Dardasha Unfiltered with Eiten Zeerban

Episodi

• 
  Episode 79 : Lama Alaeddin & Wafa Toutounji - إزاي تلبسي اللي لايق عليكي؟ 19.08.2026 1h 7min

  دي خامس راوند تيبل في دردشة بدون فلتر، وكل مرة بختار كلمة واحدة تكون هي محور الدردشة كلها. المرة دي، الكلمة كانت: الموضة. قعدت مع لمى علاء الدين، ستايل كوتش، ومع وفا توتونجي، خبيرة مظهر ومدربة ستايلنغ، واتكلمنا عن حاجة كل ست تقريبًا بتتعرضلها: الوقوف قدام دولاب مليان، وبرضه الإحساس إن مفيش حاجة نلبسها. اتكلمنا عن إزاي نعرف إيه اللي يليق علينا فعلًا، وإزاي جسمنا بيتغير مع السن والحمل، وهل لازم ستايلنا يتغير معاه. اتكلمنا عن الألوان، المقاسات، القطع الأساسية، وإزاي نعمل دولاب يخدم حياتنا بدل ما يفضل مليان حاجات مش بنلبسها. ودخلنا كمان في علاقتنا بالشراء والماركات، وليه بقينا نحس إن لازم كل لبسة تكون مختلفة، وإزاي الضغط ده ممكن يوصل لبناتنا من غير ما ناخد بالنا. وفي وسط كل ده، السؤال الأهم كان: إزاي نعرف ستايلنا إحنا، ونلبس بطريقة تخلينا حاسين بنفسنا أكتر؟ 🎙️ Hosted by @eitenzeerban 🎧 With Lama & Wafa #DardashaUnfiltered
• 
  Episode 78 : Amr Rahman - ليه سبت شغلك وبدأت من الصفر؟ 05.08.2026 59min

  كلنا بناكل كل يوم... بس قليل جدًا اللي بيقف ويسأل: الأكل ده جاي منين؟ وإيه اللي فعلًا بنحطه في جسمنا؟ في الحلقة دي، قعدت مع عمرو عبد الرحمن، مؤسس The Fabrique، منصة للبروتين الحلال والنظيف تُنتج محليًا، بهدف المساهمة في بناء صناعة غذائية إقليمية تقلل اعتماد منطقتنا على الاستيراد. لكن The Fabrique ما بدأتش بين يوم وليلة... كان قبلها رحلة طويلة، وشغل في الشركات، وقرار أخد منه سنين عشان يسيب الأمان ويبدأ من الصفر. قرار ناس كتير شافوه مخاطرة... وهو شافه ضرورة. في الحلقة دي، عمرو شارك رحلته بدون فلتر. اتكلمنا عن ريادة الأعمال، والخوف من التغيير، وبناء مشروع له رسالة، وصناعة الغذاء، ومعنى البروتين النظيف، وليه بقينا محتاجين نسأل أكتر عن مصدر الأكل اللي بناكله كل يوم. وأيوه... لأول مرة ، بناكل على الهوا! 😅 جربنا منتجات The Fabrique، واتكلمنا عن كل حاجة، من اللحوم الباردة لحد أصعب القرارات اللي غيّرت حياته. يمكن الحلقة دي تبان إنها عن الأكل... لكن في الحقيقة هي عن الشجاعة إنك تسيب الأمان، وتبني حاجة انت بتؤمن بيها، حتى لو الطريق كله بيقولك متعملهاش. 🎙️ Hosted by Eiten Zeerban 🎧 With Amr Rahman
• 
  Episode 77 : Yara Essam - بين الأمومة والشهرة.. يارا عصام بدون فيلتر 22.07.2026 1h 1min

