SBS Punjabi - ਐਸ ਬੀ ਐਸ ਪੰਜਾਬੀ

Episode

• 
  ਵਿਕਟੋਰੀਆ ਦੇ ਡੌਕਲੈਂਡਜ਼ ਵਿੱਚ ਆਉਣ ਵਾਲਾ 'ਲਿਟਲ ਇੰਡੀਆ' ਕਿਉਂ ਘਿਰਿਆ ਵਿਵਾਦਾਂ ਵਿੱਚ? 05.08.2026 10mnt

  ਮੈਲਬੌਰਨ ਦੇ ਡੌਕਲੈਂਡਜ਼ ਵਿੱਚ ਪ੍ਰਸਤਾਵਿਤ 'ਲਿਟਲ ਇੰਡੀਆ' ਪ੍ਰੀਸਿੰਕਟ ਆਪਣੀ ਸ਼ੁਰੂਆਤ ਤੋਂ ਪਹਿਲਾਂ ਹੀ ਵਿਵਾਦਾਂ ਵਿੱਚ ਘਿਰ ਗਿਆ ਹੈ। ਇਸ ਯੋਜਨਾ ਦਾ ਉੱਦੇਸ਼ ਭਾਰਤੀ ਸੱਭਿਆਚਾਰ ਅਤੇ ਕਾਰੋਬਾਰ ਨੂੰ ਉਤਸ਼ਾਹਿਤ ਕਰਨਾ ਹੈ, ਪਰ ਕੁਝ ਸਥਾਨਕ ਵਸਨੀਕਾਂ ਦਾ ਮੰਨਣਾ ਹੈ ਕਿ ਇਸ ਲਈ ਰੱਖੀ ਗਈ ਰਕਮ ਨੂੰ ਰਿਹਾਇਸ਼ੀ ਘਰਾਂ ਦੇ ਨਿਰਮਾਣ 'ਤੇ ਖਰਚ ਕੀਤਾ ਜਾਣਾ ਚਾਹੀਦਾ ਹੈ। ਇਸੇ ਦੌਰਾਨ, ਡੈਂਡੇਨੌਂਗ ਦਾ ਮੌਜੂਦਾ 'ਲਿਟਲ ਇੰਡੀਆ' ਬਾਜ਼ਾਰ ਵੀ ਆਪਣੀ ਪਛਾਣ ਅਤੇ ਭਵਿੱਖ ਨੂੰ ਲੈ ਕੇ ਚੁਣੌਤੀਆਂ ਦਾ ਸਾਹਮਣਾ ਕਰ ਰਿਹਾ ਹੈ। ਸੁਣੋ ਇਸ ਪੋਡਕਾਸਟ ਵਿੱਚ ਇਸ ਪੂਰੇ ਵਿਵਾਦ ਅਤੇ ਇਸ ਨਾਲ ਜੁੜੇ ਵੱਖ-ਵੱਖ ਪੱਖਾਂ ਬਾਰੇ।
• 
  ਖ਼ਬਰਨਾਮਾ: ਮੈਲਬਰਨ ਦੀ ਡਿਫੈਂਸ ਕੰਪਨੀ ’ਤੇ ਅੱਗਜ਼ਨੀ ਦੀ ਜਾਂਚ; ਆਸਟ੍ਰੇਲੀਆ ਅਤੇ ਭਾਰਤ ਤੋਂ ਅਹਿਮ ਖ਼ਬਰਾਂ 05.08.2026 5mnt

  ਮੈਲਬਰਨ ਦੀ ਇੱਕ ਡਿਫੈਂਸ ਮੈਨੂਫੈਕਚਰਿੰਗ ਕੰਪਨੀ ’ਤੇ ਹੋਏ ਹਮਲੇ ਨੂੰ ਅੱਤਵਾਦੀ ਕਾਰਵਾਈ ਵਜੋਂ ਜਾਂਚਿਆ ਜਾ ਰਿਹਾ ਹੈ। ਗਾਜ਼ਾ ਵਿੱਚ ਤਕਰੀਬਨ ਤਿੰਨ ਸਾਲ ਪਹਿਲਾਂ ਮਾਰੇ ਗਏ 112 ਫਲਸਤੀਨੀਆਂ ਦਾ ਸਮੂਹਿਕ ਅੰਤਿਮ ਸੰਸਕਾਰ ਕੀਤਾ ਗਿਆ ਹੈ। ਇਸ ਦੌਰਾਨ ਆਸਟ੍ਰੇਲੀਆਈ ਸਰਕਾਰ ‘ਵਿਧਵਾ ਟੈਕਸ’ ਵਜੋਂ ਜਾਣੇ ਜਾ ਰਹੇ ਨੈਗੇਟਿਵ ਗੀਅਰਿੰਗ ਦੇ ਅਣਚਾਹੇ ਪ੍ਰਭਾਵ ਨੂੰ ਦੂਰ ਕਰਨ ਲਈ ਕਦਮ ਚੁੱਕ ਰਹੀ ਹੈ। ਜੈਟਸਟਾਰ ਅਗਲੇ ਸਾਲ ਤੋਂ ਓਵਰਹੈੱਡ ਲਾਕਰ ਵਿੱਚ ਕੈਰੀ-ਆਨ ਬੈਗ ਰੱਖਣ ਲਈ ਯਾਤਰੀਆਂ ਤੋਂ ਵੱਖਰੀ ਫੀਸ ਵਸੂਲੇਗਾ। ਇਸ ਤੋਂ ਇਲਾਵਾ ਸਾਈਬਰ ਧੋਖਾਧੜੀ, ਪੰਜਾਬ ਦੀਆਂ ਵੋਟਰ ਸੂਚੀਆਂ ਅਤੇ ਆਸਟ੍ਰੇਲੀਆ ਦੀ 2026 Census ਨਾਲ ਜੁੜੀਆਂ ਖ਼ਬਰਾਂ ਵੀ ਅਹਿਮ ਹਨ। ਇਸ ਤੋਂ ਇਲਾਵਾ ਅੱਜ ਦੀਆਂ ਹੋਰ ਅਹਿਮ ਖ਼ਬਰਾਂ ਲਈ ਸੁਣੋ ਇਹ ਪੌਡਕਾਸਟ।
• 
  ਪਾਕਿਸਤਾਨ ਡਾਇਰੀ: ਬਿਲਾਵਲ ਭੁੱਟੋ ਦਾ ਦੋਸ਼, PML-N ਨੇ ਦੂਜੇ ਪੜਾਅ ਵਿੱਚ ਵੀ 'ਵੋਟਾਂ ਲੁੱਟੀਆਂ' 05.08.2026 7mnt

