SBS Punjabi - ਐਸ ਬੀ ਐਸ ਪੰਜਾਬੀ

Episodes

• 
  ਵੰਡ ਦੀਆਂ ਅਣਭੁੱਲੀਆਂ ਯਾਦਾਂ: ਭਾਰਤ ਤੋਂ ਪਾਕਿਸਤਾਨ ਅਤੇ ਫਿਰ ਆਸਟ੍ਰੇਲੀਆ ਪਰਵਾਸ ਕਰਨ ਵਾਲੇ ਮਰਹੂਮ ਮਕਸੂਦ ਅਹਿਮਦ ਸ਼ੇਖ ਦੀ ਕਹਾਣੀ 15.08.2026 7m

  ਅਗਸਤ 1932 ਵਿੱਚ ਜਨਮੇ ਮਕਸੂਦ ਅਹਿਮਦ ਸ਼ੇਖ ਨੇ ਭਾਰਤ ਦੀ ਵੰਡ ਤੋਂ ਬਾਅਦ ਆਪਣੇ ਪਰਿਵਾਰ ਨਾਲ ਅੰਮ੍ਰਿਤਸਰ ਤੋਂ ਲਾਇਲਪੁਰ ਦਾ ਰੁਖ ਕੀਤਾ। ਜਵਾਨੀ ਵਿੱਚ ਆਸਟ੍ਰੇਲੀਆ ਪਰਵਾਸ ਕਰਨ ਵਾਲੇ ਸ਼ੇਖ ਨੇ, 90 ਸਾਲ ਤੋਂ ਵੱਧ ਉਮਰ ਵਿੱਚ ਇਸ ਦੁਨੀਆ ਤੋਂ ਰੁਖ਼ਸਤ ਹੋਣ ਤੱਕ, ਵੰਡ ਦੇ ਦਿਨਾਂ ਦੀਆਂ ਯਾਦਾਂ ਨੂੰ ਆਪਣੇ ਅੰਦਰ ਸੰਭਾਲੀ ਰੱਖਿਆ। ਇਸ ਐਪੀਸੋਡ ਵਿੱਚ ਐਸ ਬੀ ਐਸ ਨਾਲ ਹੋਈ ਗੱਲਬਾਤ ਦੌਰਾਨ ਉਨ੍ਹਾਂ ਨੇ ਵੰਡ ਨਾਲ ਜੁੜੀਆਂ ਆਪਣੀਆਂ ਯਾਦਾਂ, ਤਜਰਬੇ ਅਤੇ ਉਸ ਦੌਰ ਦੀਆਂ ਅਣਭੁੱਲੀਆਂ ਘਟਨਾਵਾਂ ਸਾਂਝੀਆਂ ਕੀਤੀਆਂ।
• 
  ਖ਼ਬਰਾਂ ਫਟਾਫੱਟ: ਹੌਰਮੁਜ਼ ’ਤੇ ਤਣਾਅ ਤੋਂ ਸਿਡਨੀ ਰਨਵੇਅ ਜਾਂਚ ਤੱਕ, ਵਨ ਨੇਸ਼ਨ ਵਿਰੋਧੀ ਰੈਲੀਆਂ ਅਤੇ ਗ੍ਰੇਟ ਬੈਰੀਅਰ ਰੀਫ਼ ਦੀ ਮੁੜ ਬਹਾਲੀ 14.08.2026 4m

  ਹੌਰਮੁਜ਼ ਜਲਮਾਰਗ ’ਤੇ ਤਣਾਅ, ਸਿਡਨੀ ਹਵਾਈ ਅੱਡੇ ’ਤੇ ਰਨਵੇਅ ਸੁਰੱਖਿਆ ਦੀ ਜਾਂਚ, ਵਨ ਨੇਸ਼ਨ ਵਿਰੋਧੀ ਵਿਦਿਆਰਥੀ ਰੈਲੀਆਂ, ਯੂਰਪ ਵਿੱਚ ਸੂਰਜ ਗ੍ਰਹਿਣ, ਆਸਟ੍ਰੇਲੀਆ ਦੀ ਪਰਵਾਸ ਨੀਤੀ ’ਤੇ ਸਿਆਸੀ ਮਤਭੇਦ ਅਤੇ ਗ੍ਰੇਟ ਬੈਰੀਅਰ ਰੀਫ਼ ਦੀ ਮੁੜ ਬਹਾਲੀ ਤੱਕ ਇਸ ਹਫ਼ਤੇ ਦੀਆਂ ਅਹਿਮ ਖ਼ਬਰਾਂ ’ਤੇ ਇੱਕ ਨਜ਼ਰ। ਨਾਲ ਹੀ, ਰੂਸੀ ਤੇਲ ਦੀ ਖਰੀਦ ਨੂੰ ਲੈ ਕੇ ਭਾਰਤ ਅਤੇ ਅਮਰੀਕਾ ਵਿਚਾਲੇ ਵਧ ਰਹੇ ਵਪਾਰਕ ਤਣਾਅ ’ਤੇ ਵੀ ਗੱਲਬਾਤ।
• 
  ਖ਼ਬਰਨਾਮਾ: ਅਮਰੀਕੀ ਟੈਰਿਫਾਂ ਤੋਂ ਰਾਹਤ ਦੀ ਉਮੀਦ, ਵਿਕਟੋਰੀਆ ਦੀ ਸਿਆਸਤ ਤੋਂ ਜੈਸਿੰਟਾ ਐਲਨ ਦੀ ਵਿਦਾਈ 14.08.2026 4m

