KLETS

Episodi

• 
  Waaksaam, Welvarend en Windgat 23.09.2026 58min

  Die vrees is nie meer 'n gevoel nie, dis 'n gewoonte. Die sleutels tussen jou vingers by die kar. Die "live pin" wat jy los voor jy huis toe ry. Elke vrou in jou lewe: jou Ma, jou suster, jou vriendin, jou biervrou, dra hierdie waaksaamheid soos 'n tweede vel, elke dag. Dit is die werklikheid. 𝗞𝘆𝗸 𝗱𝗶𝗲 𝗲𝗽𝗶𝘀𝗼𝗱𝗲 𝗵𝗶𝗲𝗿 - https://afrikaans.radio/klets/ep-260-waaksaam-welvarend-en-windgat/ Johannesburg, Durban en Kaapstad is drie van die tien onveiligste stede op die planeet. Dit kom ook net weke na Vrouemaand, die maand toe GBV in byna elke gesprek gesit het. En toe, amper of dit vir bewyse gewag het, kom die nuus uit Ekurhuleni: die polisie ondersoek nou of nege vrouemoorde die werk van een persoon is. Ons het 'n wyle terug met Dr Micki Pistorius gesels oor presies wat 'n reeksmoordenaar definieer, en hierdie week luister ons na 'n gedeelte van daardie gesprek. 𝘓𝘶𝘪𝘴𝘵𝘦𝘳 𝘩𝘪𝘦𝘳 𝘯𝘢 𝘥𝘪𝘦 𝘷𝘰𝘭𝘭𝘦𝘥𝘪𝘨𝘦 𝘦𝘱𝘪𝘴𝘰𝘥𝘦 𝘮𝘦𝘵 𝘿𝙧 𝙈𝙞𝙘𝙠𝙞 𝙋𝙞𝙨𝙩𝙤𝙧𝙞𝙪𝙨 𝘩𝘪𝘦𝘳 - https://afrikaans.radio/klets/micki-vang-moordenaars/ Maar 'n ander deel van die land presteer ook: Stellenbosch Universiteit het nou vyf lewende miljardêrs en 28 sentimiljoenêrs onder sy alumni, meer as enige ander universiteit in die land. Twee ranglyste. Twee soorte Suid-Afrika. En al die pad van Doha af, die veiligste stad op aarde, ontmoet ons vir die heel eerste keer ons "Brak van die week". Dis vrees en syfers. Dis KLETS.
• 
  Wie's in Die Village en Wie's Net Kwaad? 16.09.2026 52min

  Dit vat 'n village, sê hulle. Maar niemand sê ooit hoeveel van daai village eintlik idiote is nie. 𝗞𝘆𝗸 𝗱𝗶𝗲 𝗲𝗽𝗶𝘀𝗼𝗱𝗲 𝗵𝗶𝗲𝗿 - https://afrikaans.radio/klets/wies-in-die-village-en-wies-net-kwaad/ En intussen loop African Time al hoe vinniger uit: dis nie meer die grap oor laat kom by 'n braai nie, dis nou lewens wat betaal. Verlede week is dit betaal deur SAPS K9 Sky, waar "ons kom nou-nou" haar lewe gekos het. Die ANC se "ons sal dit nou-nou doen" blameer nou die IEC na hul die deadline gemis het. En vir 30 jaar word ons, Suid-Afrikaanse burgers, deur die village gevra om verantwoordelikheid te vat, waar "African Time" stilbly en stil staan. Dis 'n village vol idiote. Dis tyd wat opgehou wag het. Dis KLETS.
• 
  Wie Kyk na Jou Geld Terwyl Jy Rugby Kyk? 09.09.2026 59min

