Truecopy THINK - Malayalam Podcasts

Truecopy THINK - Malayalam Podcasts

Truecopythink
Country India
Language EN-US
Episodes 1063
Latest 17.11.2026

Truecopy THINK is a daily updated digital platform for quality, in-depth journalism. It hosts multimedia content including long reads, podcasts, analyses, interviews, talks, and documentaries on subjects ranging from politics and culture to science and literature. The podcast is in Malayalam, catering to the Malayali diaspora.

Episodes

  • എന്താണ് OCD? ഒബ്സസീവ് കംപൽസീവ് ഡിസോഡർ? 17.11.2026 15m
    എന്താണ് ഒബ്‌സസീവ് കംപള്‍സീവ് ഡിസോര്‍ഡര്‍ (OCD)? എന്താണ് ഇതിന് ചകിത്സ? ഡോ. മനോജ് കുമാര്‍ സംസാരിക്കുന്നു. 
  • നിങ്ങൾക്ക് പേടിയുണ്ടോ? 16.11.2026 1h 9m
    ഭയമില്ലാത്ത മനുഷ്യരുണ്ടോ? മൃഗങ്ങൾക്കുമുണ്ട് ഭയം. മനുഷ്യപരിണാമത്തിൽ ഭയം പരിണമിച്ചത് എങ്ങനെയാണ്? വ്യക്തിപരമായ ഭയവും സാമൂഹികമായ ഭയവും എങ്ങനെയാണ് വ്യത്യാസപ്പെട്ടിരിക്കുന്നത്? ഭയമെന്ന വികാരത്തിൻ്റെ ശാസ്‌ത്രം വിവരിക്കുകയാണ് യൂണിവേഴ്സിറ്റി ഓഫ് മെൽബണിലെ സൈക്യാട്രി വിഭാഗം അസോസിയറ്റ് പ്രൊഫസറായ ഡോ. ആൽബി ഏലിയാസ്, മനില സി. മോഹനുമായുള്ള അഭിമുഖത്തിൽ. The Fearful Mind: The Psychological Portrait of Our Most Misunderstood Emotion എന്ന പുസ്‌തകത്തിൻ്റെ രചയിതാവായ ഡോ. ആൽബി ഏലിയാസ്, ഭയം അത്ര ഭയക്കേണ്ട വികാരമല്ല എന്നു പറയുന്നു.അഭിമുഖം: ഡോ: ആൽബി ഏലിയാസ് / മനില സി. മോഹൻ
  • കേരളത്തിന് താങ്ങാനാകുമോ ഡേറ്റാ സെന്ററുകള്‍ ? 15.11.2026 26m
    യു.എസ് ഇടക്കാല ഇലക്ഷനിൽ ട്രംപിനെതിരായ വിധിയെഴുത്തിലെ പ്രധാന കാരണങ്ങളിൽ ഒന്ന് ഡേറ്റ സെന്ററുകൾക്കെതിരായ ജനരോഷമായിരുന്നു. ജലവും വൈദ്യുതിയും ഭൂമിയും കവർന്നെടുക്കുന്ന ഡേറ്റ സെന്ററുകൾ വലിയ ആശങ്കയാണുയർത്തുന്നത്. ഇപ്പോഴിതാ, അവ മൂന്നാം ലോകരാജ്യങ്ങളിലേക്ക് കടത്തിക്കൊണ്ടുവരാൻ ആഗോള ടെക് കമ്പനികളും മൂന്നാം ​ലോക ഭരണാധികാരികളും തമ്മിൽ ഒരു ‘Broligarchy’ തന്നെ രൂപപ്പെടുന്നു. കേരളത്തിലേക്കും ഡേറ്റാ സെന്ററുകൾ വരുന്നു എന്ന് മുഖ്യമന്ത്രി വി.ഡി. സതീശൻ കഴിഞ്ഞദിവസം വാർത്താസമ്മേളനത്തിൽ സൂചന നൽകി. ഡേറ്റ സെന്ററുകൾ എന്തുകൊണ്ടാണ് ആശങ്ക ഉയർത്തുന്നത്: ദാമോദർ പ്രസാദ് സംസാരിക്കുന്നു.
