Koɗo men hannde

Episodes

• 
  Hannde njaɓɓiɗen ko Kirsty Coventry, gardiiɗo Fedde Olimpik Winndere ndee 12.11.2026 4m

  Sénégal, ɗii fijooji Olempik sukaaɓe JOJ joofan aljuma janngo. E nder jonte ɗiɗi, ɗii fijooji renndinii sukaaɓe atleteeɓe  hellifaaɓe ƴeewooɓe ujune-ujune e nder Dakar, laamorgo ndii leydi. Ko hikka go’o JOJ waɗaa e nder Afrik. E bi'ol Kirsty Coventry, ardiiɗo Fedde Olempik Winndere, Sénégal fewnii walla yuɓɓinii kawrital taariikayankeewal sabu golle lobbe waɗaaɗe ɗee. Kaa mbaawka hollii wonndema Afrik hino waawi jaɓɓaade fijooji e kawrite mawɗe winndere ndee. Ko kanko Kirsty Coventry, woni koɗo men hannde. Heɗen mo e faandu haala Christophe Diremszian, banndiraawo amen Rfi Faransiire…
• 
  Ko honɗum saabii yo fedde dawro ANC hayru doole mum e nder leydi ndii? ko ɗum Aboubacar Sidighi Bah woni e taskaade 10.11.2026 5m

  Afrique du Sud, ko waasere mawnde fedde ANC heɓi e ɗii suɓngooji ardorɗi gure, faltiiɗi e ndee lannoode yontere. Gila ndee walde ANC sinca e hitaande 1994, ko hikka go’o nde heɓi daaɗe 31% e suɓngo. Ko njaltuɗi googinɗi uytagol doole ndee fedde nde Nelson Mandela sinci e nder renndo politik Afrique du Sud. Ko holɗum saabii yo ndee walde ANC foole ? Ko fedde politik honnde nafitori ndee waasere ANC? Ko holno janngo ndee fedde ANC saati wa’ude e nder Afrique du Sud ? Koɗo men hannde ko Aboubacar Sidighi Bah, jannginoowo jooɗiiɗo Afrique du Sud. Himo jaaboo laamnde Ibrahima Timbi Bah.
• 
  Ko holɗum ndee waasere ɓural battinta e laamu Donald Trump? Mamadou Adama Diallo no jaaboo ngal lamndal. 05.11.2026 5m

  Etats Unis, ko waasere mawnde Donald Trump heɓi e ɗii suɓngooji Congrès waɗuɗi e ndee talataare. Oo hooreejo Dawlaaji Ndentuɗi Amerik e fedde mun politik foolaama. E nder ɗii duuɓi ɗiɗi arooji ko Demokaratnaaɓeɓeen ardotoo ɗii suuɗi ɗiɗi, toppitiiɗi golle depiteeɓe. E ɗii suɓngooji, Ameriknaaɓe ɓeen yagginii Donald Trump sabu ronkugol mo teddinnde foodeeje ɗe o waɗuno saaha mo o ɗaɓɓata laamu. Ko ɗum holli Mamadou Adama Diallo, jannginoowo jooɗiiɗo Etats Unis. Ko holɗum saabi yo ɓee Republiknaaɓe foole e ɗii suɓngooji? Ko holɗum ndee waasere battinta e laamu Donald Trump? Ko Mamadou Adama Diallo woni koɗo men hannde. Himo jaaboo laamnde Ibrahima Timbi Bah
• 
  Hannde hiɗen jaɓɓii Aissa Doumara ardiiɗo fedde (ALVF), fedde haɓoore fitinaajo faweteeɗi e hoore rewɓe 04.11.2026 5m

