The Bardees Project Podcast - بودكاست مشروع برديس

Afleveringen

• حلقة 103: أنا ورانية — وين راح وقتي فعلاً 14.07.2026 41min

  بحلقة 93 تحديت رانية تعمل تتبع لوقتها، وانضميت للتحدي معها. بهاي الحلقة بنفتح النتائج مع بعض. في رقم طلع معي صدمني، وفي شغلة اكتشفتها رانية عن رزنامتها ما توقعتها. وبنحكي عن الفرق اللي كلنا بنتجاهله بين إدارة الوقت وإدارة الطاقة
• حلقة 102: أنا ورانية — من الثقل للخفة 07.07.2026 30min

  بهاي الحلقة رانية طلعت معها كلمة "الخفة" بصفحات الصباح. ليش عم نحس بثقل مع إنه عم نشتغل على حالنا؟ بنحكي عن التفكير الزائد اللي بيخلينا ننسى نعيش تفاصيل الحياة الحلوة الصغيرة. وعن التلفون اللي صار مرجعيتنا. 4 ساعات باليوم = 60 يوم بالسنة. كيف نرجع للخفة؟
• حلقة 101: أنا ورانية — علاقتنا الغريبة بعملية الطرح 30.06.2026 26min

  بهاي الحلقة بنحكي عن عملية الطرح. ليش دايما بنفكر نضيف لحياتنا وما بنفكر نشيل؟ دماغنا مبرمج على التجميع من أيام الإنسان الأول. بنحكي عن التعزيل كعادة يومية مش مشروع موسمي، وكيف 15 دقيقة بتايمر بتغير كل شي. ورانية بتفاجأ قديش أنجزت برف واحد بربع ساعة.
• حلقة 100: الحلقة المية — أسئلتكم وأجوبتي 24.06.2026 1u 11min

  الحلقة المية من بودكاست مشروع برديس! سجلناها لايف على إنستغرام بعد غيبة ثلاث سنين عن اللايف. جاوبت على أسئلتكم عن الاستمرارية وبناء العادات واتخاذ القرارات والأمومة والطاقة الإيجابية. من 29 آذار 2020 لليوم، شو تغير وشو تعلمت
• فويس نوت سريعة: شاركوني احتفال الحلقة ال100 18.06.2026 1min

  حلقة احتفالية لايف اسألوني شو ما بدكم
• حلقة 99: أنا ورانية — ما وراء الكواليس 16.06.2026 28min

  حلقة جديدة من سلسلة أنا ورانية. هالمرة برديس بتفتح موضوع حسّاس عندها: الغيرة، التعلّق بالنتائج، والإحساس إنه مهما عملت مش عم توصل زي ما بدها. ورانية بتاخدها برحلة كوتشينج عن السماح بالمشاعر، الفرق بين الشغل والنتيجة، وإنه انطلاق أي حلقة هو خط البداية مش خط النهاية. حلقة صادقة عن بناء الإرث، المتعة اللي ورا اللي بنعمله، ودور الكوتش كشريك أفكار.
• حلقة 98: أنا ورانية — أصوات براسنا 09.06.2026 39min

  بهاي الحلقة لعبنا لعبة! سحبنا بطاقات محادثة من كتاب ساوندتراكس لجون أكف وعملنا تأمل عليهم. بنحكي عن الأسطوانة المشروخة اللي براسنا وكيف نبدلها بأفكار إيجابية. عن كلمة "لسا" اللي بتفتح مساحة بدل ما نسكر الباب على حالنا. وعن الإيداع بالعلاقات وليش الأحلام بدها إذن.
• حلقة 97: أنا ورانية — تك تك يمشي القطار 02.06.2026 23min

  بهاي الحلقة من سلسلة "أنا ورانية" بنحكي عن مراحل تحقيق الأهداف: احلم، خطط، نفّذ، راجع. برديس حاسة حالها على القطار بمرحلة تنفيذ، ورانية بتسألها شو يعني. بنحكي عن الفرق بين المهام والأهداف، ليش بنعلق بمرحلة التخطيط وما بنبلش، كيف نضل متواصلين مع أهدافنا، وليش الأهداف لازم تكون مرئية عشان ما ننساها. وبنحكي عن مرحلة الحلم وليش بنخاف نحلم أحلام كبير
• حلقة 96: أنا ورانية — ساعات أسعد 26.05.2026 39min

  بهاي الحلقة بنحكي عن السعادة والوقت. شو علاقة الساعات الحرة بسعادتنا؟ دراسة كبيرة بتقول إنه في عدد ساعات معين لإلنا باليوم إذا قل عنه أو زاد بنكون أقل سعادة. بنحكي عن كتاب ساعات أسعد وكيف نطوّل شعور السعادة بممارسات صغيرة يومية.
• حلقة 95: أنا ورانية — كيف نلتزم 19.05.2026 33min

  في هاي الحلقة من سلسلة "أنا ورانية"، بنحكي عن الحلقة المفقودة بتحقيق الأهداف: الالتزام. المعلومة موجودة والخطة جاهزة بس ليش بنبلش وما بنكمل؟ بنحكي عن طاقة البدايات واختيار التوقيت المناسب، ليش خيبة الأمل المتكررة بتسرق ثقتنا بنفسنا، والفرق بين الاستمرارية والكمالية. بنشارككم كيف المرونة بالعادة بيساعدوا نكمل بدل ما نوقف.
• حلقة 94: أنا ورانية — عشر سنين بدون جيم 12.05.2026 38min