  ਪ੍ਰਧਾਨ ਮੰਤਰੀ ਐਂਥਨੀ ਐਲਬਨੀਜ਼ੀ ਨਾਲ ਫ਼ੋਨ ’ਤੇ ਗੱਲਬਾਤ ਤੋਂ ਬਾਅਦ ਅਮਰੀਕੀ ਰਾਸ਼ਟਰਪਤੀ ਡੋਨਲਡ ਟਰੰਪ ਆਸਟ੍ਰੇਲੀਆਈ ਨਿਰਯਾਤ ’ਤੇ ਲੱਗੇ 12.5 ਫ਼ੀਸਦੀ ਟੈਰਿਫ ਤੋਂ ਛੋਟ ਦੇਣ ’ਤੇ ਵਿਚਾਰ ਕਰ ਰਹੇ ਹਨ। ਐਲਬਨੀਜ਼ੀ ਨੇ ਕਿਹਾ ਕਿ ਉਨ੍ਹਾਂ ਨੇ ਅਮਰੀਕਾ ਨਾਲ ਗੱਲਬਾਤ ਦੌਰਾਨ ਆਸਟ੍ਰੇਲੀਆ ਨੂੰ ਇਨ੍ਹਾਂ ਟੈਰਿਫਾਂ ਤੋਂ ਛੋਟ ਦੇਣ ਦੀ ਮੰਗ ਕੀਤੀ ਹੈ। ਉੱਧਰ, ਵਿਕਟੋਰੀਆ ਦੀ ਪ੍ਰੀਮੀਅਰ ਵਜੋਂ ਅਸਤੀਫ਼ਾ ਦੇਣ ਤੋਂ ਬਾਅਦ ਜੈਸਿੰਟਾ ਐਲਨ ਨੇ ਰਾਜਨੀਤੀ ਤੋਂ ਸੰਨਿਆਸ ਲੈਣ ਦਾ ਐਲਾਨ ਕੀਤਾ ਹੈ ਅਤੇ ਉਹ ਨਵੰਬਰ ਵਿੱਚ ਹੋਣ ਵਾਲੀਆਂ ਰਾਜ ਚੋਣਾਂ ਵਿੱਚ ਬੇਂਡੀਗੋ ਈਸਟ ਤੋਂ ਮੁੜ ਚੋਣ ਨਹੀਂ ਲੜੇਗੀ। ਇਨ੍ਹਾਂ ਸਮੇਤ ਆਸਟ੍ਰੇਲੀਆ ਅਤੇ ਦੁਨੀਆ ਦੀਆਂ ਹੋਰ ਅਹਿਮ ਖ਼ਬਰਾਂ ਲਈ ਇਹ ਪੌਡਕਾਸਟ ਸੁਣੋ।
• 
  From PM Albanese to Opposition Leader: Australian politicians extend wishes on Indian Independence Day - ਪ੍ਰਧਾਨ ਮੰਤਰੀ ਤੋਂ ਵਿਰੋਧੀ ਧਿਰ ਦੇ ਨੇਤਾ ਤੱਕ: ਆਸਟ੍ਰੇਲੀਆਈ ਸਿਆਸਤਦਾਨਾਂ ਨੇ ਭਾਰਤੀ ਆਜ਼ਾਦੀ ਦਿਹਾੜੇ ਉੱਤੇ ਸਾਂਝੀਆਂ ਕੀਤੀਆਂ ਸ਼ੁਭਕਾਮਨਾਵਾਂ 14.08.2026 6m

  Prime Minister Anthony Albanese has extended his wishes to India and Australians of Indian heritage on the country’s 80th Independence Day. He described the Indian diaspora as a “living bridge” between Australia and India. Hear from Albanese and other Australian political leaders as they share their messages on Indian independence and the Indian-Australian community in this podcast. - ਪ੍ਰਧਾਨ ਮੰਤਰੀ ਐਂਥਨੀ ਅਲਬਨੀਜ਼ੀ ਨੇ ਭਾਰਤ ਅਤੇ ਭਾਰਤੀ ਵਿਰਾਸਤ ਵਾਲੇ ਆਸਟ੍ਰੇਲੀਆਈ ਲੋਕਾਂ ਨੂੰ ਭਾਰਤ ਦੇ 80ਵੇਂ ਆਜ਼ਾਦੀ ਦਿਹਾੜੇ ਦੀਆਂ ਸ਼ੁਭਕਾਮਨਾਵਾਂ ਦਿੱਤੀਆਂ। ਉਨ੍ਹਾਂ ਨੇ ਆਸਟ੍ਰੇਲੀਆਈ-ਭਾਰਤੀ ਭਾਈਚਾਰੇ ਨੂੰ ਦੋਵਾਂ ਦੇਸ਼ਾਂ ਦਰਮਿਆਨ ਇੱਕ ‘ਪੁਲ’ ਕਰਾਰ ਦਿੰਦਿਆਂ ਭਾਰਤ ਦੀ ਆਰਥਿਕ ਅਤੇ ਲੋਕਤਾਂਤਰਿਕ ਤਾਕਤ ਦੀ ਸ਼ਲਾਘਾ ਕੀਤੀ। ਇਸ ਪੌਡਕਾਸਟ ਵਿੱਚ ਆਸਟ੍ਰੇਲੀਆ ਦੇ ਹੋਰ ਸਿਆਸੀ ਆਗੂਆਂ ਵੱਲੋਂ ਭਾਰਤੀ ਆਜ਼ਾਦੀ ਦਿਹਾੜੇ ਅਤੇ ਆਸਟ੍ਰੇਲੀਆ ਦੇ ਭਾਰਤੀ ਭਾਈਚਾਰੇ ਲਈ ਦਿੱਤੇ ਸੰਦੇਸ਼ ਵੀ ਸੁਣੋ।
• 
  ਪੰਜਾਬੀ ਡਾਇਸਪੋਰਾ: ਨਿਊਜ਼ੀਲੈਂਡ ਸਰਕਾਰ ਵੱਲੋਂ ਮਾਪਿਆਂ ਦੇ ਵੀਜ਼ਾ ਨਿਯਮਾਂ ਵਿੱਚ ਰਾਹਤ, ਹੁਣ ਵਧੇਰੇ ਪਰਿਵਾਰ ਹੋ ਸਕਣਗੇ ਇਕੱਠੇ 14.08.2026 7m

  ਪੰਜਾਬੀ ਡਾਇਸਪੋਰਾ ਦੇ ਇਸ ਐਪੀਸੋਡ ਵਿੱਚ ਜਿੱਥੇ ਨਿਊਜ਼ੀਲੈਂਡ ਸਰਕਾਰ ਵੱਲੋਂ ਮਾਪਿਆਂ ਦੇ ਵੀਜ਼ਾ ਨਿਯਮਾਂ ਵਿੱਚ ਦਿੱਤੀ ਗਈ ਰਾਹਤ ਦਾ ਜ਼ਿਕਰ ਹੈ, ਉੱਥੇ ਹੀ ਨਿਊਜ਼ੀਲੈਂਡ ਦੀ ਇੱਕ ਅਦਾਲਤ ਵਲੋਂ ਪੰਜਾਬੀ ਨੌਜਵਾਨ ਕਰਨਪ੍ਰੀਤ ਸਿੰਘ ਨੂੰ ਪੰਜਾਬੀ ਮੂਲ ਦੀ ਲੜਕੀ ਨਾਲ ਜਿਣਸੀ ਸੋਸ਼ਣ ਦੇ ਮਾਮਲੇ ਵਿੱਚ ਅੱਠ ਸਾਲ ਤੋਂ ਵੱਧ ਸਮੇਂ ਦੀ ਸਜ਼ਾ ਸੁਣਾਈ ਜਾਣ ਦੀ ਖਬਰ ਵੀ ਸ਼ਾਮਿਲ ਹੈ। ਇਸ ਦੇ ਨਾਲ ਹੀ ਕੈਨੇਡਾ ਵਲੋਂ ਹੁਣ ਤੱਕ 3300 ਭਾਰਤੀਆਂ ਨੂੰ ਦੇਸ਼ ਭੇਜੇ ਜਾਣ ਦਾ ਵੇਰਵੇ ਤੋਂ ਇਲਾਵਾ ਦੁਨੀਆਂ ਭਰ ਦੇ ਵੱਖ-ਵੱਖ ਮੁਲਕਾਂ ਵਿੱਚ ਵਸੇ ਪੰਜਾਬੀਆਂ ਨਾਲ ਜੁੜੇ ਅਹਿਮ ਅਪਡੇਟ ਵੀ ਸ਼ਾਮਿਲ ਹਨ। ਹੋਰ ਵੇਰਵੇ ਲਈ ਸੁਣੋ ਇਹ ਰਿਪੋਰਟ...
• 
  ਜਾਣੋ, ਆਸਟ੍ਰੇਲੀਆ ਦੀ ਵਿਆਜ ਦਰ ਹੋਰਨਾਂ ਮੁਲਕਾਂ ਦੇ ਮੁਕਾਬਲੇ ਕਿਉਂ ਹੈ ਜ਼ਿਆਦਾ? 14.08.2026 5m

