ԱՐՄԵՆՊՐԵՍ/ARMENPRESS

Podcast-Հարց բժշկին. մեկ դոնորի արյունը կարող է փրկել մինչև երեք կյանք. ինչ է պետք իմանալ արյան դոնորության մասին 15.06.2026 10min

Հունիսի 14-ին ամբողջ աշխարհում նշվում է Արյան դոնորի համաշխարհային օրը՝ ևս մեկ անգամ ընդգծելով արյան դոնորության կարևորությունն ու դրա անփոխարինելի դերը հազարավոր մարդկանց կյանքերի փրկության գործում։ Թեև այդ օրը տարբեր երկրներում անցկացվում են իրազեկման արշավներ և միջոցառումներ, մասնագետները հիշեցնում են՝ արյան կարիքը միշտ կա և դոնոր դառնալու անհրաժեշտությունը չի սահմանափակվում միայն մեկ օրով։

Podcast-Sport. Մեկնարկում է ֆուտբոլի աշխարհի առաջնությունը 11.06.2026 16min

Մեկնարկում է ֆուտբոլի աշխարհի առաջնությունը, որն առաջին անգամ անցկացվում է երեք երկրում` ԱՄՆ, Մեքսիկա, Կանադա:«Արմենպրես»-ի Podcast-Sport-ում հյուրընկալել ենք Հանրային ռադիոյի երկրորդ ալիքի սպորտային թղթակից Գևորգ Մալաքյանին, որի հետ խոսել ենք հյուրընկալող երկրներից, խմբերի ֆավորիտներից, չեմպիոնության հիմնական հավակնորդների, թիմերի ներուժից:

Podcast-Sport. Հայաստանի ֆուտբոլի առաջնության չեմպիոնը 04.06.2026 15min

Հայաստանի ֆուտբոլի առաջնության 2025/26 մրցաշրջանի հաղթողն «Արարատ-Արմենիա»-ն է, որը երկրի չեմպիոնի տիտղոսը հերթական անգամ նվաճեց 6 տարվա ընդմիջումից հետո։«Արմենպրես»-ի Podcast-Sport-ում հյուրընկալել ենք «Արարատ-Արմենիա»-ի մեդիա բաժնի ղեկավար Գևորգ Ղազարյանին, որի հետ խոսել ենք անցած մրցաշրջանից, ակումբի ենթակառուցվածքներից, ակադեմիայի աշխատանքից

Podcast-Հարց բժշկին. արևահարությունից մինչև աղիքային վարակներ․ մանկաբույժը ներկայացրել է ամռան ընթացքում երեխաների համար հիմնական ռիսկերը 01.06.2026 13min

Երեխաների պաշտպանության միջազգային օրը կարևոր առիթ է հիշեցնելու, որ երեխաների պաշտպանությունը սկսվում է նրանց առողջ ու անվտանգ մանկությունն ապահովելուց։ Ամառային ամիսներին, երբ երեխաներն ավելի շատ ժամանակ են անցկացնում բացօթյա միջավայրում, մեծանում են արևահարությունների, ջրազրկման, աղիքային վարակների, ալերգիկ ռեակցիաների և տարբեր վնասվածքների ռիսկերը։«Արմենպրես»-ի «Հարց բժշկին» նախագծի շրջանակում «Մուրացան» համալսարանական հիվանդանոցի նորածնային պաթոլոգիայի և վաղ մանկական հասակի մանկաբուժական ծառայության մանկաբույժ-նեոնատոլոգ Գոհար Մարգարյանի հետ զրուցել ենք ծնողներին հուզող կարևոր հարցերի պատասխանների՝ ամառային շրջանում երեխաների առողջության պահպանման մասին։Մասնագետը նշեց, որ ամռանը երեխաների շրջանում ամենահաճախ հանդիպող առողջական խնդիրներից են արևահարությունները, որոնք կարող են ուղեկցվել նաև ջրազրկմամբ: Տարածված են նաև սննդային թունավորումներն ու աղիքային վարակները, ալերգիկ ռեակցիաները, միջատների խայթոցները, ինչպես նաև տարբեր վնասվածքներն ու ջրային հանգստի ընթացքում գրանցվող դժբախտ պատահարները։

