OHNI VORWARNIG

Avsnitt

• 
  Vo wilde Ort und wunde Pünkt 15.10.2026 1h 3min

  Kuckuck, ich bin am masturbieren!Verwütsch-Kink bim Vita Parcours und chli drihebe ufem Saunaparkett, Trophäe- und McDonalds-Kondom, Fuessfetisch und Crack-Tattoos: mir startet mit Sex und endet mit Stolz. Spass beiseite: hüt redemer über eusi Körper, gstörti Verhältnis zu Esse und Gwicht, de ewig Kampf mit de Waag und Fraueärzt und de sehr individuelle Lösig, wod Luana für sich gwählt het: die umstrittene Abnehmspritze. Ide Chindheit hets agfange und sither nüm ufghört: s'Problem mitem eigene Spiegelbild, Schönheitsideal, Gsundheitstheme, Gwichtsverlust, versteckts Esse und Angst, das alles nöd im Griff zha und generell selberschuld z'sii.Zwüsche Weight Watchers und Asie-Reis teilemer eusi persönliche Gschichte mit eu und hoffet ihr fühlet eu ghört, verstande und wertgschätzt - ganz unabhängig vo euere Chleidergrössi, eune persönliche Issues und Ziel, wo ihr scho erreicht händ und no wänd erreiche. So oder so: Mir sind stolz uf eus und no viel stolzer uf eu. Fetti Umarmig und vill Liebi.
• 
  Bern statt Berlin-Baddie 08.10.2026 58min

  Marie und Luana (die Katzenhasserin, weil Arschloch in der Kamera unnötig) made it finally to Bern! Es war zuckersüss, inklusive guete Begägnige, Freibier-Pass, inbrünstigem Karaoke, Late Night Snack und Gschäftsmanne-Schlaf. Hebet kei Sorg, mir chömet wieder - und denn grad zwei Nächt! D'Luana villicht bereits als Fitness-Model weil Gym hittet grad hert und d'Marie im Dirndl weil jung, brutal, gutaussehend. Vorusgsetzt, es staht nöd wieder es Medium us de Zuekunft ih ihrere Wohnig wo will putze, wohlgemerkt. Und sust wird das halt ide Therapie besproche, obwohls det - wer hätte das gedacht - vor allem um Männer gaht, wo es langwiligs Läbe führet. Meanwhile isch d'Luana zwar nonig in Berlin, defür aber im Delulu-Land wo sie Luftschlösser baut und selber sehr schmerzhaft wieder muess abriisse. Aber mir sind zueversichtlich, dass sie i 3 Wuche e top Me-Time het, trotz missing Marie-Mojo.Wissi Unterwösch spaltet die Gemüter, Wöschmaschine sein Vater isch ein Huso und Marie sein Urgrossvater vilicht Napoleon - aber eine Frage bleibt: Trägemer sit Jahre die huere Tangas falsch?
• 
  ATZENFOTZENLEBEN 01.10.2026 1h 2min

  Zwüsche Hösli ufem Balkon, Bauarbeiter-Baddie und Quöllfrisch-Fanclub het die lieb Marie ihri süesse 32 Jahr gfiiret und auno grad Fans ufem Konzert troffe (sorry for the tism und die scheiss Sticker, we are working on it).Trotzdem hämmer jetzt Striit, will Marie het Luana sitze lah und Luana findet Marie nöd mausig und spötistens bide Benjamin Blümchen Torte isch verbi. Aber Management regelt, vo dem her: Luana, good Luck. Immerhin bliibt eini vo eus jewils Cleangirlig damit s'Glichgwicht stimmt und Gurkensaft wie ein Hurensohn getrunken wird.Trotzdem wirds wild: Marie het Zölibat ufgeh, Luana het Stalker wo Bäum schicket und mir bruchet Bodybuilderinne mit Butterfly, wo de Personeschutz reglet. Und sust eifach en Babo-Berliner fürd Luana solang texting nöd zu sexting wird und die Nacht mal wieder richtig gegessen wird. Und jetzt folged de @mausigmarie!
• 
  Es isch de Blitz! 24.09.2026 58min