  ناس كتير عرفت يارا عصام من أيام Planet Wife. الزوجة والأم الصغيرة اللي كانت بتحاول تعمل كل حاجة صح. لكن مع دخولها التلاتينات، بدأت رحلة مختلفة. رحلة فيها أسئلة أكتر من الإجابات. بدأت تعيد التفكير في أدوار كتير اتربينا عليها، وفي شكل الحياة اللي كانت فاكرة إنها لازم تعيشها، وفي النسخة اللي كانت بتقدمها للناس... والنسخة اللي بقت أقرب لحقيقتها. وده خلّى ناس كتير تحب التغيير، وناس تانية تحس إنها بقت شخص مختلف عن اللي كانوا عرفوه. في الحلقة دي، يارا شاركت رحلتها بدون فلتر. اتكلمنا عن الأمومة، والهوية، والـ Mounjaro، والعلاقة بالأكل، والانتقال بين مراحل الحياة، وضغط السوشيال ميديا، وأدوار الست في مجتمعنا، وإزاي الواحد يفضل يتغير ويتعلم وهو تحت عين الناس. يمكن دي أكتر حلقة بتحكي عن إن النمو مش دايمًا بيكون مريح... بس أوقات بيكون ضروري. 🎙 Hosted by @eitenzeerban 🎧 With Yara Essam #DardashaUnfiltered
• 
  Episode 76 : البيزنس مش حظ والفلوس ليها قواعد 08.07.2026 1h 1min

  في كل راوند تيبل في دردشة بدون فلتر، بنختار كلمة واحدة... ونشوفها من أكتر من منظور. والمرة دي، الكلمة كانت: الفلوس. الفلوس جزء من كل قرار تقريبًا بناخده في حياتنا. بتأثر على اختياراتنا، وشغلنا، وإحساسنا بالنجاح، وحتى على الطريقة اللي بنبص بيها لنفسنا. عشان كده قعدت مع ميرنا، ساندرا، وآية في نقاش عن الفلوس، والبيزنس، والعقلية المالية، وفتحنا مواضيع تهم أي حد بيفكر يبدأ مشروع، أو يكبر شغله، أو يبني مستقبل مالي مستقر. اتكلمنا عن علاقتنا بالفلوس وإحنا صغيرين، وهل فعلًا لازم نربي أولادنا على قيمة الفلوس من بدري، وإزاي التجارب اللي مرينا بيها شكلت علاقتنا بالنجاح والمخاطرة. واتكلمنا كمان عن البيزنس من غير تجميل... هل فعلًا محتاج رأس مال كبير؟ إمتى تعرف تكمل، وإمتى تعرف إن الوقت جه تغيّر الاتجاه؟ اتكلمنا عن تكلفة اكتساب العميل، وأهمية التسويق، وليه كتير من أصحاب البيزنس ما بيحسبوش تكلفة وقتهم أو حتى مرتباتهم، وإزاي التفاصيل الصغيرة دي ممكن تكون هي الفرق بين بيزنس بيكمل وبيزنس بيقف. ماكانش الكلام كله عن الأرقام. اتكلمنا عن السعي، والخوف، والمخاطرة، والتوكل على ربنا، وإزاي نوازن بينهم وإحنا بنبني شغلنا وحياتنا. دي مش حلقة فيها وصفة سحرية للنجاح. دي قاعدة بين 3 سيدات أعمال، كل واحدة فيهم خاضت رحلة مختلفة، واتعلمت دروس مختلفة، وشاركت بكل صراحة الحاجات اللي كانت تتمنى تعرفها من أول يوم بدأت فيه. 🎙 Hosted by @eitenzeerban 🎧 With Mirna, Sandra & Aya #DardashaUnfiltered
• 
  Episode 75 : Mint ElMokadm - أكثر المواضيع الحميمية التي نتجنب الحديث عنها 24.06.2026 1h 6min