  Cameroun, pelle daraniiɗe hakkeeji neɗɗanke winndi eɓɓoore sariya hiwrinde rewɓe ndii leydi. Ndee eɓɓoore waɗaama saaha nde fitinaaji ɓeydi tiiɗude e hoore ɓee rewɓe. Gila ndee hitaande fuɗɗi ko sonnaaɓe 76 waraama e nder Cameroun. Faandaare ɗee pelle sosiyete siwil ko ɓeydugol yaggine faweeɗe e hoore fawooɓe ɓee rewɓe fitinaaji. Aissa Doumara hooreejo Walde Cameroun Haɓoore fitinaaji faweteeɗi e Rewɓe, ALVF no tawa e waɗuɓe ndee eɓɓoore. Waɗi duuɓi 30 himo waɗude ndee hare. Aissa Doumara hino jaaboo laamnde Ibrahima Timbi Bah
• 
  Hannde hiɗen jaɓɓii Doro GUEYE jaayndeyankeejo daraniiɗo hakkeeji neɗɗo. Himo artana e ngol cimtol UNESCO ko faati e 189 jaayndeyankooɓe waraaɓe hakkunde 2024-2025 03.11.2026 5m

  Ko timmi jaayndeyankooɓe 189 waraama hakkuunde hitaande 2024 e hitaande 2025. Ko ɗum ciimtol ngol fedde UNESCO yaltini hankin maadini. Nduu salndu ONU feññinii wonndema boneeji waɗeteeɗi e hoore jaayndeyankooɓe alaaka e ñaaweede. E nder hen, fitinaaji wanaaɗi e faweede e hoore ɓee hummpitooɓe hino ɓeydaade e nder leyɗe heewɗe. E nder Afrik ɗiin boneeji hino tenti wano wa e leydi Guinée, Burkina Faso, République démocratiquedu Congo e Kenya, ko ɗum fedde daraniinde wellitaare jaayndeyankooɓe RSF holli. Ngam artugol e satteende yaandeyankaagal e nder ɗee leyɗe, hiɗen jaɓɓii hannde Doro Gueye jaayndeyankeejo Moritaninaajo daraniiɗo hakkeeji neɗɗanke. Himo jaaboo laamnde Ibrahima Timbi Bah.
• 
  Njaɓɓiɗen hannde ko Hamou Soulé Diallo heertorɗo jokkondiral winndere, e alhaali jonnde Afrique-Russie 02.11.2026 5m

  Mbatu tataɓu Russie/Afrique waɗii e ndee yontere faltiinde. Ngu renndini imminaaɓe leyɗe Afriknaaje 48. E ɓeen 22 ko hooreeɓe leydi. E nder ndee jonnde Vladmir Poutine holli semmbinan gollidal hakkunde leydi makko e ndee duunde e banŋe faggudu, cellal e ndeenaagu. Oo hooreejo Russie nantini bammban Afrik e nder hare ndee duunde fii heɓugol jonnde duumiinde to Dental Adunaaru ONU.
• 
  Hannde hiɗen jaɓɓii Aliou BARRY hertorɗo kisal e ndeenaagu ko taskoo ngal ɓadondiral dipolomasi hakkunde Niger e Algerie 29.10.2026 5m

  Algerie ɓami pellital neldugol kuno maɓɓe Niger. Ɗum ko ngam hiwgol sosieyeteeji petrol joɗiiɗi Niger. Ko ngol wonata laawol aranol yo Algerie neldu konunkooɓe leydi wonndi. E ɗii dumunnaaji sakkitiiɗi ɗoo gollidal hakkunde Alger e Niamey hino ɓeydi sanne , woni ko e banŋe kisal walla faggudu. Ko holɗum saabi yo Algerie aadoo neldugol konu mun Niger ? Ko holɗum dawla Algerie dañata ? Ko holɗum ngal pellital battinta e ɗee leyɗe ɗiɗi ? Koɗo men hannde ko Dr Aliou Barry, hertorɗo kisal, ardiiɗo wiɗtorde Centre d'Analyse et d'Études Stratégiques CAES. Himo jaaboo laamnde Ibrahima Timbi Bah.
• 
  Needi: alhaali ustagol tolno ganndal e faamu sukaaɓe janngooɓe ɓen, hiɗen jaɓɓii Mohamedou Pathe DIALLO hertorɗo ganndal needi 28.10.2026 5m