  Colene het Bokkoors. Nie 'n verkoue nie, net groen en goud in die are. Maar terwyl ons almal die rugby volg, volg iemand anders jou bankbalans. 𝗞𝘆𝗸 𝗱𝗶𝗲 𝗲𝗽𝗶𝘀𝗼𝗱𝗲 𝗵𝗶𝗲𝗿 - https://afrikaans.radio/klets/ep-258-wie-kyk-na-jou-geld-terwyl-jy-rugby-kyk/ Is jou geld werklik veilig in jou bank? Of in Cyril se bank? Ons kyk na die toename in digitale bankmisdaad, en die ANC se nuutste plan om nóg 'n stuk te vat. KLETS ontwikkel 'n nuwe kriteria vir staatsamptenare, en as dit ooit in werking tree, is daar dalk hoop. Laat weet ons wat jy dink by die lys moet bygevoeg word. Stuur jou idees na [email protected]. Dis Bokkoors en diefstal met 'n glimlag. Dis KLETS.
• 
  Wag, Wat? Kanada Verloor Die Speletjie 02.09.2026 56min

  Kyk hier: https://afrikaans.radio/klets/ep-257-wag-wat-kanada-verloor-die-speletjie/ Dis September, uiteindelik! Die vroue van Suid-Afrika kry ’n oomblik om asem te skep. Net jammer niemand het vir die ANC gesê nie, want etlike dae voor die verkiesing is rus glad nie op hulle kalender nie. Oor die Atlantiese Oseaan speel Trump en Kanada intussen ’n rondte van "Naam, Van, Dier, Dorp". Trump wil Lake Ontario na Lake America doop, en dalk is dit nie 'n slegte idee met Kanada se Dildo, Moose Jaw en Wrong Lake nie. En vandag sê ons vaarwel vir Dolly Parton. ’n Stem wat generasies groot gemaak het, nou stil. Dis Lake America en This Lake, That Lake, en The Other Lake Dis Jolene, een laaste keer. Dis KLETS.
• 
  Lê Stil Sannie, Vir Volk en Vaderland 26.08.2026 1h 2min

  Die syfers lieg nie, maar die politici probeer darem hard. Voormalige minister van onderwys spoel haar ideologiese mond uit, en die vraag bly: wie luister nog? Intussen raak Johannesburg se skuldlas groter as die slaggate wat dit veroorsaak, en die nuwe bewind gaan 'n rekening erf wat niemand wil of dalk kan betaal nie. In die klaskamers is onderwysers besig om 'n bedreigde spesie te word: minder mense voor die bord, meer koppe agter die lessenaars, en kwaai studente weet wie om te blameer. Teen 2066 kan die blankes glo slegs 2% van Suid-Afrika se bevolking uitmaak. 'n Statistiek wat sommiges as 'n waarskuwing lees, en ander as 'n rede vir Sannie om stil te lê in die naam van volk en vaderland. Dis Pandor en pype. Dis klaskamers en krisisse. Dis syfers wat vandag klink soos môre se probleem. Dis KLETS.
• 
  Dis Veiliger om te Sit 19.08.2026 57min

  Hallo! Na 'n lang stilte is KLETS terug. *Video is beskikbaar op Afrikaans.Radio - https://afrikaans.radio/klets/ep-255-dis-veiliger-om-te-sit/ Dit was vrouedag, SA was koud en Pretoria sonder krag, maar die hangover is darem verby. En Colene het intussen al meer as een stort gehad. Ons noem dit vooruitgang. STATS SA se nuutste syfers is uit, en die span vra die ou vraag met 'n nuwe draai: is dae soos vrouedag goed vir die geslagte, of net 'n ander manier om te sê "kyk, ons het probeer"? Colene en Matthys het vir 'n paar uur oorgeswaai na die ander kant van die tafel. Die uitslag: dis veiliger om te sit. Colene deel 'n staaltjie van haar Ouma Lettie, en Matthys wonder of mense oor 75 regtig 10 jaar op hul rybewys moet kry. Dis krag wat weg is en stort water wat terug is. Dis vrouedag en vrae sonder maklike antwoorde. Dis Ouma Lettie en 'n rybewys wat te lank hou. Dis KLETS.
• 
  Pryse, Potholes en 'n Pending Emoji 22.07.2026 1h 4min