  بعد كل حلقة مع منت المقدم، بيبقى عندنا نفس المشكلة. الأسئلة مبتخلصش. أسئلة من ستات ورجالة عن الرغبة، والعلاقات، والحاجات اللي بتحصل جوه بيوتنا وجوه علاقاتنا، لكن مش دايمًا بنعرف نتكلم عنها بصراحة. عشان كده اتفقنا إن كل فترة أنا و منت نرجع نقعد مع بعض ونفتح مجموعة جديدة من الأسئلة اللي بتتبعتلنا. المرة دي جمعنالكم الأسئلة تحت 3 مواضيع بيتكرروا بشكل كبير: • إيه اللي بيحصل لما الرغبة تختفي تمامًا؟ وهل ممكن ترجع؟ • إيه الفرق بين إني أكون عايزة فعلًا... وإني أكون بعمل حاجة لأن حاسة إنها واجب؟ • وإيه التأثير الحقيقي للأفلام الإباحية على المخ والرغبة والعلاقات؟ دي مواضيع حساسة، ويمكن ناس كتير تفكر فيها من غير ما تتكلم عنها. لكن زي كل حلقاتي مع منت، حاولنا نتناولها من منظور علمي وتوعوي، وبناءً على أسئلة حقيقية وصلتلنا بعد الحلقات السابقة. للي بيسمعنا لأول مرة، دي مش أول حلقة لمنت المقدم ، المعالجة الجنسية، في دردشة بدون فلتر. بدأنا من 3 سنين تقريبًا بحلقة صوتية عن تعريف ال Somatic Sexology، وبعدها حلقة عن سبع مواضيع بتهم الستات عن العلاقة الجنسية، ومؤخرا راوند تيبل بمناسبة عيد الحب عن العلاقات مع محمد جودت. و لسه عندنا كلام كتير محتاج يتقال. تنويه هام هذه الحلقة مخصّصة للنساء المتزوجات أو النساء اللواتي على وشك الزواج، وتتناول مواضيع حساسة حول الصحة الجنسية والمتعة الزوجية في مجتمعاتنا العربية. المحتوى تعليمي وتوعوي، ويُقدَّم من خلال خبيرة متخصّصة، ولا يُعتبر بديلاً عن أي استشارة طبية أو نفسية متخصّصة. كما تحتوي هذه الحلقة على ثلاثة مواضيع قد تكون حساسة بعض الشيء، ولكننا تناولناها بناءً على أسئلتكم واقتراحاتكم نتيجةً لمشاهدات الحلقات السابقة. 🎙 Hosted by @eitenzeerban 🎧 With Mint El Mokadm #DardashaUnfiltered
• 
  Episode 74 : Sabine Sassine - حقيقة الإعلام اليوم… من التلفزيون للسوشيال ميديا 03.06.2026 1h 13min

  آخر مرة أنا وسابين كنا قدام الكاميرا مع بعض كانت من سنين. اشتغلنا مع بعض في بداياتنا، وطلعنا لايف، وغلطنا على الهوا، وضحكنا، وعدينا بمراحل كتير جنب بعض. ومن وقتها كل واحدة فينا كملت رحلتها بشكل مختلف. ودي أول مرة نرجع نقعد قدام الكاميرا مع بعض بعد كل السنين دي. سابين ساسين من أبرز الأسماء الإعلامية في العالم العربي، بخبرة أكتر من 20 سنة بين روتانا و«إم تي ڤي» لبنان و«إم بي سي» وأبوظبي تي ڤي وشاهد. رحلة أخدتها من استوديوهات التلفزيون لحد حلبات الفورمولا 1 حول العالم، وشوفنا فيها إزاي الشغف ممكن يفتح أبواب ماكنتش متوقعة في بداية المشوار. في الحلقة دي اتكلمنا عن رحلتها المهنية في عالم الإعلام، وبداية شغفها بالمجال، وإزاي تطورت خطوة بخطوة داخل واحدة من أكثر الصناعات سرعةً وتحديًا. وكمان عن تجربتها في تغطية سباقات الفورمولا 1 والكواليس اللي الناس نادرًا بتشوفها. لكن الحلقة دي مش بس عن الإعلام. اتكلمنا عن البدايات، وضغط الشغل على الهوا، والأغلاط اللي عمرها ما بتتنسى، وفكرة "تاريخ الصلاحية" للمرأة في الإعلام، وتأثير السوشيال ميديا على المهنة، وهل فعلًا أي حد بقى يقدر يبقى إعلامي. واتكلمنا كمان عن النقد، والتعليقات السلبية، وإزاي الواحد بيتعامل مع التغيير وإعادة اكتشاف نفسه مع الوقت. حلقة فيها ذكريات كتير، وكواليس من عالم الإعلام، وحوار بين اتنين بدأوا المشوار مع بعض وشافوا الصناعة دي بتتغير قدام عينيهم. 🎙 Hosted by @eitenzeerban 🎧 With Sabine Sassine #DardashaUnfiltered
• 
  Episode 73: Hanan Ezzeldin & Rania Hussant - ليه ولادنا في سن المراهقة بيتصرفوا كده وإزاي نتعامل معاهم؟ 20.05.2026 1h 13min

