Avto FM 107.7

Epizodai

• 
  İstənilən dili öyrənməyin ən effektiv yolu | Meqapolis 02.10.2026 29min

  "Meqapolis" verilişinin qonağı Dünya Poliqlotlar Cəmiyyətinin üzvü Aslan Məmmədzadə oldu. Dil öyrənməyin effektiv yollarından, dil öyrənmək üçün tələb olunan müddətdən, çoxdilliliyin üstünlüklərindən, uşaqlıqdan dil öyrənmənin əhəmiyyətindən və texnologiyanın yaratdığı yeni imkanlardan danışdıq.
• 
  Avtobus zolağında ən çox hansı qayda pozuntusuna rast gəlinir? I "Qaydaları Pozma" 01.10.2026 9min

  "Qaydaları Pozma" verilişinin qonağı DİN-in Nəqliyyatı İntellektual İdarəetmə Mərkəzinin mətbuat katibi Ömər Xıdırov oldu.Podcastda bu sualların cavabını tapacaqsınız:Avtobus zolaqlarında qayda pozuntularına nəzarət necə həyata keçirilir?Kameralar vasitəsilə aşkarlanan pozuntularla bağlı hansı tədbirlər görülür? Bəzi sürücülər deyirlər ki, “yol boşdursa, avtobus zolağına girməyin nə ziyanı var?”Sürücülər sıxlıqdan yayınmaq üçün avtobus zolağına daxil olduqda hansı problemlər yaranır?
• 
  Çin avtomobilləri, yoxsa illərdir etibar qazanan Koreya və Yaponiya avtomobilləri? ı "Qaydaları Pozma" 01.10.2026 27min

  "Qaydaları Pozma" verilişinin qonağı avtomobil eksperti Mübariz Salmanov oldu. Bu podcastda bu sualların cavabını tapacaqsınız: Bu gün avtomobil alarkən Çin, Koreya və Yaponiya arasında seçim etsək, əsas hansı meyarlara diqqət etməliyik?Servis və ehtiyat hissələrinin əlçatanlığı baxımından hazırda hansı qrup daha rahatdır?Qəza zamanı  təhlükəsizlik sistemlərinin işi baxımından Çin avtomobillərinə nə qədər güvənmək olar?
• 
  Bakıda köhnə avtomobillərin sayı niyə artır? l "Birdən İkiyə" 30.09.2026 35min

  "Birdən İkiyə" verilişinin qonağı nəqliyyat eksperti Eldəniz Cəfərov oldu. Azərbaycanda avtomobillərin utilizasiyasından, köhnə avtomobillərin sayının artmasından, rəsmi dillerlərin üstünlüklərindən  və digər maraqlı mövzulardan bəhs etdik.
• 
  24 Karatlıq qızıldan parça olar? | Meqapolis 30.09.2026 25min

  "Meqapolis" verilişinin qonağı "Emiland" kişi geyim brendinin və fərdi tikiş salonunun modelçi-dizayneri və filial müdiri Vüqar Orucov oldu. Pencək və geyim seçimindən, mövsümə uyğun parçalardan, rahatlıq, nəfəsalanlıq və qırışmama xüsusiyyətlərindən, eləcə də sükan arxasında olanlar üçün ən ideal parçadan danışdıq.
• 
  Aktiv maliyyələşdirməsi: Lizinq və kredit | Meqapolis 30.09.2026 23min

  "Meqapolis" verilişinin qonağı Azərbaycan Banklar Assosasiyasınin eksperti İsmayıl Məmmədov oldu. Aktiv əsaslı maliyyələşdirmənin mahiyyəti, KOB-ların maliyyəyə çıxış imkanları, avtomobil lizinqində müqavilə şərtləri və risklər, bank krediti ilə lizinqin fərqləri, aktivin alınması ilə pul axınının qorunması arasında seçim, ödənişlərin gecikdirilməsi zamanı yaranan hüquqi və maliyyə riskləri, müqavilədə diqqət edilməli əsas bəndlər və sahibkarlar üçün praktik tövsiyələrdən danışdıq.
• 
  "Qara bazar"dan avtomobil almağın hüquqi tərəfləri nədir? l "Birdən İkiyə" 29.09.2026 31min

