٣٦٥ يوم صلاة

Epizódy

• وحشتني يا رب | الحلقة ٣٤ 23.05.2026 1min

  اليوم ٣٤ | ٣٦٥ يوم من الصلاة يا رب، وسط الزحمة، والجري، والتشتيت… ساعات ببعد من غير ما أحس، وألاقي روحي عطشانة ليك أكتر من أي حاجة تانية. في حاجات كتير حواليا بتاخد وقتي، بس ما فيش حاجة بتملّي قلبي زيك. ولا في سلام يشبه السلام اللي بحسه وأنا قريبة منك. يا رب، أنا مشتاقة لك. مشتاقة لصوتك الهادي جوايا، للطمأنينة اللي بترجّعني لنفسي، وللنور اللي بيخلّي كل حاجة أوضح.
• مشاركة الله مع الناس | الحلقة ٣٣ 22.05.2026 1min

  اليوم ٣٣ | ٣٦٥ يوم من الصلاة يا رب، ساعات بخاف أشارك نورك مع غيري… أخاف من رأي الناس، أو إني ما أكونش "كفاية". بس إنت عمرك ما طلبت مني الكمال، إنت طلبت قلب صادق. إدّيني الشجاعة ، إني ما أخبيش الخير اللي عملته في حياتي. الشجاعة إني أتكلم عن السلام اللي لقيته معاك، حتى لو بصوت هادي، وحتى لو بكلمة صغيرة.
• الطاعة و الخضوع | الحلقة ٣٢ 21.05.2026 1min

  اليوم ٣٢ | ٣٦٥ يوم من الصلاة يا رب، الطاعة مش سهلة. خصوصًا لما اللي إنت بتطلبه يكون عكس خوفي، أو عكس اللي أنا مخططاله. بس علّمني أثق إن أوامرك مش قيود، لكن حماية. وإن خضوعي ليك مش ضعف… لكن أمان.
• علّمني أحب بهدوء | الحلقة ٣١ 20.05.2026 1min

  اليوم ٣١ | ٣٦٥ يوم من الصلاة يا رب…خلّي محبتي تشبهك. محبة تتأنّى، وترفق، وتفضل نور في زمن بقى فيه القسوة أسهل من الرحمة.
• البيوت ترجع بيوت | الحلقة ٣٠ 18.05.2026 1min

  اليوم ٣٠ | ٣٦٥ يوم من الصلاة يا رب، الانقسام دخل بيوت كتير، وخلى القريبين يبقوا أبعد من الغُرب. إرجع يا رب الودّ، قبل ما يرجع الكلام. إرجع القلوب لبعض، حتى لو اللسان لسه مش قادر يعتذر. لين القلوب اللي قست، واكسر الكبرياء اللي واقف في النص، وفكّر كل واحد قد إيه العِشرة أغلى من أي خلاف.
• المعلمين والتعب اللي يواجهوه | الحلقة ٢٩ 17.05.2026 1min

  اليوم ٢٩ | ٣٦٥ يوم صلاة يا رب، المعلمين شايلين تعب مش سهل، ضغط، ومسؤولية، وأوقات إحباط ما بيتقالش. إدّيهم يا رب قوة يكملوا، وصبر لما المجهود ما يتقدّرش، وطاقة يبدأوا من جديد كل يوم. بارك كلامهم، وكل كلمة بيقولوها، وخليها تسيب أثر حقيقي في حياة الطلاب. يا رب، لما يتعبوا، ريّحهم.
• الراحة في أوقات الألم | الحلقة ٢٨ 16.05.2026 1min

  اليوم ٢٨ | ٣٦٥ يوم صلاة يا رب، إهدّي الوجع اللي جوايا، والتفكير اللي ما بيوقفش، والتعب اللي مش لاقي له اسم. علّمني أعدّي الأيام الصعبة من غير ما أفقد نفسي، ومن غير ما أسيب الأمل. إدّيني راحة مش مرتبطة بالظروف، لكن جاية من وجودك، راحة تلمس قلبي حتى وأنا لسه في نص الألم. وإبعت يا رب ناس حواليا تفهم، وتسند، وتكون حضن في وقت أنا محتاجه.
• توجيه الشباب | الحلقة ٢٧ 15.05.2026 1min