  ਰਿਜ਼ਰਵ ਬੈਂਕ ਆਫ ਆਸਟ੍ਰੇਲੀਆ ਨੇ 11 ਅਗਸਤ ਨੂੰ ਹੋਈ ਮੀਟਿੰਗ ਵਿੱਚ ਵਿਆਜ ਦਰ ਨੂੰ 4.35 ਫੀਸਦੀ 'ਤੇ ਬਰਕਰਾਰ ਰੱਖਿਆ, ਜੋ ਅਮਰੀਕਾ, ਬ੍ਰਿਟੇਨ ਅਤੇ ਕੈਨੇਡਾ ਦੀਆਂ ਦਰਾਂ ਨਾਲੋਂ ਅਜੇ ਵੀ ਵੱਧ ਹੈ। ਆਰਬੀਏ ਗਵਰਨਰ ਮਿਸ਼ੇਲ ਬੁਲਕ ਨੇ ਕਿਹਾ ਕਿ ਮੂਲ ਮਹਿੰਗਾਈ ਅਜੇ ਵੀ ਮਿੱਥੇ ਗਏ ਟੀਚੇ ਤੋਂ ਵੱਧ ਹੋਣ ਕਾਰਨ ਅਤੇ ਈਂਧਨ ਦੀਆਂ ਵਧੀਆਂ ਕੀਮਤਾਂ ਕਾਰਨ ਭਵਿੱਖ ਵਿੱਚ ਵਿਆਜ ਦਰ ਵਧਾਉਣ ਦੀ ਸੰਭਾਵਨਾ ਤੋਂ ਇਨਕਾਰ ਨਹੀਂ ਕੀਤਾ ਜਾ ਸਕਦਾ। ਇਸੇ ਦਰਮਿਆਨ ਦੇਸ਼ ਦੇ ਵੱਡੇ ਬੈਂਕਾਂ ਨੂੰ 2026 ਵਿੱਚ ਹੋਰ ਬਦਲਾਅ ਦੀ ਉਮੀਦ ਨਹੀਂ ਹੈ, ਪਰ 2027 ਵਿੱਚ ਦਰਾਂ ਘਟਣ ਦੀ ਸੰਭਾਵਨਾ ਹੈ। ਵਿਆਜ ਦਰਾਂ ਦੇ ਮੌਜੂਦਾ ਹਾਲਾਤ ਬਾਰੇ ਅਰਥ ਸ਼ਾਸਤਰੀਆਂ ਅਤੇ ਮਾਹਿਰਾਂ ਦਾ ਕੀ ਕਹਿਣਾ ਹੈ ਇਹ ਜਾਨਣ ਲਈ ਸੁਣੋ ਇਹ ਪੌਡਕਾਸਟ...
• 
  Turban-wearing Sikh woman in Australian Defence Force, Amritpal Kaur, in conversation with SBS Punjabi - ਆਸਟ੍ਰੇਲੀਅਨ ਰੱਖਿਆ ਬੱਲ ਵਿੱਚ ਸੇਵਾ ਨਿਭਾਉਣ ਵਾਲੀ ਪਗੜੀਧਾਰੀ ਸਿੱਖ ਔਰਤ ਅੰਮ੍ਰਿਤਪਾਲ ਕੌਰ 13.08.2026 14m

  ‘Are you sure you are a female?’ Australia’s first turban-wearing Sikh woman in the Australian Defence Force, Amritpal Kaur, says she has repeatedly been asked about her gender because she wears a turban. A national-level athlete and the first initiated Sikh woman to qualify as a national-level athletics referee in Australia, Kaur says greater awareness is needed about turban-wearing Sikh women. - ਅੰਮ੍ਰਿਤਪਾਲ ਕੌਰ ਦਾ ਕਹਿਣਾ ਹੈ ਕਿ ਉਹ ਆਸਟ੍ਰੇਲੀਅਨ ਰੱਖਿਆ ਬਲ ਵਿੱਚ ਸੇਵਾ ਨਿਭਾਉਣ ਵਾਲੀ ਪਹਿਲੀ ਪਗੜੀਧਾਰੀ ਸਿੱਖ ਔਰਤ ਹੈ। ਪੰਜਾਬ ਦੇ ਅੰਮ੍ਰਿਤਸਰ ਤੋਂ ਆਸਟ੍ਰੇਲੀਆ ਆਈ ਅੰਮ੍ਰਿਤਪਾਲ ਦੱਸਦੀ ਹੈ ਕਿ ਉਸਨੂੰ ਸ਼ੁਰੂ ਤੋਂ ਹੀ ਕੁਝ ਵੱਖਰਾ ਕਰਨ ਦਾ ਜਜ਼ਬਾ ਸੀ, ਪਰ ਆਪਣੇ ਸੁਫਨਿਆਂ ਲਈ ਉਹ ਆਪਣੀ ਪਛਾਣ ਛੱਡਣਾ ਨਹੀਂ ਚਾਹੁੰਦੀ ਸੀ ਤੇ ਆਪਣੀਆਂ ਜੜ੍ਹਾਂ ਨੂੰ ਨਾਲ ਲੈ ਕੇ ਆਪਣੇ ਸੁਫਨਿਆਂ ਤੱਕ ਪਹੁੰਚਣ ਦਾ ਉਸਦਾ ਸਫ਼ਰ ਆਸਾਨ ਨਹੀਂ ਸੀ। ਅੰਮ੍ਰਿਤਪਾਲ ਮੁਤਾਬਕ, ਇੱਕ ਕੇਸਕੀ ਸਜਾਉਣ ਵਾਲੀ ਸਿੱਖ ਔਰਤ ਹੋਣ ਦੇ ਨਾਤੇ ਉਨ੍ਹਾਂ ਨੂੰ ਕਈ ਵਾਰ ਪੁੱਛਿਆ ਗਿਆ, “ਕੀ ਤੁਸੀਂ ਸੱਚਮੁੱਚ ਇੱਕ ਔਰਤ ਹੀ ਹੋ? ਪਗੜੀ ਤਾਂ ਸਿਰਫ਼ ਆਦਮੀ ਸਜਾਉਂਦੇ ਹਨ?”
• 
  ਖ਼ਬਰਨਾਮਾ: ਪਰਵਾਸ ਨੀਤੀ ਨੂੰ ਲੈ ਕੇ ਵਿਰੋਧੀ ਧਿਰ ਵਿਚਲੇ ਮਤਭੇਦ ਹੋਏ ਉਜਾਗਰ 13.08.2026 5m

