Хүлээлгийн өрөө Подкаст

BDSM Mongolia | Хүлээлгийн Өрөө +30°C Подкаст 06.07.2025 1h 8m

Уламжлал ёсоор даваа гараг болж Хүлээлгийн Өрөөнд халуухан сэдэв ярих цаг ирлээ. BDSM Монголд ямар хэмжээнд хөгжиж байгаа тухай, заримынх нь хувьд зөвхөн Fifty Shades of Grey дээр гардаг шиг төсөөлөлтэй байдаг тухай, яг үнэндээ энэ яг ямар учиртай зүйл болохыг бид өнөөдөр ярилцах болно. Тухлан сууж сонсоорой! Enjoy!

Хүлээлгийн Өрөө +30°C Подкаст | Эртний монголчуудын хуялын зан үйл ft. Хөх нуруут подкаст 15.06.2025 1h 13m

Уламжлал ёсоор даваа гараг болж Хүлээлгийн Өрөө подкаст маш сонин сэдвээр та нартайгаа учран золгож байна. XII зууны үед Монголчууд сексийн буюу хуялын зан үйл ихтэй, өндөр ач холбогдол өгдөг байсан тухай, мөн юуг цээрлэдэг байсан тухай, чухам ямар байрлалаар, яаж хийдэг байсан тухай ч ярьсан гайхалтай дугаарыг та нартаа өргөн барья. Зочноор Хөх нуруут подкастын админ Эрчит Ташуур Зайран орооцлоо. Тухлан сууж сонсоорой.

Хүлээлгийн Өрөө +30°C Подкаст | Олдмол гэж үнэхээр байдаг уу? 12.05.2025 1h 6m

Хүмүүсийн дунд нэлээн талцаж, хэрүүл болдог сэдвийн тухай өнөөдөр Хүлээлгийн өрөөндөө ярилцлаа. Өөрийгөө өөрийнхөө төрсөн хүйсээс өөрөөр мэдрэх нь олдмол байдлаар бий болдог гэдэгтэй хэдэн хувь санал нийлэх вэ? Дугаарын зочны яриаг сонсоод, дараа нь өөрийнхөө дүгнэлтээ хийгээрэй. Enjoy!

Хүлээлгийн Өрөө +30°C Подкаст | Секс блок ба секс мацаг 07.04.2025 1h

Уламжлал ёсоор даваа гараг болжээ хайртууд минь. Хүлээлгийн Өрөөний шинэхэн дугаараараа та нартайгаа нэгэн чухал сэдвийн талаар ярилцахаар шийдээд, бид хоёр бүүр нэг сайхан тайвширсан мэдрэмж аваад сууцгааж байна. Секс блокт орчихсон гэдгээ яаж мэдэх вэ, бас секс мацаг гэж юугаа яриад байгаа юм бэ гэж бодож суугаа бол чихэвчээ зүүж байгаад нээг их тухлаж аваад сонсоорой. Enjoy!

Хүлээлгийн Өрөө +30°C Подкаст | Хиймэл оюун ухаантай хийсэн секс 24.02.2025 1h 4m

Юм хөгжлөө хөгжлөө гэхэд хиймэл оюун ухаантай дотно харилцаанд орно гэж төсөөлж байсан уу? Бидний 10 гаруй жилийн өмнө гайхширч үзэж байсан Her кино өнөөдөр амьдрал дээр биеллээ олчихлоо. Мэдээж бид үүнийг туршиж үзээд та нартаа ярихсан гэж тэсч ядан байж энэхүү дугаараа бичлээ. Яг яагаад энэ тухай ярих болсныг тухлан сууж, дуустал нь сонсоод, сэтгэгдлээ үлдээгээрэй!

Надаас үнэтэй хайр юм уу? Хүлээлгийн Өрөө +30°C Подкаст 22.12.2024 1h 10m

Гэр бүлээ бүтэн байлгах гэж нөхрөө олж авч ирэхээр торгоны замаар хөндлөн гулд явсан зочинтой энэ удаагийн Хүлээлгийн өрөөний дугаараар даваа гараг эхэлж байна. Хэт эмзэг, мэдрэмтгий хүмүүс энэ удагийн дугаарыг маань алгассан зөв болов уу гэж бодож байна. Тухлан сууж сонсоорой!

Хөхөө авхуулсны дараах амьдрал | Хүлээлгийн Өрөө +30°C Подкаст 24.11.2024 1h 24m

Хүлээлгийн Өрөөтэй шинэ долоо хоногийн мэнд! Өнөөдөр бид хөхний хорт хавдартайгаа тэмцэж, ялан гарч чадсан Хулангаа урьж ярилцлаа. Хөхөө авхуулсны дараа түүний амьдрал хэрхэн өөрчлөгдсөн тухай яриа зөвхөн бүсгүйчүүдэд гэлтгүй, таны эр нөхөрт ч сонин байж магадгүй юм. Мөн хөхний хавдар эр хүмүүст ч тохиолдож болдог өвчин гэдгийг сонсоод энэ өвчний тухай ямар ч мэдээлэлгүй явж байснаа ойлгож авлаа. Enjoy!