  *Video is beskikbaar op Afrikaans.Radio - https://afrikaans.radio/klets/ep-254-pryse-potholes-en-n-pending-emoji/ Kaapse huispryse klim weer, en dis nou al op 'n vlak waar jy moet begin wonder of dit regtig 'n huis is, of net 'n baie duur uitsig. Intussen is 'n Suid-Afrikaanse Protea-emoji 'n moontlikheid, en ons is klaar trots asof dit reeds goedgekeur is. Maar watter emoji's gebruik Colene en Matthys die meeste? En wat verklap dit van hulle? In Gauteng stik die mense intussen aan besoedeling, en dis nie gas-heaters of slaggate se skuld nie, dis motors. En van motors gepraat: Queen Elizabeth het self gery, jare lank, sonder 'n "liksens". Dis eiendom en emoji's. Dis motors en 'n Queen wat voet in die hoek sit. Dis KLETS.
• 
  Slange, Spuite en Sondige Sente 15.07.2026 53min

  *Video is beskikbaar op Afrikaans.Radio - https://afrikaans.radio/klets/ep-253-slange-spuite-en-sondige-sente/ Iewers in China het 'n vloed 'n slangplaas oopgebreek, en nou is "swem met die plaaslike fauna" nie meer 'n opsie nie, dis 'n werklikheid. Ozempic maak jou skraler, sê die advertensies. Die nuutste studies belowe jou 'n paar ander verrassings wat niemand op die verpakking sit nie. Mel Viljoen soek nie volgelinge nie, sy soek geld, en het 'n Back a Buddy veldtog probeer om Peet uit die tronk te hou. Om haar te help kyk na opsies het ons gaan kyk wat OnlyFans creators in Suid-Afrika werklik verdien, vir ingeval sy 'n Plan B nodig het. Maar as jy in Kaapstad woon, moet liewer nie jou voëlsaad op die grond strooi nie, want blykbaar kan dit jou in moeilikheid laat beland. Dis slange en spuite. Dis 'n veldtog en 'n sak saad op die grond. Dis KLETS.
• 
  Lyste en Lastige Goggas 08.07.2026 1h 3min

  *Video is beskikbaar op Afrikaans.Radio - https://afrikaans.radio/klets/lyste-en-lastige-goggas/ Colene is terug van die Kaap. Party mense is 'n walking buffet vir muskiete, jou "bierpens" kan dit moontlik verduidelik. Maar dit klink darem onskuldig langs die vrou wat agterkom sy het 38 parasiete in haar brein gehad. Dis nie 'n getal nie, dis 'n houseparty. Het jy al gesonder waar bly die meeste vrouens? Colene bring die stats. Elders klim twee waaghalse vrywillig, met hul eie twee bene, sonder 'n lift, die hele Empire State Building. Maar in Suid-Afrika word punte vir slegte gedrag afgetrek onder die nuwe demerit system, en die vraag is wie eintlik die swaarste pad loop. Voor kickoff het die Bokke 'n secret weapon, en dis nie net Rassie se poker face nie. En dan jou selfoon: dit hou jou nie net wakker nie, dit vorm jou liggaam. Jou nek weet. Dis Bokke en bloedsuiers. Dis selfone wat jou stilletjies verander. Dis KLETS.
• 
  Dis Nie Genoeg Nie, al Bly Ons Vriendelik 01.07.2026 48min

  *Video is beskikbaar op Afrikaans.Radio - https://afrikaans.radio/klets/dis-nie-genoeg-nie-al-bly-ons-vriendelik/ Dis 1 Julie 2026. Dis winter, en ook presies die middel van die jaar. Ons be-klets die 30 Junie-opstande: waar lê die menswaardigheid, waar lê die deernis, en was die optogte eintlik die moeite werd? Of is Suid-Afrika môre net weer presies soos gister? Tog, te midde van dit alles, is ons steeds die vriendelikste land op die planeet... en jou bankrekening lyk vandag toevallig ietwat voller. Ons grawe die heel eerste TV-ad wat ooit die lig gesien het uit die argief uit, plus 'n paar ander 1 Julie-feite wat jy nie gaan glo nie. En dan: 'n oom in sy 90s wat na 70 jaar huwelik besluit het genoeg is genoeg. Wat dryf 'n mens op daai ouderdom nog na die skeihof toe, en wat is jou eie non-negotiables in 'n verhouding? Dis opstande en optimisme. Dis TV-advertensies en tjekrekeninge. Dis 70 jaar en 'n laaste woord. Dis nie perfek nie... maar dis KLETS.
• 
  Voëls, Buste en die Blou Reshuffle 24.06.2026 52min