  • നെഹ്റു എന്ന ഫോട്ടോഗ്രാഫ് 14.11.2026 40m
    ജവഹർലാൽ നെഹ്‌റുവിന്റെ വ്യക്തിത്വത്തിലെ വേണ്ടത്ര ചർച്ച ചെയ്യപ്പെടാത്ത ഒരു വശമാണ് അദ്ദേഹത്തിന് ഫോട്ടോഗ്രാഫിയിലുണ്ടായിരുന്ന താൽപ്പര്യം. ക്യാമറയ്ക്ക് മുന്നിൽ എങ്ങനെ ചിത്രീകരിക്കപ്പെടണമെന്നതിലും, തന്റെ ചിത്രങ്ങൾ എന്തുതരം സന്ദേശമാണ് നൽകേണ്ടതെന്നതിലും അദ്ദേഹം അതീവ ജാഗ്രത പുലർത്തിയിരുന്നു. കൊളോണിയൽ കാലഘട്ടത്തിൽ നിന്ന് ആധുനിക ഇന്ത്യയിലേക്കുള്ള മാറ്റത്തിന്റെ ഒരു ദൃശ്യചരിത്രം കൂടിയാണ് നെഹ്റുവിന്റെ ഫോട്ടോഗ്രാഫുകൾ- ഡോ. നിസാർ കിഴക്കയിൽ എഴുതുന്നു.
  • മാഫിയ, ദേര, സോഷ്യൽ മീഡിയ: മണം പിടിച്ചലഞ്ഞ വഴികൾ 13.11.2026 37m
    പെർഫ്യൂം ബിസിനസ്സ് എപ്പോഴും ആവശ്യക്കാരുള്ളതും നിരന്തരം അപ്ഡേറ്റ് ചെയ്യേണ്ടതും ലോകം മുഴുവൻ പടർന്നു കിടക്കുന്നതുമായ ഒന്നാണ്. മിറോസ് ഫ്രാഗ്രൻ്റ്സ് എന്ന ആ ബിസിനസ്സ് ബ്രാൻ്റിൻ്റെ വിജയ കഥ തുടരുകയാണ് കാപ്പിറ്റൽ തോട്സിൽ. ഭാഗം രണ്ട്.
  • സുഗന്ധം പരത്തുന്ന ഷഹദിന്റെ കഥ 12.11.2026 47m
    മിറോസ് ഫ്രാഗ്രൻ്റ്സ്, മുഹമ്മദ് ഷഹദ് എന്ന കോഴിക്കോട്ടുകാരൻ തൻ്റെ ഓർമകളും ജീവിതവും മനോഹരമായ അനുപാതത്തിൽ കലർത്തിയുണ്ടാക്കിയെടുത്ത ഒരു പെർഫ്യൂം ബ്രാൻഡാണ്. കോവിഡ് കാലത്ത് ചെറിയ കുപ്പികളിൽ അത്തറ് നിറച്ച് തുടങ്ങിയതാണ് ഷഹദിൻ്റെ കച്ചവടം. സുഗന്ധം പരത്തുന്ന ബിസിനസ്സിൻ്റെ ശാസ്‌ത്രവും സാമൂഹികതയും സുഗന്ധത്തിൻ്റെ ചരിത്രവും മണമുള്ള നാടുകളും ഭാവിയിലേക്കുള്ള പ്ലാനുകളുമെല്ലാം വിശദമായി സംസാരിക്കുകയാണ് ഷഹദ്. ദീർഘസംഭാഷണത്തിൻ്റെ ആദ്യ ഭാഗം കാണാം.