  ਖ਼ਬਰਨਾਮਾ ਦੇ ਇਸ ਐਪੀਸੋਡ ਵਿੱਚ ਜਿੱਥੇ, ਆਸਟ੍ਰੇਲੀਆ ਦੀ ਵਿਰੋਧੀ ਧਿਰ ਵਿੱਚ ਪਰਵਾਸ ਨੀਤੀ ਨੂੰ ਲੈ ਕੇ ਸਾਹਮਣੇ ਆਏ ਮਤਭੇਦਾਂ ਦੀ ਖ਼ਬਰ ਦਾ ਜ਼ਿਕਰ ਹੈ, ਉਥੇ ਹੀ ਈਰਾਨ ਵਿੱਚ ਵਧ ਰਹੀਆਂ ਮੌਤ ਦੀਆਂ ਸਜ਼ਾਵਾਂ 'ਤੇ ਆਸਟ੍ਰੇਲੀਆ ਦੀ ਪ੍ਰਤੀਕ੍ਰਿਆ ਵੀ ਸ਼ਾਮਿਲ ਹੈ। ਕਾਬਿਲੇਗੌਰ ਹੈ ਕਿ ਆਸਟ੍ਰੇਲੀਆ ਸਮੇਤ 30 ਤੋਂ ਜ਼ਿਆਦਾ ਮੁਲਕਾਂ ਵੱਲੋਂ ਈਰਾਨ ਵਿੱਚ ਮੌਤ ਦੀ ਸਜ਼ਾ ਦਿੱਤੇ ਜਾਣ ਦੀ ਨਿੰਦਾ ਕੀਤੀ ਜਾ ਰਹੀ ਹੈ। ਇਨ੍ਹਾਂ ਸਮੇਤ ਹੋਰਨਾਂ ਅੰਤਰਰਾਸ਼ਟਰੀ ਖ਼ਬਰਾਂ ਲਈ ਸੁਣੋ ਇਹ ਪੌਡਕਾਸਟ...
• 
  Griffith ਦੇ ਖੇਤਾਂ ਤੋਂ AI ਰਾਹੀਂ ਸਿਹਤ-ਸੰਭਾਲ ਵਿੱਚ ਨਵੀਂ ਕ੍ਰਾਂਤੀ ਤੱਕ, ਐਸੋਸੀਏਟ ਪ੍ਰੋਫੈਸਰ ਨਰਿੰਦਰ ਪਾਲ ਸਿੰਘ ਦੇ ਕਾਰਜ 13.08.2026 11m

  Griffith, NSW ਦੇ ਇੱਕ ਕਿਸਾਨ ਪਰਿਵਾਰ ਵਿੱਚ ਪਲੇ ਤੇ ਵੱਡੇ ਹੋਏ ਐਸੋਸੀਏਟ ਪ੍ਰੋਫੈਸਰ ਨਰਿੰਦਰ ਪਾਲ ਸਿੰਘ ਨੇ Medicine, Artificial Intelligence ਅਤੇ research ਨੂੰ ਮਿਲਾ ਕੇ ਸਿਹਤ-ਸੰਭਾਲ ਦੇ ਖੇਤਰ ਵਿੱਚ ਵਿਲੱਖਣ ਪਛਾਣ ਬਣਾਈ ਹੈ। ਸਿਡਨੀ ਦੇ Westmead Hospital ਵਿੱਚ ਕੰਨ, ਨੱਕ ਅਤੇ ਗਲੇ, ਅਤੇ ਸਿਰ ਤੇ ਗਰਦਨ ਦੀ ਸਰਜਰੀ ਵਿਭਾਗ ਦੇ ਮੁਖੀ ਅਤੇ University of Sydney ਵਿੱਚ ਐਸੋਸੀਏਟ ਪ੍ਰੋਫੈਸਰ ਵਜੋਂ ਉਹ ਡਾਕਟਰੀ ਖੋਜ ਨੂੰ ਨਵੀਂ ਤਕਨਾਲੋਜੀ ਨਾਲ ਜੋੜ ਰਹੇ ਹਨ। ਵਧੇਰੇ ਜਾਣਕਾਰੀ ਲਈ ਸੁਣੋ ਇਹ ਪੌਡਕਾਸਟ...
• 
  ਬਾਲੀਵੁੱਡ ਗੱਪਸ਼ੱਪ: ਪ੍ਰਿਯੰਕਾ ਚੋਪੜਾ ਤੇ ਰਸਲ ਕ੍ਰੋਅ ਦੀ ਨਵੀਂ ਜੋੜੀ, ‘Blue Fly’ ਦੀ ਆਸਟ੍ਰੇਲੀਆ ਦੇ ਗੋਲਡ ਕੋਸਟ ’ਚ ਸ਼ੂਟਿੰਗ 13.08.2026 5m

  ਇਸ ਹਫ਼ਤੇ ਦੀ ਬਾਲੀਵੁੱਡ ਗੱਪਸ਼ੱਪ ਵਿੱਚ ਗੱਲ ਪ੍ਰਿਯੰਕਾ ਚੋਪੜਾ ਜੋਨਸ ਦੇ ਨਵੇਂ ਹਾਲੀਵੁੱਡ ਪ੍ਰੋਜੈਕਟ ‘Blue Fly’ ਦੀ ਵੀ ਹੈ, ਜਿਸ ਵਿੱਚ ਉਹ ਮਸ਼ਹੂਰ ਅਦਾਕਾਰ ਤੇ ਨਿਰਦੇਸ਼ਕ ਰਸਲ ਕ੍ਰੋਅ ਨਾਲ ਸਕ੍ਰੀਨ ਸਾਂਝੀ ਕਰੇਗੀ। ਸਾਇੰਸ-ਫਿਕਸ਼ਨ ਥ੍ਰਿੱਲਰ ਇਸ ਫਿਲਮ ਦੀ ਸ਼ੂਟਿੰਗ ਇਸ ਸਾਲ ਦੇ ਅਖੀਰ ਵਿੱਚ ਆਸਟ੍ਰੇਲੀਆ ਦੇ ਗੋਲਡ ਕੋਸਟ ’ਚ ਸ਼ੁਰੂ ਹੋਣੀ ਹੈ। ਇਸ ਦੇ ਨਾਲ ਹੀ ਪ੍ਰਿਯੰਕਾ ਕਰੀਬ ਅੱਠ ਸਾਲਾਂ ਬਾਅਦ ‘ਵਾਰਾਨਸੀ’ ਰਾਹੀਂ ਬਾਲੀਵੁੱਡ ਵਿੱਚ ਵੀ ਵਾਪਸੀ ਕਰ ਰਹੀ ਹੈ। ਇਸ ਤੋਂ ਇਲਾਵਾ ਸੁਣੋ ਫ਼ਿਲਮ ਅਤੇ ਮਨੋਰੰਜਨ ਜਗਤ ਨਾਲ ਜੁੜੀਆਂ ਹੋਰ ਅਹਿਮ ਖ਼ਬਰਾਂ 'ਬਾਲੀਵੁੱਡ ਗੱਪਸ਼ੱਪ' ਵਿੱਚ।
• 
  ਗੁਰਮਤਿ ਸੰਗੀਤ ਰਾਹੀਂ ਨਵੀਂ ਪੀੜ੍ਹੀ ਨੂੰ ਵਿਰਸੇ ਨਾਲ ਜੋੜ ਰਹੀ ਸਿਮਰਜੀਤ ਕੌਰ 12.08.2026 17m