  *Video is beskikbaar op Afrikaans.Radio - https://afrikaans.radio/klets/voels-buste-en-die-blou-reshuffle/ Colene is in die Kaap. Die land van melk en heuning. Die DA het ook so 'n belofte gemaak. Hierdie week het hulle net besluit party mense kry die melk, party kry die heuning, en party kry die deur. Steenhuisen is gedemote, ander is geskuif en ander is weg. Dis nie 'n reshuffle nie, dis 'n statement. Dan die navorsing. Colene het die syfers. Watter lande het die grootste borste? En watter lande het die grootste penisse? Nou weet jy presies watter vlug jy moet bespreek. En Peet Viljoen? Amerika was net die hors-d'œuvre. Hier in SA kry hy die ware Jakob. SA se grense loop al oor van mense wat nie gevra was om te kom nie, en nou begin hulle self wegloop, want die land van melk en heuning lyk anders van naby af. Dis DA en data. Dis Peet en mense wat pad gee. Dis Otto en ander groot ontdekkings. Dis KLETS.
• 
  Ons is nie kwaad genoeg nie 17.06.2026 55min

  *Video is beskikbaar op Afrikaans.Radio - https://afrikaans.radio/klets/ons-is-nie-kwaad-genoeg-nie/ Dis 50 jaar sedert Soweto se strate gebrand het, sedert kinders in skooluniforme besluit het dat genoeg genoeg is. Ons het 'n insert oor 16 Junie 1976 en wat regtig daar gebeur het. Hulle was kwaad. Is ons vandag kwaad genoeg? Matthys was in die platteland en ontnugter oor hoe dit daar lyk. Dit gaan nie oor verval as 'n statistiek nie, dit gaan oor hoe 'n land lyk as niemand kwaad genoeg is nie. Colene se water vertel dieselfde storie. Vuil. Nie per ongeluk nie. Vuil op 'n manier wat sê: ons het gewoond geraak. En dit is 'n gevaarlike plek om te wees. Ons verwag meer van die DA, want hulle het ons meer belowe. Al hoeveel jaar lank. Nog 'n eier op die gesig is nie net embarrassing nie, dit is genoeg. En Elon Musk is ryk. Nie net ryk nie, "rykste-mens-op-aarde" ryk. Die soort ryk waar jy in jou leeftyd nie die geld sal kan gebruik nie. Ons "tril" 'n bietjie. Soos mens doen. Dis vuil water en beloftes. Dis die kwaad wat ons skuld aan daai kinders in uniform. Dis KLETS.
• 
  Renosters, Recovery en Rage Applying 10.06.2026 1h 3min

  Hierdie week se KLETS begin met twaalf stappe. Die wêreld het nog nie eens stap een klaar gekry nie. *Video is beskikbaar op Afrikaans.Radio - https://afrikaans.radio/klets/renosters-recovery-en-rage-applying/ Ons kyk ook na wat in jou kantoor aangaan. Jy doen dit dalk al. Jy weet net nie die naam daarvoor nie. Gavin Sterley van Dinokeng-Noord is terug, en ons gesels verder oor bewaring, oor wat dit werklik vat om 'n spesie aan die lewe te hou in 'n wêreld wat nie altyd oplet nie Urk. Elke vergadering, elke boardroom, elke "guys kan ons align", gaan daai woord in jou kop opduik. Dis KLETS.
• 
  Nie Alles met Horings is 'n Ferrari nie 03.06.2026 56min