  "Birdən İkiyə" verilişinin qonağı vəkil Əli Qəmbərov oldu. Rəsmi diller və qeyri-rəsmi idxalçılardan alınan avtomobillərdən, avtomobil satın alınmasının hüquqi tərəflərindən, rəsmi dillerdən alınan avtomobillərin üstünlüklərindən və digər maraqlı mövzulardan danışdıq.
• 
  Yollarda əsas məsuliyyət kimdədir — piyadada, sürücüdə, yoxsa şəhər planlamasında? I "Qaydaları Pozma" 29.09.2026 13min

  "Qaydaları Pozma" verilişinin qonağı qəza əleyhinə sürücülük kurslarının məşqçisi Aqil Rəhimov oldu. Bu podcastda piyada keçidində sürücünün ən çox etdiyi səhvlərdən, sürücünün piyada keçidində qəza etməmək üçün bilməli olduğu 3 əsas qaydadan, piyadaların yaratdığı təhlükələrdən və digər maraqlı mövzulardan bəhs etdik.
• 
  Son zamanlarda Azərbaycanda avtomobil bazarında nələr baş verir? l "Birdən İkiyə" 28.09.2026 32min

  "Birdən İkiyə" verilişinin qonağı Azərbaycanın Avtomobil Dillerləri Assosiasiyasının (AADA) İdarə Heyətinin sədri Eyyub Əliyev oldu. Son zamanlarda Azərbaycanda avtomobil bazarında baş verən hadisələrdən, Çin avtomobillərinin üstünlük təşkil etməsindən, Çin avtomobillərində multimedia və proqram təminatı problemlərindən və digər maraqlı mövzulardan danışdıq.
• 
  Süni İntellekt: Fürsət, yoxsa təhlükə? | Meqapolis 28.09.2026 22min

  "Meqapolis" verilişinin qonağı süni intellekt üzrə mütəxəssis Ümüd Salayev oldu. Süni intellektin müsbət və mənfi tərəflərindən, gələcəkdə yarada biləcəyi potensial təhlükələrdən və hansı peşələrə daha çox təsir edəcəyindən danışdıq.
• 
  Təmizlik biznesinin arxasında nə dayanır? | Meqapolis 22.09.2026 24min

  "Meqapolis" verilişinin qonağı "White Star Cleaning" beynəlxalq təmizlik şirkətinin Keyfiyyətə nəzarət şöbəsinin rəhbəri Elnur Həsənov oldu. Onunla şirkətin yaranma hekayəsindən, şirkətin iş prinsiplərindən, maraqlı sifarişlərdən, müştəri və əməkdaşlarla bağlı qaydalardan, rəqabətdən və gələcək hədəflərdən danışdıq.
• 
  Səyahətə aparan millər: AllMiles | Meqapolis 22.09.2026 26min

  "Meqapolis" verilişinin qonağı "Premium Bankın" Marketinq departamentinin əməkdaşı Minacət Əliyeva oldu. "Loyallıq Proqramı"nın üstünlükləri, mil qazanmaq və istifadə imkanları, Visa AllMiles və Visa Signature Business AllMiles kartlarının fərqləndirici xüsusiyyətləri, eləcə də partnyor olmaq və kart sahibi olmadan proqramdan yararlanmaq imkanları barədə danışdıq.
• 
  Avtomobilimizi nə qədər düzgün istifadə edirik? | Meqapolis 16.09.2026 28min

  "Meqapolis" verilişinin qonağı Auto Azərbaycanın Texniki meneceri Şamxal Yusifov oldu. Avtomobilə mühəndis baxışı, Azərbaycanda sürücülərin etdiyi texniki səhvlər, şəhər və uzun yol sürüşünün fərqləri, tıxacların avtomobilə təsiri, elektromobillər haqqında yanlış təsəvvürlər və batareya ömrünü azaldan amillər haqqında danışdıq.
• 
  Mürəkkəb dərsliklər, bitməyən tapşırıqlar: Repetitor asılılığının səbəbləri | Meqapolis 14.09.2026 29min

  "Meqapolis" verilişinin qonağı təhsil eksperti Əmrah Həsənli oldu. Şagirdlərin həddindən artıq dərs yükü, ağır və mürəkkəb dərslik materialları səbəbindən mövzuları məktəbdə effektiv mənimsəyə bilməməsi, nəticədə inkişaf etmiş xarici ölkələrdən fərqli olaraq ev tapşırıqlarının normadan çox verilərək bilik boşluqlarının repetitorlar vasitəsilə bağlanmasından danışdıq.
• 
  Əsgər Əsgərov: Bloqerlər nə qədər qazanır? | Meqapolis 11.09.2026 24min

