HUMAMY e Radames, cuoco e titołare de "Antica trattoria da Valencia" a Casałe de Scodosia (PD).Anca sta puntata no ghe ze un sponsor, ma se calcheduni voesse finansiare sto podcast...semo cuà!Ideà, scrito e portà vanti da Herman Medrano.Se te pensi de fare un łavoro particołare, aver un hobby strano, o na pasion da contarghe a'l mondo, scrivi a daghearia@gmail.com e vien fare el podcast.Vaghe drio a łe pajine Instagram e Facebook.Struca el boton co ła canpaneła so Spotify o ISCRIVITI de YouTube par restare ajornà co' vien fora na puntata nova.

# 20 - Slam poetry, gare de poesia 09.02.2026 1j 15mnt

El Slam Poetry, vałe a dire łe gare de poesia. Ma na gara che no ze na gara, fata fra poeti che no ze proprio come te imajni, e poesie che no ghe someja a quełe che te ghe inparà a memoria. Anca a sto giro go portà casa na sporta de robe so un mondo de artisti un fià particołari. E cosa ghe sarà mai de stran so na sfida a colpi de poesia? Beh, tanta roba. Ai microfoni Elena e Sofia, ospiti alla Birraria ai Giardini de Cittadella (PD).Ideà, scrito e portà vanti da Herman Medrano.Se te pensi de fare un łavoro particołare, aver un hobby strano, o na pasion da contarghe a'l mondo, scrivi a daghearia@gmail.com e vien fare el podcast.Vaghe drio a łe pajine Instagram e Facebook.Struca el boton co ła canpaneła so Spotify o ISCRIVITI de YouTube par restare ajornà co' vien fora na puntata nova.

# 19 - Academia de ła Bona Creansa – Academia de ła Łengua Veneta® 02.02.2026 1j 41mnt

Visto che 'sto podcast el ze scrito e parlà a'l 95% in veneto, me pareva na beła idea far parlare i esperti in materia. E chi se non el presidente de l'Academia de ła Bona Creansa, Mocellin Alessandro, e un tradutor che łavora anca co'l veneto, Lunardon Andrea de Venetrad?Grasie a'l Ristorante Birreria Monaco de Rossan (VI) par el manjare e le bire.Ideà, scrito e portà vanti da Herman Medrano.Se te pensi de fare un łavoro particołare, aver un hobby strano, o na pasion da contarghe a'l mondo, scrivi a daghearia@gmail.com e vien fare el podcast.Vaghe drio a łe pajine Instagram e Facebook.Struca el boton co ła canpaneła so Spotify o ISCRIVITI de YouTube par restare ajornà co' vien fora na puntata nova.

# 18 - Ła botega dei surgełati 26.01.2026 1j 15mnt

Łavorare so na botega che vende soło surgełati, come Marella e Manuel. Frescheto d'istà, frescheto d'inverno, cea frigorifara, frigorifari, jasso... insoma, tuto cuéo che serve par star ben!!!Semo stai ospitai Dai Braders a Castelfranco Veneto (TV).Ideà, scrito e portà vanti da Herman Medrano.Se te pensi de fare un łavoro particołare, aver un hobby strano, o na passion da contarghe al mondo, scrivi a daghearia@gmail.com e vièn fare el podcast.Vaghe drio ałe pajine Instagram e Facebook.Struca el botòn co ła canpaneła su Spotify o ISCRIVITI de YouTube par restare ajornà cuando vien fora na puntata nova.

# 17 - Vìvare fora dal Veneto 19.01.2026 1j 34mnt

Go aprofità de Matteo e Fabio, che jera tornà casa pa e feste de fine ano, par farge justo calche domanda e capire mejo come se vive da emigrài a Dublino/Londra e Amsterdam.Ła ghemo tirà longa na ora e meza, ma me so tanto godesto!Semo stai ospitai dal Ekidna Wine Bar de Tombelle de Vigonovo (VE)Ideà, scrito e portà vanti da Herman Medrano.Se te pensi de fare un łavoro particołare, aver un hobby strano, o na passion da contarghe al mondo, scrivi a daghearia@gmail.com e vièn fare el podcast.Vaghe drio ałe pajine Instagram e Facebook.Struca el botòn co ła canpaneła su Spotify o ISCRIVITI de YouTube par restare ajornà cuando vien fora na puntata nova.

# 16 - I prof dełe medie 12.01.2026 1j 25mnt

Episodio dedicà esclusivamente ai prof dełe medie.Ospiti de sta puntata do preparatissimi docenti de reijòn e musica, Daniele e Damiano.Qualche ciacoła so sto mondo scołastico, come xe articołà e quanto xe complicà mandarlo vanti.Vista da fora pare na roba fassie, però...Semo sta ospitài da el Mastiff Bar de Reschigliano de Campodarsego (PD).Ideà, scrito e portà vanti da Herman Medrano.Se te pensi de fare un łavoro particołare, aver un hobby strano, o na pasion da contarghe al mondo, scrivi a daghearia@gmail.com e vièn far el podcast.Vaghe drio ałe pajine Instagram e Facebook.Struca el botòn co ła canpaneła su Spotify o ISCRIVITI de YouTube par restare ajornà cuando vien fora na puntata nova.

