أزمة غادة
Podramacast
0
بودكاست يقدمه الإعلامي غادة عمر، ويناقش المشاعر والأحاسيس التي تتركها المواقف المختلفة في حياتنا. يروي قصصًا من الواقع بهدف فهم النفس بشكل أفضل والتعامل مع الأزمات بطريقة أبسط. يتناول الحلقات كيف تؤثر التجارب اليومية في تشكيل حياتنا وقدرتنا على الاستمرار. البرنامج من إعداد وتقديم غادة عمر، مع إشراف عام وهندسة صوتية من أحمد عادل.
Episodes
-
راح فين زمن الشقاوة | قعدة إخوات 2 | بودكاست أزمة غادة 02.06.2026 51m"كان زمان كل مصيبة بنعملها مع بعض... وكل حاجة حلوة بنعملها مع بعض برضه " قبل الموبايلات... وقبل ما كل واحد يبقى قافل على نفسه في أوضته... كان في نوع مختلف من الصداقة. الصداقة اللي اسمها: أخويا وأختي. 🎙️حلقة مليانة ضحك وشقاوة وذكريات هتفكركم بأيام صعب تتكرر ❤️ إعداد وتقديم: غادة عمر إشراف عام وإخراج: أحمد عادل -
حضرتك مهتم بفيلا بـ200 مليون بس؟ | بودكاست أزمة غادة 19.05.2026 24mمكالمة Telesales واحدة كفيلة تقلب يومك كله… خصوصًا لما تكون رايح الشغل، أو خارج من حادثة، أو بالكاد عارف تدفع إيجار الشهر… وفجأة حد يكلمك يعرض عليك فيلا بـ100 مليون أو تربة "جنة فيو". في الحلقة دي من "أزمة غادة" هنغوص جوه عالم الـTelesales، وقواعد البيانات اللي بتتباع، وسماسرة البيانات، وازاي أرقامنا بقت بتتنقل بين الشركات كأنها ملكية عامة. غادة عمر بتحكي مواقف حقيقية كوميدية سوداوية عن مكالمات العقارات والبنوك والمدافن، وبتفتح ملف أكبر بكتير: الخصوصية، والـData Brokerage، وفضيحة Cambridge Analytica، وتأثير بيع البيانات على البشر والدول. حلقة فيها ضحك… ووجع… وأسئلة لازم تتسأل: مين إدّاهم رقمنا... -
كيف غيرت حياتي بعد 26 سنة | بودكاست أزمة غادة 12.05.2026 20mفي الحلقة دي من “أزمة غادة”… غادة بتحكي لأول مرة رحلتها الحقيقية مع الحلم المؤجل… حلم بدأ وهي عندها 16 سنة، واتأجل 26 سنة كاملة بين الدراسة، والشغل، والمسؤوليات، والخوف. إزاي ممكن الإنسان يسيب طريق عاش فيه عمر كامل… ويبدأ من الصفر؟ وهل فعلًا فيه وقت متأخر على تحقيق الأحلام؟ حلقة عن: الخوف من التغيير التصالح مع النفس الأحلام المؤجلة البداية من جديد وكيف ممكن كلمة واحدة تغيّر مصير إنسان بالكامل إعداد وتقديم: غادة عمر إشراف عام وإخراج: أحمد عادل -
الفلوس السهلة… وهم ولا رزق؟ | بودكاست أزمة غادة 05.05.2026 24mفي زمن بقت فيه الفلوس ممكن تيجي بضغطة زر… بقينا محتارين: هل ده تطور طبيعي؟ ولا انحدار خطير؟ من اللايفات والتحديات… لحد علاقات قائمة على المصلحة… وصولًا لعمليات نصب وغسيل أموال متخفية في صورة دعم ومحتوى. الحلقة دي مش ضد السوشيال ميديا… لكن ضد فكرة إن الإنسان يبقى سلعة. إمتى الفلوس تبقى رزق؟ وإمتى تبقى فخ؟ وإيه الثمن الحقيقي اللي ممكن ندفعه من غير ما ناخد بالنا؟ إعداد وتقديم: غادة عمر إشراف عام وإخراج: أحمد عادل -
