Wiele2Wiele

Odcinki

• 
  Wiel2Wiele gee hul indrukke van nuwe Seltos 14.08.2026 26min

  Hierdie week gaan ry Wiele2Wiele met die pragtige, splinternuwe Kia Seltos, wat met drie enjins aangebied word – onder andere ’n 1.5-liter-turbodiesel. Hulle vat jou dan saam op die pad in die Lexus RZ 550e F-Sport en die Land Cruiser FJ.
• 
  Wiele2Wiele ry twee bussies 07.08.2026 26min

  Hierdie week is dit bussie-bonaza op Wiele2Wiele. Hulle gesels oor die Volkswagen Caravelle eHybrid en die Renault Trafic Passenger. Hulle gaan ry ook met die Honda Elevate, gee raad oor tekens wat jou kar vir jou gee dat daar fout is en waarsku jou waarna jy moet kyk as jy ’n motorfiets wil koop wat ’n spesiale uitgawe in sy tyd was.
• 
  Wiele2Wiele ry Kia Carens 31.07.2026 26min

  Verlede week het jy gehoor wat Carl en Jeanette dink maar hierdie week op Wiele2Wiele, is dit Nicol en Mike se beurt om oor die Kia Tasman-bakkie te gesels. Hulle klim ook agter die stuur van die sewesitplek Kia Carens en deel hulle indrukke van die Suzuki Across. Dit is dan tyd vir die stof, spoed en avontuur van die GR Stella 1000-marathon-veldtydren, waar Toyota Gazoo Racing Suid-Afrika se Guy Botterill en sy nuwe navigator, Henry Köhne, koning gekraai het.
• 
  Wiele2Wiele ry Kia Tasman-bakkie 24.07.2026 26min

  Hierdie week vir Wiele2Wiele vat hulle die langpad met die Mercedes-Benz GLC 300d en bring kwaliteittyd deur met die nuwe Kia Tasman-bakkie. Hulle vat jou ook op ‘n toetsrit met die Renault Captur.
• 
  Wiele2Wiele: Land Rover Defender 130 onder loep 20.07.2026 25min

  Hierdie week vir Wiele2Wiele gesels hulle oor die groot Land Rover Defender 130, die giftige Toyota GR Yaris en die GAC GS3 Emzoom.
• 
  Wiele2Wiele: Lepas L4 vs. Jaecoo J7 10.07.2026 26min

  In hierdie week se episode van Wiele2Wiele skop hulle af met twee bekendstellings – Audi se nuwe Q3 en Toyota se eerste vol-elektriese model vir Suid-Afrika, die bZ4X. Dan raak hulle skoon poëties oor die Land Rover Discovery Tempest. Hulle vergelyk ook twee Chinese sportnutse uit die Chery-stal: die Lepas L4 en die Jaecoo J7.
• 
  Wiele2Wiele: Nuwe Hilux onder die loep 03.07.2026 26min

  Hierdie week doen Wiele2Wiele dinge effe anders en sit ons die kollig op die nuwe negende generasie Toyota Hilux – ’n fantastiese bekendstellingstoer deur Namibië.
• 
  Wiele2Wiele: BYD se Atto 2 onder loep 25.06.2026 26min

  Hierdie week vir Wiele2Wiele vat Carl die pad saam met Volkswagen en sy Amarok-modelle op ’n avontuur wat min mense ooit self beleef! Van die asemrowendste dele van KwaZulu-Natal, oor die legendariese Sanipas in Lesotho – selfs die ruwe skoonheid van die Oos-Kaap… dit het boonop gesneeu ook tydens hul avontuur. Intussen toets Clinton die nuwe Atto 2 DM-i by die BYD-bekendstelling, hulle deel waarna om op te let wanneer jy ’n tweedehandse motorfiets koop én gesels oor MotoGP se groot 850cc-skuif.
• 
  Wiele2Wiele ry Defender Octa en Mustang GT 19.06.2026 25min

  Hierdie week vir Wiele2Wiele het hulle twee baie spesiale padtoetse: die Land Rover Defender Octa met sy 4,4 liter-biturbo V8 en dan die Ford Mustang GT. Vir die tegniese wenk van die week gesels hulle oor die maksimumsnelheid van ’n binnebrandenjin. Hulle is ook breëbors trots op ons Suid-Afrikaner, Steven Odendaal, wat saam met sy BMW Motorrad World Endurance-span, die 8 Hours of Spa Motos-motorfiets uithouwedren gewen het.
• 
  Wiele2Wiele ry nuwe RAV4, iCAUR 12.06.2026 25min

  Toyota het sy sesde-generasie RAV4 bekend gestel – ’n pragtige sportnutsvoertuig met gevorderde tegnologie wat wys hoe ver die model ontwikkel het sedert die eerste RAV4 in 1994 bekendgestel is. iCAUR het ook sy unieke en eiesoortige V23- en 03T-modelle bekendgestel. Vir die tegniese wenk van die week word daar oor enjinkapasiteit en silinders gesels, en dan gee hulle vir jou ‘n opsomming van die 2026 Isle of Man-renne en alles wat daar gebeur het.
• 
  Wiele2Wiele gesels oor Motor van die Jaar-wenners 04.06.2026 25min

  Hierdie week vir Wiele2Wiele word die splinternuwe Land Cruiser FJ bekendgestel en die 2026 SA Motor van die Jaar-wenners word aangekondig. Vir die tegniese wenk van die week word daar oor herroepings gesels en hulle sit die kollig op ons Suid-Afrikaanse motorfietsjaers wat oorsee deelneem.
• 
  Wiele2Wiele ry Volvo, Mitsubishi en VW 29.05.2026 26min