  Afrik, tolno sukaaɓe tosookooɓe janngooɓe heewɓe hino ŋakki e fannu taro wonndude e hiisa walla matematik. Ko ɗum wiɗto ngo PASEC, fedde winndereyankoore toppitiinde jannde waɗi e nder leyɗe Afrik ɗuuɗuɗe holli. E nder ndee tefoore, harallooɓe ɓee, yewtidii e janngooɓe, jannginooɓe e mawɓe janngooɓe 360 000 e nder leyɗe Afrik 16. E biol Mohamedou Pathe Diallo hertorɗo jannde oo alhaali hino haana ñawdeede no yaawiri, so wona ɗum bone oo mawnan. Ko kanko woni koɗo men hannde. Himo jaaboo laamnde Ibrahima Timbi Bah.
• 
  Hiɗen jaɓɓii hannde Aboubacry BA jaaydeyankeejo hertorɗo coftal-ɓalli ko taskoo oo alhaali tottugol ndee fukuure kaŋŋe Harry KANE 27.10.2026 5m

  Harry Kane Angleterjo dañi  mbuuñaari fukuure kaŋŋe hikka,ndii mbuuñaari ndi France Football hokkata ɓurɗo tinnaade fija balon hitaannde kala. E ngal kawritan yuɓɓinaangal to Londre hanki,kanko kokkuɗo kippu makko laataade champion d'Allemagne ɗiɗaɓe e LDC ɓennuɗo e kup du monde hikkaajo .Fodde badduuji 61 o loggani kippu makko Bayern Munich diwde etondirɓe makko. Ngal deesewal wayriino hootude to Royaume Unie ko waali duuɓi 25 hikka. Ko hokki Harry KANE oo saa'a, Mbappe, woni ɗiɗaɓo , Lamine Yamal tataɓo  e maɓɓe.Rama DIALLO yeewtidii e Aboubacry BA ,jayneyanke kertorɗo softal ɓalli ko yowitii e majjum. Keɗoɗen 
• 
  Senegal: ko hooreejo jaagorɓe Ahmadou Al Aminou Lô woni koɗo men hannde 26.10.2026 6m

  Sénégal pooɗondiral no jokki hakkunde laamu nguu e sarɗiyankooɓe ɓen.Caggal balɗe ɗiɗi golle e yontere faltiinde sarɗiyankooɓe PASTEF salike wootugol eɓɓoore feewnitirde kaalisi gollirɗo laamu nguu.Hiɓe ƴami laaɓal e ɗow kaalisi on aado o waɗeede e gollirɗe laamu, wallitoragol renndo ngon e ɗuytugol sattee nde cogguuli.OO alhaali addii hooreejo jaagorɓe Ahmadou Al Aminou LO joododude e jaayndeyankooɓe ngam yewtidude e maɓɓe ko fawii e majjum.Caggal kawrital ngal ,Léa-Lisa Westerhoff nultondiraaɗo RFI to Dakaar waddii e hooreejo guwerneman on yeewtere. Keɗoɗen yeewtere maɓɓe ko Rama DIALLO et Abdoulaye DIALLO piirtani en e Fulfulde.
• 
  Ko alhaali ñawu Ebola naatngu Nigeria njeewtitten e koɗo men hannde, Dr Ahmad Umar, ñawndoowo ñabbuuji daaɓooji 22.10.2026 5m