الإخوات يعني الأمان | قعدة إخوات | بودكاست أزمة غادة 28.04.2026 32m"سنشد عضدك بأخيك" في الحلقة دي… الموضوع مش مجرد حكاية، دي مشاعر متراكمة، وذكريات بتتحكي من القلب للقلب. إعداد وتقديم: غادة عمر إشراف عام وإخراج: أحمد عادل النهاردة مش هتسمعوني كمقدمة… هتسمعوا ناس كتير اتجمعوا على معنى واحد ثابت مهما الوقت عدى إن الإخوات سند. هنرجع سوا لذكريات بيت العيلة، للحظات بسيطة كانت مليانة حب، ونسأل نفسنا: هل في حاجة في الدنيا تستاهل تزعل بين الإخوات؟ وهل في هدية أغلى من إن الأهل يزرعوا الحب بينهم؟ الحلقة دي عن الدفا، عن السند، وعن العلاقة اللي مهما حصل… بترجع تاني. 🎧 لو عندك أخ أو أخت… الحلقة دي ليك ولو زعلانين من بعض… يمكن دي تكون بداية الرجوع -
هتتجوزي امتى؟ | الجواز مش سباق! | بودكاست أزمة غادة 21.04.2026 14mفي كل مناسبة… نفس السؤال بيتكرر: "هتتجوزي امتى؟" سؤال شكله بسيط… بس تأثيره ممكن يكسّر يوم كامل، ويضغط على ناس كتير بدون ما نحس. في الحلقة دي من أزمة غادة، بنحكي مواقف حقيقية حصلت لينا كلنا، ونفهم ليه السؤال ده مؤذي، وإزاي بقى تدخل في حياة الناس بشكل مبالغ فيه. هنتكلم عن: الفرق بين الاهتمام والتدخل ضغط المجتمع على البنات ليه الجواز بقى "توقيت لازم" عند ناس كتير وإزاي نحط حدود بدون ما نخسر نفسنا الحلقة دي مش ضد الجواز… بس ضد إن حياتك تبقى مادة للنقاش العام. 🎧 لو اتسألت السؤال ده قبل كده… الحلقة دي ليك إعداد وتقديم: غادة عمر إشراف عام وإخراج: أحمد عادل -
مش كل فرصة فاتتك… كانت ليك! | أزمة الفومو 14.04.2026 19mعمرك حسّيت إنك متأخر عن كل اللي حواليك؟إن في فرص بتفوتك… والناس كلها بتسبقك؟ في الحلقة دي، هنقرب من إحساس بنعيشه كلنا تقريبًا من غير ما ناخد بالنا…إحساس بيبدأ بسيط، بس ممكن يكبر شوية شوية لحد ما يتحول لضغط نفسي مأثر على قراراتنا ونظرتنا لنفسنا. من خلال مواقف وتجارب واقعية، هنفهم مع بعض يعني إيه الخوف من ضياع الفرص (FOMO)وإزاي السوشيال ميديا ممكن تخلينا نشوف حياة غيرنا بشكل مش كامل… ونقع في مقارنة مش عادلة. بس السؤال الحقيقي هنا 👇هل فعلًا في فرص بتفوتنا؟ولا إحنا اللي مش شايفين اللي في إيدينا؟ حلقة هتخليك تبص لحياتك بشكل أهدى… ويمكن تفهم نفسك أكتر. 🎙️ اسمع الحلقة… يمكن تكتشف حاجة عن نفسك أول مر... -