  Achtung, Achtung: der Ruhm fliegt hoch! Öpe gnauso wie d'Marie wo nach 5 Wuche Alkoholenzug alles ufgholt het und maybe zur Samariterbitch mutiert isch - aber wenigstens isch de langmännig Seelefriede wieder hergstellt (we will see how long). D'Luana isch unterdesse süffisant uf Level Brunch am Sunntig und Chueche uf de Josefwiese acho - und mit Ikigai lauft das Ganze fast eso gschmiert wie mitem Miloš, wo ihre e freudigi Zuekunft prophezeit. Aber bis det ane isch die eint blockiert und die ander dreht im Chreis (und am Rad) UND JA MIR SÖTTET ALL ID THERAPIE.!Aber hauptsach de Tan sitzt ade Copacabana gnauso wie bim Fotoshooting, weil Hautfarbe Fleischkäse wollen wir nicht. Jetzt aber erstmal chli Luft is Hirn, bevor eusi Selbstbeschriebig eskaliert, d'Luana zvill rappt und de Orangesaft de Mimosa versaut. Und eigentlich isch sowieso alles ziemlich ok, solang d'Luana am Samstig nöd id Ikea muen und d'Marie nöd Marteria-Gollum muss beglücke. Und d'Kronehalle eus nöd cancelled. Slay!Übrigens, d'Föteli het die liebe Sabrina gemacht. CHECK HER OUT: https://www.sdphotography.ch/
• 
  She's the One 17.09.2026 1h 4min

  Crunch it up, Bitches! Euses erste Werbegschenk isch direkt is Wohnzimmer zu eus ufs Sofa gfloge, au wenn d'Nachricht vo Zweifel fast zu Fuckboy-Striit gführt hetti. Aber Marie hatte gute Gründe, wegen Hochzeits-Stalking und selbstverschuldetem Heartbreak. Apropos Hochziite, bitte de entsprechendi Atrag uf keim Fall so wie bi Robbie Williams, defür lieber mit roter Vespa in Rom oder zwüsche Chicken Nuggets. Zum Glück chasch di bide Hochzit ufd Luana verlah wo eh scho alles (für ihres no bevorstehende vilicht Date) plant het während d'Marie witer im Zölibat oder denn halt doch inere Drüeck Beziehig mit Robbie (oder Harry?) und ihrem Mami lebt. Zwüsche Michael Jackson und Beatles werdemer eus nöd einig ob de Zuekünftig sött de Poddi lose, defür aber, dass Respekt und Verständnis de Grundstei für zielführendi Diskussione sind. Fätzet uf jede Fall mal Lieder für de Live-Uftritt übere (UND CHAUFET TICKETS MAN!!!!) - im Zweifel (haha) denn halt Baba Haft, sofern er sich negstmal für en bessere Dönerschuppe entscheidet. Und nöd stinkt.Tickets für de Podcast Clash: https://www.seetickets.com/ch/event/podcast-clash/exil/3704376
• 
  Pool day, cool day 10.09.2026 57min

  Eure liebsten Hannelores senden live vom Pool aus Schaffhausen, wo d'Marie sich wie en Bazillus ignistet het und sich so wohl fühlt, dass bereits nackt herumgeirrt wird. Das het villicht scho zum eint oder andere Schreckmoment gfüehrt, was aber ned (nur) ade Pferdehaar uf de Brüst liht. Währenddesse isch gfühlt die halb Schwiz am wandere, usser d'Luana. Will die bewegt sich aktuell zwüsche Perioden- und Weltschmerz, und suhlt sich mit schlechtem Gwüsse im Selbstmitleid. Immerhin het sie kei Bazilluseier in der Fresse mehr und schlüsst sich de Marie ihrem Pimmel-Detox ah, wo immerno super lauft. Usser de Mexican Bad Boy usem Kartell schlenderet durd Steibi – dann gibts kein Halten, oder bessergseit, kein Atem mehr.
• 
  Multipli hundert 03.09.2026 58min