  في لحظة معيّنة، أغلب الأهالي بيبدأوا يحسوا إن ولادهم اتغيّروا فجأة… بقوا عصبيين أكتر، بيتكلموا أقل، وبيبعدوا عنهم شوية بشوية. وهنا بيبدأ السؤال الأصعب: “إزاي أفضل قريب من ابني أو بنتي من غير ما أحسسهم إني بخنقهم؟” في الـراوند تايبل دي من دردشة بدون فلتر، بنتكلم عن المراهقة والتربية مع رانيا حسن، الكاتبة والمدربة المعتمدة في التربية الواعية، وحنان عز الدين، مؤسسة "زا فاميلي هاب"، وبنفتح مواضيع بتحصل في كل بيت تقريبًا، لكن التعامل معاها مش سهل أبدًا. في الحلقة دي هنتكلم عن: • البلوغ، وإزاي نفتح المواضيع دي مع ولادنا بدون خوف أو إحراج • الفرق بين الحرية والتسيب • الخوف الزايد على أولادنا وهل فعلًا بيحميهم؟ • ليه ساعات بنحس إن ولادنا “ضدنا” • إزاي نتعامل مع العصبية وقلة الأدب بدون ما العلاقة تبوظ • وليه أهم حاجة في المرحلة دي إن ابنك أو بنتي يفضلوا حابين يحكولك حلقة مليانة مواقف، وتجارب، وأسئلة أي أب أو أم مروا بيها أو هيمروا بيها يوم من الأيام. 🎙️ Hosted by: Eiten Zeerban with Rania Hussant & Hanan Ezz El Din #DardashaUnfiltered
• 
  Episode 72 : Arielle El Bagoury | هل المدرسة علمتنا اللي نحتاجه للحياة؟ 06.05.2026 1h 12min

  ي الحلقة دي بنفتح سؤال مهم بيشغل أي حد بيفكر في حياته أو في تربية أولاده: هل اللي اتعلمناه في المدرسة كان فعلًا كفاية للحياة؟ فكرة الحلقة بدأت من لحظة تأمل شخصية: إحساس إن فيه وقت كبير بيضيع في تعلم حاجات مش دايمًا بنحتاجها، وفي المقابل فيه مهارات وتجارب حياتية أهم بكتير مش بنلحق نعلمها لا لنفسنا ولا لأولادنا. هنناقش فكرة التعليم التقليدي مقابل التعلم من الحياة، وإزاي ممكن نعيد التفكير في شكل التربية والمعرفة اللي بنقدمها لأولادنا، خصوصًا في عالم بيتغير بسرعة. الحلقة دي جزء من رحلة أعمق بنحكيها مع “آريال” وتجربة مختلفة في فهم الحياة والتعلم خارج الإطار المعتاد This episode was never going to be a “normal” one. Arielle, worldschooling mom of two, business owner, content creator and world traveller, has built a life that looks very different from what most people are used to — traveling the world, raising her kids across countries, and choosing a path that doesn’t really follow the usual rules. But behind that lifestyle, there are real conversations: about marriage, cultural differences, motherhood, and what it actually takes to build a life that aligns with who you are. In this episode of Dardasha Unfiltered, we talk about: Moving to Egypt and navigating a cross-cultural marriage Why rushing into marriage can be risky The reality of raising kids while traveling (worldschooling) Homeschooling vs traditional education Finding your people while constantly moving The challenges that come with this lifestyle (not just the highlights) And what it really means to choose a life that feels right for you It’s an honest conversation about freedom, identity, and making choices that might not make sense to everyone else. 🎙 Hosted by @eitenzeerban 🎧With Arielle @arielleabroad
• 
  Episode 71 : Tina Chagoury | من وجع الكانسر لبداية جديدة: قصة تينا شاغوري 22.04.2026 1h 8min