  'ਆਸਟ੍ਰੇਲੀਅਨ ਸਿੱਖ ਐਵਾਰਡਸ ਫਾਰ ਐਕਸੀਲੈਂਸ' 2026 ਦੀ ‘Excellence in Arts, Culture or Music’ ਸ਼੍ਰੇਣੀ ਦੀ ਫਾਈਨਲਿਸਟ ਸਿਮਰਜੀਤ ਕੌਰ ਨਾਲ ਐਸ ਬੀ ਐਸ ਪੰਜਾਬੀ ਨੇ ਖਾਸ ਗੱਲਬਾਤ ਕੀਤੀ ਹੈ। ਮੈਲਬਰਨ ਵਿੱਚ 'ਮੈਲੋਡੀਆ ਟੂ ਬਲਿੱਸ' (Melodia to Bliss) ਮਿਊਯਿਕ ਸਕੂਲ ਚਲਾ ਰਹੀ ਸਿਮਰਜੀਤ ਕੌਰ ਨੇ ਸੰਗੀਤ ਨਾਲ ਆਪਣੇ ਬਚਪਨ ਤੋਂ ਸ਼ੁਰੂ ਹੋਏ ਸਫ਼ਰ ਅਤੇ ਗੁਰਮਤਿ ਸੰਗੀਤ ਨੂੰ ਨਵੀਂ ਪੀੜ੍ਹੀ ਤੱਕ ਪਹੁੰਚਾਉਣ ਦੇ ਆਪਣੇ ਮਕਸਦ ਬਾਰੇ ਗੱਲ ਕੀਤੀ ਹੈ। ਉਨ੍ਹਾਂ ਦੱਸਿਆ ਕਿ ਕਿਵੇਂ ਗੁਰਮਤਿ ਸੰਗੀਤ ਅਤੇ ਰਾਗਾਂ ਨੇ ਖ਼ੁਦ ਉਨ੍ਹਾਂ ਨੂੰ ਔਖੇ ਦੌਰ ਵਿੱਚੋਂ ਉਭਰਨ ਅਤੇ ਅੰਦਰੋਂ ਸੰਭਲਣ ਵਿੱਚ ਸਹਾਰਾ ਦਿੱਤਾ ਹੈ। ਆਪਣੀ PhD ਰਿਸਰਚ ਰਾਹੀਂ ਉਹ ਰਾਗਾਂ, ਧਿਆਨ ਅਤੇ ਸੰਗੀਤ ਦੇ ਮਨੁੱਖੀ ਮਨ 'ਤੇ ਪ੍ਰਭਾਵ ਨੂੰ ਵੀ ਸਮਝਣ ਦੀ ਕੋਸ਼ਿਸ਼ ਕਰ ਰਹੇ ਹਨ।
• 
  ਖ਼ਬਰਨਾਮਾ: ਆਸਟ੍ਰੇਲੀਆ ਵੱਲੋਂ ਲੰਬੀ ਦੂਰੀ ਦੀਆਂ ਮਿਜ਼ਾਈਲਾਂ ਦੇ ਪ੍ਰੀਖਣ ਤੋਂ 24 ਘੰਟੇ ਪਹਿਲਾਂ ਸੂਚਨਾ ਦੇਣ ਦੀ ਅਪੀਲ ਦੀ ਹਮਾਇਤ 12.08.2026 5m

  ਆਸਟ੍ਰੇਲੀਆ ਨੇ ਅਮਰੀਕਾ ਦੀ ਅਗਵਾਈ ਵਾਲੀ ਉਸ ਕੌਮਾਂਤਰੀ ਪਹਿਲਕਦਮੀ ਦੀ ਹਮਾਇਤ ਕੀਤੀ ਹੈ, ਜਿਸ ਤਹਿਤ ਦੇਸ਼ਾਂ ਨੂੰ ਲੰਬੀ ਦੂਰੀ ਦੀਆਂ ਬੈਲਿਸਟਿਕ ਮਿਜ਼ਾਈਲਾਂ ਦੇ ਪ੍ਰੀਖਣ ਜਾਂ ਲਾਂਚ ਤੋਂ ਘੱਟੋ-ਘੱਟ 24 ਘੰਟੇ ਪਹਿਲਾਂ ਸੂਚਨਾ ਦੇਣ ਦੀ ਅਪੀਲ ਕੀਤੀ ਗਈ ਹੈ। ਇਹ ਕਦਮ ਦੱਖਣੀ ਪ੍ਰਸ਼ਾਂਤ ਖੇਤਰ ਵਿੱਚ ਚੀਨ ਵੱਲੋਂ ਜੁਲਾਈ ਵਿੱਚ ਕੀਤੇ ਗਏ ਪਰਮਾਣੂ ਸਮਰੱਥਾ ਵਾਲੀ ਮਿਜ਼ਾਈਲ ਦੇ ਪ੍ਰੀਖਣ ਤੋਂ ਬਾਅਦ ਚੁੱਕਿਆ ਗਿਆ ਹੈ। ਆਸਟ੍ਰੇਲੀਆ ਸਮੇਤ 40 ਤੋਂ ਵੱਧ ਦੇਸ਼ਾਂ ਨੇ ਇਸ ਸਾਂਝੀ ਅਪੀਲ ਦਾ ਸਮਰਥਨ ਕੀਤਾ ਹੈ। ਇਸ ਤੋਂ ਇਲਾਵਾ ਅੱਜ ਦੀਆਂ ਹੋਰ ਅਹਿਮ ਖ਼ਬਰਾਂ ਲਈ ਸੁਣੋ ਇਹ ਪੌਡਕਾਸਟ।
• 
  'ਚਿਤਰਕਲਾ ਹੀ ਸਾਡੀ ਲਿੱਪੀ ਹੈ’: ਵਾਰਲੀ ਕਲਾ ਨੂੰ Sydney ਦੇ Powerhouse Parramatta ਲਿਆ ਰਹੇ ਭਾਰਤੀ ਕਲਾਕਾਰ ਭਰਾ 12.08.2026 9m

