بودكاست تأمل | ممدوح عماد

Епізоди

• الحلقة الثامنة | اليوم أكملت لكم دينكم 05.06.2025 6хв

  مشهدٌ مهيب يعانق السماءَ روعةً، ويمسُّ الأرضَ خشوعًا، ها هم ملايين الحجاج قد اكتسوا لباس الإحرام كأنهم أرواحٌ طاهرةٌ تتلاقى في رحاب رحمة الله، يرفعون أكف الضراعة إلى رب الأرض والسماء!  لا فرق بين غني وفقير، ولا بين أسود وأبيض.. الكل سواسية..القلوبُ خاشعةٌ، والعيونُ دامعةٌ، والنفوسُ منكسرةٌ الكل عباد لله.. يدنو رب العالمين من السماء الدنيا، دنوا يليق بذاته وبعظيم سلطانه، ليباهي بأهل الأرضِ أهل السماء فيقول: انظروا إلى عبادي، جاؤوني شعثاً غبراً ضاجِّين، جاؤوا من كل فج عميق، يرجون رحمتي، ولم يروا عقابي، فلم يُرَ يوماً أكثر عتقاً من النار، من يوم عرفة 
• الحلقة السابعة | وإن لك موعدا لن تخلفه 15.01.2025 11хв

  ﴿قَالَ فَمَا خَطْبُكَ يَا سَامِرِيُّ (٩٥) قَالَ بَصُرْتُ بِمَا لَمْ يَبْصُرُوا بِهِ فَقَبَضْتُ قَبْضَةً مِّنْ أَثَرِ الرَّسُولِ فَنَبَذْتُهَا وَكَذَٰلِكَ سَوَّلَتْ لِي نَفْسِي (٩٦) قَالَ فَاذْهَبْ فَإِنَّ لَكَ فِي الْحَيَاةِ أَن تَقُولَ لَا مِسَاسَ ۖ وَإِنَّ لَكَ مَوْعِدًا لَّن تُخْلَفَهُ ۖ وَانظُرْ إِلَىٰ إِلَٰهِكَ الَّذِي ظَلْتَ عَلَيْهِ عَاكِفًا ۖ لَّنُحَرِّقَنَّهُ ثُمَّ لَنَنسِفَنَّهُ فِي الْيَمِّ نَسْفًا (٩٧) إِنَّمَا إِلَٰهُكُمُ اللَّهُ الَّذِي لَا إِلَٰهَ إِلَّا هُوَ ۚ وَسِعَ كُلَّ شَيْءٍ عِلْمًا﴾
• الحلقة السادسة | ادع إلى سبيل ربك 27.11.2024 11хв

  السلام عليكم أهلًا وسهلًا بيكوا في حلقة جديدة من بودكاست تأمل، معلش اتأخرت عليكوا المرادي في نزول الحلقة، بس إن شاء الله متعوضة يعني. في مشكلة كبيرة بنعاني منها في مجتمعنا، وهي أننا ما بقيناش بننصح ولا بنقبل النصيحة، وكل واحد عايش بدماغه صح أو غلط بقى مش مهم عنده، للأسف أخلاقنا وسلوكياتنا اتغيرت، حتى في التواصل بيننا كبشر، أنا أعتقد أن دي كارثة أكيد هتؤدي لحاجات أكبر منها. طبيعي نسأل نفسنا ايه سبب وصولنا للحال دا؟
• الحلقة الخامسة | فإني قريب أجيب 13.11.2024 11хв

  السلام عليكم.. أهلًا بيكوا في حلقة جديدة من بودكاست تأمل، النهاردا هنتكلم عن حاجة عظيمة جدًا، حاجة بتقربنا من ربنا، وبتدينا قوة وطمأنينة، وبتساعدنا نتخطى أي صعوبة. كلنا بنحس بضغوط الحياة، بنحس في أوقات اننا تايهين، بنحس في لحظات بالضعف وبالهوان، وقتها مش بنكون عارفين نعمل إيه، مش عارفين نروح فين؟ أنا جاي أقول لك تعمل ايه؟ وجاي أقولك تروح فين بالظبط؟
• الحلقة الرابعة | له الحمد في الأولى والآخرة 06.11.2024 7хв