  تينا شاغوري، أخصائية تغذية، وواحدة من الناس اللي رحلتها الشخصية أثرت في شغلها بشكل كبير، هي ضيفة إيتن زعربان في حلقة مختلفة من Dardasha.Unfiltered . بس الحلقة دي مش عن تغذية… ولا حتى عن الصحة بالشكل التقليدي. دي حلقة عن اللي بيحصل جوانا لما نعدّي بتجارب صعبة — وعن إزاي جسمنا أوقات بيترجم ده بطريقته. من أول لحظات فقد، وتجارب مرض قاسية، لحد محاولات إنك تكمّلي وتبقي “تمام” قدام نفسك وقدام الناس… تينا بتشارك قصص شخصية جدًا، عن trauma، وعن الضغط اللي بييجي بعده، وعن فكرة إنك تحاولي تبقي perfect حتى وإنتِ موجوعة. وفي وسط كل ده، بنفتح كلام مهم عن جسم المرأة - الهرمونات، الـ perimenopause، واللخبطة اللي ممكن تحسي بيها من غير ما تبقي فاهمة سببها: هل ده قلق؟ ولا تغيرات في الجسم؟ ولا الاتنين مع بعض؟ الحلقة دي فيها مساحة لفهم أهدى… من غير تخويف، ومن غير تبسيط زيادة. مجرد محاولة إننا نربط بين اللي بنحسه، واللي بيحصل في جسمنا 🎙️ Hosted by @eitenzeerban 🎧 WIth Tina Chagoury
• 
  Episode 70: Mahmoud Mostafa محمود مصطفى — مش أي حد ينفع يبقى “المدير”… السر في طريقة التفكير 08.04.2026 1h 18min

  الحلقة دي كانت المفروض تتصور في دبي من شهر فات، بس الدنيا اتشقلبت و الظروف اتغيرت و انتهى بينا الأمر اننا بنصورها فى القاهرة. في الحلقة دي بنتعرف على محمود مصطفى ، المعروف ب "المدير" على سوشيال ميديا. رائد الأعمال ، صانع المحتوى و البودكاستر ، لكن في الحلقة دي بنشوفه "unfiltered" و بشكل مختلف عن ظهوره المعتاد. و عشان 'المدير' دايماً معروف بنصايحه في البيزنس والمخاطرة و التغيير، استغلينا وجوده عشان نسأله السؤال الأهم حالياً: إزاي نقدر نحافظ على توازننا في الأوقات اللي مفيهاش أي ثبات؟ وإزاي لما الدنيا تبوظ خطتنا، نقدر نطلع بـ Plan B بمرونة من غير ما نقع او نفقد حماسنا. لكن حوارنا موقفش هنا، اتكلمنا كمان عن الدروس اللي 'المدير' بيعلمها لأولاده، علاقته بزوجته وسر قوتهم مع بعض، ليه لسه متمسك بوظيفته في الشركات (Corporate) رغم نجاحه كصانع محتوى و حاجات تانية كتير.
• 
  Episode 69: أيتن زعربان تستضيف والدتها الدكتورة نوران شافعي ووالدها الدكتور منير زعربان 25.02.2026 1h 35min