  Ndee nawnaare Ebola yiyaande Nigeria, ko noone Bundibugyo, nguu ñawu jaaliingu hannde République Démocratique du Congo. Ko debbo immiiɗo Ouganda naatdi ndee nawnaare e nder Nigeria. Ardiiɓe leydi ndii nantinii wonndema, yimɓe 44 ɓattondirɓe e oo debbo ñawɗo hino aynaa. Yiɗde hooreeɓe Nigeria ko haɗugol layugol Ebola e nder ndii leydi . Kono wonaa e ngol laawol ɗoo, Ebola fuɗɗii naatude Nigeria. E hitaande 2014, ndee nawnaare yiyanooma e ndii leydi kono nde heɓaano doole. Ko yimɓe 7ɗo tan nde warnoo. Taw si Nigeria hino jogii mbaawka ngam haɓugol Ebola ko yaawi ? Mbele kulol no woodi wota ndee nawnaare layu e nder leyɗe hirnaange Afrik? Koɗo men hannde ko Dr Ahmad Umar, ñawndoowo mo Nigeria. Himo jaaboo laamnde Ibrahima Timbi Bah…
• 
  Hannde ko porofeseer Abdoul Doro Sow, renndiyaŋke njaɓɓiɗen ngam yeewtude e alhaali Paul Mackenzie to Kenya 21.10.2026 5m

  Kenya, suudu ñaawirdu leydi ndii tabintinii wonnde Paul Mackenzie saabike maayde yimɓe 191 tawa 190, ko sukaaɓe. Oo ardiiɗo fedde nasaarankoore seɓɓitiinde yamirno yimɓe makko waasde ñaamde e yaarde haa ɓe maaya. Ko e nder ɗum heewɓe wariri ɓiɓɓe mun ɗonka e heege. Fureeji timmuɓe 450 yiitaama e nder ladde noddiraande Shakahola, nde oo pasteerjo daakinoo e mun. Ko holno neɗɗo waawiri battinde e hakkille yimɓe haa waajinbinaɓe wartagol ? Mbele ko waɗi Kenya koo no seerti e fiyanɗe kuliyankooɓe wartotooɓe, warora yimɓe woɓɓe ? Ko holno oo bone haana jaggireede ? Koɗo men hannde ko porofeseer Abdoul Doro Sow, hertorɗo renndo. Himo jaaboo laamnde Ibrahima Timbi Bah…
• 
  Hannde njeewtitten ko Amadou Aly Kane ko faati ngonka hakkeeji aade e nder doŋre Afrik 20.10.2026 5m

  Ɗoo e Dakar, ina haani yuɓɓineede goomu daraniingu hakkeeji aade e ɓesngu woni CADHP. Ɗum ko ummaade 21 lewru 10ɓuru hitaande 2026. Seteeji gummiiɗi e leyɗeele keewɗe e nder Afrik nana e jeewte ko faati e wellitaare yimɓe e doŋre Afrik ndee. Nguu batu ina hawri e duuɓi 40 sarɗi Afrik paatuɗo e hakkeeji aade kadi e ŋakkeere ndimaagu jaayndiyaŋkaagal sabu diftagol jaayndiyaŋkooɓe heewɓe e nder Afrik bannge hirnaange ina wonndi e to bannge leyɗeele sahel ɗee. Ko noon kadi e tampere nde yoga e luulndiyankooɓe nguuri e nder leyɗeele mum en. Ngam yeewtude e waɗde ɓeto e kaa ngonka hakkeeji yimɓe e nder Afrik, teeŋti to Afrik bannge hirnaange, Rama Diallo jaɓɓiima Amadou Aly Kane, awoka keeroriiɗo hakkeeji yimɓe.
• 
  E alhaali ɗii seppooji baɗateeɗi to France, eɗen njaɓɓii hannde Amadou Tidiane Diallo, sariyayanke, keertoriiɗo hakkeeji neɗɗo 19.10.2026 5m