  ਪਾਕਿਸਤਾਨ ਪ੍ਰਸ਼ਾਸਿਤ ਕਸ਼ਮੀਰ ਵਿੱਚ ਚੋਣਾਂ ਦੇ ਦੂਜੇ ਪੜਾਅ ਤਹਿਤ 2 ਅਗਸਤ ਨੂੰ ਮੁਜ਼ੱਫਰਾਬਾਦ ਡਿਵੀਜ਼ਨ ਦੇ ਅੱਠ ਹਲਕਿਆਂ ਅਤੇ 12 ਸ਼ਰਨਾਰਥੀ ਹਲਕਿਆਂ ਵਿੱਚ ਵੋਟਿੰਗ ਹੋਈ। PPP ਦੇ ਚੇਅਰਪਰਸਨ ਬਿਲਾਵਲ ਭੁੱਟੋ-ਜ਼ਰਦਾਰੀ ਨੇ PML-N ’ਤੇ ਚੋਣਾਂ ਵਿੱਚ ਵੋਟਾਂ ਲੁੱਟਣ ਦੇ ਦੋਸ਼ ਲਗਾਏ ਹਨ। ਸੁਰੱਖਿਆ ਕਾਰਨਾਂ ਕਰਕੇ ਤਿੰਨ ਪੜਾਵਾਂ ਵਿੱਚ ਹੋ ਰਹੀਆਂ ਚੋਣਾਂ ਦਾ ਆਖਰੀ ਪੜਾਅ 10 ਅਗਸਤ ਨੂੰ ਪੂੰਛ ਡਿਵੀਜ਼ਨ ਵਿੱਚ ਹੋਵੇਗਾ। ਇਸ ਪੌਡਕਾਸਟ ਵਿੱਚ ਪਾਕਿਸਤਾਨ ਨਾਲ ਜੁੜੀਆਂ ਹੋਰ ਅਹਿਮ ਖ਼ਬਰਾਂ ਵੀ ਸੁਣੋ।
• 
  Listen to the full SBS Punjabi radio program - ਸੁਣੋ ਐਸ ਬੀ ਐਸ ਪੰਜਾਬੀ ਦਾ ਪੂਰਾ ਪ੍ਰੋਗਰਾਮ 05.08.2026 44mnt

  In the latest episode of the SBS Punjabi program, catch up on all the latest happenings in the Punjabi community across Australia and around the world. From the latest news to a new investigation revealing how many users of offset accounts, originally designed to reduce interest costs, ended up paying extra instead. Don’t miss our exclusive interview with ‘dubbing wizard’ and Pakistan-based comedian Sajjad Jani. This episode also features successful restaurateur and chef Amar Singh, who shares the secrets behind running a thriving business. To enjoy all this and some fun banter in Punjabi, click the audio button. - ਐਸ ਬੀ ਐਸ ਪੰਜਾਬੀ ਦੇ ਇਸ ਪ੍ਰੋਗਰਾਮ ਵਿੱਚ ਤਾਜ਼ਾ ਖ਼ਬਰਾਂ ਦੇ ਨਾਲ-ਨਾਲ ਆਸਟ੍ਰੇਲੀਆ ਅਤੇ ਦੁਨੀਆ ਭਰ ਵਿੱਚ ਵੱਸਦੇ ਪੰਜਾਬੀਆਂ ਨਾਲ ਜੁੜੀਆਂ ਦਿਲਚਸਪ ਗੱਲਾਂ ਸੁਣੋ। ASIC ਦੀ ਨਵੀਂ ਰਿਪੋਰਟ ਰਾਹੀਂ ਜਾਣੋ ਕਿ ਲੋਨ ਦਾ ਵਿਆਜ ਘਟਾਉਣ ਲਈ ਵਰਤੇ ਜਾਂਦੇ ਆਫਸੈੱਟ ਅਕਾਊਂਟ ਦੀ ਸਹੀ ਵਰਤੋਂ ਨਾ ਹੋਣ ਕਾਰਨ ਕੁਝ ਲੋਕ ਲੋੜ ਤੋਂ ਵੱਧ ਵਿਆਜ ਕਿਉਂ ਦੇ ਰਹੇ ਹਨ। ਇਸ ਤੋਂ ਇਲਾਵਾ, ਸਾਡੇ ਹਫ਼ਤਾਵਾਰੀ ਸੈਗਮੈਂਟ ‘ਅਖਾਣ ਕਹਾਣੀ’ ਵਿੱਚ ਭੁੱਲੇ-ਵਿਸਰੇ ਪੰਜਾਬੀ ਅਖਾਣਾਂ ਦੇ ਪਿਛੋਕੜ, ਅਰਥ ਅਤੇ ਉਨ੍ਹਾਂ ਨਾਲ ਜੁੜੀਆਂ ਕਹਾਣੀਆਂ ਬਾਰੇ ਜਾਣੋ। ਲਹਿੰਦੇ ਪੰਜਾਬ ਦੇ ਮਸ਼ਹੂਰ ਕਾਮੇਡੀਅਨ ਅਤੇ ‘ਡੱਬਿੰਗ ਦੇ ਜਾਦੂਗਰ’ ਸੱਜਾਦ ਜਾਨੀ ਨਾਲ ਖ਼ਾਸ ਗੱਲਬਾਤ ਸੁਣੋ ਅਤੇ ਮੈਲਬਰਨ ਵਿੱਚ ਕਈ ਭਾਰਤੀ ਰੈਸਟੋਰੈਂਟ ਚਲਾਉਣ ਵਾਲੇ ਸ਼ੈੱਫ ਅਮਰ ਸਿੰਘ ਤੋਂ ਉਨ੍ਹਾਂ ਦੀ ਸਫਲਤਾ ਦੇ ਸਫ਼ਰ ਅਤੇ ਗੁਰਾਂ ਬਾਰੇ ਜਾਣੋ। ਨਾਲ ਹੀ, ਪੰਜਾਬੀ ਸੰਗੀਤ ਅਤੇ ਹੋਰ ਦਿਲਚਸਪ ਗੱਲਬਾਤਾਂ ਦਾ ਆਨੰਦ ਲਓ।
• 
  6 ਸਾਲਾਂ ਬਾਅਦ ਮੁੜ ਹੋਵੇਗੀ ਰੀਯੂਨੀਅਨ, 'ਯਾਰ ਜਿਗਰੀ ਕਸੂਤੀ ਡਿਗਰੀ' ਲੈ ਕੇ ਆ ਰਹੀ ਹੈ ਪੁਰਾਣੀਆਂ ਯਾਦਾਂ 05.08.2026 11mnt