  في هاي الحلقة من سلسلة "أنا ورانية"، برديس بتطلب من رانية تساعدها ترجع على الجيم بعد عشر سنين. رانية كخبيرة بالرياضة والالتزام بالجيم بتشاركنا فكرة "الجيم شوبينج": قبل ما تسجلي، جربي، زوري، اختاري. بنحكي عن نقاط الاحتكاك اللي بتخلينا نترك الجيم، من الصفة للأواعي للشنطة للفطور. وليش "ليش بدك تعملي رياضة" هو أهم سؤال تسأليه لحالك.
• حلقة 93: أنا ورانية — وين عم بروح وقتي؟ 05.05.2026 36min

  في سادس حلقة من سلسلة "أنا ورانية"، رانية بتسأل برديس عن التايم بلوكينج، تقسيم الوقت، اللي هي أداة بتستخدمها برديس من سنين. بنحكي كيف بتقسم يومها لبلوكات على الورق بثلاث أعمدة: الساعات، الخطة، والواقع. كيف بتخطط لبكرا قبل ما تروح من شغلها، وليش هيك أحسن من تخطيط الصبح. وكيف رانية بدها تبلش بتتبع وقتها أول عشان تعرف وين عم بروح وقتها.
• حلقة 92: أنا ورانية — صفحات الصباح 28.04.2026 36min

  في خامس حلقة من سلسلة "أنا ورانية" بنحكي عن أداة تدوين غيّرت روتيننا الصباحي، صفحات الصباح من كتاب طريق الفنان لجوليا كاميرون. رانية ملتزمة فيها من سنة وأربع شهور وبتعتبرها زي فرشة الأسنان. بنحكي كيف نعملها، ليش بتهدينا، كيف بتساعدنا نلقط أنماط تفكيرنا، وليش تيم فيريس بيسميها أرخص علاج نفسي بحياته. وبنشارككم كمان عن أداة ثانية من الكتاب، موعد الفنان مع النفس.
• حلقة 91: أنا ورانية — الأسئلة اللي ما حدا بيسألك إياها 22.04.2026 35min

  في رابع حلقة من سلسلة "أنا ورانية" بنفتح المكالمة الأسبوعية وبنوريكم بالضبط كيف شكلها من جوا. بعد ما حكينا بالحلقة الماضية عن المراجعة الأسبوعية، اليوم بنحكي عن الجزء الثاني — شراكة الأهداف. كيف بنتبع أهداف بعض، شو الأسئلة اللي بنسألها، ليش "متى ووين" أهم من "بدي أعمل"، وكيف خيبة الأمل من حالنا بتسرق ثقتنا بنفسنا. بنشارككم أسئلة عملية تقدروا تستخدموها مع شريك أهدافكم من أول مكالمة.
• حلقة 90: أنا ورانية — أهم عادة بحياتي 14.04.2026 39min

  في ثالث حلقة من سلسلة "أنا ورانية" بنرجع لموضوع قريب لقلوبنا — المراجعة الأسبوعية. آخر مرة حكينا عنها كانت من 6 سنين بأوائل حلقات البودكاست، واليوم بنشارككم كيف بنعملها بـ 2026 بعد 8 سنين من شراكة الأهداف. كيف بنتذكر نجاحاتنا وتحدياتنا، وين بنكتبها، كيف بنخطط للأسبوع الجاي، وليش هاي العادة أهم من الاستيقاظ المبكر. المراجعة الأسبوعية هي لحظة صدق مع الذات — مش بس شو أنجزنا، كمان وين كنا أحسن نسخة من حالنا ووين لأ.
• حلقة 89: أنا ورانية: غيّرت عقلي مش راتبي 07.04.2026 32min

  في ثاني حلقة من سلسلة "أنا ورانية" بنقلب الأدوار — هالمرة أنا اللي بشارك تجربتي ورانية بتسألني. الموضوع: الهدف المالي. هدف أخذ معي سنة ونص يتحقق — كيف سيطرت على حياتي المالية، بلشت أتبع مصاريفي، بطلت أتفاجأ بالفواتير، وصرت أخطط للمصاريف الكبيرة. بنحكي عن تتبع المصاريف كعادة يومية، المعتقدات المالية اللي كانت تحبسني، والفرق بين الحرمان والتخطيط الواعي. إذا المال مصدر ضغط بحياتك — هاي الحلقة إلك.
• حلقة 88: أنا ورانية - غيّرت عقلي مش معدتي 31.03.2026 32min

  رانية عندها هدف ظل ينتقل معها من سنة لسنة لمدة ٦ سنين، رغم إنها دارسة تغذية وعندها كل المعرفة والرياضة ما وقفت. لغاية ما قررت تعمل إشي مختلف
• حلقة 87: لماذا لا أبدأ أهدافي من يناير؟ طريقة أذكى لبداية السنة 08.12.2025 12min

  جربها قبل ما تلتزم فيها موسم تخطيط الأهداف قد بدأ!
• حلقة 86: لماذا ينتهي عامي في نوفمبر؟ 13.11.2025 16min

  ولماذا يمكن أن تود فعل ذلك أيضا؟ موسم تخطيط الأهداف قد بدأ!
• حلقة 85: كيف نجعل التغيير يدوم؟ (لن تتوقع الجواب) -جزء 8 والأخير من كتاب كيف نتغير 10.07.2025 10min

  فكرة جديدة عن التغيير تحتاج سماعها شرح الفصل الثامن والأخير من كتاب How to Change - Katy Milkman