  WE DID IT! Und händ die 1000 Follower uf Insta knackt. Was für anderi en chline Win isch, isch für eus en Grund zum ide Kronenhalle fire. Danke für das! <3So muess sich d'Marie nämlich au nüme ide Cucaracha Bar oder in Casinos ufhalte, sondern sich nur no uf Pooldays fokussiere. Pool sowieso es grosses Thema, will det gseht sie sich au a ihrem 35 Geburtstag. Rauchend und mit flippigem Hut, versteht sich. Zahle wird das Ganze wahrschinlich d'Luana, wo sich wenigstens um ihres Geld kümmeret und au regelmässig ihri Ohre putzt. So blibt no vill Zit für Schaia Waia und Träum, wo hoffentli ned platzed. Jetzt git sich d'Luana aber erstmal de Birefigg am Argoviafest und d'Marie üebt sich als Pastorin. Falls sich also öper taufe lah will: d'Marie würds überneh!
• 
  Wer mit minus stirbt, het plus gmacht 27.08.2026 1h 5min

  First of all, mir händ Strit!!! Obwohl Clean Girl Marie tatsächlich es Buech (imene Kafi!) gläse het, träumt sie wild und gaht alte Schnürsenkel-Traumata uf de Grund. Meanwhile het d'Luana das Game durchgespielt, weil sie hat vom Besten (Eminem, of course) gelernt. Mit dem isch sie au als Klassesprecherin aka Regina George bide Mathilehrer wiit cho . Mit de Marie hingäge wär sie damals vermuetli nöd befründet gsi. Spötistens wenns Mc Raclette oder Raclette Döner git, simmer denn aber au wieder ein Herz und eine Seele. So wie d'Hannelores und ihre aperolgsprützti Veronatrip. Oder d'Luana und ihri 20-jährige Exil-Bekanntschafte, wo e Huut händ, als wäreds aus dem sogenannten Ei gepellt. Sie sind halt no jung, oder. Demit mir selber aber nöd nomeh Falte bechömed gits jetzt erstmal Pimmel-Detox statt Harem (Zyklus lässt grüssen). Zumindest bis Asie, denn meldet sich wieder die Hoe vom Dienst. Aber ufpasse: Jesus is watching!!!
• 
  Summertime Sadness 20.08.2026 1h

  Marie scheint die Sonne aus dem Arsch, will sit einere Wuche kei Alkohol dur ihri Adere flüsst. Was d'Luana leider ned cha behaupte und it shows. Biz grumpy lost sie de Marie zue, wie sie langsam mit shiny Nails zum Clean Girl wird - sich aber zerst no sponti het müesse enere Wurzelbehandlig unterzieh. Nüchtern und fröhlich verbringt d'Marie Geburtstagsraves mit Babys, während d'Luana langsam afangt em Summer nochetruure, will de letzti Dayrave bevorstaht. Bide Sternschnuppenacht het d'Luana au völlig vergässe, sich was wünsche, will sie demit beschäftigt gsi (berechtigterwiis) Dates crashe. Apropos Date: GSÄMMER EUS AM 28. OKTOBER IM EXIL AM PODCAST CLASH? Tickets chasch da chaufe abem 21.8. um 12:00 Uhr: https://www.seetickets.com/ch/event/podcast-clash/exil/3704376
• 
  HR für Harem 13.08.2026 52min

  Ned chönne im Traum bewege oder doch lieber Orgasmus? Usem Schlaf verwachet, simmer wieder für eu da und nehmet eu mit is neu gläbte Datingglück vode Marie, das vo handysüchtiger Luana gecrashed und gefeedbacked wird. Zum Glück simmer so ehrlich mitenand, will: Es isch e Gradwanderig zwüsche schwirige Theme aspreche und Feedback geh - grad wenns um Liebi gaht. D'Marie het entschiede, dass sie jetzt es Männerharem macht und d'Luana vertagt mal wieder ihri Gymphase. Hauptsach s'Bodyoil isch scho so wie bi die Shirin. Ob im Shrimpkostüm oder full Glamour: Mir findet das bald use, sofern ihr eus brav uf Instagram folget. Kronehalle isch quasi scho reserviert!!!
• 
  Back in the Game 06.08.2026 59min