  2018 ਵਿੱਚ ਵੈੱਬ ਸੀਰੀਜ਼ ਵਜੋਂ ਸ਼ੁਰੂ ਹੋਈ "ਯਾਰ ਜਿਗਰੀ ਕਸੂਤੀ ਡਿਗਰੀ" ਹੁਣ 7 ਅਗਸਤ ਨੂੰ ਫਿਲਮ ਦੇ ਰੂਪ ਵਿੱਚ ਸਿਨੇਮਾਘਰਾਂ ਵਿੱਚ ਦਸਤਕ ਦੇ ਰਹੀ ਹੈ। ਐਸ ਬੀ ਐਸ ਪੰਜਾਬੀ ਨਾਲ ਖਾਸ ਗੱਲਬਾਤ ਦੌਰਾਨ ਪੁਖਰਾਜ ਭੱਲਾ ਅਤੇ ਹਸ਼ਨੀਨ ਚੌਹਾਨ ਨੇ ਦੱਸਿਆ ਕਿ ਛੋਟੇ ਪੱਧਰ ਤੋਂ ਸ਼ੁਰੂ ਹੋਇਆ ਇਹ ਸਫ਼ਰ ਅੱਜ ਵੱਡੇ ਪਰਦੇ ਤੱਕ ਪਹੁੰਚਣਾ ਪੂਰੀ ਟੀਮ ਲਈ ਮਾਣ ਵਾਲੀ ਗੱਲ ਹੈ ਅਤੇ ਇਹ ਦਰਸ਼ਕਾਂ ਦੀ ਵੀ ਜਿੱਤ ਹੈ। ਕਾਲਜ ਟਾਈਮ ਦੀਆਂ ਯਾਦਾਂ ਅਤੇ ਗੱਲਾਬਾਤਾਂ ਲਈ ਸੁਣੋ ਇਹ ਪੂਰੀ ਇੰਟਰਵਿਊ।
• 
  ਆਸਟ੍ਰੇਲੀਆ ਵਿੱਚ ਭਾਰਤੀ ਮੂਲ ਦੇ ਸੋਸ਼ਲ ਮੀਡੀਆ ਕਰੀਏਟਰਾਂ ਖ਼ਿਲਾਫ਼ ਨਸਲਵਾਦੀ ਟਿੱਪਣੀਆਂ ਵਿੱਚ ਵਾਧਾ 04.08.2026 14mnt

  ਆਸਟ੍ਰੇਲੀਆ ਵਿੱਚ ਭਾਰਤੀ ਪਿਛੋਕੜ ਵਾਲੇ ਕਈ ਸੋਸ਼ਲ ਮੀਡੀਆ ਕਰੀਏਟਰਾਂ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੀਆਂ ਵੀਡੀਓਜ਼ ਹੇਠ ਨਸਲਵਾਦੀ ਅਤੇ ਅਪਮਾਨਜਨਕ ਟਿੱਪਣੀਆਂ ਵਿੱਚ ਵਾਧਾ ਹੋਇਆ ਹੈ। ਪਰਥ ਦੀ ਫਰਟੀਲਿਟੀ ਡਾਇਟੀਸ਼ੀਅਨ ਗੁਰਨੀਤ ਕੌਰ ਅਤੇ The Dhillon Diaries ਦੇ ਪ੍ਰੀਤਮਪਾਲ ਸਿੰਘ ਤੇ ਬੌਨੀ ਢਿੱਲੋਂ ਨੇ ਐਸ ਬੀ ਐਸ ਪੰਜਾਬੀ ਨਾਲ ਆਪਣੇ ਤਜਰਬੇ ਸਾਂਝੇ ਕੀਤੇ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਗੁਮਨਾਮ ਜਾਂ ਬੌਟ ਅਕਾਊਂਟਾਂ ਕਾਰਨ ਇਸ ਸਮੱਸਿਆ ਨਾਲ ਨਜਿੱਠਣਾ ਮੁਸ਼ਕਲ ਬਣ ਗਿਆ ਹੈ। ਆਸਟ੍ਰੇਲੀਅਨ ਹਿਊਮਨ ਰਾਈਟਸ ਕਮਿਸ਼ਨਰ ਗਿਰੀਧਰਨ ਸ਼ਿਵਾਰਾਮਨ ਸੋਸ਼ਲ ਮੀਡੀਆ ਕੰਪਨੀਆਂ ਤੋਂ ਵਧੇਰੇ ਜ਼ਿੰਮੇਵਾਰੀ ਅਤੇ ਸਰਕਾਰ ਤੋਂ ਸਖ਼ਤ ਨਿਯਮਾਂ ਦੀ ਮੰਗ ਕਰ ਰਹੇ ਹਨ। ਕਰੀਏਟਰ ਕਿਸ ਤਰ੍ਹਾਂ ਕੁਝ ਹੱਦ ਤੱਕ ਆਪਣਾ ਬਚਾਅ ਕਰ ਸਕਦੇ ਹਨ, ਜਾਣੋ ਇਸ ਆਡੀਓ ਵਿੱਚ।
• 
  ਖ਼ਬਰਨਾਮਾ: ਜੀਨਾ ਰਾਈਨਹਾਰਟ ਨੂੰ ਨਿਸ਼ਾਨਾ ਬਣਾਉਣ ਵਾਲੇ ABC ਕਾਮੇਡੀ ਸੈਗਮੈਂਟ ਦੀ ਉਪ ਪ੍ਰਧਾਨ ਮੰਤਰੀ ਮਾਰਲਸ ਵੱਲੋਂ ਨਿੰਦਾ 04.08.2026 4mnt

  ਆਸਟ੍ਰੇਲੀਆ ਦੇ ਉਪ ਪ੍ਰਧਾਨ ਮੰਤਰੀ ਰਿਚਰਡ ਮਾਰਲਸ ਨੇ ABC ਦੇ ‘ਰੇਸ ਅਰਾਊਂਡ ਦ ਵਰਲਡ’ ਪ੍ਰੋਗਰਾਮ ਵਿੱਚ ਪ੍ਰਸਾਰਿਤ ਜੀਨਾ ਰਾਈਨਹਾਰਟ ਨੂੰ ਨਿਸ਼ਾਨਾ ਬਣਾਉਣ ਵਾਲੇ ਵਿਵਾਦਿਤ ਕਾਮੇਡੀ ਸੈਗਮੈਂਟ ਦੀ ਨਿੰਦਾ ਕੀਤੀ ਹੈ। ਸੈਗਮੈਂਟ ਵਿੱਚ ਰਾਈਨਹਾਰਟ ਖ਼ਿਲਾਫ਼ ਹਿੰਸਾ ਨਾਲ ਜੁੜੇ ਗ੍ਰਾਫ਼ਿਕ ਅਤੇ ਵਿਵਾਦਿਤ ਹਵਾਲਿਆਂ ਨੂੰ ਲੈ ਕੇ ਸਿਆਸੀ ਅਤੇ ਜਨਤਕ ਪੱਧਰ ’ਤੇ ਚਰਚਾ ਛਿੜ ਗਈ ਹੈ। ਮਾਰਲਸ ਦਾ ਕਹਿਣਾ ਹੈ ਕਿ ਆਸਟ੍ਰੇਲੀਆ ਵਿੱਚ ਜਨਤਕ ਬਹਿਸ ਦਾ ਮਾਹੌਲ ਵਧੇਰੇ ਸੰਤੁਲਿਤ ਅਤੇ ਜ਼ਿੰਮੇਵਾਰ ਹੋਣਾ ਚਾਹੀਦਾ ਹੈ। ਇਸ ਤੋਂ ਇਲਾਵਾ ਅੱਜ ਦੀਆਂ ਹੋਰ ਅਹਿਮ ਖ਼ਬਰਾਂ ਲਈ ਸੁਣੋ ਇਹ ਪੌਡਕਾਸਟ।
• 
  ਪੰਜਾਬੀ ਡਾਇਰੀ: ਪੰਜਾਬ ਵਿਧਾਨ ਸਭਾ ਦਾ ਮਾਨਸੂਨ ਇਜਲਾਸ ਸ਼ੁਰੂ, ਕੇਂਦਰ ਵੱਲੋਂ ਸ੍ਰੀ ਕਰਤਾਰਪੁਰ ਸਾਹਿਬ ਦਾ ਲਾਂਘਾ ਖੋਲ੍ਹਣ ਤੋਂ ਇਨਕਾਰ 04.08.2026 9mnt