  ਭਾਰਤ ਤੋਂ ਮਹਾਰਾਸ਼ਟਰ ਦੇ ਆਦਿਵਾਸੀ ਵਾਰਲੀ ਭਾਈਚਾਰੇ ਨਾਲ ਸਬੰਧਿਤ ਕਲਾਕਾਰ ਮਈਯੁਰ ਅਤੇ ਤੁਸ਼ਾਰ ਵਾਏਡਾ, ਵਾਰਲੀ ਕਲਾ ਤੋਂ ਪ੍ਰੇਰਿਤ ਇੱਕ ਵਿਸ਼ਾਲ ਮਿਊਰਲ ਪੈਰਾਮੈਟਾ ਵਿਖੇ Powerhouse Parramatta ਦੀ ਉਦਘਾਟਨੀ ਪ੍ਰਦਰਸ਼ਨੀ ਲਈ ਤਿਆਰ ਕਰ ਰਹੇ ਹਨ। ਕੁਦਰਤੀ ਰੰਗਾਂ ਨਾਲ ਬਿੰਦੀਆਂ, ਲਕੀਰਾਂ ਅਤੇ ਆਕਾਰਾਂ ਰਾਹੀਂ ਮਨੁੱਖ, ਕੁਦਰਤ, ਵਾਰਲੀ ਮਿਥਿਹਾਸ ਅਤੇ ਪੁਲਾੜੀ ਦ੍ਰਿਸ਼ਾਂ ਨੂੰ ਦਰਸਾਉਂਦੀ ਇਹ ਕਲਾ ਵਾਰਲੀ ਭਾਈਚਾਰੇ ਦੀ ਸਦੀਆਂ ਪੁਰਾਣੀ ਵਿਰਾਸਤ ਨੂੰ ਉਜਾਗਰ ਕਰਦੀ ਹੈ। 2026 ਦੇ ਅਖੀਰ ਵਿੱਚ ‘Task Eternal’ ਪ੍ਰਦਰਸ਼ਨੀ ਦਾ ਹਿੱਸਾ ਬਣਨ ਵਾਲੇ ਇਸ ਮਿਊਰਲ ਅਤੇ ਦੋਵੇਂ ਕਲਾਕਾਰਾਂ ਦੇ ਪਿਛੋਕੜ ਤੇ ਕਲਾਕਾਰੀ ਬਾਰੇ ਗੱਲਬਾਤ ਇਸ ਆਡੀਓ ਵਿੱਚ ਸੁਣੋ।
• 
  ਪਾਕਿਸਤਾਨ ਡਾਇਰੀ: ਇੱਕ ’ਤੇ ਹਮਲਾ, ਤਿੰਨਾਂ ’ਤੇ ਹਮਲਾ- ਸਾਊਦੀ, ਪਾਕਿਸਤਾਨ ਤੇ ਤੁਰਕੀਏ ਦੀ ਨਵੀਂ ਡਿਫੈਂਸ ਡੀਲ 12.08.2026 6m

  ਸਾਊਦੀ ਅਰਬ, ਤੁਰਕੀਏ ਅਤੇ ਪਾਕਿਸਤਾਨ ਨੇ ਇੱਕ ਸਾਂਝੇ ਰੱਖਿਆ ਸਮਝੌਤੇ ’ਤੇ ਦਸਤਖ਼ਤ ਕੀਤੇ ਹਨ। ਇਸ ਸਮਝੌਤੇ ਤਹਿਤ ਇਹਨਾਂ ਵਿੱਚੋਂ ਕਿਸੇ ਇੱਕ ਦੇਸ਼ ’ਤੇ ਹੋਏ ਹਮਲੇ ਨੂੰ ਤਿੰਨਾਂ ਦੇਸ਼ਾਂ ’ਤੇ ਹਮਲਾ ਮੰਨਿਆ ਜਾਵੇਗਾ। ਅਧਿਕਾਰੀਆਂ ਮੁਤਾਬਿਕ ਇਸ ਨਾਲ ਇਨ੍ਹਾਂ ਤਿੰਨਾਂ ਖੇਤਰੀ ਤਾਕਤਾਂ ਵਿਚਾਲੇ ਸਹਿਯੋਗ ਹੋਰ ਮਜ਼ਬੂਤ ਹੋਵੇਗਾ। ਇਹ ਕਦਮ ਅਜਿਹੇ ਸਮੇਂ ਚੁੱਕਿਆ ਗਿਆ ਹੈ ਜਦੋਂ ਖੇਤਰ ਵਿੱਚ ਜੰਗ, ਟਕਰਾਅ ਅਤੇ ਫੌਜੀ ਤਣਾਅ ਵੱਧ ਰਿਹਾ ਹੈ। ਇਸ ਤੋਂ ਇਲਾਵਾ ਸੁਣੋ ਪਾਕਿਸਤਾਨ ਨਾਲ ਜੁੜੀਆਂ ਹੋਰ ਅਹਿਮ ਖ਼ਬਰਾਂ ਇਸ ਪੌਡਕਾਸਟ ਵਿੱਚ।
• 
  Can you pick fruit from someone's garden? - ਆਸਟ੍ਰੇਲੀਆ ਐਕਸਪਲੇਨਡ: ਕੀ ਤੁਸੀਂ ਆਸਟ੍ਰੇਲੀਆ ਵਿੱਚ ਕਿਸੇ ਹੋਰ ਦੇ ਦਰੱਖਤ ਤੋਂ ਫਲ ਤੋੜ ਸਕਦੇ ਹੋ? ਜਾਣੋ ਨਿਯਮ 12.08.2026 8m

  Walking through an Australian suburb, you might spot everything from curry leaves and lemons to tomatoes and herbs growing in front gardens or on verges. But is it legal to pick it? This guide explains when it's legal to pick produce, why permission matters, and how community gardens offer another way to grow your own food. - ਆਸਟ੍ਰੇਲੀਆ ਵਿੱਚ ਰਹਿੰਦੇ ਬਹੁਤ ਸਾਰੇ ਪੰਜਾਬੀ ਪਰਵਾਸੀ ਆਪਣੇ ਘਰਾਂ ਵਿੱਚ ਜਾਂ ਆਲੇ-ਦੁਆਲੇ ਨਿੰਬੂ, ਮਿਰਚਾਂ, ਧਨੀਆ, ਪੁਦੀਨਾ ਅਤੇ ਹੋਰ ਸਬਜ਼ੀਆਂ ਤੇ ਜੜ੍ਹੀਆਂ-ਬੂਟੀਆਂ ਉਗਾਉਂਦੇ ਹਨ। ਪਰ ਜੇ ਕਿਸੇ ਹੋਰ ਦੇ ਘਰ ਜਾਂ verge ’ਤੇ ਫਲ-ਸਬਜ਼ੀਆਂ ਉੱਗੀਆਂ ਹੋਣ ਤਾਂ ਕੀ ਤੁਸੀਂ ਉਹ ਤੋੜ ਸਕਦੇ ਹੋ? ਇਸ ਆਸਟ੍ਰੇਲੀਆ ਐਕਸਪਲੇਨਡ ਫੀਚਰ ਵਿੱਚ ਜਾਣੋ ਕਿ ਪੈਦਾਵਾਰ ਲੈਣ ਸਬੰਧੀ ਕੀ ਨਿਯਮ ਹਨ, ਸੜਕ ਨਾਲ ਲੱਗੀ ਪੱਟੀ ’ਤੇ ਕੀ ਉਗਾਇਆ ਜਾ ਸਕਦਾ ਹੈ ਅਤੇ ਭਾਈਚਾਰਕ ਬਗੀਚੇ ਰਾਹੀਂ ਆਪਣੀ ਮਨਪਸੰਦ ਪੈਦਾਵਾਰ ਉਗਾਉਣ ਦਾ ਵਿਕਲਪ ਕਿਵੇਂ ਮਿਲ ਸਕਦਾ ਹੈ।
• 
  ਕੋਵਿਡ ਰਾਹਤ ਤੋਂ ਪੰਜਾਬੀ ਭਾਸ਼ਾ ਮੁਹਿੰਮ ਤੱਕ: ਰਵਿੰਦਰ ਸਿੰਘ ਸਾਹਨੀ ਦਾ ਅਨੋਖਾ ਸੇਵਾ-ਸਫ਼ਰ 11.08.2026 10m