  *Video is beskikbaar op Afrikaans.Radio - https://afrikaans.radio/wp-admin/post.php?post=23787&action=edit Hierdie week se KLETS begin met rocklegendes… en eindig waar jy dalk twee keer moet dink voor jy 'n Woolies hoender gaan koop. Bohemian Rhapsody van Queen is een van die mees iconic songs ooit geskryf. Die goed wat jy nie geweet het jy wil weet nie, maar nou kan jy dit nie "un-weet" nie. Die Kruger National Park, het honderd jaar oud geword op 31 Mei 2026. 'n Honderd jaar van leeus, toeriste en die onvermydelike vraag: "Is ons nou veilig in die motor?" Dis ons erfenis en ons trots. Colene en Matthys het die naweek bewys dat die beste out-of-office reply 'n renoster up close and personal is. Geordin Hill-Lewis vat Peter Groenewald aan oor die stand van Suid-Afrika se vermiste paroolgevangenise, en ja, die vrae is reg. Maar die DA het self 'n voet-in-die-"bek"-probleem wat nie wil weggaan nie. Die soort embarrassment wat jy vir jou eie span laat skaam kry. En omdat ons hou van pyn: hoeveel tax betaal jy eintlik op 'n vol tenk petrol? Die antwoord is genoeg om jou te laat oorweeg om te loop na een van die tien ongelukkigste jobs in die wêreld. Spoiler: een van hulle klink dalk soos joune. Dis rock en politiek. Dis bomme en belasting. Dis KLETS.
• 
  Van Fluitjieblasers tot AI-Affairs 27.05.2026 1h 3min

  *Video is beskikbaar op Afrikaans.Radio - https://afrikaans.radio/klets/van-fluitjieblasers-tot-ai-affairs/ Sommige dinge verander nie. Die misdaadsyfers is uit. Die petrol gaan op. Die rentekoers dalk ook. En die man wat Suid-Afrika se bekendste skelmsváanger is, het sy eie fluitjieblaser. Ons kyk na die werksplek en deel raad oor hoe om beter te wees. En praat oor die nuutste manier om jou maat te bedrieg sonder om die huis te verlaat. 1 in 7 doen dit al. En die helfte wens hul regte maat was net so maklik. Dis 27 Mei. Niks en ook alles het verander. Dis KLETS.
• 
  Die Wêreld Sluk. Kaapstad Verhuur. Ons Dra Blazers. 20.05.2026 1h 6min

  *Video is beskikbaar op Afrikaans.Radio - https://afrikaans.radio/klets/die-wereld-sluk-kaapstad-verhuur-en-ons-dra-blazers/ Die wêreld is op antidepressante. Die Quality of Life Index sê ons leef beter. Jou WhatsApp group verskil. Dan die AI wat ons almal effens uncomfortable maak: wetenskaplikes het AI agente in 'n mock wêreld gesit en gekyk wat gebeur. Sommige het oorleef. Sommige het nie. En party het begin besluite neem wat niemand voor reg is nie. Kaapstad is op die lys van stede met die meeste Airbnb's ter wêreld. Maar natuurlik, as jy 'n berg en 'n see het, verhuur jy alles. Elke kamer en elke wendy huis met 'n view. En dan die vraag wat al lank gevra moes word. Wat doen 'n blazer? Dis pille. Dis AI wat oorleef en Kaapstad wat verhuur. Dis KLETS.
• 
  Cupcake, Krokodille en Ander Gevare 13.05.2026 1h 2min

  *Video is beskikbaar op Afrikaans.Radio - https://afrikaans.radio/klets/krokodille-byt-die-hof-ook/ Hierdie week se KLETS begin by die hof… want die hof het gepraat, en Cupcake se kieringkies ruik al klaar na braai. Die Konstitusionele Hof het sy uitspraak gemaak oor die Phala Phala skandaal, en die vraag is nie meer óf dit seer gaan wees nie. Die vraag is net hoe seer. Dan skuif ons na die Kruger. Colene het die full breakdown oor die krokodil insident, en saam daarmee, die stats oor krokodil aanvalle en ander wildlife encounters wat nie mooi geëindig het nie. Dis ook 'n goeie herinnering dat die natuur jou nie ken nie, jou nie liefhet nie, en definitief nie jou WhatsApp messages lees nie. Op die "goeie nuus vir eenkeer" front: Suid Afrika se rotte dra blykbaar nie die gevaarlike hantavirus strain nie. Ons rotte is uniek. Anders as die res van die wêreld se rotte. Ons is… trots? Ons dink so. En dan die vraag wat niemand hardop gevra het nie, maar almal wou weet: waar in die wêreld is die meeste prostitute? Colene het die syfers. Die antwoord sal jou verras, of dalk glad nie. Dis krokodille, rotte en globale statistieke. Dis Suid-Afrika in al sy glorie. Dis KLETS. NS - Hierdie episode is op 9 Mei 2026 opgeneem. Ons probeer so aktueel as moontlik bly, maar die nuus wag vir niemand nie, ook nie vir ons nie.
• 
  Stampe, Stote en Staatsake 06.05.2026 1h 10min