  • മലയാളത്തിന്റെ ഒരേയൊരു സരോജിനി 11.11.2026 52m
    മലയാളത്തിലെ എക്കാലത്തെയും ക്ലാസ്സിക് ചിത്രങ്ങളിലൊന്നായ ലോഹിതദാസിന്റെ ‘ഭൂതക്കണ്ണാടിയിലെ സരോജിനി എന്ന കഥാപാത്രത്തിലൂടെ മലയാളികളുടെ മനസ്സിൽ ചിര പ്രതിഷ്ഠ നേടിയ നടിയാണ് ശ്രീലക്ഷ്മി. മലയാള സിനിമയിലും ടെലിവിഷൻ ലോകത്തും വ്യക്തിമുദ്ര പതിപ്പിച്ച ശ്രീലക്ഷ്മി 'ഭൂതക്കണ്ണാടി' യിലെ അഭിനയത്തിന് മികച്ച രണ്ടാമത്തെ നടിക്കുള്ള സംസ്ഥാന അവാർഡും ‘മരണം ദുർബലം’, ‘അർദ്ധചന്ദ്രന്റെ രാത്രി’ തുടങ്ങിയ സീരിയലുകളിലെ അഭിനയത്തിന് രണ്ടു തവണ മികച്ച നടിക്കുള്ള സംസ്ഥാന ടെലിവിഷൻ അവാർഡും നേടിയിട്ടുണ്ട്. ലോഹിതദാസ്, മമ്മൂട്ടി, മോഹൻലാൽ എന്നിവർക്കൊപ്പമുള്ള അനുഭവങ്ങൾ, ഇന്ത്യയിൽ നിന്ന് ഓസ്കാർ എൻട്രി നേടിയ ആദ്യ മലയാള ചിത്രമായ 'ഗുരു'വിൽ രാജീവ് അഞ്ചലിനൊപ്പം പ്രവർത്തിച്ചതിന്റെ അനുഭവങ്ങൾ എന്നിവ സനിത മനോഹറുമായുള്ള അഭിമുഖത്തിൽ അവർ പങ്കുവെക്കുന്നു.
  • Breast Cancer: നേരത്തെ അറിയാം, പൂർണമായി മാറ്റാം 10.11.2026 41m
    സ്തനാ‍ർബുദം നേരത്തെ അറിയാൻ സാധിക്കുകയും, പൂ‍ർണമായും ഭേദമാക്കാൻ സാധിക്കുകയും ചെയ്യുന്ന ക്യാൻസറാണ്. എന്തൊക്കെയാണ് ഇതിന്റെ കാരണങ്ങളും ലക്ഷണങ്ങളും? നാലാം സ്റ്റേജിലെ സ്തനാർബുദത്തെ ഭയക്കേണ്ടതുണ്ടോ? പുരുഷന്മാരിലെ സ്തനാർബുദത്തെ നമ്മൾ വേണ്ടത്ര ഗൗരവത്തോടെ കാണുന്നുണ്ടോ? കൃത്യമായ അവബോധമാണ് നമുക്ക് വേണ്ടത്. ഈ പിങ്ക് ഒക്ടോബറിൽ സ്തനാർബുദത്തെക്കുറിച്ച് സംസാരിക്കുന്നു, ബേബി മെമ്മോറിയൽ ഹോസ്പിറ്റലിലെ സീനിയർ കൺസൾട്ടന്റ് റേഡിയേഷൻ ഓങ്കോളജിസ്റ്റ് ഡോ. ധന്യ കെ. എസ്.