  Ko ɓuri yimɓe 800 000 njaltii hecci hanki aset seppude e diiwe keewɗe France. To Paris, Marseille, Lyon, Bordeaux, Nantes, Saint Etienne, e diiwe goɗɗe. Sabaabu oo ko satteende nguurndam ɗam. Ina jeyaa e yuɓɓinɓe seppooji ɗii, fedde noddirteeɓe “gilet jaunes”, janngooɓe, haa e heertoriiɓe weeyo. Bonandaaji keewɗi teskaama e majjum. Jeeyirɗe, gollorɗe janane, haa e ɗe laamanteeje cumaama e yoga e diiwe. Hooreejo leydi ndii, Emmanuel Macron, suuti hanki konngol faade e oo alhaali.
• 
  Ɓeydugol rafi Ebola e nder RDC woni toɓɓere yeewtere men hannde 15.10.2026 4m

  To RDC, ñawu Ebola ina jokki raaɓtude e ndii leydi. E ko hooreeɓe ɓen kumpiti talaata ko ɓuri 9 000 tawraa ñawu nguu, ko ɓuri 4300 maayi e nder diiwe 7. Haɓugol e ñawu nguu no ɓeydii tiiɗude sabu rafi ndeenaagu bannge e nokkuuji to ngu ɓuri jalaade. Yimɓe ɓee kadi koolaaki eɓɓooje daɗɗaaɗe ɗee kadi ŋakkugol kaɓirɗe cafrirɗe ngam haɓde e oo rafi, wallaani. E ɗee balɗe kadi hollitaama wonnde ñawu nguu yottiima leyɗeele goɗɗe ɓadiiɗe RDC ko ɓeydi kulol lañugol e leyɗe jama. Rama DIALLO yeewtidii e Pr Mamadou Saliou SOW, cawroowo to suudu cawrirdu Donka to Guinée, tefoowo dow ɗii ñawuuji raaɓooji. Keɗoɗen
• 
  Njeewtitten e koɗo men hannde ko alhaali ndee fedde politik hesere nde Joseph Kabila renndi e murtuɓe M23 14.10.2026 5m

  Front pour la refondation de la Nation, ɗum ko fedde heyre nde Joseph Kabila wartidi e politiki RDC. Ndee fedde heyre nde o tawdaa e muurtuɓe M23 hollitaama hanki to Goma saare mawnde fuɗnange RDC, to murtuɓe M23, heewɓe haɓude e laamu RDC njooɗi. Kanko ñawaaɗo kasu maayde saabu tuumeede jamfaade leydi makko, o anndinii sosugol ndee fedde e sahaa mo leydi ndii heɓindantoo suɓgooji laamu baɗooji e hitaande 2028. Holko ɗum hasii battinde e politiki leydi ndii. Holko hawtugol makko e ɓee murtuɓe haɓooɓe e laamu Kinshassa waawi addude e leydi ndii. Holko gartugol makko waawi battinde e Felix Tchisekedi, cappaaɗo honndu yiɗde ƴamde manda tataɓo ko sariya RDC newnantaa gooto. Pr Fabilou, kumpitiiɗo politik, jaŋnginoowo to duɗal toowngal Gaoundere.
• 
  Alhaali dawro e jiiɓoldu fewndiindu GUINEE-BISSAU caggal nde artugol Umaro Sissoko Embalo tulti 13.10.2026 4m