Situationship | Хүлээлгийн Өрөө +30°C Подкаст 04.11.2024 1h

Situationship гэх ойлголт сүүлийн үед эрчимтэй газар авч, энэ нь чухам явалдалт, классик үерхэл хоёроос юугаараа ялгаатай болоод ингэж тусдаа нэршил авах болсон тухай бас сонин. Орчин үеийн амьдралын хэв маягаас үүдэлтэй хүн хоорондын харилцааны цоо шинэ төрөл болон дэлгэрч байгаа Situationship-ийн тухай өнөөдрийн Хүлээлгийн Өрөөнд ярилцлаа. Enjoy!

Гэр бүлийн гуравласан секс | Хүлээлгийн Өрөө +30°C Подкаст 13.10.2024 1h 11m

Гэр бүлийн хос хоёр гуравдагч этгээдийг урьж авчран хамтдаа бэлгийн харьцаанд ордог, бидний ихэнхийнх нь хуьвьд энгийн бус харилцааны тухай өнөөдөр Хүлээлгийн Өрөөнд ярилцах гэж байна. Оролцогч хосын маань яриаг дөнгөж эхлүүлээд өнгөц дүгнэлт хийлгүйгээр, сонсож дуусаад санал бодлоо илэрхийлээсэй гэж хүсэх байна. Enjoy!

+30 Сексийн тухай ярилцахад бэлэн үү? | Хүлээлгийн Өрөө +30°C Подкаст 22.09.2024 1h 3m

Уламжлал ёсоор даваа гараг болж бид "Хүлээлгийн Өрөө +30°C" Подкастынхаа хамгийн анхны дугаараар сонсогч та нартайгаа уулзахад бэлэн боллоо! Таван жилийн өмнө бидний сексийг хардаг байсан өнцөг өнөөдөр 30 гарсан хүмүүсийн хувьд яаж өөрчлөгдсөн харьцуулалтыг хийхэд маш сонирхолтой, бас бодууштай байлаа. Дуртай өрөөндөө тавтай морилно уу! Enjoy!

Toxic харилцаа | Хүлээлгийн Өрөө Подкаст ft. Cocktail and Crime Подкаст 12.12.2021 1h 11m

Сайн сууцгааж байна уу, манайхаан? Хүлээлгийн Өрөөний хамгийн сүүлийн дугаартаа "хэрвээ бидэнд боломж олддог бол Cocktail and Crime Подкастын хоёртойгоо ахин нэгэн дугаар хийж өмнө гаргасан техникийн алдаагаа засна" гэж амласан амлалтандаа хүрэхээр энэ тусгай дугаараа бэлтгэлээ. Бид энэ удаад Toxic харилцааны тухай ярилцлаа. Зөндөө их санаж байгаа шүү та нарыгаа. Үнжий. Enjoy!

Хайртай, баяртай! | Хүлээлгийн Өрөө Подкаст 31.10.2021 1h 15m

Хайртай сонсогч та нартаа Хүлээлгийн Өрөөний сүүлийн дугаар хүртэл хамтдаа байсанд гүнээ талархаж байна. Заяа, Ариунаа хоёрынхоо амьдралын нэгээхэн хэсэг байсанд ахин дахин баярлалаа. Энд хүрээд Хүлээлгийн Өрөө дуусч байгаа хэдий ч сүүлийн дугаартайгаа хамт байгаарай Enjoy!

Хөгжлийн бэрхшээлтэй хосын тухай бүгдийг | Хүлээлгийн Өрөө Подкаст 24.10.2021 58m

"Хөгжлийн бэрхшээл", "Тусгай хэрэгцээт" гэх зэрэг үгсийг сонсоод аль болох холуур тойрч явах хүсэлтэй хүмүүст энэхүү дугаар маань их өөр өнцгийг харуулах болов уу гэж найдаж байна. Хоёулаа хөгжлийн бэрхшээлтэй хэдий ч хоёр хүүхдээ мөр бүтэн өсгөхийн тулд бүхнээ зориулж яваа хостой бид Хүлээлгийн Өрөөндөө ярилцлаа. Өмнө нь харааны бэрхшээлтэй залуутай ярилцаж байхдаа энэ сэдвээр заавал ахиж нэг дугаар хос хоёртой хамтарч бэлтгэнээ гэж та нартаа амлаж байснаа ёсоор болгож байна. Enjoy!

Үргүйдэл | Хүлээлгийн Өрөө Подкаст 10.10.2021 1h 40m

Бидний бодлогогүй хэлсэн ганцхан үг хүний амьдралыг яаж орвонгоор нь эргүүлж болдог тухай яриа энэ удаагийн Хүлээлгийн Өрөөнд өрнөлөө. Магадгүй хэн нэгнийг хүүхэдтэй болоочээ гэж ад үзэхээсээ өмнө сонсоод үзвэл таны бодлыг 180 градус эргүүлж чадна гэдэгт итгэлтэй байна. Enjoy!