  ਪੰਜਾਬੀ ਡਾਇਰੀ ਦੇ ਇਸ ਪੌਡਕਾਸਟ ਵਿੱਚ ਜਿੱਥੇ 3 ਅਗਸਤ ਤੋਂ ਸ਼ੁਰੂ ਹੋਏ ਪੰਜਾਬ ਵਿਧਾਨ ਸਭਾ ਦੇ ਮਾਨਸੂਨ ਇਜਲਾਸ ਦੀ ਖ਼ਬਰ ਹੈ, ਉਥੇ ਕੇਂਦਰ ਸਰਕਾਰ ਵਲੋਂ ਸੁਰੱਖਿਆ ਹਵਾਲਾ ਦਿੰਦੇ ਹੋਏ ਸ੍ਰੀ ਕਰਤਾਰਪੁਰ ਸਾਹਿਬ ਦਾ ਲਾਂਘਾ ਖੋਲ੍ਹਣ ਤੋਂ ਫਿਲਹਾਲ ਇਨਕਾਰ ਕਰਨ ਸਬੰਧੀ ਵੇਰਵੇ ਵੀ ਸ਼ਾਮਿਲ ਹਨ। ਇਸ ਦੇ ਨਾਲ ਹੀ ਸ੍ਰੀ ਅਕਾਲ ਤਖਤ ਸਾਹਿਬ ਦੇ ਕਾਰਜਕਾਰੀ ਜਥੇਦਾਰ ਵੱਲੋਂ ਬੇਅਦਬੀਆਂ ਸਬੰਧੀ ਕਾਨੂੰਨ ਵਿੱਚ ਕੀਤੀ ਗਈ ਸੋਧ ਸਬੰਧੀ ਪੰਜਾਬ ਸਰਕਾਰ ਦੇ ਜਵਾਬ ਨੂੰ ਰੱਦ ਕਰਨ ਦੀ ਕਾਰਵਾਈ ਦਾ ਵੀ ਜ਼ਿਕਰ ਹੈ। ਸਿਆਸਤ ਵਿੱਚ ਪੰਜਾਬ ਕਾਂਗਰਸ ਦੀ ਚੱਲ ਰਹੀ ਅੰਦਰੂਨੀ ਖਾਨਾਜੰਗੀ ਦੀ ਤਾਜ਼ਾ ਅਪਡੇਟ ਵੀ ਇਸ ਰਿਪੋਰਟ ਵਿੱਚ ਸ਼ਾਮਿਲ ਹੈ। ਵਧੇਰੇ ਜਾਣਕਾਰੀ ਲਈ ਸੁਣੋ ਇਹ ਪੌਡਕਾਸਟ...
• 
  ਗਾਰਮਾ ਫੈਸਟੀਵਲ ਵਿੱਚ ਇੱਕ ਪੰਜਾਬੀ ਨੌਜਵਾਨ ਦਾ ਤਜਰਬਾ: Indigenous Australia ਨੂੰ ਨੇੜਿਓਂ ਜਾਣਨ ਦੀ ਕੋਸ਼ਿਸ਼ 04.08.2026 5mnt

  ਆਸਟ੍ਰੇਲੀਆ ਦੇ ਸਭ ਤੋਂ ਵੱਡੇ Indigenous ਸੱਭਿਆਚਾਰਕ ਸਮਾਗਮ ਗਾਰਮਾ (Garma) ਫੈਸਟੀਵਲ ਦਾ ਹਿੱਸਾ ਬਣੇ ਹਨ ਨੌਜਵਾਨ ਪੰਜਾਬੀ ਮਨਪ੍ਰੀਤ ਸਿੰਘ ਸਿੱਧੂ, ਜੋ NDIS ਨਾਲ ਕੰਮ ਕਰਦੇ ਹਨ ਅਤੇ ਇਸ ਵੇਲੇ ਗਾਰਮਾ ਵਿੱਚ ਆਪਣੀ ਡਿਊਟੀ ਨਿਭਾ ਰਹੇ ਹਨ, ਜੋ ਕਿ Norther Territory ਦੇ ਡਾਰਵਿਨ ਤੋਂ ਅੱਗੇ ਆਰਨਹੈਮ ਲੈਂਡ ਵਿੱਚ ਮਨਾਇਆ ਜਾ ਰਿਹਾ ਹੈ। ਮਨਪ੍ਰੀਤ ਨਾਲ ਗੱਲਬਾਤ ਰਾਹੀਂ ਜਾਣਾਂਗੇ ਕਿ ਇੱਕ ਪੰਜਾਬੀ ਨੌਜਵਾਨ ਵਜੋਂ ਆਸਟ੍ਰੇਲੀਆ ਦੇ ਮੂਲਵਾਸੀ ਸੱਭਿਆਚਾਰ, ਪਰੰਪਰਾਵਾਂ ਅਤੇ ਗਾਰਮਾ ਦੇ ਮਾਹੌਲ ਨੂੰ ਨੇੜਿਓਂ ਦੇਖਣ ਦਾ ਉਨ੍ਹਾਂ ਦਾ ਤਜਰਬਾ ਕਿਹੋ ਜਿਹਾ ਰਿਹਾ ਅਤੇ ਇਸ ਤੋਂ ਉਨ੍ਹਾਂ ਨੇ ਕੀ ਸਿੱਖਿਆ। ਪੂਰੀ ਗੱਲਬਾਤ ਪੌਡਕਾਸਟ ਰਾਹੀਂ ਸੁਣੋ...
• 
  ਫਿਊਲ ਐਕਸਾਈਜ਼ ਰਾਹਤ ਖਤਮ: ਪੈਟਰੋਲ ਮੁੜ $2 ਪ੍ਰਤੀ ਲੀਟਰ ਤੋਂ ਪਾਰ ਜਾਣ ਦੇ ਆਸਾਰ, ਡਰਾਈਵਰਾਂ ਲਈ ਹੋ ਸਕਦਾ ਹੈ 'ਮੁਸ਼ਕਲ ਸਮਾਂ' 04.08.2026 5mnt