# 15 - Ómani e fémene - Episodio 3 de 3 05.01.2026 1j 5mnt

PUNTATA NATALIZIA - Episodio 3 di 3 - Terso e ultimo episodio de el speciałòn natałisio! Rałentài dal proseco ma stimołai dal Campari, naltra ora de ciàcołe, fra riflesiòn profondisime e grandisime casade! Se ste 3 puntate ve ga intrigà, łassé un messajo cuà soto e vedémo de organizarse a Pasqua par farghene naltra! Magari co aperitivo e publico de amissi!Grasie a Katia (me mojere) par ogni roba, e a Maddalena (nostra fiòla) par el suporto terapeutico a sti do jenitori poco normài.Grasie a Giorgia e Livio che se ga prestà a sto esperimento de basa psicologia ospitàndone a casa sua in cuel di Borbiago de Mira (VE).Ideà, scrito e portà vanti da Herman Medrano.Se te pensi de fare un łavoro particołare, aver un hobby strano, o na pasion da contarghe al mondo, scrivi a daghearia@gmail.com e vièn far el podcast.Vaghe drio ałe pajine Instagram e Facebook.Struca el botòn co ła canpaneła su Spotify o ISCRIVITI de YouTube par restare ajornà cuando vien fora na puntata nova.

# 14 - Ómani e fémene - episodio 2 de 3 29.12.2025 1j 3mnt

PUNTATA NATALIZA - episodio 2 de 3 - Seconda parte dełe tre del speciałone natałisio, episodio proprio fora dai standard de sto podcast. Altre domande strane, altre risposte da parte dełe done e dei òmani. Mezo itałiàn, mezo veneto.Iutài dal proseco e dal Campari (ma anca el Select no mancava, e se sente...) se ghemo inpirà in discorsi che no dovevimo, portando casa par miracoło n'altra puntata!Grassie a Giorgia e Livio che ne ga ospità in cuel de Borbiago de Mira (VE).Ideà, scrito e portà vanti da Herman Medrano.Se te pensi de fare un łavoro particołare, aver un hobby strano, o na pasion da contarghe al mondo, scrivi a daghearia@gmail.com e vièn far el podcast.Vaghe drio ałe pajine Instagram e Facebook.Struca el botòn co ła canpaneła su Spotify o ISCRIVITI de YouTube par restare ajornà cuando vien fora na puntata nova.

# 13 - Ómani e fémene - episodio 1 de 3 22.12.2025 1j 5mnt

PUNTATA NATALIZA - episodio 1 de 3 - Sta volta na roba da voltarse via, come se deve fare ogni tanto! Do òmani e do fémene a confronto, e casualmente semo anca do copie! Un poche de domande, ma anca tanto freestyle. Conplici proseco e Campari, ghemo fato 3 ore e 45 minuti de puntata. E deso come se fa? Ła tajemo in tre e via, durante łe feste ve faremo fare do sganassade co łe nostre bueàde. Dopo tornaremo pi seri...forse!Grassie a Giorgia e Livio che ne ga ospità in cuel de Borbiago de Mira (VE).PS: se Campari volesse fare da sponsor podèmo parlarghene, femo na seconda edission a Pasqua!Ideà, scrito e portà vanti da Herman Medrano.Se te pensi de fare un łavoro particołare, aver un hobby strano, o na pasion da contarghe al mondo, scrivi a daghearia@gmail.com e vièn far el podcast.Vaghe drio ałe pajine Instagram e Facebook.Struca el botòn co ła canpaneła su Spotify o ISCRIVITI de YouTube par restare ajornà cuando vien fora na puntata nova.

# 12 - Ingenjeri chimici: dałe scoase ai disinfetanti! 15.12.2025 1j 12mnt

Ingenjeri chimici, dałe scoase ai disinfetanti, pasando pa łe creme de bełèsa, rivando ai PFAS. Ogni roba xe chimica, ogni prodoto va pensà, fato, testà e smaltìo in maniere difarenti, e da drio ghe xe senpre un ingegnere chimico. Te pare poco?Grassie a Alessandro e Alberto che se ga prestà a schersare so un argomento cusì particołare.Semo stai ospiti del Black Lotus pub a San Martin de Lupari (PD)Ideà, scrito e portà vanti da Herman Medrano.Se te pensi de fare un lavoro particołare, aver un hobby strano, o na pasion da contarghe al mondo, scrivi a daghearia@gmail.com e vièn fare el podcast.Segui e pajine Instagram e Facebook.Struca el botòn co ła campaneła su Spotify o ISCRIVITI de YouTube par restare ajornà cuando vien fora na puntata nova.