الزحمة مش السبب الحقيقي! | أزمة سلوكيات الشارع 07.04.2026 34mهل فعلاً الزحمة هي السبب؟ ولا إحنا اللي اتغيرنا؟ في الحلقة دي من بودكاست أزمة غادة هننزل سوا الشارع المصري بكل تفاصيله… من أول الأسانسير لحد الطرق السريعة، ومن مواقف يومية بنعيشها كلنا لأسئلة صعبة عن سلوكنا وردود أفعالنا. هتسمع قصص حقيقية حصلت مع ناس زينا… مواقف ممكن تكون عدت عليك قبل كده، أو لسه مستنياك. الحلقة دي مش عن السواقة بس… دي عن: العصبية في الشارع سلوكيات المصريين في الزحمة حوادث الطرق وأسبابها ليه بقينا بنتعامل بعنف مع بعض؟ وهل في أمل نرجع زي زمان؟ 🎙️ لو نزلت الشارع قبل كده… الحلقة دي ليك. إعداد وتقديم: غادة عمر إشراف عام وإخراج: أحمد عادل -
كملوا عشان الأولاد، فكبروا مرضى نفسين! | أزمة الانفصال 31.03.2026 23mهل الانفصال دايمًا هو النهاية… ولا ممكن يكون بداية أقل ضررًا؟ في الحلقة دي من بودكاست أزمة غادة، بنفتح ملف من أخطر الملفات اللي بقت بتزيد يوم بعد يوم: الانفصال بين الزوجين وتأثيره الحقيقي على الأطفال. من غير تجميل… ومن غير أحكام هتسمع قصص واقعية، تجارب صادمة، وآراء مختلفة بتكشف: هل كنا شايفين إشارات الانفصال من البداية؟ ليه الأطفال هم دايمًا الضحية؟ إزاي الخلافات بتتحول لصراع… وسلاحه الأولاد؟ وهل الاستمرار في علاقة فاشلة ممكن يكون أسوأ من الانفصال؟ الحلقة دي مش بتدي إجابات جاهزة… لكن هتخليك تفكر بعمق في اختياراتك… وتأثيرها على ناس مالهمش ذنب. 🎙️ استمع الآن… يمكن تلاقي إجابة جواك أنت. إعداد وتق... -
من الانترفيو للحقيقة الصادمة | أزمة بيئة العمل السامة 25.03.2026 33mفي حلقة جديدة من بودكاست أزمة غادة، بنغوص سوا في عالم بيئة العمل من منظور مختلف… مش المثالي، لكن الحقيقي. من قصص واقعية وتجارب صادمة، هنكشف إزاي تتحول الشركات أحيانًا من مكان للإنتاج والنجاح إلى ساحة مليانة صراعات، ضغوط نفسية، وشخصيات توكسيك بتأثر على حياتنا أكتر مما نتخيل. هتعرف: إمتى نقدر نقول إن بيئة العمل سامة فعلًا؟ إيه العلامات اللي ممكن تظهر من أول انترفيو؟ هل المشكلة في المكان… ولا في الأشخاص؟ وهل الحل إننا نهرب… ولا نواجه؟ حلقة مليانة مواقف حقيقية هتخليك تعيد التفكير في شغلك، قراراتك، وحتى نفسك. 🎧 اسمع الحلقة كاملة واكتشف الحقيقة اللي محدش بيحكيها عن الشغل.مستنية قصصكم وتجاربكم. كنت... -
ليه حتى الإجازة بقت مملة؟! | أزمة الروتين 17.03.2026 12mهل عمرك حسّيت إن حياتك بقت نسخة مكررة كل يوم؟ نفس الروتين… نفس التفاصيل… ونفس الإحساس بالزهق؟ في الحلقة دي بنفتح ملف “الروتين” من زاوية مختلفة تمامًا… مش بس إزاي نكسره، لكن إزاي نحوّله من عبء بيستهلك طاقتنا لأسلوب حياة يساعدنا نعيش بشكل أهدى وأوضح. من خلال تجربة شخصية حقيقية، وأفكار مستوحاة من علم "الروتينولوجي"، هنكتشف: ليه الروتين ممكن يسبب ضغط نفسي واكتئاب الفرق بين "روتين الالتزامات" و"الروتين الحر" إزاي تغييرات بسيطة جدًا ممكن تعمل فرق كبير فكرة "لعبة الكراكيب" وتأثيرها النفسي العميق لو حاسس إنك تايه في دايرة مكررة ومش عارف تخرج منها… الحلقة دي ممكن تكون أول خطوة مستنية قصصكم وتجاربكم. كن... -