Podcast. Երեխայի լավագույն շահն ու խնամատարության զարգացումը՝ պետության քաղաքականության առանցքում 01.06.2026 22min

Երեխաների հիմնահարցերի ոլորտում պետական քաղաքականության առանցքում երեխայի լավագույն շահն ու ընտանիքում ապրելու իրավունքի ապահովումն է։«Արմենպրես Podcast» նախագծի շրջանակներում այս մասին նշել է ՀՀ աշխատանքի և սոցիալական հարցերի նախարարության երեխաների հիմնահարցերի բաժնի պետ Արևիկ Ստեփանյանը։Նրա խոսքով՝ պետության ամբողջական հոգածության ներքո են գտնվում առանց ծնողական խնամքի մնացած երեխաները, որոնց խնամքն ու դաստիարակությունը կազմակերպվում է շուրջօրյա 4 հիմնական կազմակերպություններում։«Երեխաների հետ տարվող աշխատանքներում առանձնակի շեշտադրում ունի մասնագիտական կողմնորոշման ուղղությամբ աշխատանքների իրականացումը, որովհետև համապատասխան տարիքային շեմը հատելիս՝ արդեն կարևորագույն դեր ունի մասնագիտական կողմնորոշումը, նրանց մասնագիտության ընտրելու հետ կապված հարցերը։ Կազմակերպություններում խնամվող երեխաները ինտենսիվ համայնքային ծառայություններից են օգտվում, ընդգրկված են բազմաբնույթ, արտակենտրոն խմբակներում, արտադպրոցական պարապմունքներում։ Մեզ համար շատ կարևոր է, որպեսզի երեխաները ներառվեն հասարակության մեջ, համայնքային ծառայություններից օգտվեն, ինչը հիմքում մի կարևոր գաղափար ունի՝ հետագայում սահուն անցումն անկախ կյանքի»,- նշել է Ստեփանյանը։

Podcast. Հաշմանդամություն ունեցող անձանց պետական ծրագրերի բյուջեն վերջին 5 տարիներին եռապատկվել է 27.05.2026 20min

Վերջին տարիներին Հայաստանում էապես ընդլայնվել են հաշմանդամություն ունեցող անձանց համար նախատեսված պետական աջակցության ծրագրերը՝ ինչպես ֆինանսավորման ծավալների, այնպես էլ մատուցվող ծառայությունների շրջանակի առումով։«Արմենպրես Podcast» նախագծի շրջանակներում ՀՀ աշխատանքի և սոցիալական հարցերի նախարարության հաշմանդամություն ունեցող անձանց հիմնահարցերի բաժնի պետ Աննա Հակոբյանը նշեց, որ հաշմանդամություն ունեցող անձանց աջակցության ծրագրերի համար հատկացվող պետական ֆինանսավորման ծավալը 2020 թվականի համեմատ 2025-2026 թվականներին աճել է երեք անգամ։ Ըստ այդմ՝ ավելացել է նաև շահառուների թիվը, ընդլայնվել մատուցվող ծառայությունների շրջանակը։

Podcast-Sport. «Սարդարապատ» ֆուտբոլային ակումբի առաջին տիտղոսային նվաճումը 27.05.2026 16min

Հայաստանի ֆուտբոլի առաջնության Առաջին խմբի չեմպիոնն այս մրցաշրջանում իր նորամուտը պրոֆեսիոնալ մակարդակում տոնած «Սարդարապատ» ֆուտբոլային ակումբն է:«Արմենպրես»-ի Podcast-Sport-ում հյուրընկալել ենք «Սարդարապատ» ֆուտբոլային ակումբի գլխավոր տնօրեն Անուշ Անանյանին, որի հետ զրուցել ենք ակումբի առաջին տիտղոսային նվաճման, թիմի ակադեմիայի ներուժի, կանանց ֆուտբոլի զարգացմանն ուղղված քայլերից:

Podcast․ Կանանց չվճարվող աշխատանքի ցուցանիշը դեռևս անհամեմատ բարձր է, իսկ զբաղվածության մակարդակը՝ ցածր 20.05.2026 16min

Հայաստանի Հանրապետությունում գենդերային քաղաքականության իրականացման 2025-2028 ռազմավարությամբ սահմանվել է 6 հիմնական գերակայություն՝ միտված գենդերային հավասարության ոլորտում բարեփոխումների իրականացմանն ու առկա խնդիրների հասցեագրմանը։«Արմենպրես Podcast» նախագծի շրջանակներում ՀՀ աշխատանքի և սոցիալական հարցերի նախարարության մարդկանց թրաֆիքինգի և կանանց հիմնահարցերի բաժնի պետ Արմինե Ալավերդյանը մանրամասնեց, որ առաջին ուղղությունը վերաբերում է որոշումների կայացման գործընթացում կանանց առաջխաղացմանը։ Երկրորդ կարևոր առաջնահերթությունն աշխատաշուկայում առկա գենդերային խզվածքի հաղթահարումն է, քանի որ Հայաստանում կանանց զբաղվածության մակարդակը դեռևս զիջում է տղամարդկանց ցուցանիշներին։Ռազմավարության հաջորդ բաղադրիչը կրթության և գիտության ոլորտում գենդերային հավասարության հաստատումն է, մասնավորապես՝ բարձր վարձատրվող ոլորտներում կանանց ներգրավվածության խթանումը։

Podcast. Տարեցների համար խնամքի ծառայությունները դառնում են ավելի մոտ և հասանելի 13.05.2026 13min

Հայաստանում տարեցների և հաշմանդամություն ունեցող անձանց խնամքի ծառայությունների պահանջվածության աճին զուգահեռ՝ պետության կողմից ներդրվում և զարգացվում են դրանց համայնքային մոդելներ։«Արմենպրես Podcast»-ի շրջանակներում ՀՀ աշխատանքի և սոցիալական հարցերի նախարարության տարեցների հիմնահարցերի բաժնի պետ Սոնա Բարսեղյանը նշել է, որ ժողովրդագրական ծերացումը դարձել է սոցիալական քաղաքականության կարևորագույն մարտահրավերներից մեկը։ Նրա խոսքով՝ անցած տարի Հայաստանում տարեցների թիվը կազմել է երկրի բնակչության ավելի քան 17 տոկոսը։

Podcast-Հարց բժշկին. ժառանգական անգիոայտուց՝ կյանքին սպառնացող հազվադեպ հիվանդություն, որը հաճախ շփոթում են ալերգիայի հետ 11.05.2026 20min

Մայիսի 16-ը ժառանգական անգիոայտուցի իրազեկման միջազգային օրն է: Ժառանգական անգիոայտուցը (HAE/ԺԱ) գենետիկորեն պայմանավորված, շատ հազվադեպ և կյանքին պոտենցիալ սպառնացող հիվանդություն է: Այն առաջացնում է մարմնի տարբեր հատվածների՝ ձեռքերի, ոտքերի, դեմքի, ինչպես նաև կոկորդի և շնչուղիների այտուցներ։ Հիվանդներին հաճախ անհանգստացնում են նաև ուժեղ որովայնային ցավերը, սրտխառնոցն ու փսխումը, որոնք պայմանավորված են աղիների պատերի այտուցով։ Ամենավտանգավոր դրսևորումը կոկորդի այտուցն է, քանի որ այն կարող է հանգեցնել շնչահեղձության և մահվան։Թեմայի շուրջ, պատճառների, բուժման մեթոդների և մի շարք կարևոր հարցերի մասին «Արմենպրես»-ի «Հարց բժշկին» փոդքաստի շրջանակում զրուցել ենք ԵՊԲՀ Կլինիկական իմունոլոգիայի և ալերգոլոգիայի ամբիոնի ասիստենտը և «Հերացի» համալսարանական հիվանդանոցի Ալերգոլոգիայի և իմունոլոգիայի կլինիկայի բժիշկ Մարիամ Մովսիսյանի հետ:Մարիամ Մովսիսյանի խոսքով՝ հիվանդությունը տարբերվում է սովորական ալերգիկ այտուցներից, քանի որ պայմանավորված է գենետիկ մուտացիայով և փոխանցվում է սերնդեսերունդ. «Գենի մուտացիայի հետևանքով օրգանիզմում որոշակի սպիտակուց չի արտադրվում, ինչի պատճառով կուտակվում է բրադիկինին կոչվող նյութը, որն էլ առաջացնում է այտուցները։