  في حلقة خاصة جداً وقريبة لقلبي، باستضيف أهم شخصين في حياتي: والدي ووالدتي. الأستاذ الدكتور منير زعربان، جراح القلب والصدر والأستاذ بكلية الطب - جامعة الإسكندرية.. والدكتورة نوران شافعي، طبيبة وكاتبة صدر لها ثلاثة كتب.. أو مامتي وبابايا. الحلقة دي بالنسبة لي رجوع للأصل.. للبيت اللي اتكوّنت فيه شخصيتي، وللسر وراء جرأتي، وصراحتي، وفضولي اللي عمره ما وقف. أنا دايمًا بقول إن أنا كبرت في "بيت الأسئلة".. البيت اللي الأسئلة فيه مش بتتقفل، بتتجاوب. بيت فيه نقاش، وفيه اختلاف رأي، ومساحة تخليك تبقى نفسك من غير خوف. يمكن علشان كده بقيت بحب أتكلم عن كل حاجة.. وبقيت “Unfiltered”. فقررت المرة دي أقعد قدام الناس اللي كانوا السبب في تكوين شخصيتي. اتكلمنا عن الجواز، الاختلافات الثقافية، المرض، الصمود، تربية الأولاد، السفر، وذكريات شكلتني أكتر ما كنت متخيلة. جلسة عائلية قريبة جداً من قلبي.. وصريحة زي ما أنتم متعودين. لو عايزين تعرفوا أنا طلعت كده إزاي.. الإجابة هتلاقوها في الحلقة دي.
• 
  Episode 68: Mo Gawdat & Mint El Mokadm – Valentine’s Special - هل العلاقات دلوقتي بقت أصعب من زمان؟ 11.02.2026 1h 23min

  Just in time for Valentine’s Day, two of our most requested guests are back — but this time, together. Mo Gawdat, entrepreneur and former Chief Business Officer at Google X, and Mint El Mokadm, somatic sexologist, both joined us before for two hit episodes. Now they sit down with Eiten for an unfiltered conversation about love, relationships, and why dating feels harder than ever. Between the three of us, we’re covering our 30s, 40s, and 50s — different stages of life, different relationship experiences, and very different perspectives. What started as grabbing coffee (and almost heading out to dinner) turned into a conversation that felt too real — and too important — not to share, especially with Valentine’s Day around the corner. From the math of modern relationships to gender roles, red flags, commitment, heartbreak, and how love changes over time — this is the kind of honest, off-camera talk you don’t want to miss. No script. No filters. Just real perspectives on what love actually means at different stages of life.
• 
  Episode 67: Mohamed Aly – بين الضحك والجد… حكاية ستاند أب كوميديان 28.01.2026 49min
• 
  Episode 66: Hana El Awadi مونجارو بعد الأربعين: حكاية وعي مش دايت 14.01.2026 50min
• 
  Episode 65: Mo Gawdat - حديث من القلب مع العام الجديد 31.12.2025 1h 49min