  ਆਸਟ੍ਰੇਲੀਆ ਦੀ ਸਰਕਾਰ ਵਲੋਂ ਫਿਊਲ ਐਕਸਾਈਜ਼ ਡਿਊਟੀ ਵਿੱਚ ਦਿੱਤੀ ਕਟੌਤੀ ਹੁਣ ਖਤਮ ਹੋ ਗਈ ਹੈ। ਤੇਲ ਦੀਆਂ ਵੱਧਦੀਆਂ ਕੀਮਤਾਂ ਦੇ ਜਵਾਬ ਵਿੱਚ ਅਪ੍ਰੈਲ ਦੇ ਸ਼ੁਰੂ ਵਿੱਚ ਬਾਲਣ ਟੈਕਸਾਂ ਵਿੱਚ 32 ਸੈਂਟ ਪ੍ਰਤੀ ਲੀਟਰ ਦੀ ਕਟੌਤੀ ਕੀਤੀ ਗਈ ਸੀ, ਜਿਸਨੂੰ ਹੁਣ ਵਾਪਸ ਲੈਣ ਤੋਂ ਬਾਅਦ, ਥੋਕ ਬਾਲਣ ਦੀਆਂ ਕੀਮਤਾਂ ਵਿੱਚ ਲਗਭਗ 17 ਸੈਂਟ ਪ੍ਰਤੀ ਲੀਟਰ ਦਾ ਵਾਧਾ ਹੋਣ ਦੀ ਉਮੀਦ ਹੈ। ਕੀਮਤਾਂ ਵਿੱਚ ਵਾਧਾ ਲਗਭਗ 10 ਦਿਨਾਂ ਵਿੱਚ ਖਪਤਕਾਰਾਂ ਤੱਕ ਪਹੁੰਚਣ ਦੀ ਉਮੀਦ ਹੈ। ਇਨ੍ਹਾਂ ਵੱਧਦੀਆਂ ਕੀਮਤਾਂ ਦੇ ਚਲਦੇ ਐਸ ਬੀ ਐਸ ਪੰਜਾਬੀ ਦੇ ਇਸ ਪੌਡਕਾਸਟ ਵਿੱਚ ਸੁਣੋ ਪ੍ਰਭਾਵਿਤ ਲੋਕਾਂ ਦੀਆਂ ਗੱਲਾਂ ਅਤੇ ਬਚਤ ਲਈ ਮਾਹਿਰਾਂ ਦੀ ਸਲਾਹ।
• 
  'ਭੱਟ ਤੇ ਭੱਟੀ' ਦੀ ਕਾਮਯਾਬੀ, ਕ੍ਰੈਡਿਟ ਦੀ ਲੜਾਈ ਅਤੇ ਪੰਜਾਬੀ ਕਾਮੇਡੀ ਬਾਬਤ ਸੱਜਾਦ ਜਾਨੀ ਨਾਲ ਖ਼ਾਸ ਮੁਲਾਕਾਤ 03.08.2026 6mnt

  ਜੇ ਤੁਸੀਂ 2000 ਦੇ ਦਹਾਕੇ ਵਿੱਚ 'ਭੱਟ ਤੇ ਭੱਟੀ' ਵੇਖ ਕੇ ਹੱਸ-ਹੱਸ ਲੋਟਪੋਟ ਹੋਏ ਸੀ, ਤਾਂ ਇਹ ਗੱਲਬਾਤ ਤੁਹਾਡੇ ਲਈ ਹੈ। ਉਸੇ ਡੱਬਿੰਗ ਦੇ ਜਾਦੂਗਰ ਸੱਜਾਦ ਜਾਨੀ ਆਪਣੇ ਹਾਲੀਆ ਆਸਟ੍ਰੇਲੀਆ ਦੌਰੇ ਦੌਰਾਨ ਸ਼ਾਗਿਰਦਾਂ ਫ਼ੈਜ਼ਲ ਰਾਮੇ ਅਤੇ ਸਾਜਿਦ ਹੁਸੈਨ ਉਰਫ਼ ਮਿੱਠਾ ਪੁਰੀਆ ਨਾਲ ਐਸ ਬੀ ਐਸ ਦੇ ਸਟੂਡੀਓ ਪਹੁੰਚੇ ਸਨ। ਇਸ ਖ਼ਾਸ ਮੁਲਾਕਾਤ ਵਿੱਚ ਸੱਜਾਦ ਜਾਨੀ ਨੇ ਦੱਸਿਆ ਕਿ "ਭੱਟ ਤੇ ਭੱਟੀ" ਦੀ ਕਾਮਯਾਬੀ ਪਿੱਛੇ ਸੀ.ਡੀ. (CDs) ਵੰਡਣ ਤੋਂ ਲੈ ਕੇ ਕ੍ਰੈਡਿਟ ਦੀ ਲੜਾਈ ਤੱਕ ਕਿਹੜੇ ਸੰਘਰਸ਼ ਸਨ, ਤੇ ਅੱਜ ਵੀ ਉਨ੍ਹਾਂ ਦੀ ਪਛਾਣ ਪਿੱਛੇ ਇਸ ਇੱਕ ਕੰਮ ਦਾ ਕਿੰਨਾ ਵੱਡਾ ਰੋਲ ਹੈ।
• 
  ਖ਼ਬਰਨਾਮਾ: ਮਹਿੰਗਾਈ ਕਾਰਨ ਆਸਟ੍ਰੇਲੀਆਈ ਲੋਕ ਨਾਰਾਜ਼, ਸਰਵੇ ਵਿੱਚ ਗਠਜੋੜ ਵਿਰੋਧੀ ਧਿਰਾਂ ਤੋਂ ਅੱਗੇ 03.08.2026 4mnt

  ਨੈਸ਼ਨਲ ਪਾਰਟੀ ਦੇ ਆਗੂ ਮੈਟ ਕੈਨਾਵਨ ਦਾ ਕਹਿਣਾ ਹੈ ਕਿ ਮਹਿੰਗਾਈ ਅਤੇ ਰਹਿਣ-ਸਹਿਣ ਦੇ ਵੱਧ ਰਹੇ ਖਰਚਿਆਂ ਵਰਗੇ ਮੁੱਦਿਆਂ ਕਾਰਨ ਲੋਕਾਂ ਵਿੱਚ ਨਾਰਾਜ਼ਗੀ ਵੱਧ ਰਹੀ ਹੈ ਅਤੇ ਇਸ ਦੀ ਝਲਕ ਤਾਜ਼ਾ ਸਰਵੇਖਣਾਂ ਵਿੱਚ ਵੀ ਨਜ਼ਰ ਆ ਰਹੀ ਹੈ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਲੋਕਾਂ ਦਾ ਜੀਵਨ ਪੱਧਰ ਲਗਾਤਾਰ ਹੇਠਾਂ ਜਾ ਰਿਹਾ ਹੈ ਅਤੇ ਹਾਲੀਆ ਸਾਲਾਂ ਵਿੱਚ ਵਿਕਸਿਤ ਦੇਸ਼ਾਂ ਵਿੱਚ ਆਸਟ੍ਰੇਲੀਆ ਦਾ ਸਭ ਤੋਂ ਜ਼ਿਆਦਾ ਨੁਕਸਾਨ ਹੋਇਆ ਹੈ। ਸੋਮਵਾਰ ਨੂੰ ਜਾਰੀ ਹੋਏ ਇੱਕ ਨਵੇਂ ਓਪੀਨੀਅਨ ਪੋਲ ਮੁਤਾਬਕ, ਦੋ-ਪਾਰਟੀ ਤਰਜੀਹੀ ਵੋਟਾਂ ਵਿੱਚ ਗੱਠਜੋੜ (ਕੋਅਲੀਸ਼ਨ) 52 ਫ਼ੀਸਦੀ ਨਾਲ ਲੇਬਰ ਪਾਰਟੀ ਦੇ 48 ਫ਼ੀਸਦੀ ਤੋਂ ਅੱਗੇ ਹੈ। ਹੋਰ ਵੇਰਵੇ ਲਈ ਸੁਣੋ ਇਹ ਖ਼ਬਰਨਾਮਾ...
• 
  60 ਸਾਲਾਂ ਬਾਅਦ ਆਸਟ੍ਰੇਲੀਆ ਨੂੰ ਮਿਲ ਸਕਦੀ ਹੈ ਪਹਿਲੀ ਨਵੀਂ ਵੱਡੀ ਤੇਲ ਰਿਫਾਇਨਰੀ 03.08.2026 5mnt