  • സർക്കാറിനറിയുമോ, ആറു മാസമായി ഗോത്ര വിദ്യാർത്ഥികൾക്ക് മെന്റർ ടീച്ചർമാരില്ല 09.11.2026 1h 3m
    ഏറ്റവും പിന്നാക്കാവസ്ഥയിലുള്ള ഗോത്രവിദ്യാർത്ഥികളുടെ കൊഴിഞ്ഞുപോക്ക് തടയുകയും പഠനപിന്തുണ നൽകുകയും ചെയ്തുകൊണ്ടിരുന്ന മെന്റർ അധ്യാപകരെ സർക്കാർ ആറു മാസമായി നിയമിച്ചിട്ടില്ല. മെന്റർ ടീച്ചർമാരില്ലാത്തതുമൂലം വയനാട്, മലപ്പുറം, പാലക്കാട് ജില്ലകളി​ലെ ഗോത്ര വിദ്യാർത്ഥികൾ നേരിടുന്ന പ്രതിസന്ധിയെക്കുറിച്ച് സംസാരിക്കുന്നു വയനാട്ടിലെ മെന്റർ ടീച്ചർമാരായ മഞ്ജു കെ, പ്രകൃതി എൻ.വി., ആദിശക്തി സമ്മർസ്കൂ​ൾ സ്റ്റേറ്റ് കോ ഓർഡിനേറ്റർ മേരി ലിഡിയ എന്നിവർ.EDITORS ASSEMBLY: മഞ്ജു കെ., പ്രകൃതി എൻ.വി., മേരി ലിഡിയ, മനില സി. മോഹൻ, കെ. കണ്ണൻ.
  • അവരുടെ കണ്ണീരിൽ എന്റെ ശബ്ദം കുതിരുന്നു, അവർക്കായി ഞാൻ പാടുന്നു… 08.11.2026 43m
    ബാവുളിന്റെ പാട്ടുവഴികൾ എങ്ങനെയാണ് മനുഷ്യരുടെ കേൾവികളെയും അവരുടെ അനുഭവങ്ങളെയും മാറ്റിത്തീർക്കുന്നത് എന്ന് സ്വന്തം സംഗീതജീവിതത്തെ മുൻനിർത്തി പറയുകയാണ്, പാർവതി ബാവുൾ. ശബ്ദം കൊണ്ട് സൃഷ്ടിക്കാനാകുന്ന അത്യപൂർവമായ അനുഭൂതികളെക്കുറിച്ച്, പ്രിയഗായിക സംസാരിക്കുന്നു. സനിത മ​നോഹറുമായുള്ള അഭിമുഖത്തിന്റെ അവസാന ഭാഗം.
  • ഭൂപരിഷ്കരണം 2.0, അതേ വഞ്ചനയുടെ തുടർച്ച 06.11.2026 46m
    ആദിവാസി- ദലിത് വിഭാഗങ്ങളെ കോളനിവാസികളാക്കി മാറ്റിയ ഒന്നാം ഭൂപരിഷ് കരണത്തിൻ്റെ, കോർപറേറ്റ് ജന്മിത്വത്തിലേക്കുള്ള തുടർച്ചയാണ് വി.ഡി. സതീശൻ സർക്കാർ പ്രഖ്യാപിച്ച ഭൂപരിഷ്കരണം 2.0 എന്ന വിമർശനമുന്നയിക്കുന്നു എം. ഗീതാനന്ദൻ. തോട്ടം ഭൂമി ഏറ്റെടുക്കുന്നതിലെ രാഷ്ട്രീയ ഇച്ഛാശക്തിയില്ലായ്മ, ഭൂരഹിർക്ക് നൽകാൻ ഭൂമിയില്ല എന്ന നുണയുടെ പിന്നാമ്പുറം, മുഖ്യധാരാ രാഷ്ട്രീയത്തിൻ്റെ നയരാഹിത്യം തുടങ്ങിയ വിഷയങ്ങൾ കെ. കണ്ണനുമായുള്ള അഭിമുഖത്തിൽ സംസാരിക്കുന്നു.