  محمد جودت، المدير التنفيذي السابق في Google X، ومؤلف Solve for Happy، وأحد أبرز الأصوات العالمية في فهم السعادة والحديث عنها، هو ضيف أيتن زعربان في حلقة خاصة لليلة رأس السنة. يُعتبر محمد جودت واحد من أكتر الناس اللي اتكلموا عن السعادة والعقل، وفي الحلقة دي بيتكلم كمان عن العقل ومستقبل الذكاء الاصطناعي، لنشوف جانب مختلف وغير معتاد من مو جودت. في حوار هادي وصادق، بعيد عن التنظير والكلام المحفوظ، وأسئلة عمرها ما اتسألت له قبل كده، بيتكلم عن السعادة بوعي، والحزن والغضب، وضغط التفكير في الماضي، وإزاي نتحكم فيه ونفكر في المستقبل، وإزاي الإنسان يقدر يكون متواجد فعلًا في اللحظة. وهنتعرف كمان على طقوس محمد جودت قبل نهاية كل سنة: الكتابة، الامتنان، ومراجعة حقيقية للّحظات اللي عدّت. وفي حديث عميق عن الذكاء الاصطناعي، هيكلمنا عن مشروعه Emma، وتأثيره على العلاقات والبشر. حلقة إنسانية وغنية، ومناسبة لأي حد داخل على سنة جديدة وعايز يهدى شوية ويعيد ترتيب نفسه.
• 
  Episode 64: Reem Gamil - خلي بالك من دماغك و سيطر على التشتت اللي مدوّخك 17.12.2025 55min
• 
  Episode 63: Mint El Mokadm - هو وهي… و7 مواضيع هتقوّي علاقتكم الزوجية والمتعة بينكم 03.12.2025 56min

  بين العلم والعيب… الحقيقة أهم مينت المقدّم، المعالجة الجنسية، تنضم لتاني مرة مع إيتن زعربان. المرة دي، بنناقش 7 مواضيع كل ست عربية بتفكر فيها. من منظور علمي، نصحح المفاهيم الغلط، نطبع النقاش، ونساعد الستات المتزوجات أو المقبلات على الزواج (21+) يحسّوا إنهم مش لوحدهم. الهدف الأساسي من الحلقة هو تحسين التواصل والمتعة والقرب بين الزوجين. حلقة صريحة وعميقة، وتغذي العقل والقلب لكل ست عايزة تفهم نفسها وعلاقتها أكتر. Mint El Mokadam Instagram: https://www.instagram.com/mintelmokadm/?hl=en Quiz Https://msha.ke/mintelmokadm
• 
  Episode 62: Aida Gabriel عايدة جبرائيل: رحلتي مع الخوف و الرضا و تحقيق أهدافي 19.11.2025 57min

  In this episode of Dardasha Unfiltered, I sit with someone who feels like home — Aida Gabriel, my best friend, my sister, and the one person I can talk to with zero filters. We dive into everything from her evolving definition of happiness, her relationship with herself, how TikTok helped her find her purpose, her journey with anxiety and therapy, and the fear of getting sick while living fully independent. And this time, she opens up about something she’s never shared so honestly: her search for Mr. Right. If you know her from her iconic “come spend the day with me… أنا ست عندها ٤٠ سنة ما اتجوزتش وما خلّفتش وما عنديش عيال ” then in this episode, you’ll hear the full story — why she’s choosing not to freeze her eggs, what she truly wants in a partner now, and how she sees love and companionship at this stage of her life. It’s raw, bold, emotional, and beautifully unfiltered — exactly like the conversations we usually keep off the record. #EitenZeerban #AidaGabriel
• 
  Episode 61: Where’s Mirna El Sabbagh? Life, Business & New Beginnings 12.11.2025 39min

  Back in 2021, Mirna and I were having one of our deep, unfiltered heart-to-heart chats when we thought — why not share this with other women? That’s how Dardasha Unfiltered was born. Sixty episodes later, life took us in new directions, and we hit pause. But now, the podcast is back with a fresh rebrand and a new chapter… so, where’s Mirna? In this episode, Mirna El Sabbagh joins me to share major life updates as we part ways as co-hosts (but never as friends!). Mirna is now an established entrepreneur with three incredible brands, and we talk about everything — from family and work to anxiety, building businesses, and navigating life as Arab women in today’s world. It’s raw, honest, and of course… totally unfiltered. 🎧 Tune in, catch up, and laugh with us — just like old times. #DardashaUnfiltered #ArabWomen #Podcast #MirnaElSabbagh #Entrepreneurship #LifeUpdates #Eiten Zeerban
• 
  Episode 60: Eiten Unfiltered — I’m Back 05.11.2025 17min