  'ਆਸਟ੍ਰੇਲੀਅਨ ਸਿੱਖ ਐਵਾਰਡਸ ਫਾਰ ਐਕਸੀਲੈਂਸ' ਦੀ Excellence in Community Service ਸ਼੍ਰੇਣੀ ਦੇ ਫਾਈਨਲਿਸਟ ਰਵਿੰਦਰ ਸਿੰਘ ਸਾਹਨੀ ਨਾਲ SBS Punjabi ਦੀ ਟੀਮ ਨੇ ਖਾਸ ਗੱਲਬਾਤ ਕੀਤੀ ਹੈ। ਕੈਨਬਰਾ ਵਿੱਚ ਵੱਸਦੇ ਰਵਿੰਦਰ ਸਾਹਨੀ ਨੇ ਦੱਸਿਆ ਕਿ ਸੇਵਾ ਦੀ ਭਾਵਨਾ ਉਹਨਾਂ ਨੂੰ ਪਰਿਵਾਰ ਤੋਂ ਵਿਰਸੇ ਵਿੱਚ ਮਿਲੀ ਹੈ, ਜੋ ਕੋਵਿਡ ਦੌਰਾਨ ਫ੍ਰੀ ਫੂਡ ਮੁਹਿੰਮ ਰਾਹੀਂ ਹੋਰ ਮਜ਼ਬੂਤ ਹੋਈ। ਉਹਨਾਂ ਨੇ ACT ਸਰਕਾਰ ਨਾਲ ਮਿਲ ਕੇ ਸਕੂਲੀ ਪਾਠਕ੍ਰਮ ਵਿੱਚ ਪੰਜਾਬੀ ਭਾਸ਼ਾ ਸ਼ਾਮਲ ਕਰਵਾਉਣ ਲਈ 2024 ਵਿੱਚ ਪਟੀਸ਼ਨ ਸ਼ੁਰੂ ਕੀਤੀ, ਜਿਸ 'ਤੇ ਹੁਣ ਕੰਮ ਜਾਰੀ ਹੈ। ਗੱਲਬਾਤ ਵਿੱਚ ਉਹਨਾਂ ਨੇ ਨਵੇਂ ਪ੍ਰਵਾਸੀਆਂ ਲਈ ਵੀਜ਼ਾ ਸ਼ਰਤਾਂ, ਸੱਭਿਆਚਾਰਕ ਸਮਝ ਅਤੇ ਡਰਾਈਵਿੰਗ ਨਿਯਮਾਂ ਬਾਰੇ ਵੀ ਅਹਿਮ ਸਲਾਹਾਂ ਦਿੱਤੀਆਂ ਹਨ। ਆਉਣ ਵਾਲੇ ਸਮੇਂ ਵਿੱਚ ਪੰਜਾਬੀ ਭਾਸ਼ਾ ਅਤੇ ਸਿੱਖ ਸੱਭਿਆਚਾਰ ਨੂੰ ਹੋਰ ਅੱਗੇ ਲਿਜਾਣ ਦੀ ਆਪਣੀ ਸੋਚ ਵੀ ਉਨ੍ਹਾਂ ਨੇ ਸਾਂਝੀ ਕੀਤੀ ਹੈ। ਵਧੇਰੇ ਜਾਣਕਾਰੀ ਲਈ ਸੁਣੋ ਇਹ ਗੱਲਬਾਤ।
• 
  ਖ਼ਬਰਨਾਮਾ: ਵਿਆਪਕ ਰਣਨੀਤਕ ਭਾਈਵਾਲੀ ਤੋਂ ਦੋ ਸਾਲ ਬਾਅਦ ਵੀਅਤਨਾਮੀ ਰਾਸ਼ਟਰਪਤੀ ਦੀ ਆਸਟ੍ਰੇਲੀਆ ਫੇਰੀ 11.08.2026 4m

  ਵੀਅਤਨਾਮ ਦੇ ਰਾਸ਼ਟਰਪਤੀ ਟੋ ਲਾਮ (To Lam) ਨੇ ਅੱਜ ਮੰਗਲਵਾਰ ਕੈਨਬਰਾ ਵਿੱਚ ਪ੍ਰਧਾਨ ਮੰਤਰੀ ਐਂਥਨੀ ਐਲਬਨੀਜ਼ੀ ਨਾਲ ਮੁਲਾਕਾਤ ਕੀਤੀ ਹੈ। ਇਸ ਤੋਂ ਪਹਿਲਾਂ ਸਵੇਰੇ ਹੋਏ ਇੱਕ ਰਸਮੀ ਸਮਾਰੋਹ ਵਿੱਚ ਆਸਟ੍ਰੇਲੀਆ ਦੇ ਗਵਰਨਰ ਜਨਰਲ ਵੱਲੋਂ ਉਹਨਾਂ ਦਾ ਸਵਾਗਤ ਕੀਤਾ ਗਿਆ। ਵੀਅਤਨਾਮ ਦੇ ਨੇਤਾ ਦੀ ਇਹ ਪਹਿਲੀ ਸਰਕਾਰੀ ਯਾਤਰਾ, ਆਸਟ੍ਰੇਲੀਆ ਅਤੇ ਵੀਅਤਨਾਮ ਵੱਲੋਂ ਆਪਣੇ ਦੁਵੱਲੇ ਸਬੰਧਾਂ ਨੂੰ 'ਵਿਆਪਕ ਰਣਨੀਤਕ ਭਾਈਵਾਲੀ' ਵਿੱਚ ਬਦਲਣ ਦੇ ਦੋ ਸਾਲ ਬਾਅਦ ਹੋਈ ਹੈ। ਇਸ ਤੋਂ ਇਲਾਵਾ ਅੱਜ ਦੀਆਂ ਹੋਰ ਅਹਿਮ ਖ਼ਬਰਾਂ ਲਈ ਸੁਣੋ ਇਹ ਪੌਡਕਾਸਟ।
• 
  ਪੰਜਾਬੀ ਡਾਇਰੀ: ਮੁੱਖ ਮੰਤਰੀ ਨੇ ਰੱਖਿਆ ਸ੍ਰੀ ਗੁਰੂ ਰਵਿਦਾਸ ਜੀ ਬਾਣੀ ਅਧਿਐਨ ਕੇਂਦਰ ਦਾ ਨੀਂਹ ਪੱਥਰ, ਸੁਖਬੀਰ ਬਾਦਲ ਦੀ ਮੋਦੀ ਨਾਲ ਮੁਲਾਕਾਤ 11.08.2026 8m