  • കൈകൊണ്ടുണ്ടാക്കുന്ന മെഡിമിക്സ്, ഹൃദയം കൊണ്ട് നിർമിക്കുന്ന സിനിമ 05.11.2026 56m
    ലോകത്ത് ഏറ്റവും വിൽപ്പനയുള്ള ഹാൻഡ് മെയ്ഡ് സോപ്പായ മെഡിമിക്സിന് ഹൃദയഹാരിയായ ഒരു ജീവിതകഥയുടെ മണം കൂടിയുണ്ട്. ആ ജീവിതകഥയുടെ നായകനായ ഡോ. എ.വി. അനൂപിന്റെ ഇടപെടൽ ബിസിനസ്സിൽ മാത്രം ഒതുങ്ങുന്നതല്ല; നാടകത്തിന്റെയും ശ്രദ്ധേയമായ നിരവധി സിനിമകളുടെയും അഭിനയത്തിന്റെയും മേഖലകളിൽ പടർന്നുകിടക്കുന്നു. ബിസിനസ്സിന്റെയും കലയുടെയും അത്യപൂർവമായ ആ മേളനത്തെക്കുറിച്ചാണ് ഈ അഭിമുഖം: മെഡിമിക്സ് നിര്‍മാതാക്കളായ AVA ഗ്രൂപ്പിന്റെ മാനേജിംഗ് ഡയറക്ടർ ഡോ. എ. വി. അനൂപുമായി രാജേഷ് ആത്രശ്ശേരി സംസാരിക്കുന്നു.
  • കേരളത്തിൽ റോഡപകടങ്ങൾ ഇല്ലാതാക്കാൻ കഴിയുമോ? 04.11.2026 1h 6m
    കേരളത്തിലെ റോഡപകടങ്ങളുടെ കാരണമെന്താണ് ? ഒരു ദിവസം റോഡപകടങ്ങളിൽ ശരാശരി എത്രയാളുകൾ മരിക്കുന്നുണ്ട്? അപകടങ്ങൾ കുറയ്ക്കാൻ എന്തൊക്കെ ചെയ്യാൻ സാധിക്കും? സമഗ്രമായി വിശകലനം ചെയ്യുന്നു, കോഴിക്കോട് സിറ്റി ട്രാഫിക് എൻഫോഴ്സ്മെൻ്റ് യുണിറ്റിലെ സിവിൽ പൊലീസ് ഓഫീസറായ സന്തോഷ് കുമാർ എം.
  • ആഴ്സനൽ ജയിക്കും EPL 03.11.2026 21m
    മാഞ്ചസ്റ്റർ സിറ്റി ജയിക്കില്ല ഇത്തവണ. കാരണങ്ങൾ നിരവധി. ലാ ലിഗാ; തള്ളിക്കളയേണ്ട Real Madrid-നെ. അത്ലറ്റിക്കോ ഫാൻസ് ആരെങ്കിലും ഉണ്ടോ ഇതൊക്കെ കേൾക്കാൻ?ഫുട്ബോളിലെ അതിഭയങ്കര ദിവസങ്ങൾ ചർച്ച ചെയ്യുകയാണ് അന്താരാഷ്ട്ര സ്പോർട്സ് അനലിസ്റ്റ് ദിലീപ് പ്രേമചന്ദ്രനും കമൽറാം സജീവും.
  • മേതിലിനെ ഇഷ്ടപ്പെടാൻ എനിക്ക് വേറെ ന്യായങ്ങളൊന്നുമില്ല, അത് മേതിലാണെന്നതല്ലാതെ… 02.11.2026 4m
    മേതിലിനുവേണ്ടി വരച്ച, മേതിലിനെ വായിച്ച, മേതിലിനെ ഇഷ്ടപ്പെട്ട അനുഭവം എഴുതുന്നു, ചിത്രകാരൻ കെ. ഷെരീഫ്.