Podcast. Հայաստանում գործազրկության ցուցանիշները շարունակում են նվազել 29.04.2026 33min

Վերջին երկու տարիներին Հայաստանում էականորեն նվազել է աշխատանք փնտրող և գործազուրկի կարգավիճակ ունեցող անձանց թիվը։«Արմենպրես Podcast» նախագծի շրջանակներում Միասնական սոցիալական ծառայության պետի տեղակալ Լիաննա Թովմասյանը, ներկայացնելով զբաղվածության ոլորտում արձանագրված վերջին միտումները, մանրամասնեց, որ 2025 թվականի դեկտեմբերի վերջի տվյալներով Հայաստանում հաշվառված է եղել շուրջ 46,5 հազար աշխատանք փնտրող անձ, որից մոտ 32,9 հազարն ունեցել է գործազուրկի կարգավիճակ։ Նրա խոսքով՝ արդեն ընթացիկ տարվա ապրիլի 1-ի դրությամբ աշխատանք փնտրողների թիվը նվազել է մինչև 36,9 հազար, իսկ գործազուրկներինը՝ մինչև 27,2 հազար։Ըստ Թովմասյանի՝ նվազման միտումը պայմանավորված է աշխատանքի տեղավորման ուղղությամբ իրականացվող ծրագրերով։

Podcast. Սփյուռքի հանձնակատարի գրասենյակի ծրագրերի նպատակը Հայաստան-Սփյուռք հարաբերություններն ակտուալ դարձնելն է․Սինանյան 27.04.2026 34min

Հայաստանի Հանրապետության սփյուռքի գործերի գլխավոր հանձնակատարի գրասենյակի ավելի քան 6 տարիների գործունեությունն առանձնացել է Հայաստան-սփյուռք հարաբերությունների արդիականացմանը միտված ծրագրերի ու միջոցառումների իրականացմամբ։ «Արմենպրես Podcast» նախագծի շրջանակներում Սփյուռքի գործերի գլխավոր հանձնակատար Զարեհ Սինանյանը, ներկայացնելով գրասենյակի 6.5 տարիների ընթացքում իրականացված ծրագրերն ու արդյունքները, նշեց, որ հայության համար այդ ժամանակահատվածն աչքի է ընկել առանձնահատուկ իրադարձություններով, որոնք իրենց ազդեցություն են ունեցել նաև գրասենյակի գործունեության վրա։ Սինանյանի խոսքով՝ գրասենյակի գործունեության առանցքում եղել է Հայաստան–սփյուռք հարաբերությունների արդիականացումը՝ հիմնված ավելի գործնական, իրականության վրա, ինչպես նաև Հայաստանի քաղաքական ու պետական համակարգը սփյուռքի համար առավել թափանցիկ դարձնելը։

Podcast. Բազմազավակ ընտանիքների բնակապահովման պետական աջակցությունն ընդլայնվում է 22.04.2026 19min