  Tüdelüüü mir sind wieder da! Schön händer eus vermisst, aber no schöner, chönder nahvollzieh, dass es e churzi Mental Health Pause brucht het – aus Gründen. Defür hämmer ide Zwüscheziit das Flughafen Game gedribbelt und sind mit nur eim Handgepäck (defür aber billig Dosenbier) uf Berlin. Luana war gehyped, Marie verkateret; und finally wieder allei, weil Long Man isch mittlerwile long long gone. Gwünscht hätti sie sich chli meh Wertschätzig, aber was sölls. Wenigstens hets e wärmendi Pho Suppe vom Vater geh, wo usnahmslos gueti Sprüch und absolute Support geliefert het. Und das bis is letzte Detail, respektiv bis ins irische Hinterland – aber das müender eu selber geh. Back in the Game sind mir zu Disney Prinzessinne worde, händ Mutter Ikki gseh und waren auf dem CSD, wo denn leider es trurigs Endi gno het. So weh das au tuet: Mir stönd zäme. Und sind da. Blibed luut. Und wer weiss, villicht isch Liebi am Schluss doch stärker. Usser ade Streetparade, det lutscht d'Marie unfreiwillig ah fremde Achsle oder vilicht bald a bekannte Müüler? Cliffhanger chömmer, und in dem Sinne: see you ade Musikfestwuche!
• 
  Ganz e wildi Folg 23.07.2026 1h 1min

  IT'S A LOT! Achtung: mir redet i dere Folg über sexuelli Übergriff und Todesfäll. Falls dir das grad nöd guet tuet, skip die zweiti Hälfti und schalt am Schluss wieder ih, wenn d'Luana vo ihrere jugendliche Fuesslutsch-Story verzellt. Das isch au öpe genauso ernüchternd gsi wie de Start i ihre Geburtstag, wo sie mit Hasskommentär verbracht het, aber wenigstens wüssemer jetzt, dass mir Männer triggeret, Slay! Ide richtige Bubble isch sie defür am Bad Bunny Konzert unterwegs gsi und zum Glück nöd verhaglet worde, defür aber het sie deftig gschwitzt. Und das isch generell es Problem - vor allem je nach Zyklus. Deswege nachem obligate Fingerschmöck-Move ab jetzt nurno Baumwolle-Unterwösch, damits nöd fischelet und eus niemer chan d'Muschle usschläcke (wä). Aber back to the Roots, nödwahr, und in diesem Sinne LOSET NÖD DIE ALTE FOLGE aber defür die nächst, wo mer us de Wohnig vode Marie ihrem Vater ufnähmet, wo mir eineweg grad ihziend. Vorusgsetzt, mir schaffets durs Tunnel des Todes - aber im Zwiifelsfall eifach d'Marie fröge, die isch recht guet bim organisiere vo Todesfäll. In diesem Sinne: Lets do this!
• 
  Fuess-Lutsch-Cliffhanger 16.07.2026 1h 2min

  Fründschafte scho crazy, will eini het Huus und Garte, die ander Chind, die dritt fangt wieder ah studiere und mir wüsset nödemal, obs Geld für de Döner langet. Item, solangs kein Pilz isch simmer happy, und das obwohl d'Marie nöch de Hungersnot isch, weil Herd kaputt. Dafür Mermaid-Party für Long Man, wo bald abreist - aber ALLES GUET, wie d'Marie bisher behauptet. Debi isch sie realistisch und poetisch unterwegs, deswege slidemer into Life-Deepeness mit eigener Identität und redet über Ziel und Träum. Irgendwo zwüsche Philosophie-Studium und Baba Uslender wird die liebe Marie hoffentli emal Schwiizerin. Bitz üebe müemer aber nomal mit grösste See und höchste Berge, aber hauptsach Aromat!!d'Luana hets am Schluss denn übrigens doch no as Frauefeld (SPONSORET EUS) gschafft und Shoutout an die Bern-Boys, dank dene ischs Festival au ohni Backstage en volle Erfolg gsi. De Sound dihei het denn aber nöd gehittet, nödemal zum lätsche hets glanget. Aber für das gaht d'Luana eh lieber uf Bumble, det gits gnueg Gründ zum brüele: Online-Dating wird ein für alle Mal abgeschrieben!! Genauso wie Violett und Bruun. Regeboge klappt denn immerno, und apropos: bald simmer ade Pride in Berlin, also bleibt gespannt - OK byee (muss go Füess wäsche)
• 
  Everything is possible 09.07.2026 54min

