Харанхуй Өрөө

Episodet

• Литва | Визээ хөөцөлдөж, дугаарлаж зосгох нь ч гоё | Харанхуй Өрөө Подкаст 12.10.2025 1h 5min

  Уламжлал ёсоор даваа гараг болж, Харанхуй Өрөөний шинэхэн дугаар та нартаа хүрэхэд бэлэн болжээ. Өнөөдрийн дугаартаа бид Бүгд Найрамдах Литва улсад гэр бүлээрээ ажиллаж амьдардаг залууг урьж ярилцсан байгаа. Тэрээр Америк явах уу, Литва явах уу гэсэн сонголтын өмнө очихдоо Литва улсыг сонгосондоо одоо харамсдаг эсэхээ бидэнтэй хуучилсан байгаа. Тухлан сууж сонсоорой. Enjoy!
• Турк-Америк | 10 жилийн дараа Монголдоо суурьших ямар вэ? | Харанхуй Өрөө Подкаст 29.06.2025 1h 22min

  Харанхуй өрөөнд үүр цайж шинэ долоо хоног даваа гарагаар эхэллээ. Уламжлал ёсоор та нартаа шинэхэн, сонирхолтой түүхээ хуваалцахаар зочин минь суудалдаа тухлан суусан байна. 3 өөр шашинтай улсад амьдарсан туршлага түүний хувь хүний төлөвшил, аливаа зүйлийг харах өнцөгт хэдэн градус өөрчлөлт авч ирсэн тухай болон 10 жилийн дараа Монголдоо эргэж ирээд суурьшихад ямар байсан тухай өнөөдрийн дугаарт ярилцах болно. Enjoy!
• Канад - Бүгдийг тэгээс биш таваас эхлүүлж болно | Харанхуй Өрөө Подкаст 08.06.2025 1h 5min

  Уламжлал ёсоор даваа гараг болж бид бүгд Харанхуй Өрөөндөө цуглах цаг ирлээ. Канад руу Монголоосоо шууд байнгын оршин суух визтэй очсон гэр бүлийн тухай өнөөдөр бид ярилцах болно. Хүний газар заавал бүхнийг тэгээс нь эхлэх биш хэрхэн яг эх орондоо хийдэг байсан ажлаа хийхээр очиж болох тухай мэдээд аваарай. Enjoy!
• Сингапур, Малайз | Эр хүнд итгэхээр өөртөө итгэ | Харанхуй өрөө Подкаст 26.05.2025 1h 3min

  Ойрд Зүүн Өмнөд Азиар хэдүүлээ огт хэсээгүй юм байна. Өнөөдрийн Харанхуй Өрөөний дугаарын зочин Сингапур, Малайзад амьдрал хэр байгаа тухай, Монголчууд тэнд юу хийж амьдрах болсон тухай ярьсан. Тухлан сууж сонсоорой.
• Австрик | Таардаг, таардаггүй газар орон гэж байдаг уу? | Харанхуй Өрөө Подкаст 27.04.2025 1h 1min

  Гадагшаа л гарчихвал хаашаа ч хамаагүй гэсэн бодлоор дүрвэх шахуу эх орноосоо мянга мянгаараа гардаг байсан цаг саяхан. Одоо харин гадагшаа гарахдаа очих гэж байгаа улс орноо судалж, яг ямар газар руу очих гэж байгаагаа тодорхой хэмжээнд мэддэг хүмүүс нь илүү олон болсон байх. Гэхдээ чухам хүнд таардаг газар, таардаггүй улс орон гэж байдаг уу гэсэн асуултад та юу гэж хариулах вэ? Хариултаа хараахан мэдэхгүй байгаа бол өнөөдрийн Харанхуй Өрөөний дугаарт ярилцсан зочны маань яриаг сонсоод, дараа нь хариултаа хэлээрэй. Enjoy!
• Америк | Харанхуй Өрөө Подкаст | 39 насандаа Амеркийн армид алба хаасан бүсгүйн түүх 13.04.2025 1h 39min

  10 жилийн өмнө Монголдоо их сургуулийн багш хийж явсан бүсгүй өнөөдөр Америкийн цэргийн албыг 39 насандаа амжилттай хаагаад явж байх юм гэж бүр зүүдэлж ч яваагүй тухайгаа бидэнд өнөөдрийн Харанхуй Өрөөний дугаарт ярих болно. Түүний яриаг сонсоод ямар сэтгэгдэл төрснөө заавал бичиж үлдээгээрэй. Enjoy!
• Мексик | Харанхуй Өрөө Подкаст | Чадна гэсэн сэтгэхүйн гайхамшиг 17.02.2025 1h