  ਪੰਜਾਬੀ ਡਾਇਰੀ ਦੇ ਇਸ ਪੌਡਕਾਸਟ ਵਿੱਚ ਪੰਜਾਬ ਸਰਕਾਰ ਵੱਲੋਂ ਡੇਰਾ ਸੱਚਖੰਡ ਬੱਲਾਂ (ਜਲੰਧਰ) ਵਿਖੇ ਸ੍ਰੀ ਗੁਰੂ ਰਵਿਦਾਸ ਜੀ ਬਾਣੀ ਅਧਿਐਨ ਕੇਂਦਰ ਦਾ ਨੀਂਹ ਪੱਥਰ ਰੱਖਣ ਦੀ ਖ਼ਬਰ ਸ਼ਾਮਿਲ ਹੈ। ਇਸ ਦੇ ਨਾਲ ਹੀ ਪੰਜਾਬ ਵਿਧਾਨ ਸਭਾ ਦੇ ਮਾਨਸੂਨ ਸੈਸ਼ਨ ਦੇ ਆਖਰੀ ਦਿਨ (10 ਅਗਸਤ) ਸਰਕਾਰ ਵੱਲੋਂ ਆਊਟਸੋਰਸ ਅਤੇ ਠੇਕੇ ਉਤੇ ਕੰਮ ਕਰਦੇ ਮੁਲਾਜ਼ਮਾਂ ਨੂੰ ਪੱਕਾ ਕਰਨ ਸਮੇਤ ਹੋਰ ਅਹਿਮ ਬਿੱਲ ਪੇਸ਼ ਕੀਤੇ ਜਾਣ ਦੀ ਖ਼ਬਰ ਸਮੇਤ ਸ਼੍ਰੋਮਣੀ ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਵੱਲੋਂ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਨਾਲ ਕੀਤੀ ਗਈ ਮੁਲਾਕਾਤ ਤੋਂ ਬਾਅਦ ਸ਼ੁਰੂ ਹੋਈਆਂ ਸਿਆਸੀ ਚਰਚਾਵਾਂ ਸਮੇਤ, ਹੋਰ ਅਹਿਮ ਸਰਗਰਮੀਆਂ ਸ਼ਾਮਿਲ ਹਨ। ਹੋਰ ਜਾਣਕਾਰੀ ਲਈ ਸੁਣੋ ਇਹ ਰਿਪੋਰਟ...
• 
  Kmart ਦੀਆਂ $89 ਵਾਲੀਆਂ ਸਮਾਰਟ ਐਨਕਾਂ: ਸਸਤੀ ਤਕਨਾਲੋਜੀ ਪਰ ਮਹਿੰਗੇ ਸਵਾਲ? 11.08.2026 5m

  ਕੇਮਾਰਟ (Kmart) ਵੱਲੋਂ ਲਾਂਚ ਕੀਤੀਆਂ $89 ਦੀਆਂ ਸਮਾਰਟ ਐਨਕਾਂ ਨੇ ਸਮਾਰਟ ਪਹਿਨਣਯੋਗ (Wearable) ਤਕਨਾਲੋਜੀ ਨੂੰ ਇੱਕ ਵਾਰ ਫਿਰ ਚਰਚਾ ਵਿੱਚ ਲਿਆ ਦਿੱਤਾ ਹੈ। ਇਹ ਐਨਕਾਂ ਵੀਡੀਓ ਰਿਕਾਰਡਿੰਗ ਅਤੇ AI ਫੀਚਰਾਂ ਨਾਲ ਲੈਸ ਹਨ ਅਤੇ ਮੈਟਾ ਤੇ ਰੇ-ਬੈਨ ਦੀਆਂ ਮਹਿੰਗੀਆਂ ਸਮਾਰਟ ਐਨਕਾਂ ਦਾ ਸਸਤਾ ਵਿਕਲਪ ਹਨ। ਪਰ ਮਾਹਿਰਾਂ ਦਾ ਕਹਿਣਾ ਹੈ ਕਿ ਇਹ ਸਾਰੀ ਪਹਿਨਣਯੋਗ ਤਕਨਾਲੋਜੀ ਨਿੱਜਤਾ ਅਤੇ ਸੁਰੱਖਿਆ ਸਬੰਧੀ ਗੰਭੀਰ ਸਵਾਲ ਖੜ੍ਹੇ ਕਰਦੀ ਹੈ, ਕਿਉਂਕਿ ਇਹ ਬਿਨਾਂ ਦੱਸੇ ਲੋਕਾਂ ਦੀ ਰਿਕਾਰਡਿੰਗ ਅਤੇ ਡਾਟਾ ਇਕੱਠਾ ਕਰਨ ਦੇ ਸਮਰੱਥ ਹਨ।
• 
  In a bid to curb net overseas migration, onshore applicants to get priority in skilled visa processing - ਵਿਦੇਸ਼ੀ ਪ੍ਰਵਾਸ ਘਟਾਉਣ ਦੀਆਂ ਕੋਸ਼ਿਸ਼ਾਂ ਤਹਿਤ onshore ਵੀਜ਼ਾ ਬਿਨੈਕਾਰਾਂ ਨੂੰ ਮਿਲੇਗੀ ਤਰਜੀਹ, PR ਦੀ ਰਾਹਦਾਰੀ ਕਿਨ੍ਹਾਂ ਲਈ ਹੋਵੇਗੀ ਸੌਖੀ? 10.08.2026 7m

  After mounting pressure over the net overseas migration numbers, the Federal government has tweaked the skilled visa processing priorities. As per the new ministerial directive, onshore applicants could get preference for a permanent spot. But migration experts have highlighted that this could lead up to visa hopping. To find out which skilled applicants stand to benefit from the new priorities, listen to this podcast. - ਸੰਘੀ ਸਰਕਾਰ ਨੇ ਵਿਦੇਸ਼ੀ ਪ੍ਰਵਾਸ ਘਟਾਉਣ ਲਈ ਹੁਨਰਮੰਦ ਵੀਜ਼ਿਆਂ ਦੀ ਪ੍ਰੋਸੈਸਿੰਗ ਵਿੱਚ ਬਦਲਾਅ ਕੀਤਾ ਹੈ। ਗ੍ਰਹਿ ਮੰਤਰੀ ਟੋਨੀ ਬਰਕ ਵੱਲੋਂ ਕੀਤੀਆਂ ਤਬਦੀਲੀਆਂ ਤਹਿਤ ਆਸਟ੍ਰੇਲੀਆ ਵਿੱਚ ਪਹਿਲਾਂ ਤੋਂ ਰਹਿ ਰਹੇ ਅਤੇ ਕੰਮ ਕਰ ਰਹੇ ਬਿਨੈਕਾਰਾਂ ਨੂੰ ਹੁਨਰਮੰਦ ਵੀਜ਼ਿਆਂ ਦੀ ਕਤਾਰ ਵਿੱਚ ਪਹਿਲ ਦਿੱਤੀ ਜਾਵੇਗੀ। ਪਰ ਇਸ ਬਦਲਾਅ ਨਾਲ ਕਿਹੜੇ ਵੀਜ਼ਾ ਅਤੇ ਪੇਸ਼ਿਆਂ ਵਾਲੇ ਬਿਨੈਕਾਰਾਂ ਲਈ PR ਦੇ ਰਾਹ ਸੌਖੇ ਹੋ ਸਕਦੇ ਹਨ ਅਤੇ ਕਿਨ੍ਹਾਂ ਨੂੰ ਲੰਬੀ ਉਡੀਕ ਕਰਨੀ ਪੈ ਸਕਦੀ ਹੈ? ਇਸ ਬਾਰੇ ਸੁਣੋ ਵੀਜ਼ਾ ਮਾਹਿਰ ਨਵਨੀਤ ਸਿੰਘ ਨਾਲ ਖਾਸ ਗੱਲਬਾਤ।