  "Meqapolis" verilişinin qonağı “Toma” obrazı ilə tanınan bloqer Əsgər Əsgərov oldu. Söhbətimiz zamanı bloqerlik fəaliyyətindən, ölkəmizdə bloqerlərin qazancından, bu işin çətinliklərindən və “Toma” obrazının necə yaranmasından danışdıq.
• 
  Tədris ili başlayır: Bakı yolları və avtobuslar sərnişin yükünə hazırdırmı? | Meqapolis 09.09.2026 35min

  "Meqapolis" verilişinin qonağı AYNA-nın mətbuat katibi Tural Orucov oldu. Metro xətlərinin ayrılması ilə əlaqədar tətbiq olunan ekspres marşrutların fəaliyyəti və sərnişin tələbatını qarşılama imkanları, marşrutların sayının artırılması, avtobus parkının vəziyyəti və sərnişinlərin avtobusların gecikməsi ilə bağlı şikayətləri, şəhərətrafı ərazilərdən mərkəzə sərnişindaşımanın yaxşılaşdırılması, Bakıda yol hərəkətinin təşkilində həyata keçirilən dəyişikliklər, eləcə də tədris ili ərəfəsində şəhər yollarının hazırlığı və əsas tıxaclı ərazilərdə gözlənilən yeniliklər barədə danışıldı.
• 
  Təmizlik Sektorunda keyfiyyət standartları, texnologiya və gələcək | Meqapolis 07.09.2026 24min

  "Meqapolis" verilişinin qonağı "White Star Cleaning"in Keyfiyyətə Nəzarət şöbəsinin rəhbəri Elnur Həsənov oldu. "White Star Cleaning" şirkətində xidmət keyfiyyətinin standartları, ən çox müraciət olunan təmizlik növləri, müştəri narazılıqları və şikayətlərlə iş mexanizmi, personalın təlimi və kimyəvi vasitələrin seçilmə prinsipləri, keyfiyyətə nəzarət və yoxlama mərhələləri, brendin bazardakı əsas fərqləndirici üstünlükləri, eləcə də təmizlik sektorunda süni intellekt, yeni texnologiyalar, robotların insan əməyini əvəzləmə imkanları və Azərbaycandakı boşluqlar ilə fürsətlər müzakirə olundu.
• 
  Bankçılıqda müştəri təcrübəsi və xidmət keyfiyyətinin prioritetləri | Meqapolis 04.09.2026 29min

  "Meqapolis" verilişinin qonağı "Premium Bank"ın Müşahidə Şurası sədrinin müşaviri Asiya Rüstəmova oldu. Bankın səhvlərinin operativ həlli və nüfuzun qorunması, müştəriyə sürətli və dəqiq xidmət, təhlükəsizliklə insani yanaşmanın balanslaşdırılması, əməkdaşların performans göstəriciləri, müştəriyə uyğun məhsul təklifləri, sistemli problemlərin idarə olunması və müştəri təcrübəsinin bankın gələcək inkişafındakı rolu müzakirə olundu.
• 
  “40 milyonluq uğur”: “Sabah” Çempionlar Liqasından nə gözləyir? | Meqapolis 04.09.2026 28min

  "Meqapolis" verilişinin qonağı "Sabah"ın mətbuat katibi Elnur Həmidov oldu. “Sabah”ın Çempionlar Liqasına vəsiqə qazanmasının yaratdığı təəssüratlar, klubun uğurunun əsas səbəbləri, püşkatmada müəyyənləşən rəqiblər və qarşıdakı hədəflər, turnirdən gözləntilər, maliyyə məsələləri, transfer planları, azarkeş marağı və bilet satışı, həmçinin klubun PR və media fəaliyyəti barədə danışıldı.
• 
  Ceki Çanı Azərbaycanda film çəkməyə dəvət edən kaskadyor | Meqapolis 02.09.2026 30min

  "Meqapolis" verilişinin qonağı kaskadyor, döyüş xoreoqrafı Sain Fərhad oldu. Ceki Çanın rəsmi təlim mərkəzində təhsil almasından və məşhur aktyorla tanışlığından, kaskadyorluğun incəliklərindən, təhlükəli fəndlərdən, bu peşənin görünməyən qəhrəmanlarından, eləcə də Azərbaycanda kaskadyorluğun inkişaf perspektivlərindən danışdıq.