Трансжендер залуугийн тухай бүгдийг | Хүлээлгийн Өрөө Подкаст 03.10.2021 54m

Сүүлийн үед Youtube дээрх монгол контентуудыг үздэг хүмүүсийн дунд бөмбөг тэслээд байгаа Eden энэ удаагийн дугаарт маань зочноор оролцлоо. Түүнийг хүмүүс трансжендер залуу гэдгээр нь хэдийнээ таньдаг болоод байгаа билээ. Бид түүний эр даавар тариулсны дараах амьдрал, цээжний мэс засал, цаашдын зорилгын тухай маш ихээр сонирхож асуусан нэгэн дугаарыг та нартаа хүргэж байна. Enjoy!

Сексийн дараа эморвол сонсох дугаар | Хүлээлгийн Өрөө Подкаст 26.09.2021 53m

Мюнхен хотод сэрүүн ороод ойрын хэдэн өдөр Заяа, Ариунаа хоёр эморч байгаагүйгээрээ эморсон өдрүүд өнгөрөв. Энэ магадгүй намар цагтай холбоотой байж болох ч бас сэтгэлд хөндүүр оргиулж буй асуудлууд илүүтэй нөлөөлсөн байхыг ч үгүйсгэхгүй юм. Хэрвээ та нарт яг өдийд эморсон мэдрэмж төрж суугаа бол чихэвчээ зүүгээд наашаа суугаарай. Enjoy!

Хүүхэдтэй хүү | Хүлээлгийн Өрөө Подкаст 19.09.2021 1h 9m

За ёстой өнөө юм юм үзсэн сэдэв гэдэг шиг, драма ихтэй сэдвээр нэгэн залуутай ярилцлаа. Тэрээр хүүхэд байхдаа өөрөө хүүхэдтэй болж, өдгөө 22 насандаа 2 сайхан хүүгийн аав болон ар гэрээ авч яваа өрхийн тэргүүн, нэгэн бүсгүйн хань ижил залуу байгаа юм. Бид энэ сэдвээр ярилцахаар өсвөр насандаа хүүхэдтэй болсон 10 гаруй хүнтэй урьдчилж ярилцлага хийж үзсэн бөгөөд энэ залуугийн үг та бүхэнд амьдралын нэгэн сонирхолтой өнгийг харуулах болно гэдгийг амлах байна. Enjoy!

Эрт цэвэршилт | Хүлээлгийн Өрөө Подкаст 05.09.2021 56m

Цэвэршилт гээч зүйлийг бид хаа байсан юм, надад ирэх болоогүй гэж хэтэрхий холын мэтээр төсөөлж, хайхрамжгүй хандсанаар нэг л мэдэхэд хажууд ирчихсэн зогсдог аж. Дөнгөж хорин хэдэн нас дуусав уу үгүй юу, гучин нас даваад анаад зогсож байх тохиолдол ч цөөнгүй. Энэ удаад бид Хүлээлгийн Өрөөнд энгийнээс хэтэрхий эрт цэвэршсэн эмэгтэйг зочноороо урьж ярилцсан байгаа. Түүний шалтгааныг сонсоод та нар лав үнэхээр гайхна. Enjoy!

OCD сексийн харилцаанд нөлөөлөх нь | Хүлээлгийн Өрөө Подкаст 29.08.2021 1h 1m

Шинэ долоо хоногийн мэнд. Амралтаасаа ирээд цаад хоёр чинь шинэ дугаараа шижигнэтэл бичээд шууд та нартаа хүргэж байна. Энэ удаагийн дугаараар бүгдээрээ OCD буюу ялихгүй зовлонт үйлийн эмгэг бидний сексийн амьдралд, цаашлаад харилцаанд хэрхэн нөлөөлдөг тухай ярилцлаа. Маш сонирхолтой өнцгийг манай зочин Зарчимаа Хүлээлгийн Өрөөнд гаргасан байгаа. Enjoy!

Секс хийж өгөх өртэй юу? | Хүлээлгийн Өрөө Подкаст 22.08.2021 1h 3m

Хамт Тэрэлж явлаа гэдэг нь, эсвэл нэг орон дээр хамт унтлаа гэдэг нь автоматаар "унтах"-д бэлэн гэсэн үг гэж ойлгогддог юм биш биз? Энэ удаагийн Хүлээлгийн Өрөөний дугаарт хүмүүс ямар үйлдлийг секс хийхийг зөвшөөрч, өр мэт хүлээн авдаг тухай ярилцлаа. Ямар тохиолдолд чи түүнд секс хийж өгөх өртэй үлддэг вэ? гэсэн асуултад хамтдаа хариулт олцгооё. Enjoy!