  It's Caliente, Baby! Nach kurzer Einsicht gibt es Aussicht und ein Hoch auf Nächte, wo de Vibe so ume isch, dass nüt usser dich und dini Crew gsehsch, und ebe au nüt anders bruchsch. Und wenn de Frozen Strawberry Daiquiri denn auno fast so hittet wie in Thailand, wirds sicher nüm besser.Apropos reisen: d'Marie hets id Heimat verschlage und deswege reisemer bitz zrugg ih ihri Chindheit, redet über Todesfäll und Verlust, aber au über neu erlernti Verwandtschaftsliebi und wie usem Tod öpis neus chan entstah. Wo mer aber gar nöd uf en grüene Zweig chömet, isch s'Onlinedating und deswege hatemer the Player AND the Game. Will de Luana ihri Brüst sind zwar grande Cinema, aber dehinter steckt es riesigs Herz, wo genau für das wett gliebt werde, Döner oder Shawarma, hin oder her. Katholismus, Katholizismus? Wo mer eus aber ganz sicher einig sind, isch dass d'Luana in Himmel chunt, wegen Bauchgefühl. Bide Marie wirds maybe schwierig, aber die wartet oben ohne en Stock tüüfer. So oder so, glaub ah was und wer du willsch, solangs dich glücklich macht - and never forget: everything is possible!
• 
  Das sogenannte Sex-Sandwich 02.07.2026 59min

  Theater-Lätsch-Luana entfernt sich emotional nöd nur vo Fleischchäs, sondern au vo ihrem Onlinedating - will zwüsche Buechtitel und Zwei-am-morge-Bootycalls hets leider nonig gfunkt.Keis Problem, will sie wiicht eifach uf Brasilie (oder as Caliente) us, vilicht blibt ja det eine chläbe und sust eifach Wasserglace in Anus, hilft au. Anstatt Love is Blind gaht d'Marie für sexual Attraction in Dark Room, will sie bim schaffe eh nur Ohrwürmer sammlet und irgendwo ide Krise bemerkt, dass Masturbation vilicht d'Lösig isch (währned de Longman ihri Ufgabe erledigt). So oder so: Speak up bim Sex, bauet das Sexspillzüg grad ih und kei Sorg, wenn das mitem Orgasmus nöd jedesmal klappt. Und falls alles nüt hilft, mach eifach Männer hässig, das git zumindest de Marie de absolut Energyboost. Und das obwohl sie zu cool isch für Hobby Horsing während d'Luana ganz sicher nöd uf de ÖV secklet, will sie det öperem chönti begegne wo sie nöd wett - vilicht het sie deswege ja de zweit Weltchrieg verlore. In dem Sinne: SCHNABIG!
• 
  Nüüss-Nippel 25.06.2026 1h 1min

  Schwatzen und Schwitzen ist angesagt! Bei gediegenen 47 Grad veränderet sich au de Körper und das vorallem in Hiiblick uf Körperflüssigkeite. D'Marie het Monsterböögge und d'Luana chützelet sich mit ihrne Gelnägel zum Nüüss-Marathon und hebt debi ihri harte Nippel. Sonst alles beim Alten, usser, dass Tiktok ahkackt und Insta d'Marie dezue verleitet Vogelmuetter welle si, anes Dancebattle gah und en Fründ finde, wo ihri (nöd taubi) Muetter um ihre Sege bittet. Bewaffnet mit Schwümmschüehli und CAS in Leadership triffsch eus denn demnächst bim Offlinedating, will das mit dene Apps harzt - aber no worries, mir findet no de eint, wo denn hoffentli au eifach Thunfischdip und chalts Bier anstelle vo Rüeblichueche serviert.
• 
  Den Dreisten gehört die Welt 18.06.2026 58min