  Hierdie week se KLETS begin met 'n nuwe hoofstuk, want ons is nou ook op die "TV". Maar nie sonder stampe en stote nie, en dalk 'n bietjie rof om die kante, maar ons is hier. Volgende week is ons minder dronk. Miskien... Maar, hier "gaat" ons! Ons kyk na Suid-Afrika se beleide en die stoute amptenare wat glo nou AI gebruik. Die probleem? Dit lyk nie of "intelligent" deel van die pakket is nie. Dis tegnologie sonder die "smart", beleid sonder 'n brein, en 'n regering wat op tegnologiese modegiere rondry asof dit 'n plan vervang. Dan die vraag wat almal al lank vra: hoe raak jy ontslae van spam calls? Want soos loadshedding en WhatsApp voice notes, begin dit lyk of dit net deel is van die moderne Suid-Afrikaanse lewe. Ons het nie noodwendig die antwoord nie, maar ons het maniere, en dit werk. En natuurlik Peet en Mel vs Harry en Meghan. Dis koninklikes, kontroversie en 'n gesukkel, alles in een episode saamgepak. Dis nuwe platforms en ou probleme. Dis amptenare met AI en spam calls. Dis koninklikes en staatsake. Dis nie perfek nie… maar dis KLETS. *Video is beskikbaar op Afrikaans.Radio - https://afrikaans.radio/klets/ai-sonder-intelligensie-spam-calls-en-koninklike-chaos/
• 
  Van Misdaad tot Megawatt 29.04.2026 1h 17min

  Hierdie week se KLETS begin by die mense wat veronderstel is om die land veilig te hou… maar dit voel al hoe meer soos ’n oudisie. Die topbestuur van die polisie in Suid-Afrika is almal “acting”, en die vraag is nie net wie kry die pos nie… maar wie gaan die Oscar kry vir beste "supporting actor" in hierdie misdaad? Die oorlog, of soos dit nou al hoe meer bekend staan, “Trump se oorlog”, hou aan draai. Dis tweets, statements en magspel, en êrens tussen dit alles probeer die wêreld uitfigure wat werklik aangaan en wie regtig beheer het. En dan… realiteit. Winter is op pad. Ons kyk na watter elektriese toestelle jou kragrekening die meeste opjaag. Want terwyl die wêreld brand, brand jou ketel en heater dalk jou begroting. Dis polisie en performance. Dis oorlog en opinies. Dis krag en kostes. Dis KLETS.
• 
  Trump, Taktiek en Tjankende Politiek 22.04.2026 1h 1min

  Hierdie week se KLETS “be-klets” Matthys en Colene die wêreld soos hy nou lyk: vol drama, vol ego’s en baie opinies. Ons begin by Juju en sy “orange is the new black” oomblik. Dis politiek, dis teater, en dis Suid-Afrika se eie weergawe van reality TV waar niemand eintlik seker is wie die draaiboek skryf nie. Dan die DA en hul manewales. Strategie of chaos? Plan of paniek? Is daar meer beweging as rigting is? Intussen is die wêreld nie juis rustiger nie. Donald Trump is besig om die "dokter dokter" gesprek te oorheers, en die oorlog in die Midde-Ooste bly ’n brandpunt wat nie wil afkoel nie. Die Straat van Hormuz is op die oomblik so deurmekaar soos 'n transgender tiener met spanning wat bou en niemand wat regtig weet is dit nou oop of is dit nou toe. Dis ’n wêreld waar almal praat, min mense luister, en nog minder mense regtig weet wat volgende gaan gebeur. En soos altyd, sit ons Suid-Afrika langs die wêreld en besef: ons chaos lyk anders… maar chaos bly chaos. Dis KLETS.