  ਪ੍ਰਧਾਨ ਮੰਤਰੀ ਐਂਥਨੀ ਅਲਬਨੀਜ਼ੀ ਨੇ ਐਲਾਨ ਕੀਤਾ ਹੈ ਕਿ ਸਰਕਾਰ ਇੱਕ ਨਵੀਂ ਵੱਡੀ ਤੇਲ ਰਿਫਾਇਨਰੀ ਦੀ ਸੰਭਾਵਨਾ ਦਾ ਅਧਿਐਨ ਕਰਨ ਲਈ ਵੈਸਟਰਨ ਆਸਟ੍ਰੇਲੀਆ ਸਰਕਾਰ ਨਾਲ ਮਿਲ ਕੇ ਕੰਮ ਕਰੇਗੀ ਅਤੇ ਇਸ ਦੇ ਲਈ 40 ਲੱਖ ਡਾਲਰ ਦੀ ਰਕਮ ਖਰਚ ਕੀਤੀ ਜਾਵੇਗੀ। ਜੇਕਰ ਇਹ ਪ੍ਰਾਜੈਕਟ ਸਿਰੇ ਚੜ੍ਹ ਗਿਆ ਤਾਂ ਇਹ 1960 ਦੇ ਦਹਾਕੇ ਤੋਂ ਬਾਅਦ ਆਸਟ੍ਰੇਲੀਆ ਵਿੱਚ ਬਣਨ ਵਾਲੀ ਪਹਿਲੀ ਨਵੀਂ ਵੱਡੀ ਪੈਟਰੋਲ ਰਿਫਾਈਨਰੀ ਹੋਵੇਗੀ। ਹੋਰ ਵੇਰਵੇ ਲਈ ਸੁਣੋ ਇਹ ਖਾਸ ਰਿਪੋਰਟ।
• 
  Rapa Nui repatriations: Right or wrong? - ਕੀ ਅਜਾਇਬ ਘਰਾਂ ਵਿੱਚ ਰੱਖੀਆਂ ਆਦਿਵਾਸੀ ਵਿਰਾਸਤੀ ਵਸਤੂਆਂ ਅਤੇ ਮਨੁੱਖੀ ਅਵਸ਼ੇਸ਼ ਉਨ੍ਹਾਂ ਦੇ ਮੂਲ ਭਾਈਚਾਰਿਆਂ ਨੂੰ ਵਾਪਸ ਕੀਤੇ ਜਾਣੇ ਚਾਹੀਦੇ ਹਨ? 03.08.2026 11mnt

  The Australian Museum has repatriated the ancestral remains of 17 Rapa Nui islanders to their eastern Pacific place of origin. This homecoming has renewed calls for the return of giant statues, or Moai, from the British Museum. But a UK based archaeologist has warned against overturning historic arrangements made between consenting parties. - ਆਸਟ੍ਰੇਲੀਆਈ ਮਿਊਜ਼ੀਅਮ ਵੱਲੋਂ ਰਾਪਾ ਨੂਈ (ਈਸਟਰ ਆਈਲੈਂਡ) ਦੇ 17 ਪੂਰਵਜਾਂ ਦੇ ਅਵਸ਼ੇਸ਼ ਵਾਪਸ ਕਰਨ ਤੋਂ ਬਾਅਦ ਇਹ ਬਹਿਸ ਮੁੜ ਤੇਜ਼ ਹੋ ਗਈ ਹੈ ਕਿ ਉਪਨਿਵੇਸ਼ਵਾਦ ਦੇ ਦੌਰ ਵਿੱਚ ਇਕੱਠੀਆਂ ਕੀਤੀਆਂ ਗਈਆਂ ਆਦਿਵਾਸੀ ਵਿਰਾਸਤੀ ਵਸਤੂਆਂ ਅਤੇ ਮਨੁੱਖੀ ਅਵਸ਼ੇਸ਼ ਉਨ੍ਹਾਂ ਦੇ ਮੂਲ ਭਾਈਚਾਰਿਆਂ ਨੂੰ ਵਾਪਸ ਕੀਤੇ ਜਾਣੇ ਚਾਹੀਦੇ ਹਨ ਜਾਂ ਨਹੀਂ। ਕੁਝ ਇਸਨੂੰ ਇਤਿਹਾਸਕ ਇਨਸਾਫ਼ ਅਤੇ ਰੂਹਾਨੀ ਇਲਾਜ ਦਾ ਹਿੱਸਾ ਮੰਨਦੇ ਹਨ, ਜਦਕਿ ਹੋਰਾਂ ਦਾ ਕਹਿਣਾ ਹੈ ਕਿ ਹਰ ਮਾਮਲੇ ਦਾ ਫ਼ੈਸਲਾ ਉਸਦੇ ਇਤਿਹਾਸਕ ਸੰਦਰਭ ਦੇ ਆਧਾਰ 'ਤੇ ਹੋਣਾ ਚਾਹੀਦਾ ਹੈ।
• 
  ਖ਼ਬਰਾਂ ਫਟਾਫੱਟ: ਇਰਾਨ ਜੰਗ, ਆਸਟ੍ਰੇਲੀਆ ਦੀ ਸਿਆਸਤ ਅਤੇ ਭਾਰਤ ਦਾ ਵਿਦਿਆਰਥੀ ਮੁੱਦਾ 31.07.2026 3mnt

  ਇਸ ਹਫ਼ਤੇ ਅਮਰੀਕਾ-ਇਰਾਨ ਤਣਾਅ, ਆਸਟ੍ਰੇਲੀਆ ਦੀ ਰਾਜਨੀਤੀ ਅਤੇ ਅਰਥਵਿਵਸਥਾ, Indigenous ਭਾਈਚਾਰੇ ਨਾਲ ਜੁੜੇ ਮੁੱਦੇ ਅਤੇ ਭਾਰਤ ਵਿੱਚ ਵਿਦਿਆਰਥੀ ਅੰਦੋਲਨ ਤੇ NEET-UG ਪੇਪਰ ਲੀਕ ਮਾਮਲਾ ਸੁਰਖੀਆਂ ਵਿੱਚ ਰਿਹਾ। ਇਸ ਦੇ ਨਾਲ ਜਾਪਾਨ ਦੇ ਭੂਚਾਲ ਅਤੇ ਆਸਟ੍ਰੇਲੀਆ-ਸਿੰਗਾਪੁਰ ਦੇ ਨਵੇਂ ਸਮਝੌਤੇ ਵੀ ਅਹਿਮ ਖ਼ਬਰਾਂ ਰਹੇ।
• 
  'Rejected 11 times': How this international student’s love for the uniform led him to become an ABF officer - 'ਹਾਰ ਨਹੀਂ ਮੰਨੀ':12 ਕੋਸ਼ਿਸ਼ਾਂ ਤੋਂ ਬਾਅਦ ਆਸਟ੍ਰੇਲੀਆ ਬਾਰਡਰ ਫੋਰਸ ਤੱਕ ਪਹੁੰਚੇ ਗੁਰਦਾਸਪੁਰ ਦੇ ਰਮਨ ਦੀ ਪ੍ਰੇਰਨਾਦਾਇਕ ਕਹਾਣੀ 31.07.2026 11mnt