  Spray Tan sitzt öpe so wie de Luana ihri Hochziitred und ihri Enttüschig am Singletisch. Mir startet uf jede Fall steil (oder senkrecht ufem Liegestuehl) ine neui Ära: d'Luana isch zrugg im Onlinedating und zeigt sich ehrlich im MTV Shirt, mit Lippencombo und Thunfischmayo-Obsession. De Gianluca het sie so zwar nöd gfunde und au das mit de Sprichwörter üebemer nomal - defür chunt sie aber de Marie (aka little One aka Bubba) ufd Schlichi, wo ihri romantischi Siite mitem Longman entfaltet (WÄ?!).Und wenn die Tarotcharte lüget, denn erziehmer eifach Männer online oder wehret eus aktiv geg de Massetourismus ade Langstrass, solangs det kein Doppelchreisel git. Aber egal ob Frauefeld endlich sponsoret oder Schlüssel legge Red Flag isch: du bist gut genuuuuuug und sicher keine Eintagsfliege!
• 
  Wer het gschosse, Bruder? 11.06.2026 1h

  FUCK THE HATERS!!!! Started at the Bottom und sitzet immerno zäme ufem Sofa, aber wenigstens im Cougar-Mantel und no mit allne Auge (das war knapp!). Mir liebet eus nach wie vor, und eu au – und damit wird din Lieblingspodcast hüt 26 Folge alt. Er chönnt in Menschejahr zwar nonig laufe, aber wenigstens "schnoogge" und deswege robbet mir eus ganz smooth i eui Frage rund um de Podcast, Dating, Fründschaft, Liebi und das Leben. Zwüsche Shitstorms, Fisting, Bitcoin-Investments, Altersglasseheit, Bubble-Maschine, grosse Lüge und chline Insecurities simmer hüt fast alles, nur nöd ruhig. Und bliibet eus demit meh als treu. Mir stosset mit eu ah uf es ereignisriichs halbs Jahr, uf wiiteri gmeinsami Stunde und wichtigi Erkenntnis – und das alles wie gehabt: ohni Vorwarnig. Und zwar eifach will mers chönnd!
• 
  Let it be a Zyklusproblem 04.06.2026 1h 2min

  Benito, Baby! Zum Glück, isches nöd s'letzte Mal gsi, wo d'Luana ihre geliebti Bad (but very good) Bunny gseht, sust wär sie jetzt scho more heartbroken than ever. Defür schiebt d'Marie mal wieder Sinneskrise und brucht en höchere Sinn, wo vermuetli nöd dur Klättere chan erfüllt werde. Irgendwo zwüsche „Was mach ich mit mim Läbe“ und „I gotta chill“ git sie sogar bitz zue, dass sie ebe doch echli am crushe isch uf de Long Man. Oder sogar ready für de Atrag, aber eigentlich egal vo wem (this screams THERAPY, giiiirl!). Und wenn nöd Knäckebrot in Schwede, denn sust eifach Currywurst und Spaghetti-Eis als Balsam fürs deutsche Kartoffelherz im "Oder wat". Oder im Zweifel eifach Röstzwieble obedruf, denn isch de Lebenssinn au nüm wiit. Usser die Röstzwieble wänd e offeni Beziehig, denn laufts au trotz steilem Dating-Start nöd – ya no somos ni seremos.
• 
  Wer pünktlich ist, ist klar im Vorteil 28.05.2026 1h 1min

  Ovulating here we go! D'Marie isch hässig, d'Luana glowt - und macht sich chli Gedanke, wie sie das mit de Traured löst und ob brüelt wird. Hauptsach keis Gschrei, will das sparemer eus für de nächst Striit uf, immerhin wüssemer ja jetzt dass alles gesittet bleibt. Usser du erschiinsch unpünktlich oder suufsch Rhabarberschorle, denn hesch ganz schlechti Charte bide Marie. Sie plant dir aber dini Ferie, während d'Luana Schoggicakes overthinkt und Buebe abschlaht. Uf de Onlinedating-Gossip müender no bitz warte, und wenner d'Luana denn endlich matched, denn bitte nur uf en Apero - und wenn Esse, denn richtig!!!