Laawol ganndal e needi

Episodes

• 
  [Fillitaaɗo] Sattugol cogguuji defte janngirteeɗe hitaande kala e nder leyɗeele Afrik 30.10.2026 10m

  E nder hirnaange Afrik, satteende coggu defte janngirɗe ina ngaddana jinnaaɓe janngooɓe haa e jannginooɓe ɓee caɗeele mawɗe. Yanti heen yoga e ɗee defte ina mbaylee hitaande kala. Ko e yeewtere men hannde juppata. Eɗen ngonndi e Ibrahima DIALLO jannginoowo e Kadiata TALL jinnaaɗo janngoowo .
• 
  UNESCO yaltinii cimtol ko faati e woppere jannde sukaaɓe worɓe e nder hirnaange Afrik inateska, 30.10.2026 10m

  E bi'ol salndu Dental Adunaaru Halfinaandu Pinal e Needi UNESCO woppere sukaaɓe worɓe jannde e nder hirnaange Afrik inateska, ina ɓeydoo yaajde. Ɗum ina lunndii miijo ngo heewɓe cikkata wonde sukaaɓe worɓe ko kam en ɓuri heewde e jannde. E nder nokkuuji keewɗi e nder diiwaan hee, jooni ko sukaaɓe worɓe ɓuri sukaaɓe rewɓe... UNESCO hollitii wonde e nder leyɗeele walla diiwanuuji ceertuɗi hono won e nokkuuji Senegal, Cote d’ivoire walla Gambie baasal ina jeeya e ko saabi ndee ŋakkeende jannde sukaaɓe worɓe kono kadi wasde heɓde golle so jannde ndee gasi ina hen.Ngam heɓde ko laaɓi e ndee toɓɓere men e taskaram men Laawol Ganndal e Needi eɗen ngondi e Saidou Alassane BA gardiiɗo duɗal janngirgal to Mauritanie e Dieynaba SOW jinnaaɗo janngooɓe Senegalnaajo.
• 
  Sattugol cogguuji defte janngirteeɗe hitaande kala e nder leyɗeele Afrik 23.10.2026 10m

  E nder hirnaange Afrik, satteende coggu defte janngirɗe ina ngaddana jinnaaɓe janngooɓe haa e jannginooɓe ɓee caɗeele mawɗe. Yanti heen yoga e ɗee defte ina mbaylee hitaande kala. Ko e yeewtere men hannde juppata. Eɗen ngonndi e Ibrahima DIALLO jannginoowo e Kadiata TALL jinnaaɗo janngoowo .
• 
  Batte toɓooji e nder duɗe jaŋngirɗe yoga e leyɗeele Afrik e cellal jaŋngooɓe e jaŋnginooɓe ɓee 16.10.2026 10m

  Tedduɓe heɗiiɓe Rfi fulfulde on calminaamaa bismilah mon e taskaram men Laawol Ganndal e Needi. Oɗon nganndi wonnde sahaa toɓo ina bonna no feewi duɗe janngirɗe ɗee haa teeŋti noon to hirnaange Afrik. Holko ndiyam toɓo battinta tigi e jannde ndee, haa e cellal jaŋngooɓe e jaŋnginooɓe. Ko dokotoro Daouda Minta, ñawndoowa to Mali jaabatoo ɗee namɗe. 
• 
  Alhaali udditugol lekkolji e ndee falnde sahel e caɗeele kisal ɗe ndee nokkuure wonndi e muuɗum 09.10.2026 10m

  Ko sahaa udditgol duɗe janngirɗe e nder leyɗeele Sahel (AES). Kono Mali, Burkina Faso, e Niger, ujunne sukaaɓe ina ngonndi e caɗeele waasde fiditaaɗe jaŋde sababu rafi kisal e dee leydelle. Mali: ko ngonka kisal ɓeydii bonnude e yaajende gonal Jihaadiyaŋkooɓe e nder leydi ndi, ko ina tolnoo e 2400 duɗe janngirɗe ina uddi e ndehitaande. Nde limoore ina ɓeydoo tan e ɗii duuɓi cakkitiiɗi. Ibraahiima Niang
• 
  Needi: alhaali coggeeli ɗee duɗe jannginirɗe heeriiɗe ( ɗe wonaa laamuyankooje) e nder duunde Afrik 02.10.2026 10m