  Шинэ долоо хоног эхэлж, даваа гараг бидэнд баяр хөөр дүүрэн ирж байна. Харанхуй Өрөөний энэ удаагийн дугаартаа бид Мексикийн нэгдсэн улсаас зочинтой сууж байна. Хүний газар заавал гуйж явах ёстой биш, гуядаж амьдарч бас болдгийн жишээг харуулсан эмэгтэн яриаг тухлан сууж сонсоорой!
• Норвеги | Харанхуй Өрөө Подкаст | Гүнгийн ахайтан хог ухсан түүх 27.01.2025 1h 17min

  Харанхуй Өрөөнд гэрэл асаахаар энэ удаагийн дугаарт маань Норвегийн Вант Улсад ажиллаж амьдарч буй бүсгүй зочны сандалд заларлаа. Норвегийн Гүнгийн ахайтан болно гэж хошигнож явсан түүнийг ямар амьдрал хүлээж авсан тухай тухлан сууж сонсоорой. Enjoy!
• БНСУ-3 | Харанхуй Өрөө Подкаст | Өшөө жаахан л тэсээрэй 13.01.2025 1h 18min

  БНСУ-д ажиллаж амьдардаг олон Монголчуудын төлөөлөл болсон эмэгтэй өнөөдрийн Харанхуй Өрөөний маань зочноор оролцлоо. Ганц бие ээж хүн бага насны хоёр хүүхэдтэйгээ хамт хэрхэн визээ алдаж, бас эргүүлж олж авч байгаа тухай сонирхолтой түүхийг та нартайгаа хуваалцахад бэлэн боллоо. Таалан сонсоорой!
• Казахстан Улс | Харанхуй Өрөө Подкаст | Гадаад царайгүй гадаад хүмүүс 16.12.2024 1h 9min

  Харанхуй Өрөөнд гэрэл асаасан шинэхэн дугаараараа та нарынхаа даваа гарагийн мэндийг эрье! Бидний мэддэг юм шиг мөртлөө огт мэддэггүй Бүгд Найрамдах Казахстан Улсын тухай сайнтай муутай, бүхий л талаас нь ярилцсан энэ удаагийн дугаар маань сонсогч та нарт минь хүрээд, чухам ямар сэтгэгдэл үлдээхийг харна гэхээс тэсч ядан байна. Enjoy!
• Япон-3 | Харанхуй Өрөө Подкаст | Нууцын эрэлд 18.11.2024 1h 39min

  Харанхуй Өрөөтэй шинэ долоо хоногийн мэнд! Уламжлал ёсоор даваа гараг болж сонирхолтой түүх, амьдралын олон өнгөөс нэгийг нь сонсох сайхан мөч ирлээ. Энэ удаад Арлын Япон улсад телевизийн найруулагчаар ажиллаж амьдардаг гайхалтай бүсгүйтэй бид ярилцлаа. Түүний яриа яг л япон адал явдалт кино үзэж байгаа мэт огшоосон, бас хөөрөх сэтгэгдэл төрүүлэхийн хажуугаар сэтгэлд хүрсэн сайхан дугаар болгож чадсан. Enjoy!
• Итали Улс | Харанхуй Өрөө Подкаст | Италид дурлуулсан тэтгэлэг 28.10.2024 1h 15min

  Голч оноо тийм сайн биш байлаа ч, хэлний оноо сүртэй өндөр биш байсан ч гэлээ Италийн их дээд сургуульд 100 хувийн хөнгөлөлттэй, дээрээс нь нэмээд амжиргааны зардлыг нь мөн олгодог тэтгэлэг байдаг тухай бид хоёр лав өнөөдрийг хүртэл мэдээгүй явжээ. Магадгүй яг өөрийгөө олох аялалд болон гадаадад суралцах хүсэлд автсан яваа бол тун хэрэгтэй мэдээллийг Харанхуй Өрөөнд өнөөдөр ярилцлаа. Италид дурласаан! Enjoy!
• Кипр Улс | Харанхуй Өрөө Подкаст | Холын европт хятад хэл аминд орсон түүх 29.09.2024 1h 20min

  Харанхуй Өрөө Подкастын цоо шинэ дугаар та нарт минь хүрч байна. Удаан хугацааны дараа эргэн ирж байгаа учраас, сонирхолтой, Монголчууд цөөхөн байдаг улсаас зочин урьж оруулах зорилгодоо хүрч Бүгд Найрамдах Кипр улсад амьдарч буй зочин залуутайгаа хамт бид 3 Харанхуй өрөөндөө сууж байна. Мэдсэн сурсан бүхэн хэзээ ч илүүддэггүй тухай сонин түүхийг та нартаа хүргэе. Enjoy!
• Сьерра Леон | Харанхуй Өрөө Подкаст | Онлайн романс 16.10.2022 1h 27min