  Hierdie week vir Wiele2Wiele is daar drie uiteenlopende padtoetse: Volvo se elektriese ES90-sedan, Mitsubishi se Destinator-sportnuts en Volkswagen se GTI-luikrug. Vir die tegniese wenk gee hulle raad oor wat jy moet doen wanneer jy deur water moet ry en die manne redeneer oor die onlangse MotoGP-ren met hewige ongelukke.
• 
  Wiele2Wiele: Kia se Carens bekendgestel 22.05.2026 27min

  Hierdie week vir Wiele2Wiele - die eerste Toyota Matsuri-fees is by die Kyalami-renbaan gehou, waar gaste nie net meer oor Toyota en sy ryke geskiedenis kon leer nie, maar ook self agter die stuur van Toyota se opwindendste nuwe modelle kon inklim. Kia het ook sy nuwe Carens bekendgestel. Dit was onlangs die Swartland-tydren in die Wes-Kaap en ons gesels met Mark Jones van The Citizen in sy Toyota GR Yaris oor hierdie grondtydren wat ’n ware vuurdoop was op los oppervlaktes. Vir 2Wiele gesels ons met Brian Cheyne oor ons Suid-Afrikaner AJ Venter wat volgende week gaan deelneem aan die Isle of Man TT.
• 
  Wiele2Wiele vat langpad met Merc se Vito Tourer 14.05.2026 26min

  Hierdie week vir Wiele2Wiele vertel hulle jou van Ford se Ranger wat opgeknap is met ’n nuwe 2,3 liter EcoBoost-enjin. Die Kritzingers vat dan die langpad Gqeberha toe met ’n agtsitplek Mercedes-Benz Vito Tourer-bussie, waar hulle 18-jarige seun, Zian Kritzinger, aan die Ironman South Afrika driekamp-kompetisie deelgeneem en dit suksesvol voltooi het. Hulle gesels ook met Jonathan Mogotsi, fabrieksrenjaer vir Volkswagen Suid-Afrika, wat hierdie komende naweek gaan deelneem aan die 24hNurburgring-uithouwedren. Die manne in die ateljee raak dan nostalgies oor motorfiets-intrumentpanele.
• 
  Wiele2Wiele: Alles oor Simola-heuwelren 07.05.2026 25min

  In hierdie week se episode van Wiele2Wiele vertel hulle jou alles oor die afgelope Simola-heuwelren. Hulle sit die kollig op die span wat vir Suzuki Suid-Afrika deelgeneem het en gesels met die vier jaers, asook met Brendon Carpenter, bemarkingsbestuurder vir Suzuki SA, oor Suzuki se betrokkenheid by hierdie ikoniese ren. Daar is ook twee padtoetse - hulle vat jou op ’n toetsrit met die Citroën Basalt en dan die Mazda CX-5.
• 
  Wiele2Wiele ervaar MG3 en MG ZX Pro 02.05.2026 26min

  Hierdie week vir Wiele2Wiele ervaar hulle die MG3 en MG ZX Pro, en besin oor wat hierdie historiese handelsmerk anders maak. Hulle gaan maak ook ’n draai by ’n glansgeleentheid en hoor meer oor Jetour se T-reeks wat nou ook met inprop-hibriede tegnologie beskikbaar is. Vir die tegniese wenk van die week gesels hulle oor die moets en moenies van ’n outomatiese ratkas en kyk ook na Suid-Afrikaanse motorfietsrenjaers wat uitstekend presteer in Amerika.
• 
  Wiele2Wiele ry Tiggo 9 Super Hybrid, Audi A5 en VW Tiguan 24.04.2026 26min

  Hierdie week vir Wiele2Wiele is daar drie padtoetse: Chery se Tiggo 9 Super Hybrid, Audi se A5 en Volkswagen se Tiguan. Vir die tegniese wenk beantwoord hulle vrae oor vibrasies en dan kyk hulle na Kove se nuwe 800X Rally- en 800X Pro-motorfiets. Daar word ook gespekuleer oor wat by die MotoGP aan die gang is.
• 
  Wiele2Wiele gesels oor Kia en JMC se bakkies 16.04.2026 25min

  Die hele motorindustrie is aan die gons oor die bekendstelling van die nuwe Kia Tasman-bakkie en Wiele2Wiele vertel jou meer oor hoe hierdie bakkie beslis sy man kan staan. JMC het sy Vigus-bakkie vir die media gewwys vóór die amptelike bekendstelling. Dit is dan tyd vir motorsportaksie met die eerste ronde van die Suid-Afrikaanse Tydrenkampioenskap, en hulle gesels met Mark Jones van The Citizen in sy Toyota Gazoo Racing SA GR Yaris.
• 
  Wiele2Wiele: Nuwe modelle vir Suzuki, Mitsubishi en Changan 09.04.2026 27min

  In hierdie week se episode van Wiele2Wiele is daar drie bekendstellings: Suzuki sy nuwe Across bekend, Mitsubishi sy Destinator en Changan sy UNI-S. Daar is ook ’n tegniese wenk oor handremme.
• 
  Wiele2Wiele ry Alfa se Junior Veloce 02.04.2026 25min

  In hierdie week se episode van Wiele2Wiele is daar drie padtoetse: die Renault Duster 1.3T 4x2, die Volvo XC60 T8 PHEV en die elektriese Alfa Romeo Junior Veloce. Hulle gee brandstofbesparingswenke en daar is ’n meningspeiling vir 2Wiele waar hulle jou terugvoer soek.