  Burkina Faso, ko hanki duɗe janngirɗe udditi wonande jannginooɓe e gollotooɓe woɓɓe e ɗen duɗe. Ndee hitaande jannde hesere, laamu nguu ƴettii pellital ngam ustude njoɓdi duɗe ɗe ngonaa laamuyankooje leydi ndii. Ngal pellital ina weli jinnaaɓe kono ina metti won e jom duɗe ɗe ngalu mum en won heen ina ustoo.Ɗum waɗi hannde e nder taskaram men Laawol Ganndal e Needi eɗen njeewte e ko faati e ustugol njoɓdi duɗe ɗe wonaa laamuyankooje nder duunde Afrik. Koɗo men e ndee yeewtere ko Abass ACH janginoowo to Senegal.
• 
  Alhaali ɓeydagol coggu alaaji janngirɗi ɗi lekkolɓe ɓen hatonjini e muuɗum fii fuɗɗitagol jannde 25.09.2026 10m

  Nder duunde Afrik haa teeŋti e Afrik baŋŋe hiirnaange duɗe janngirɗe keewɗe udditii goɗɗe ɓoyaata uddita. Hitaande hikka nde jinnaaɓe heewɓe ngoytiima satteende janngirɗe ɗee. Tedduɓe heɗiiɓe RFI fulfulde on calminaama bismillah mon e Taskaram men Laawol Ganndal e Needi, on paami wonde yeewtere men hannde ko alhaali satteende coggu ko janngirte ina wi’ee e fransikoore Fournitures Scolaires. Hoɓɓe men e ndee toɓɓere ko Kadidia BARRY jinnaaɗo janngoowo to Burkina Faso e Moussa SAKHO gollowwo e fedde ndee wona laamuyankoore hono "action aide".
• 
  Ɓooyataa lekkolji ɗin uddita, leyɗe buy no jogii caɗeele ko faati e mahanteeri, janngooɓe woɓɓe ko e cuuɗi darniraaɓi huɗo jaɓɓetee 18.09.2026 10m

  O sahaa wonaaɗo, leyɗe Afrik keewɗe ina heɓlaade e udditugol duɗe janngirɗe ɗee. E ɗum noon, ina yaada e caɗeele e nder nokkuuji kewɗi, sabu anngal suuɗi janngirɗi mahaaɗi. E nokkuuji keewɗi, teeŋti noon wonuɗi ka dowri, sukaaɓe ina jannga e nder turi, buraa anndireede abris provisoires e faransiire, mahiraaɗi ko buri heewde huɗo. E sahaa mowonuɗeen, nduungu nguu kañum e toɓo ngoo dartaaki e nokkuuji heewɗi. Ɗum non ina satti emaɓɓe ngam fuɗɗaade jannde no haaniri nii hono fof. Ngam yewtude ɗum noon, Habib Diao ina jaɓɓoo hannde Amadou Balde , woni ardiiɗo suudu jangirdu leslesru Linkering 2, nokku wonuɗo to falnde Kolda, to worgo Senegal. So diwiiɗum, omo jaɓɓoo kadi Ousmane Diao, weeɓnoowo jokkonndiral hakkunde jannginooɓe e jinnaaɓe ɓee toon to Oussadou, nokku wonnɗo keerol hakkunde Senegal e Guinee Bissau.
• 
  Needi: alhaali nguurdam ɓee jannginooɓe e ɗii lekkol keeriiɗi e caɗeele maɓɓe 11.09.2026 10m

  Afrik heewɓe e ciñcuɓe duɗe keeriiɗe, ina ƴetta jannginooɓe lebbi jeenay tan ko ɗum woni dumunna tigi rigi hitaande jannde ndee. So jannde ndee gasii, ɓe njanngooɓe nati yoɓeede, E ɓee njooɗo lebbi ɗiɗi haa tati tawa ɓe ngala njoɓdi,ɗum waɗi heewɓe e maɓɓe ina ndutto e golle goɗɗe Eɗen ngonndi e Mamadou Dokore BA jannginoowo keeriiɗo to Guinée e Oumar BA kanko ne jannginoowo keeriiɗo nder Sénégal.
• 
  Needi: alhaali wootinɗingol jannde ɗemɗeɗiɗiire e nder Senegal e ɓɓoore guwerneman 04.09.2026 10m