  • ജമാഅത്തെ ഇസ്ലാമിക്ക് കോടാലിക്കൈ പണിയുകയാണോ പ്രമോദ് രാമൻ? 01.11.2026 52m
    സ്വാതന്ത്ര്യത്തോടും ഇന്ത്യൻ ജനാധിപത്യത്തോടും ബാധ്യതയുള്ള എല്ലാ മാധ്യമ പ്രവർത്തകരും അനുഭവിക്കുന്ന സംഘർഷങ്ങൾ തന്നെയാണ് മീഡിയ വൺ എഡിറ്റർ പ്രമോദ് രാമന്റേതും. കേരളത്തിൽ, വിമർശിക്കപ്പെടുന്നത് ഇടതുപക്ഷമാണെങ്കിൽ പെട്ടെന്ന് ബ്രാൻഡ് ചെയ്യപ്പെടുക. ഏഷ്യാനെറ്റിലെയും ഇന്ത്യാവിഷനിലെയും മനോരമ ന്യൂസിലെയും ദീർഘകാലത്തെ ന്യൂസ് മാനേജ്മെന്റ് പരിചയമുള്ള ഈ മാധ്യമ പ്രവർത്തകൻ, ജമാഅത്തെ ഇസ്ലാമിക്ക്, ഇടതുപക്ഷമെന്ന മറവിൽ വിടുവേല ചെയ്യുകയാണെന്നുള്ള ആരോപണങ്ങളെ എങ്ങനെയാണ് കാണുന്നത്? എന്താണ് പ്രമോദ് രാമന്റെ മാധ്യമ സംഘർഷങ്ങൾ? കൂടെ ഇപ്പോൾ പുറത്തിറങ്ങിയ പുതിയ കഥാസമാഹാരത്തെ കുറിച്ചും കഥയെഴുത്ത് എന്ന സേഫ്റ്റി വാൽവിനെകുറിച്ചും പ്രമോദ് രാമൻ കമൽറാം സജീവിനോട് സംസാരിക്കുന്നു.
  • ലഹരിയുടെ സപ്ലൈ ചെയിൻ ബ്രേക്ക് ചെയ്യുകയാണ് ലക്ഷ്യം 31.10.2026 13m
    കുറ്റകൃത്യങ്ങളുടെ മാതാവാണ് ലഹരി. വ്യാപകമായി ലഹരി ഉപയോഗം നടക്കുന്നുണ്ടെങ്കിൽ സ്വാഭാവികമായും മറ്റ് ക്രൈമുകളുടെയും സാധ്യത കൂടുതലാണ്. കേരളത്തിലേക്കുള്ള ലഹരിക്കടത്തിന്റെ സപ്ലൈ ചെയിൻ തകർക്കുകയാണ് ഓപ്പറേഷൻ തൂഫാന്റെ പ്രധാനലക്ഷ്യം. ലഹരി പ്രതിസന്ധിയിലാക്കിയ മനുഷ്യരുടെ പുനരധിവാസവും പ്രധാനമാണ്. കോഴിക്കോട് സിറ്റി പൊലീസ് കമ്മീഷണർ എ.പി. ഷൗക്കത്തലി സംസാരിക്കുന്നു.
  • ആസക്തിയിൽ നിന്ന് മുക്തമാകാം, ലഹരി തുടരാതിരിക്കാം 30.10.2026 45m
    15 മിനിറ്റ് പിടിച്ചുനിന്നാൽ ലഹരിയോടുള്ള ആസക്തി കുറയ്ക്കാനാകുമോ? മദ്യവും പുകവലിയും ശരീരത്തെ ബാധിക്കുന്നതിനെക്കുറിച്ച് അറിയാവുന്നവർ കഞ്ചാവിന്റെ ദൂഷ്യഫലങ്ങളെ അവഗണിക്കുന്നത് എന്തുകൊണ്ടാണ്? ലഹരി സന്തോഷം നൽകുമെന്ന ധാരണയ്ക്കിടയിലും ചില ലഹരി ഉപയോക്താക്കൾ ആത്മഹത്യയിലേക്ക് നീങ്ങുന്നത് എന്തുകൊണ്ട്? ലഹരി ഉപേക്ഷിക്കുന്നതിനൊപ്പം അത് തുടരാതിരിക്കാനും ശ്രദ്ധിക്കണമെന്ന് വിശദീകരിക്കുകയാണ് കോഴിക്കോട് ഗവൺമെന്റ് മെഡിക്കൽ കോളേജിലെ സൈക്യാട്രി വിഭാഗം അസിസ്റ്റന്റ് പ്രൊഫസർ ഡോ. ടോം വർഗീസ് എം. ഒപ്പം ഓപ്പറേഷൻ തൂഫാന്റെയും വിമുക്തി കേന്ദ്രങ്ങളുടെയും പ്രാധാന്യത്തെക്കുറിച്ചും സംസാരിക്കുന്നു.