  السلام عليكم أهلاً وسهلاً بيكوا في حلقة جديدة من بودكاست تأمل، النهاردة هنتكلم عن موضوع مهم، وهو شكر ربنا وحمده على نعمه اللي مش بتخلص. في زحمة الحياة اليومية، ساعات بننسى نقف شوية ونعبر عن امتناننا لله على كل النعم اللي حوالينا، احنا بحاجة لأننا نفكر نفسنا بأهمية الشكر في كل وقت. بس قبل ما أبدأ لازم أسألك سؤال، ايه أول حاجة بتعملها أول ما بتسمع خبر يفرحك؟ في الحلقة دي، هنتكلم عن بعض نعم ربنا، وأهمية شكر ربنا عليها، وازاي كلمات بسيطة ممكن تغير حياتنا، وتخلي قلوبنا مليانة سعادة ورضا، وكمان هنشارك قصص ملهمة من حياة النبي ﷺ اللي كان طبعا قدوة في الشكر والامتنان.
• الحلقة الثالثة | وأن ليس للإنسان إلا ما سعى 31.10.2024 4хв

  السلام عليكم أهلاً وسهلاً بيكوا في حلقة جديدة من بودكاست تأمل النهاردا هنتكلم عن موضوع مهم جدًا في زمن مليان تحديات وضغوطات، كلنا عارفين أن السعي جزء من حياتنا اليومية، مش مجرد حاجة بنعملها وخلاص.  في البداية بس عايز أسألك سؤال، هل عمرك وأنت بتسعى لشيء معين حسيت بشعور اليأس والإحباط؟ النهاردا هنتناول مع بعض معنى السعي وازاي ممكن يكون عبادة، وأد إيه بيشكل جزء كبير من إيمانك بالله، وازاي تغلب على المشاكل اللي ممكن تواجهك في الحياة.
• الحلقة الثانية | ولسوف يعطيك ربك فترضى 27.10.2024 4хв

  السلام عليكم دي الحلقة التانية من بودكاست تأمل النهاردا معادنا مع آية جميلة جدًا، وزي ما اتفقنا قبل كدا أن أنا مش بفسر آيات، أنا بعيش في ظلال الآية وازاي حسيتها وبنقل لك دا. في الحقيقة الآية اللي معانا عبارة عن وعد رباني ليك، وعد مليان بهجة وإيجابية! قبل ما أقولك الآية عايز أسألك كام سؤال.. امتى آخر مرة كنت مبسوط وسعيد فحياتك؟ طيب هل أنت راضي تمام الرضى عن حياتك؟ بتتمنى ايه يحصل ويغير حياتك، أكيد طبعا يغيرها للأحسن؟! ممكن متبقاش عارف إجابات الاسئلة دي بس اللي أنا متأكد منه أنك عايز تبقى كويس.
• الحلقة الأولى | وعصيتم من بعد ما أراكم ما تحبون 19.10.2024 7хв

  كتير مننا وهو بيقرأ القران بيقرأه بطريقة سريعة.. خالية من معاني التدبر وإحساس الآيات أنا شايف بصراحة أنه لا يليق.. لأنه مش واجب بتعمله وخلاص قراءة القرآن شيء جميل جدًا وبكل حرف حسنة، والله يضاعف لمن يشاء. ولكن الأجمل أنه يكون بتدبر وفهم. لأنه نازل كدا اصلا يقول الله: أفلا يتدبرون القران؟ أم على قلوب أقفالها؟! النبي ﷺ كان بيقرا القران في شهر أو أربعين يوم، وأمر بدا طبعا على سبيل الاستحباب وليس الوجوب الخلاصة أنا مش جاي أقولك متقراش ولا جاي أقولك بطء فالقراءة أنا جاي أقولك تدبر وافهم. موضوع البودكاست كله هيكون ازاي أنا استوقفتني آيات معينة وازاي حسيتها، وجاي أنقلك الإحساس دا عن طريق أني هكلم نفسي بس بصوت عالي وأنت هتسمعني وتحس كلام ربنا معايا.