  Tedduɓe heɗiiɓe Rfi fulfulde on njaaraama bismillah mon e taskaram men Laawol Ganndal e Neddi, toɓɓere men hannde ina yoowiti e alhaali wootingol ɗemɗe ɗiɗiire. Ñalnde talaata 18 lewru 8ɓuru hitaande 2026, to Diamniadio nder laamorgo Senegal, jaagorgal Senegal jaŋde hollitii Feere mum eɓɓoore 2026-2030 ngam ƴellitde mbaadi Mohebs, hono wootingol ɗemɗe ɗiɗiire e nder Senegal. Nder ɗum eɗen ngondi e Madina Hadi TALL kalfinaaɗo fedde toppitiinde eɓɓaande jaŋde ngenndi Senegal kam e Bassirou Kebe tawaaɗo e kawtal ngenndiwal jaŋde wonande moni kala. On Njaaraama
• 
  [Taskara Fillitaaɗo]- Alhaali waaseede jikku moƴƴu walla ɓii-leydiyaagal e nder ɗii lekkolji hannde ɗii 28.08.2026 10m

  Civisme ko ngonka walla darnde ɓiyleydi e renndo ngo o wuuri, kam e teddinde kuule mum e sariyaaji mum. Soɗe ɗe binndaaɗe walla binndaaka, ine toɗɗi yuɓɓinde e weeɓtinde nguurndam e nder renndo teeŋti e nguurndam janngooɓe nder duɗe. Tedduɓe heɗotooɓe RFI Fulfulde, on njettaama e heɗaade taskaram men Laawol Ganndal e Needi,Toɓɓere menhannde, ina yowitii e Ngonka ka sukaaɓe nder renndo. Koɗo men e ndee yeewtere ko Fatimata BA DIALLO jannginoowo to CEM Bambey Serere. Bismilla mon ! Olel TALL
• 
  [Taskaram Fillitaaɗo] - Needi: alhaali nguurdam sukaaɓe janngooɓe si guurte naatii 21.08.2026 10m

  Tedduɓe heɗiiɓe taskaram Laawol Ganndal e Needi on calminaama toɓɓere men hannde ina yowitii e anndugol ko holno suukaaɓe janngooɓe nguurirta so duuɗe janngirɗe  ɗee uddi, so gurte guurte naatii. Koɗo men endee yeewtere ko Adama SOW tawaaɗo e dental mawɓe janngooɓe to Gine. Bismillah mon!
• 
  [Taskaram fillitaaɗo]- Needi: toŋugol huutorde telefon ka nder duɗe janngirɗe 14.08.2026 10m

  Nder duunde Afrik leyɗe hono Senegaal e Togo haɗii huutoraade telefoŋaaji e nder duɗe janngirɗe ɗee laamu e ɗe ngonaa laamuyankooje. Faandare ndee e wiide halfinaaɓe jannde ko ngam dartinde fijiirde, haa teeŋti waɗateende e nder internet, kono kadi ngam wallude sukaaɓe ɓee. Tedduɓe heɗiiɓe Rfi Fulfulde on paami wonde toɓɓere taskaram men Laawol Ganndal e Needi e ndee yontere, ko kutorogol telefoŋ e nder duɗe janngirɗe. Ko duɗal CEM dalifort mbaɗen ndee yeewtere eɗen ngondi e Hamidou DIENG gardiiɗo ngal duɗal e Djeinaba BA jinnaaɗo janngooɓe toon. Bismillah mon.
• 
  [Taskaram pillitaaɗo] - Holno faamirɗon fii ɗee gurte (congés) ka ɗuɗe jannginirɗe Afrik? 07.08.2026 10m

  Tedduɓe heɗiiɓe rfi fulfulde mi salmaniimoon haa teeŋti e heɗotooɓe taskaram men Laawol Ganndal e Needi. Njuule mo wuri oɗon njarlo oɗon njaafa. Ko weeltaare mawnde ɗo amɗo waɗdude e mon yeewtere. Oɗon nganndi wonde to Afrik baŋŋe hirnaange duɗe jaargirɗe njiidi sahaa nde ɗe udditata dame puɗɗo jannde, kono kadi ko kanje njiidi sahaa nde gurte woni vacances e fransinkoore.
• 
  [Taskaram fillitaaɗo] - Caɗeele ɗe sukaaɓe duunde Afrik ɓee njogii ngam haalde ɗemngal ngal ɓe njanngirta no taskaa 31.07.2026 10m