Հայաստանի կառավարության կողմից արդեն վեց տարի իրականացվող՝ երեխա ունեցող ընտանիքների բնակապահովման ծրագրի դիմելիության տեմպերն այնքան բարձր են, որ ամեն տարի բյուջեի վերաբաշխման անհրաժեշտություն է առաջանում։Այս մասին «Արմենպրես Podcast» նախագծի շրջանակներում հայտարարեց ՀՀ աշխատանքի և սոցիալական հարցերի նախարարության կառուցվածքային ստորաբաժանումների առանձին գործառույթներ համակարգող խորհրդական Գայանե Ղարագյոզյանը։«Եթե խոսենք 2020 թվականի հուլիսի 1-ից մինչ այս պահն ընդգրկող ցուցանիշներից, ապա արդեն 15 հազար 900 շահառու օգտվել է ծրագրից։ Այս տարիների ընթացքում պետական բյուջեից նրանց արդեն վճարվել է շուրջ 12 միլիարդ դրամ։ Եթե միայն խոսենք 2026 թվականի մասին, ապա արդեն 750 շահառու ստացել է աջակցությունը․ընդհանուր շուրջ 851 միլիոն դրամ է նրանց վճարվել»,-մանրամասնեց Ղարագյոզյանը՝ հավելելով, որ ներկայում շուրջ 400 դիմում էլ գտնվում է ուսումնասիրության փուլում։

Podcast-Հարց բժշկին. մազաթափություն՝ պատճառներից մինչև բուժում․ ի՞նչ պետք է իմանալ և ե՞րբ է պետք դիմել բժշկի 20.04.2026 17min

Մազաթափությունը լայն տարածում ունեցող խնդիրէ, որը կարող է առաջանալ տարբեր պատճառներով՝սկսած սթրեսից մինչև հորմոնալ խանգարումներ ևգենետիկ գործոններ։ Թեմայի շուրջ, պատճառների, բուժման մեթոդների և ճիշտ խնամքի մասին«Արմենպրես»-ի «Հարց բժշկին» փոդքաստիշրջանակում զրուցել ենք մաշկաբան ԼուսինեՄեժլումյանի հետ։

Podcast. Նույնիսկ խաղի կանոններ թելադրողները Մերձավոր Արևելքի համար չունեն հստակ ծրագիր․ փորձագիտական վերլուծություն 15.04.2026 21min

Քաղաքական մեկնաբան Սագօ Արեանը կարծում է, որ մերձավորարևելյան զարգացումներն ընկալելու համար անհրաժեշտ է խորությամբ գիտակցել, թե ինչ է տեղի ունենում, մասնավորապես, Լիբանանում, որովհետև այդ երկիրն ամբողջ տարածաշրջանի տեղաշարժերի հանգուցակետն է։ «Արմենպրես»-ի փոդքաստի թողարկման շրջանակում Սագօ Արեանն անդրադարձավ Մերձավոր Արևելքում տեղի ունեցող իրադարձություններին և այդ ամենի համատեքստում վերլուծեց, մասնավորապես, Լիբանանում առկա իրավիճակը։

Podcast. Հեռավար աշխատանքի հնարավորության ներդրումը դրական արձագանք է ստացել գործատուների և աշխատակիցների կողմից 15.04.2026 17min

Հայաստանում հեռավար աշխատանքի կարգավորումների ներդրումը դրական արձագանք է ստացել ինչպես գործատուների, այնպես էլ աշխատակիցների կողմից՝ դառնալով ոչ միայն ճգնաժամային իրավիճակների համար նախատեսված լուծում, այլ նաև ճկուն և արդյունավետ հնարավորություն։«Արմենպրես Podcast» նախագծի շրջանակում ՀՀ աշխատանքի և սոցիալական հարցերի նախարարի տեղակալ Լուսինե Քոչարյանը նշեց, որ Հայաստանում, մասնավորապես, ֆինանսական ծառայություններ մատուցող և տեղեկատվական տեխնոլոգիաների ոլորտներում կան կազմակերպություններ, որոնք լիովին անցել են հեռավար աշխատանքի ձևաչափին։

Podcast-Հարց բժշկին. ինչ հիվանդություն է կարմիր քամին և ինչպես տարբերել այն մաշկի այլ խնդիրներից 13.04.2026 11min

Կարմիր քամին մաշկի և ենթամաշկային ճարպաբջջանքի վարակային ծագման սուր հիվանդություն է։ Չնայած այն հանգամանքին, որ ժամանակակից բժշկությունը զգալի առաջընթաց է գրանցել՝ կարմիր քամին շարունակում է մնալ տարածված և երբեմն նաև վտանգավոր։ «Արմենպրես»-ի «Հարց բժշկին» փոդքաստի հերթական թողարկման շրջանակում թեմայի շուրջ զրուցել ենք բժիշկ-վարակաբան, վարակաբանության գծով ԱՆ խորհրդատու Արմեն Օհանյանի հետ:

Podcast.Արտապատվիրակված սոցիալական ծառայությունները շարունակական ընդլայնվում և զարգանում են 09.04.2026 19min

Պետության կողմից 2019-2020 թվականներից սուբսիդիաների փոխարեն սոցիալական պաշտպանության ոլորտում ծառայությունների արտապատվիրակման ներդրումից հետո այդ շրջանակներում իրականացվող ծրագրերը շարունակաբար ընդլայնվում և զարգանում են։«Արմենպրես Podcast» նախագծի շրջանակներում ՀՀ աշխատանքի և սոցիալական հարցերի նախարարի տեղակալ Տաթևիկ Ստեփանյանը, ներկայացնելով ոլորտում իրականացվող քաղաքականությունն ու ծրագրերը, նախ պարզաբանեց, որ Կառավարության սահմանած ընթացակարգով պետական միջոցներով սոցիալական ծառայություններ մատուցող կազմակերպությունները պետք է պարտադիր հավաստագրվեն։Հինգ տարի ժամկետով տրամադրվող հավաստագրման համար սահմանված են մի շարք չափորոշիչներ՝ սկսած տարածքային պայմաններից մինչև մասնագիտական անձնակազմի առկայություն։

Podcast. Սփյուռքի երիտասարդ դեսպան ծրագիրը շարունակաբար ընդլայնել է մասնակիցների թիվն ու աշխարհագրությունը 08.04.2026 11min

Հայաստանի Հանրապետության սփյուռքի գործերի գլխավոր հանձնակատարի գրասենյակի «Սփյուռքի երիտասարդ դեսպան» ծրագրի գործունեության 5 տարիների ընթացքում դրան մասնակցել է 113 երիտասարդ՝ աշխարհի 32 երկրից։«Արմենպրես Podcast» նախագծի շրջանակներում այս մասին տեղեկացրեց «Սփյուռքի երիտասարդ դեսպան» ծրագրի ղեկավար Լիլի Խաչատրյանը՝ հավելելով, որ արդեն մեկնարկել է ծրագրի 6-րդ շրջափուլը, որի շրջանակներում ընթանում է հայտերի ընդունումը։«Մարտի 23-ից արդեն իսկ ընդունում ենք հայտերը, իսկ վերջնաժամկետը մինչև մայիսի 1-ն է։ Արդեն 27 հայտեր են ստացվել աշխարհի 14 երկրից»,-մանրամասնեց Խաչատրյանը։

Podcast-Հարց բժշկին. պոլիկլինիկաներում դիմելիությունն աճել է մինչև 40 տոկոս. ինչ է փոխել համընդհանուր ապահովագրությունը 06.04.2026 7min

Առողջապահական առաջնային օղակը և ընտանեկան բժիշկները շարունակում են մնալ առողջապահական համակարգի հիմնասյուներից մեկը, հատկապես, երբ համակարգում ներդրվում են նոր գործիքներ և ընդլայնվում են ծառայությունների հասանելիության հնարավորությունները։ Այս համատեքստում առավել ակնառու է դառնում առաջնային օղակի դերը՝ թե՛ հիվանդությունների կանխարգելման, թե՛ վաղ ախտորոշման և բուժման գործընթացում։«Արմենպրես»-ի «Հարց բժշկին» փոդքաստի շրջանակում «Հերացի» պոլիկլինիկայի բաժնի վարիչ, ընտանեկան բժիշկ Անահիտ Խոցանյանի հետ զրուցել ենք, թե ինչպե՞ս է փոխվել համակարգը, ի՞նչ ծանրաբեռնվածությամբ են աշխատում ընտանեկան բժիշկները և ի՞նչ պետք է իմանան քաղաքացիները իրենց առողջության պահպանման համար։