لسا عم نفهم

Épisodes

• 
  الحلقة 5 | الموت , الحقيقة يلي كلنا منعرفها 02.10.2026 13min

  كلنا منعرف إننا رح نموت… بس منعيش وكأن معنا وقت بلا نهاية.بهالحلقة من LAYL | ليل 🌙 منحكي عن الموت، مو حتى نخاف منه، بل حتى نفهم الحياة أكتر.ليش منأجل الأشخاص والأحلام والمصالحة؟
ليش منضيع سنين على خلافات وأشخاص ما بيستاهلوا؟
وكيف ممكن إنسان يعرف إن حياته محدودة، ومع هيك يختار يظلم أو يؤذي غيره؟منحكي كمان عن علم النفس، وعن كيف بتتغير أولوياتنا لما نحس إن الوقت صار محدود.وعن واحدة من أصعب أفكار الموت:
إن معظم «المرات الأخيرة» بحياتنا… ما منعرف إنها الأخيرة وهي عم تصير.آخر مكالمة.
آخر ضحكة.
آخر حضن.
آخر مرة نشوف فيها شخص منحبّه.يمكن تذكّر الموت مو حتى نخاف من النهاية…
يمكن حتى نتذكر إن الحياة عم تصير هلأ.🎙️ الحلقة 5 — الموت
LAYL | ليل 🌙
لسا عم نفهم.
• 
  الحلقة 4 | الغربة والهوية 🌙 30.08.2026 18min

  شو بيصير فينا لما نعيش سنين بعيد عن المكان اللي جينا منه؟الغربة ما بتغيّر عنواننا وبس… أحيانًا بتغيّر أفكارنا، شخصيتنا، وحتى إحساسنا بمين نحنا.بهالحلقة من LAYL | ليل 🌙 بحكي عن فقدان الهوية، وعن الشعور إنك عالق بين الأصل والوطن الجديد؛ لما ترجع للمكان اللي جيت منه وتحس إنك تغيّرت، وبنفس الوقت ما تحس إنك بتنتمي بالكامل للمكان الجديد.عن النسخة القديمة منّا والنسخة اللي صنعتها الغربة، وعن سؤال يمكن كل مغترب سأل حاله مرة:مين كنت رح كون لو ما غادرت؟ويمكن بالنهاية… الغربة ما بتخلينا نفقد هويتنا، قد ما بتغيّر معنى الهوية والانتماء بالنسبة إلنا.🎙️ الحلقة 4 — الغربة والهوية
LAYL | ليل 🌙
لسا عم نفهم
• 
  الحلقة 3 | ماتغلط غلطي | خمس اخطاء عملتها بحياتي 🌙 19.08.2026 19min

  في أخطاء ما منتعلم منها إلا بعد ما ندفع ثمنها. .بهالحلقة من بودكاست LAYL 🌙 بحكي عن 5 أخطاء عملتها بحياتي، وأشياء أخدت مني وقت طويل حتى أفهمها.عن الحدود مع الناس، المساحة الشخصية، حب الذات، الاحتفاظ ببعض الأشياء إلنا، وعن إعطاء الفرص أكتر من اللازم.مو لأن عندي كل الأجوبة…
بس لأن في أشياء كنت بتمنى لو حدا حكى لي عنها قبل ما أتعلمها بالطريقة الصعبة.🎙️ الحلقة 3 — ما تغلط غلطيوإنت… لو رجع فيك الوقت، شو الغلطة اللي ما كنت رح تكررها؟LAYL | ليل 🌙
لسا عم نفهم
• 
  الحلقة 2 | بدك الصراحة؟.. ولا الجواب يلي بريحك؟ 15.08.2026 12min

  كلنا منقول: احكيلي بصراحة… ما بزعل.بس هل فعلًا بدنا نسمع الحقيقة؟بهالحلقة من «لسا عم نفهم» منحكي عن الصراحة، والفرق بينها وبين القسوة، وليش أحيانًا منطلب الحقيقة وإحنا بالحقيقة ناطرين الجواب اللي بيريّحنا.هل كل حقيقة لازم تنقال؟ وهل الشخص اللي بيخالفنا فعلًا ضدنا؟🌙 LAYL | ليل — لسا عم نفهم
• 
  الحلقة 1 | النهايات يلي ما انتهت 14.08.2026 12min

  في نهايات ما بيكون إلها وداع واضح…
أشخاص بيطلعوا من حياتنا، بس بيضل معنا سؤال: ليش؟بهالحلقة من «لسا عم نفهم»، بحكي عن النهايات اللي ما أخدت حقها من الكلام، عن الاشتياق، وعن الفرق بين إننا نشتاق لشخص… وإننا نشتاق للنسخة اللي كناها معه.وهل التجاوز فعلًا يعني إننا ننسى؟
ولا ممكن نتذكر، نحس، ونشتاق أحيانًا… وبنفس الوقت نكون كملنا؟يمكن ما عنا كل الأجوبة…
بس لسا عم نفهم.
• 
  Trailer | لسا عم نفهم 🌙 14.08.2026 1min

  مساحة ليلية نحكي فيها عن الحياة، العلاقات، الذكريات، والأسئلة اللي بتضل معنا بدون أجوبة واضحة.أنا ليل… وهون، لما بيهدى كل شي حوالينا، منحكي عن الأشياء اللي ما بتهدى جوانا.