  E nder Afrik hirnaange, caɗeele ɗemngal janngirgal e nder duunde Afrik ina teska. Ŋakkeende ɗemngal janngirgal ina yowitiiɗe e geɗe keewɗe hono e janngingol e ɗemngal ngal wonaa ɗemngal neeniwal janngoowo oo, heblo jannginooɓe   ɗemngal gollorgal maɓɓe ngo laaɓtani 
• 
  [Taskaram-Fillitaaɗo] E bi’ol « Handicap International » fotde feccere e sukaaɓe jukkuɓe alaa e janngude lekkol 24.07.2026 10m

  Ko saabi ndee sattende jannde wonande sukaaɓe jukkuɓe ina heewi ko tawde mahanteeriiji duuɗi ɗii weɓaanaa sukkaaɓe jukkuɓe ɓee. Jannginooɓe heewɓe keblaaka ko faati jannde heeriinde wonnande ɓee jukkooɓe. Kooreeji walla jinnaaɓe jukkuɓe ɓee ina njiɗi ɓe reende haa ɓee mbassa natnude lekkol… ngam ɓurtude faamde alhaali jannde sukaaɓe jukkoɓe njahen to worgo Senegaal to Welingara, eɗen ngonndi e dental wonduɓe e jukko diiwan oo haa teeŋti e Abib Sabali jannginoowo kono kadi gardiiɗo ngal dental e Marietou Badiane jinnaɗo janngooɓe gooto e tawaaɓe e ngal dental.
• 
  Taskaram-fillitaaɗo - Hannde toɓɓere men nden no yewta fii alhaali mogo " Théatre " e nder duɗe janngirɗe ɗen 17.07.2026 10m

  Hol ko waɗi mogo no janngine e nder duɗe?   Ko adii ɗuum, gila e duɗe leslese haa e duɗal jaaɓi haaɗtirde, kala duɗal ina joginoo dental mogiyankooɓe, tawi ko janngooɓe. Kono hannde, ngal ɗoo gollal ina ɗesi majjude.   Hol ko saabi  ngool majjugol?  
• 
  [Taskaram fillitaaɗo] Gila e hitaande 2000 Senegaal daranii ko sarɗinde alhaali ɗii daaraaji, duɗe ɗo Qur'aana janngetee 10.07.2026 10m

  Ñannde 31 lewru tataɓuru ɓenndu nduu e sahaa ñalawma teddiniraaɗo Daara, Hooreejo Senegaal, Bassirou Diomaye Faye, huniima hesɗitinde e ɓeydude nafoore daaraaji (duɗe Quraan) e nder leydi ndii. Laamu Senegaal ɓami anniya naatnude duɗe Kuraana en e jande ngenndiire.Holno oo anniya jogori laatoraade. Ngam heɓde heen ko laaɓi eden ngondi e Mama KANE SOW jannginowoo tawaaɗo dental rewɓe jinnaaɓe yarlatiiɓe ina njanngina e nder duuɗe kuraana no wi'ee NDAYOU DAARA. Bismillah mon.SOW
• 
  Needi: mehugol humambinaaku e nafa janngingol ɗemɗe ngenndiije to duɗe jannginirɗe sukaaɓe 03.07.2026 10m

  Senegaal yuɓɓinii mbatu winndereyankeewu mbuñaari "Yidan" ko wol goo ko batu nguu ina waɗe nder Afrik, tawi ina hawridini e ko ina ɓura 200 yimɓe mawɓe anndanɓe needi e nder winndere ndee ngam yeewtidde e peeje baawɗe waylude ngonka jaŋde duunde he. Koɗo men e Taskaram men Laawol Ganndal e Needi ko Mamadou Amadou Ly, gardiiɗo gollorduFedde nde wona laamu yankoore ngam ƴellitde jaŋde (ARED) e keɓɗo mbuñaari Yidan 2025, kono kadi Daraniiɗo ɗemɗe ngenndiije e nder jaŋde sukaaɓe. Bismillah
• 
  Needi: ko holɗum woni needi sukaaɓe janngooɓe ɓen nde ɓe woni e guurte? 26.06.2026 10m

  Banndiraaɓe musiɗɓe, tedduɓe, on calminaama bismillah mon e ndee yeewtere men LaawolGanndal e Needi. Toɓɓere men hannde ina yowitii e anndugol holko ko wonata golle sukaaɓe jannganooɓe e saahande ɓe woni e gurte. Eɗen Ngondi e Hama MAIGA eltoowo sukaaɓe saaha gurte to Dori. On njaaraama.