  Inspired by his father’s and grandfather's careers in the police force in India, Raman always dreamed of wearing the uniform. After arriving in Australia as an international student and facing 11 rejections, he is now an Australian Border Force officer in Cairns, helping protect Australia’s borders while serving the country he calls home. - ਗੁਰਦਾਸਪੁਰ ਤੋਂ ਇੱਕ ਅੰਤਰਰਾਸ਼ਟਰੀ ਵਿਦਿਆਰਥੀ ਵਜੋਂ ਆਸਟ੍ਰੇਲੀਆ ਪਹੁੰਚੇ ਰਮਨ ਨੇ ਕਈ ਮੁਸ਼ਕਲਾਂ ਦੇ ਬਾਵਜੂਦ ਵਰਦੀ ਪਹਿਨਣ ਦਾ ਆਪਣਾ ਸੁਪਨਾ ਨਹੀਂ ਛੱਡਿਆ। ਅੱਜ ਉਹ ਕੂਈਨਜ਼ਲੈਂਡ ਦੇ ਕੇਨਸ (Cairns) ਏਅਰਪੋਰਟ ’ਤੇ ਆਸਟ੍ਰੇਲੀਆ ਬਾਰਡਰ ਫੋਰਸ ਦੇ ਅਫ਼ਸਰ ਵਜੋਂ ਸੇਵਾ ਨਿਭਾ ਰਹੇ ਹਨ। ਬਾਰਡਰ ਫੋਰਸ ਵਿੱਚ ਭਰਤੀ ਹੋਣ ਲਈ ਉਨ੍ਹਾਂ ਨੇ 12 ਵਾਰ ਕੋਸ਼ਿਸ਼ ਕੀਤੀ ਅਤੇ ਇਸ ਦੌਰਾਨ ਗੁਜ਼ਾਰੇ ਲਈ ਡਿਸ਼ਵਾਸ਼ਿੰਗ, ਸਿਕਿਓਰਿਟੀ ਅਤੇ ਸ਼ੈੱਫ ਵਜੋਂ ਕੰਮ ਵੀ ਕੀਤਾ। ਆਪਣੇ ਪਿਤਾ ਅਤੇ ਦਾਦਾ ਤੋਂ ਮਿਲੀ ਵਰਦੀ ਪਹਿਨਣ ਦੀ ਪ੍ਰੇਰਣਾ ਅਤੇ ਆਪਣੇ ਸੁਪਨੇ ’ਤੇ ਅਟੁੱਟ ਵਿਸ਼ਵਾਸ ਨੇ ਉਨ੍ਹਾਂ ਨੂੰ ਹਾਰ ਨਾ ਮੰਨਣ ਦਿੱਤੀ। ਸੁਣੋ ਰਮਨ ਨਾਲ SBS ਪੰਜਾਬੀ ਦੀ ਖ਼ਾਸ ਗੱਲਬਾਤ, ਜਿਸ ਵਿੱਚ ਉਹ ਆਪਣੇ ਸਫ਼ਰ, ਚੁਣੌਤੀਆਂ ਅਤੇ ਸਫ਼ਲਤਾ ਦੇ ਰਾਜ਼ ਬਾਰੇ ਦੱਸਦੇ ਹਨ।
• 
  ਖ਼ਬਰਨਾਮਾ: ਆਸਟ੍ਰੇਲੀਆ 1.2 ਮਿਲੀਅਨ ਘਰਾਂ ਦਾ ਟੀਚਾ ਪੂਰਾ ਕਰਨ ਤੋਂ ਪਿੱਛੇ, ਰਿਹਾਇਸ਼ੀ ਸੰਕਟ ਬਰਕਰਾਰ 31.07.2026 3mnt

  ਆਸਟ੍ਰੇਲੀਆ ਵਿੱਚ ਘਰਾਂ ਦੇ ਨਿਰਮਾਣ ਨਾਲ ਜੁੜੇ ਨਵੇਂ ਅੰਕੜਿਆਂ ਨੇ ਚਿੰਤਾ ਵਧਾ ਦਿੱਤੀ ਹੈ। ਆਸਟ੍ਰੇਲੀਅਨ ਬਿਊਰੋ ਆਫ਼ ਸਟੈਟਿਸਟਿਕਸ ਦੇ ਅੰਕੜਿਆਂ ਮੁਤਾਬਕ ਨਵੇਂ ਘਰਾਂ ਦੇ ਨਿਰਮਾਣ ਵਿੱਚ ਗਿਰਾਵਟ ਆਈ ਹੈ, ਜਿਸ ਕਾਰਨ ਇਹ ਸਵਾਲ ਖੜ੍ਹਾ ਹੋ ਰਿਹਾ ਹੈ ਕਿ ਕੀ ਸਰਕਾਰ 2029 ਦੇ ਮੱਧ ਤੱਕ 1.2 ਮਿਲੀਅਨ ਨਵੇਂ ਘਰ ਬਣਾਉਣ ਦਾ ਟੀਚਾ ਪੂਰਾ ਕਰ ਸਕੇਗੀ। ਇਸ ਦੇ ਨਾਲ ਹੀ, ਘਰਾਂ ਦਾ ਨਿਰਮਾਣ ਘਟਣ ਦੇ ਬਾਵਜੂਦ ਰਿਹਾਇਸ਼ੀ ਇਮਾਰਤਾਂ ਦੀਆਂ ਕੀਮਤਾਂ ਵਿੱਚ ਵਾਧਾ ਜਾਰੀ ਹੈ, ਜਿਸ ਪਿੱਛੇ ਮੁੱਖ ਕਾਰਨਾਂ ਵਿੱਚੋਂ ਇੱਕ ਨਿਰਮਾਣ ਸਮੱਗਰੀ ਦੀ ਵਧਦੀ ਲਾਗਤ ਹੈ। ਇਹ ਅਤੇ ਅੱਜ ਦੀਆਂ ਹੋਰ ਮੁੱਖ ਖ਼ਬਰਾਂ ਲਈ ਸੁਣੋ ਇਹ ਪੌਡਕਾਸਟ...
• 
  ਪੰਜਾਬੀ ਡਾਇਸਪੋਰਾ: ਕੈਨੇਡਾ ’ਚ ਪੁਲਿਸ ਐਕਸ਼ਨ, ਯੂਕੇ ’ਚ ਪੰਜਾਬਣਾਂ ਦੀ ਪ੍ਰਾਪਤੀ ਅਤੇ ਨਿਊਜ਼ੀਲੈਂਡ ਦੀਆਂ ਪ੍ਰਵਾਸੀ ਨੀਤੀਆਂ ਬਾਰੇ ਅਪਡੇਟ 31.07.2026 7mnt