  • ഒരു കുതിര തകർത്ത മാഞ്ചസ്റ്റർ യുണൈറ്റഡ് 29.10.2026 14m
    മാഞ്ചസ്റ്റർ യുണൈറ്റഡിന്റെ ഇതിഹാസ മാനേജർ സർ അലക്സ് ഫെർഗ്യൂസണും പന്തയക്കുതിരയായ ‘റോക്ക് ഓഫ് ജിബ്രാൾട്ടറും’ തമ്മിലുള്ള ബന്ധം ചൂടേറിയ ചർച്ചയാണിപ്പോൾ. ക്ലബ്ബിന്റെ അസാധാരണമായ തോൽവിയുടെ തുടക്കം ഈ കുതിര കാരണമാണെന്ന് വരെ സിദ്ധാന്തങ്ങൾ വന്നു കഴിഞ്ഞു. യുണൈറ്റഡിന്റെ സമീപ മാനേജർമാരുടെയെല്ലാം ജോലി, പകുതി വഴിപോലുമാകാതെ നഷ്ടമാവുമ്പോൾ ഈ കുതിരയുടെ കാര്യം ചർച്ച ചെയ്യുകയാണ് പ്രശസ്ത അന്താരാഷ്ട്ര സ്പോർട്ട് അനലിസ്റ്റ് ആയ ദിലീപ് പ്രേമചന്ദ്രനും കമൽറാം സജീവും.
  • CRICKET, ജയിക്കുന്ന ഇന്ത്യയുടെ പ്രശ്നങ്ങൾ 28.10.2026 29m
    ന്യൂസീലൻഡിനോടുള്ള അഞ്ച് മത്സരങ്ങളുടെ പരമ്പരയിലെ ആദ്യ മൂന്നെണ്ണവും വിജയിച്ചിരിക്കുകയാണ് ഇന്ത്യ. എന്നാൽ, ബാറ്റർമാർ നിലയുറപ്പിക്കുമ്പോഴും ബോളർമാരെ അത്രയ്ക്ക് വിശ്വസിക്കാനാവുന്നില്ല. എന്താണ് യഥാർത്ഥ പ്രശ്നം? സൗത്ത് ആഫ്രിക്ക - ഓസ്ട്രേലിയ മൂന്നാം ടെസ്റ്റിൽ ആര് ജയിക്കുന്നതാണ് ലോക ടെസ്റ്റ് ചാമ്പ്യൻഷിപ്പിൽ ഇന്ത്യക്ക് ഗുണകരം?കൂടെ, ഏകദിന ക്രിക്കറ്റിൽ പാകിസ്താന്റെയും ശ്രീലങ്കയുടെയും ഉഗ്രൻ തിരിച്ചുവരവ് ക്രിക്കറ്റിന് നൽകുന്ന പുത്തൻ ഉണർവും ചർച്ച ചെയ്യുകയാണ് പ്രശസ്ത അന്താരാഷ്ട്ര സ്പോർട്ട് അനലിസ്റ്റ് ആയ ദിലീപ് പ്രേമചന്ദ്രനും കമൽറാം സജീവും.

Popular in

The podcast also appears in the podcast charts of these countries.