  اليوم ٢٧ | ٣٦٥ يوم صلاة الشباب تايه بين طرق كتير، وصوت العالم عالي، وكل حاجة بتشدّهم في اتجاه. يا رب، في اختيارات كل يوم، وفي لحظات بتفرق بين طريق يِبني, وطريق يِضيع. إدّيهم حكمة يميّزوا، وقلب يسمع صوتك وسط الزحمة، وشجاعة يقولوا "لا" لأي حاجة تبعدهم عن الخير.
• الأطباء والممرضين | الحلقة ٢٦ 14.05.2026 1min

  اليوم ٢٦ | ٣٦٥ يوم صلاة يا رب، الأطباء والممرضين، اللي شايلين تعب ناس كتير، وبيشوفوا الألم عن قرب، وبيقفوا ثابتين حتى لما قلبهم يتأثر. إدّيهم يا رب قوة، لما التعب يكتر، وصبر
• التكنولوجيا | الحلقة ٢٥ 13.05.2026 1min

  اليوم ٢٥ | ٣٦٥ يوم صلاة يا رب، احفظ عقلي من المقارنة، وقلبي من التشتت، وروحي من إنها تتوه وسط الزحمة الرقمية. خلّيني أعرف أوقف، وأهدى، وأرجع لنفسي… ولك. وإستخدم كل حاجة في إيدي علشان أكون نور، مش مجرد صوت زيادة في الزحمة.
• كون نورًا في المجتمع | الحلقة ٢٤ 11.05.2026 1min

  اليوم ٢٤ | ٣٦٥ يوم صلاة علّمني أكون نور. نور في طريقتي، في كلامي، وفي حضوري وسط الناس. يا رب، خلّي كلمتي ترفع مش تكسّر، وتطبطب مش تجرح. خلّيني لما أدخل مكان أسيب فيه سلام، ولما أقابل حد أسيب في قلبه حاجة حلوة.
• طلاب كتير شايلين ضغط | الحلقة ٢٣ 10.05.2026 1min

  اليوم ٢٣ | ٣٦٥ يوم صلاة إدّيهم يا رب ذهن هادي، وقدرة يركّزوا من غير تشتيت، وطاقة يكملوا حتى لما يتعبوا. ساعدهم ينظّموا وقتهم، ويفهموا اللي بيدرسوه مش بس يحفظوه. يا رب، شيل عنهم رهبة الامتحان، وفكّرهم إن تعبهم مش هيروح هدر، وإن كل خطوة بيعملوها ليها قيمة.
• فُقدان بيت | الحلقة ٢٢ 09.05.2026 1min

  اليوم ٢١ | ٣٦٥ يوم صلاة في ناس كتير سايبة بيوتها غصب عنها، مشيوا وهم شايلين خوفهم وأمل صغير إنهم يلاقوا مكان آمن. يا رب، في عيون شافت حاجات تقيلة، وفي قلوب اتكسرت من فُقدان بيت، أو وطن، أو أمان كانوا فاكرينه ثابت. إنت شايف تعب الطريق، والغربة اللي مش بس مكان… لكن إحساس جوا القلب. يا رب، كن ملجأ لكل لاجئ، وسند لكل نازح.
• الأرض أمانة | الحلقة ٢١ 08.05.2026 1min

  اليوم ٢١ | ٣٦٥ يوم صلاة يا رب، علّمنا نحب الأرض مش بس بالكلام، لكن بالاختيارات الصغيرة اللي بنعملها كل يوم. خلّينا نحافظ على النعمة، على الهوا، على المية، على كل تفصيلة إنت خلقتها بحكمة.
• إيمان ثابت | الحلقة ٢٠ 07.05.2026 1min

  اليوم العشرون | ٣٦٥ يوم صلاة يا رب، إدّيني قلب يمسِك فيك حتى لما كل حاجة حواليا بتتغيّر. وإيمان يكمّل حتى لو ما فيش إجابات واضحة. علّمني ما أربطش وجودك ...
• أنا عايز أسامح | الحلقة ١٩ 06.05.2026 1min