  Нэг хүний амьдралд тохиолдсон гэхэд хэтэрхий их юм шиг боловч сургамжтай бас сонирхолтой энэ яриа сонсогч авхай таныг нэг минут ч уйдаахгүй гэдгийг амлах байна. Шинэ дугаартаа тавтай морил. Enjoy!
• Америк-3 | Харанхуй Өрөө Подкаст | Яах гэж эмэгтэй хүн болж төрөв өө! 10.10.2022 1h 1min

  Зөвхөн эмэгтэй гэдэг шалтгаанаар аливаа зүйлд ад үзэгдэх, эсвэл хоёр дахин хичээх, гурав дахин батлах шаардлага гардаг уу? Өнөөдрийн Харанхуй Өрөөний зочин энэ траумагаа хэрхэн давж гарсан тухайгаа бидэнтэй хуваалцлаа. Америкт цөмийн энергийн инженер мэргэжлээр сурч төгссөн, өдгөө өндөр албан тушаал хашиж байгаа эмэгтэй юу ярихыг сонирхоорой. Enjoy!
• Өмнөд Африк | Харанхуй Өрөө Подкаст | Нисдэг хүн 03.10.2022 59min

  22 жилийн өмнө хамгийн сүүлд Монголд очсон зочин маань Өмнөд Африк дахь амьдралынхаа тухай сонин сайхнаас бидэнтэй өнөөдрийн Харанхуй Өрөөнд хуваалцлаа.  Бизнес эрхлэгч, шинэ санааны эрэлд гарагсдад маш чухал хэрэгцээтэй байж болзошгүй мэдээлэл ч мөн багтсан байгаа. Enjoy!
• Энэтхэг | Харанхуй Өрөө Подкаст | Энгийн дотор орших аз жаргал 14.08.2022 1h 17min

  Энэтхэг улсын тухай та юу мэдэх вэ? Бид хоёрын хувьд лав энэтхэг кино, энэтхэг хоолноос цааш хэтрэхгүй төсөөлөлтэй байсан бол өнөөдрийн энэ дугаарыг хийж байхдаа бодол тэс өөр болсон байлаа. Бурхны оронд эрдэм сураад ирсэн эмэгтэйн яриаг хамтдаа Харанхуй Өрөөнд дэлгэе. Enjoy!
• Бидний мэдэхгүй Хойд Солонгос буюу БНАСАУ | Харанхуй Өрөө Подкаст 07.08.2022 1h 41min

  Энэ удаагийн дугаараа та нартаа цацах гэж энэ цаг мөчийг тэсэн ядан хүлээж байлаа. Олон тайлбар ч ер нь бичмээргүй байна. Тухлаж аваад шууд сонсоорой. Enjoy!
• Өмнөд Солонгос-2 | Харанхуй Өрөө Подкаст | Солонгосын хөгжмийн ертөнцөд гялалзана 01.08.2022 1h 13min

  Гадаадад ажиллаж амьдардаг Монголчуудын өндөр хувийг эзэлдэг орны нэг бол БНСУ. Солонгост Монголчууд зөвхөн хар ажил хийж, хараар амьдардаг гэсэн ойлголт өнөөдрийг хүртэл байсаар байгаа ч тэдний хоёрдугаар үе буюу үр хүүхдүүд нь өнөөдөр юу ярьж байгааг та бүхэн энэ удаагийн Харанхуй өрөөнөөс сонсоод, дүгнэлт тань өөрчлөгдөх байх. Kpop-оороо аль хэдийн дэлхийн нийтийг донсолгоод буй Солонгосын хөгжмийн ертөнцөд бид од болон гялялзах боломжтой юу? Enjoy!
• Япон-2 | Харанхуй Өрөө Подкаст | Тэтгэлэгтэй ч Girls Bar-д ажиллах ёстой 25.07.2022 1h 15min

  Сургалтын тэтгэлэгт хөтөлбөрт л хамрагдчихвал жаргаад дээшээ хараад хэвтчих юм байна гэсэн ойлголттой бол энэ дугаарыг сонсоод бодол тань өөрчлөгдөх байх. Тэтгэлэг хүрэхгүй, цар тахлын үед харих боломжгүй, ажил олдохгүй нөхцөлд шөнийн ажил хийхээс өөр аргагүйд хүрсэн хос хоёр бүсгүйн тухай та энэ удаагийн дугаараас сонсох болно. Зорилгодоо хүрэхийн тулд хүн ямар замыг туулдаг вэ? Enjoy!