ليه بنوجع بعض؟ |أزمة التنمر| بودكاست أزمة غادة 10.03.2026 24mعمرك اتعرضت للتنمر قبل كده؟ ولا يمكن كنت يوم من الأيام الطرف التاني في الحكاية؟ في الحلقة دي من بودكاست أزمة غادة هنتكلم عن التنمر… الكلمة اللي ممكن تبان بسيطة أو هزار، لكنها أوقات بتسيب جرح نفسي يعيش مع الإنسان سنين طويلة. من خلال قصص وتجارب حقيقية حصلت في المدرسة، والمجتمع، وحتى في الشغل… هنحاول نفهم: ليه الناس بتتنمر؟ هل المتنمر نفسه ممكن يكون ضحية؟ وازاي ممكن كلمة أو موقف صغير يفضل محفور في الذاكرة لحد سنين طويلة؟ هتسمعوا في الحلقة حكايات عن التنمر على الشكل، الصوت، الاختلاف، وحتى المرض… وازاي بعض الناس قدرت تحول الألم ده لقوة ونجاح غير حياتهم. الحلقة دي كمان بتفتح سؤال مهم: إزاي نحمي نفسن... -
هل الغربة تستاهل تسيب كل حاجة عشانها؟ |أزمة الغربة| بودكاست أزمة غادة 03.03.2026 26mالغربة غربال… لكنها مش بس سفر. في الحلقة دي من أزمة غادة بنقرب من تجربة الغربة كما هي فعلًا: أول ليلة لوحدك في بلد جديدة، أول مرض بعيد عن أهلك، أول قرار كبير تاخده من غير سند ظاهر. إزاي الغربة بتغيّر الشخصية؟ هل فعلًا بتخلينا أقوى؟ ولا بتكشف جوانب فينا ما كناش شايفينها؟ من خلال تجربة شخصية حقيقية، وقصص لمغتربين عاشوا نفس الرحلة، بنناقش: معنى الغربة النفسية قبل الغربة الجغرافية تحمل المسؤولية الشخصية الوحدة والاكتئاب في الغربة فقدان الأمان بعيدًا عن العائلة الصداقة كسند في بلاد الغربة قرار الرجوع للوطن… هل هو ضعف أم شجاعة؟ الحلقة دي لكل مغترب، ولكل حد بيفكر يسافر، ولكل أهل عندهم ابن أو بنت بعيد... -
أزمة الفقد 24.02.2026 27mمن لحظة ما الدكتور قال “ادعوا لوالدكم”… كل حاجة جوايا اتغيّرت. في الحلقة دي من بودكاست أزمة غادة بحكي عن أصعب مرحلة ممكن يعدّي بيها أي حد… مرحلة ما بين الخوف، والانتظار، ومحاولة التماسك قدام الناس. حلقة عن الفقد… بس كمان عن السند، والمسؤولية، والحاجات اللي بتفضل عايشة جوانا حتى بعد ما أصحابها يمشوا. يمكن تحس إنها حكاية شخصية… بس غالبًا هتلاقي جزء منها شبهك. إعداد وتقديم: غادة عمر إشراف عام وإخراج: أحمد عادل -
بودكاست أزمة غادة 24.02.2026عن بودكاست أزمة غادة -
أزمة غادة ... في رمضان 2026 17.02.2026حياتنا تستاهل نعيشها بشكل افضل وكل ازمة لما نفك خيوطها المتشابكة بتمر علينا سهلة وبسيطة بودكاست هنتكلم فيا انا غادة عمر عن حياتي وحياتكم اليومية بقصص من الواقع مش من الخيال
Popular in
The podcast also appears in the podcast charts of these countries.