  Guinee Bissau suɓgooji laamu e depiteeɓe no aadanoo 6 lewru 12ɓurdu warooru. Hannde lamndi na gon so on aadi laatoto. Fedde tammbiinde suɓgooji laamu leydi din anndini ɓe keɓɓindaaki tafon,horeejo jaagorɓe laamu gun kasi jokkinii ɗin kongi. Gartol Oumarou Sissoko Emballo laamiiɗo kiɗɗo laataaki e ɗiɗi lewru ndu hono ko o naniranoo.Laamu leydi ndi fiirtiɗiɗum saabu e wii maɓɓe no leydi ndin worndi jooni e ndeenaagu humtataa gartol makko.Lunndiyankooɓe ɓee no ñiŋi ɗum ,yi'ude ɗee jaaɓe hono muuyugol konunkooɓe ɓee duumaade e laamu Bissau waasude teddinde ko ɓe aadodinoo koreeji ɗi nde ɓe ƴettunoo laamu,wiide ɓe ngaɗan subgo wartirde laamu e juuɗe siwilɓe.Wartude e nduu jiɓdu Rama Diallo lamndoke Mamadou Albert SY hertorɗo politiki e oo alhaali. Keɗoɗen yeewtere hakkunde maɓɓe.
• 
  Woni koɗo men hannde ko Oumar Ly, sariyayanke e batte leydi, golloowo e gollirdu SONED Afrik 12.10.2026 5m

  Hitaande kala, ɗoo e Senegal no taykaa tampiri mawndi so ndunngu hewti, hikka kasin toɓooli no njokki battinde e koreeji ndii leydi. E ɗee balɗe tati sakkitiiɗe, cuuɗi caamii, yimɓe yoga maayi, njeyguuji e kaake boni. Laamu ngu anndinii no e darnde faabaade loriiɓe. Ko ɓuri miliyariiji 9 kaalisi cfa laamu ngu aadii yaltinde etaade ittude ɗee caɗeele toɓo ndunngu ɗo e senegal.
• 
  Ko holɗum walli konu Mali heɓtugol Kidal, tawa muurtuɓe FLA dartaaki? ko ngal lamndal Pr. Gourmo Abdoul LO koɗo men woni e jaabaade 08.10.2026 4m

  Mali, Gila e ndee talaataare faltiinde Kidal ko juuɗe laami Mali woni. Konunkooɓe leydi ndii e wallidiiɓe mun Africa Corps heɓti ndee Saare Kidal lebbi jowi caggal nde ɓe riiwa e mayre .Murtuɓe FLFA e gollidiiɓe maɓɓe JNIM jaɓtunooɓe Kidal e lewru 4ɓuru ndee hitaande yaltu e ndee saare ado konu Mali hewtude ton. Ko ɗum saabi hare waɗaali hakkunde ɓee ɗiɗo. Ko holɗum walli Konu Mali heɓtugol Kidal ? Fii holɗum murtuɓe FLA dartaaki nguu konu ? Mbele woodi ko Algerie waɗi e oo alhaali ? Ngam taskagol ɗum hiɗen jaɓɓii Gourmo Abdoul LO,jannginoowo iniwersite Nouakchott. Himo jaaboo laamnde Ibrahima Timbi Bah
• 
  Cameroun: posonji, tooke e kedde metalji yiitaama e nder tebbeeli gerto, Dr Hasimi Diallo hertorɗo cellal daabeeji no tewta battane ɗum e callal men 07.10.2026 5m

  Cameroun, Tebbeeli gerto e boofooɗe wonaaɗe e yeeyeede hewɗe laaɓana ñawndu, sabu hiɗe wonndi e ñaw. Ko ɗum wiɗto ngo Iniwersite Yaoundé I waɗi feññini. Ɗii tebbeeli ɗee gortooɗe hino wonndi e tooke bonɗe wi’eteeɗe e faransiire métaux lourds, residus antibiotique e toxines. Ɗee tooke ko saabotooɗe ñabbeeli heewɗi, haa hewta cancer. Gila ngoo wiɗto yalti kulol mawngol hino woodani pelle naftortooɗe. Ko holno ɗee tooke hewtiri ɗee gertooɗe ? Ko holɗum haana waɗeede ngam hiwgol ñaamooɓe teewu gerto ? Tawsi sifa ɗee tooke no yi’ee gertooɗe wonɗe e leyɗe goɗɗe e nder Afrik? Koɗo men hannde ko Dr Hasimi Diallo weterineerjo. Himo jaaboo laamnde Ibrahima Timbi Bah.