  اليوم التاسع عشر | ٣٦٥ يوم صلاة يا رب، أنا عايزة أسامح… بس أوقات المسامحة بتبقى أصعب بكتير من الوجع نفسه. علّمني أسامح مش عشان اللي قدامي، لكن عشان قلبي يرتاح. شيل من جوايا الغضب اللي تقيل، والمرارة اللي بتسرق سلامي. ساعدني أسيب اللي فات بين إيديك، وما أفضلش عايشة جوا نفس الألم. ويا رب… لو أنا كمان جرحت حد، أو قصّرت، إدّيني شجاعة أعتذر، وقلب متواضع يعرف يصلّح.
• الله وسط الاذى | الحلقة ١٨ 04.05.2026 1min

  اليوم الثامن عشر | ٣٦٥ يوم صلاة يا رب، في قلوب اتجرحت بالعنف، في خوف ساكن جواهم، وفي ذكريات تقيلة بتلاحقهم حتى في الهدوء. إنت شايف يا رب كل حاجة… شايف اللي حصل، وسامع الصرخة اللي يمكن ما خرجتش بصوت. إقرب منهم يا رب، وإحُطهم بحضورك، وإبدأ تشفي الأماكن اللي اتكسرت جواهم. بدّل الخوف بأمان، والوجع براحة، والصمت بصوت يرجّع لهم كرامتهم.
• وحدة | الحلقة ١٧ 22.04.2026 1min

  اليوم السابع عشر | ٣٦٥ يوم صلاة القلب لسا حاسس انه لوحده. يارب حوالينا رسايل مبتقفش. وشاشات بتوصلنا بالناس طول الوقت. بس جوا القلب في صمت كبير. بس أنت يا رب شايف الكلام اللي متقالش. والأسئلة اللي جوا قلبي. والاحساس اللي مبعرفش أشرحه. لحد لما الوحدة تيجي. رغم الزحمة. فكرني أني مش لوحدي. وأن حضورك أصدق من أي تواصل. خلي قلبي يلاقي الصحبة الحقيقية فيك.
• المعيشة بقت صعبة | الحلقة ١٦ 18.04.2026 1min

  اليوم السادس عشر | ٣٦٥ يوم صلاة انت شايف قد ايه الحياة بقت أصعب. كل حاجة حوالينا بتغلى وحاجات بسيطة كانت زمان بقت محتاجة حساب وتفكير. يارب في قلق بقى ساكن قلوب ناس كتير. قلق على البيت وعلى الأكل وعلى بكره. في ناس بتحاول تعيش بكرامة وهي شايلة هم كل يوم جديد. وأسر كتير بتعمل أقصي ما عندها عشان تكمل الطريق. يا رب إدي السلام لقلوبنا وسط الضغوط دي. وعلمنا نعيش بحكمة ولا الإكتفاء حتى في الأوقات الصعبة. افتح أبواب رزق للناس إللي تعبت. وساعد اللي شايلين مسؤوليات ثقيلة. إنهم يلاقوا طريق للراحة. حط رح...
• بسلم احلامي بين إيديك | الحلقة ١٥ 17.04.2026 1min

  اليوم الخامس عشر | ٣٦٥ يوم صلاة انت عارف ان جوايا طموح كبير. بس يا رب ساعات الطموح بخلي قلبي يجري أسرع من سلامة. أبص لقدام كتير وانسى. أشكر على اللي في ايدي دلوقتي. علمني يا رب التوازن. أحلم من غير ما تعب قلبي بالمقارنة. وأجتهد من غير ما أفقد الرضا. خليني أسعى للأفضل بس بقلب هادئ وواثق إن قيمتي مش بس في اللى أحققه. بس في اللي إنت شايفه فيا. يا رب إديني شجاعة أكمل الطريق. وصبر لما النتايج تتأخر وعيون تعرف تشوف النعمة حتى في نص الرحلة. علمني. أعيش بين حاجتين. قلبي بيحلم. وقلب شاكر. وخليني...