  ਪੰਜਾਬੀ ਡਾਇਸਪੋਰਾ ਦੇ ਪੌਡਕਾਸਟ ਵਿੱਚ ਜਿੱਥੇ ਕੈਨੇਡਾ ਦੇ ਹੈਮਿਲਟਨ ਸ਼ਹਿਰ ਵਿੱਚ ਚੋਰੀ ਦੀਆਂ ਘਟਨਾਵਾਂ ਦੇ ਸੰਗਠਿਤ ਗਿਰੋਹ ਦੇ 30 ਸ਼ੱਕੀ ਪੰਜਾਬੀਆਂ ਨੂੰ ਗ੍ਰਿਫਤਾਰ ਕਰਨ ਦੀ ਖ਼ਬਰ ਹੈ, ਉਥੇ ਹੀ ਯੂਨਾਈਟਿਡ ਕਿੰਗਡਮ ਵਿੱਚ ਪੰਜਾਬੀ ਮੂਲ ਦੀ ਸਤਵੀਰ ਕੌਰ ਨੂੰ ਸਿਕਿਓਰਿਟੀ ਅਤੇ ਘਰੇਲੂ ਹਿੰਸਾ ਮਾਮਲਿਆਂ ਦੀ ਮੰਤਰੀ ਨਿਯੁਕਤ ਕੀਤੇ ਜਾਣ ਅਤੇ ਹਰਪ੍ਰੀਤ ਕੌਰ ਉੱਪਲ ਨੂੰ ਅਸਿਸਟੈਂਟ ਵ੍ਹਿਪ ਦੀ ਜਿੰਮੇਵਾਰੀ ਮਿਲਣ ਦਾ ਵੇਰਵਾ ਸ਼ਾਮਿਲ ਹੈ। ਇਸ ਦੇ ਨਾਲ ਹੀ ਨਿਊਜ਼ੀਲੈਂਡ ਦੀਆਂ ਪ੍ਰਵਾਸੀ ਨੀਤੀਆਂ ਨਾਲ ਜੁੜੀ ਅਪਡੇਟ ਅਤੇ ਪਾਕਿਸਤਾਨ ਦੇ ਬਲੋਚਿਸਤਾਨ ਵਿੱਚ 12 ਇਤਿਹਾਸਕ ਗੁਰੂਦੁਆਰਿਆਂ ਦੀ ਦੁਰਦੁਸ਼ਾ ਬਾਰੇ ਵੀ ਇੱਕ ਖ਼ਬਰ ਸ਼ਾਮਿਲ ਹੈ। ਹੋਰ ਵੇੇਰਵੇ ਲਈ ਸੁਣੋ ਇਹ ਪੌਡਕਾਸਟ...
• 
  ਕੀ ਤੁਹਾਡਾ ਹੋਮ ਲੋਨ ਆਫਸੈੱਟ ਅਕਾਊਂਟ ਸਹੀ ਤਰ੍ਹਾਂ ਕੰਮ ਕਰ ਰਿਹਾ ਹੈ? ਬੈਂਕਾਂ ਦੀਆਂ ਗਲਤੀਆਂ ਕਾਰਨ ਗਾਹਕਾਂ ਨੂੰ $55 ਮਿਲੀਅਨ ਦਾ ਨੁਕਸਾਨ 31.07.2026 6mnt

  ਆਸਟ੍ਰੇਲੀਆ ਦੇ ਕਾਰਪੋਰੇਟ ਰੈਗੂਲੇਟਰ ASIC ਦੀ ਜਾਂਚ ਵਿੱਚ ਸਾਹਮਣੇ ਆਇਆ ਹੈ ਕਿ ਕਈ ਵੱਡੇ ਬੈਂਕਾਂ ਦੀਆਂ ਗਲਤੀਆਂ ਕਾਰਨ ਹਜ਼ਾਰਾਂ ਹੋਮ ਲੋਨ ਗਾਹਕ ਉਨ੍ਹਾਂ ਵਿਆਜ ਬਚਤਾਂ ਤੋਂ ਵਾਂਝੇ ਰਹੇ, ਜਿਨ੍ਹਾਂ ਦਾ ਉਨ੍ਹਾਂ ਨੂੰ ਹੱਕ ਸੀ। ਦੋ ਸਾਲਾਂ ਵਿੱਚ ਬੈਂਕਾਂ ਨੂੰ $55 ਮਿਲੀਅਨ ਤੋਂ ਵੱਧ ਦਾ ਮੁਆਵਜ਼ਾ ਦੇਣਾ ਪਿਆ। ਜੇ ਤੁਹਾਡੇ ਕੋਲ ਵੀ ਹੋਮ ਲੋਨ ਨਾਲ ਜੁੜਿਆ ਆਫਸੈੱਟ ਅਕਾਊਂਟ ਹੈ, ਤਾਂ ਇਹ ਜਾਣਨਾ ਜ਼ਰੂਰੀ ਹੈ ਕਿ ਇਹ ਸਹੀ ਤਰੀਕੇ ਨਾਲ ਕੰਮ ਕਰ ਰਿਹਾ ਹੈ ਜਾਂ ਨਹੀਂ। ਆਓ ਜਾਣਦੇ ਹਾਂ ਇਸ ਖ਼ਾਸ ਰਿਪੋਰਟ ਵਿੱਚ।
• 
  ਨਿਊਜ਼ੀਲੈਂਡ ਪੁਲਿਸ ਦੇ ਸਿੱਖ ਕਾਂਸਟੇਬਲ ਗੁਲਾਬ ਸਿੰਘ ਵਿਰਕ ਨੇ ਪੁਲਿਸ ਸੇਵਾ ਅਤੇ ਖੇਡਾਂ ਵਿੱਚ ਬਣਾਈ ਵਿਲੱਖਣ ਪਛਾਣ 30.07.2026 6mnt

  ਹਰਿਆਣਾ ਤੋਂ ਨਿਊਜ਼ੀਲੈਂਡ ਆ ਕੇ ਸੰਘਰਸ਼ਾਂ ਦਾ ਸਾਹਮਣਾ ਕਰਨ ਵਾਲੇ ਕਾਂਸਟੇਬਲ ਗੁਲਾਬ ਸਿੰਘ ਵਿਰਕ ਅੱਜ ਨਿਊਜ਼ੀਲੈਂਡ ਪੁਲਿਸ ਦੇ ਅਧਿਕਾਰੀ ਹੋਣ ਦੇ ਨਾਲ-ਨਾਲ ਦੇਸ਼ ਦੇ ਪਹਿਲੇ ਮਾਨਤਾ ਪ੍ਰਾਪਤ (Accredited) ਦਸਤਾਰਧਾਰੀ ਐਥਲੈਟਿਕਸ ਕੋਚ ਵੀ ਹਨ। ਐਸ ਬੀ ਐਸ ਪੰਜਾਬੀ ਨਾਲ ਗੱਲਬਾਤ ਦੌਰਾਨ ਉਨ੍ਹਾਂ ਨੇ ਆਪਣੇ ਸਫ਼ਰ, ਖੇਡਾਂ ਪ੍ਰਤੀ ਜਜ਼ਬੇ ਅਤੇ ਪਰਿਵਾਰ ਦੇ ਸਹਿਯੋਗ ਬਾਰੇ ਜਾਣਕਾਰੀ ਸਾਂਝੀ ਕੀਤੀ।